初見

营业中

休息中

呢間餐廳～初見～一直喺荃灣餐廳榜首，已經想食好耐，今日終於有機會一試。餐廳位於福來邨對面，平時經過門口都有人等位，約六時晚市開始便和朋友入座。餐廳日式食物種類包羅萬有，包括壽司、刺身、鍋物、沙律、拉麵、丼飯等等。 見佢餐牌都幾吸引，加上天氣轉涼，所以叫咗季節海鮮鍋配龍蝦湯，並轉餐+$35，包括一個刺身小碟和南瓜湯。而朋友單點店舖聞名的初見香草吉列牛。轉餐+$35的刺身包括三文魚和吞拿魚嗰兩片，肉質肥美，冇腥味。小店來講合格有餘。南瓜湯味道濃厚，配上少少忌廉口感，口感十分細滑。當然仲包一杯熱飲，不過+$5轉做可樂。季節海鮮鍋 $88海鮮鍋亦出乎意料湯底濃郁，龍蝦湯帶出鮮味，並配上青口，蝦，魷魚等等，而鍋內有不少配菜，配上白飯亦十分飽肚。而海鮮種類亦很多，蝦新鮮爽彈，三文魚塊亦十分嫩口，冬日嘗試係唔錯嘅選擇。香草吉列牛 $128朋友叫嘅香草吉列牛亦值得一試，吉列牛處理得十分香口，外層配上鬆脆的麵包糠和香草碎，配合牛肉的油脂味，份外配搭。牛肉質素亦唔錯，份量亦正常，有十塊以上，配上糖心蛋和白飯係絕配。荃灣$128呢個價錢來講可以推薦比大家。