凱悅軒

营业中

休息中

之前食過凱悅軒嘅點心放題都覺得唔錯，原本係book咗帶兩老嚟試下，但好可惜阿爸要返工，就只可以再搵日子再book去同佢食！但今餐係照舊同我阿媽去嘅～一早10點就到餐廳，座位安排得好快，我哋一行4人被安排咗喺卡位，係就窄咗d，但就自成一角！職員都好細心，主動問我哋要d咩，咁我哋就叫咗四碗竹蔗茅根紅蘿蔔豬展湯，叉燒，桂花蓮藕，肉鬆豆腐，蝦餃燒賣，春卷，炸鮮奶，同埋其他蒸點心！上菜好快，過咗5分鐘左右就已經開始上菜，好快就成枱都係嘢！先講講個叉燒，好鬆化，又有燶邊，又熱，好好味！桂花蓮藕酸酸甜甜咁又好香桂花味，做開胃前菜就最啱！肉鬆豆腐啲豆腐都好滑，個醬汁又好味！蝦餃燒賣就正正常常啦！個燒賣食得出係切咗粒嘅豬肉包嘅，好有咬口！個春卷芝士味好重好好味！炸鮮奶炸得好鬆脆！又唔太甜！食完一轉之後就當然叫多咗一轉啦！之後再叫咗甜品木瓜雪耳糖水同山楂凍糕，木瓜雪耳糖水清甜潤喉，個凍糕有少少山楂味，清清地幾好食！雖然得兩個鐘嘅用餐時間，但係都非常之足夠，唔會好趕！

今日請父母到海悅軒食晚飯所有餸都好有鑊氣，味道非常好，中菜完全沒有油膩感覺。龍蝦好好食！廚師即場在你面前整。每道菜都食到廚師用心煮出黎。甜品-西米蓮蓉布甸非常好味😋好想再食！服務一流，服務員非常細心，不用叫，佢地一見到你有任何需要，就即刻送上服務，令我們一家有一個開心的回憶。下次特別日子會再幫襯！

與家人聚餐，中菜必然是首選。多次到尖沙咀HYATT凱悅軒享用晚餐，食物質素都保持水準。首先點了幾款前菜小食：🥢雜菌素菜腐皮卷水準之作😋！外層炸得超香脆，內層腐皮濕潤、餡料充足，冬菇、蘿蔔絲填得滿滿。🥢椒鹽茄子外型似椒鹽豆腐，同樣炸得酥脆香口。🥢麻辣口水雞辣汁過於濃稠，雞肉”鞋”口，味道只是一般。🥢陳醋海蜇頭味道偏淡，陳醋份量不夠。吃完開謂前菜肚子仍是空空的，幸好當晚客人較少，其他餸菜上菜也很有效率。🥢山椒汁野菌炒牛肋骨肉肉質軟熟，山椒汁十分野味，卻不會搶去牛肉的鮮味，令雜菌更香口👍🏻。🥢果仁黑醋豬柳炸漿薄身酥脆，豬柳軟腍，黑醋汁酸甜度適中，開胃之餘又減低油炸的油膩感，不愧是餐廳精選推介之一👍🏻。早已預訂的兩款招牌菜式終於登場😍😍！🥢北京片皮鴨填鴨皮薄爽脆，每口都像吃薯片，最喜歡挑淨鴨皮 (走肉) 夾薄餅、青瓜吃。🥢脆皮茶香雞餐廳另一精選菜式，有別於一般脆皮雞，除了皮脆肉嫩外還多了淡淡的茶香煙薰味，味道更有層次😋，其實脆皮雞已經很入味，廚師特別以將檸檬汁代替傳統的喼汁，以清新的香味中和油膩感，更可以增加食慾。🥢鴨崧生菜包北京片皮鴨是二食，於是將片皮鴨剩下的鴨肉、沙葛、炸米炒成鴨菘伴以生菜

之前喺網上面見到有介紹所以就book黎試下時間係10點至12點，每人大約係$270左右佢係酒店嘅緣故所以入邊嘅環境同埋擺設都幾好坐得都好舒服唔會好迫夾而且服務嘅質素唔錯唔會有一種酒樓好Rush嘅感覺其實佢點心嘅選擇唔算好多其實基本上我全部都叫晒黎試落單嘅時候都係要叫服務員唔係自己用張紙嚟tick所有嘅點心都係即叫即蒸所以嚟到枱面係熱辣辣叉燒好嫩滑，半肥瘦而且蜜汁好香微暖嘅感覺啱啱好勁想要一碗白飯八味豆腐又係一個好好嘅選擇因為豆腐炸得超級脆但係入面有好滑係一個好特別嘅組合雞絲粉皮嘅雞完全係雞俾肉，超級滑而且雞嘅數量都唔少令我好驚喜嘅係一個瑤柱豉油王煎腸粉佢煎腸粉煎到好似鍋貼嘅皮一樣好香口蝦餃嗰啲蝦每一隻入面都至少有三四隻蝦而且每隻蝦都好彈牙本身以為麻蓉包係黑芝麻包但係原來係流沙嘅白麻蓉包佢入面係有芝麻同埋花生嘅嗰種香味不過其實都幾甜其實雞粥都幾好味，粥底都幾綿而且食得出入面都足料最尾有一碗熱嘅海帶綠豆沙同埋凍嘅桂花糕作為總結佢呢個綠豆沙真係好正海帶味有，而且唔會好甜綠豆亦都煮到起晒沙而呢一個桂花糕好清香好重嘅桂花味但係你唔會食到一支支桂花莖總括來講其實CP值唔係好高佢嘅點心選擇唔多但係每

上次到訪Hyatt 酒店已經是去年年中嘅事，那天下午在Hugo‘s 嘅午餐都唔錯，還記得那天是因為颱風關係才有嘅枱，Hyatt餐廳一直都係勁人氣，中菜嘅凱悅軒亦也不例外。 每隔一排都會有新菜式，今次以客家菜為主。難得朋友見到有新菜式之下，就立刻約咗張枱食飯，我當然奉陪。 一直都很喜歡可以呢間餐廳，坐得舒服又夠正，完全唔會好似出邊有啲酒店嘅酒樓都好似街市咁嘈，空間感十足。 先來係呢個花膠黃酒煮雞，相信大部份嘅女士都會鍾意。以新鮮雞加埋花雕，黃酒等等，花膠完全吸晒所有酒嘅精華，雞肉都幾嫩，又夠甜，不過當然最搶鏡係佢嘅湯，飲一口，基本上成個人又補又暖。 之後呢個筍乾紅燒肉，你睇紅燒肉以為好肥膩，但剛相反，你完全唔會覺得內疚，小巧工整一件咬起來特別有口感，最重要係個鹹酸菜，送飯真係一流，我想起了粉嶺嘅媚姐，當然媚姐重味少少，呢度技術當然勝一籌。 有食過小炒皇又鍾意食嘅，我推介你試吓呢個鮑魚小炒皇，完全冇諗過可以用名貴嘅食材攞嚟做呢樣嘢，鮑魚炒得好爽口，有大排檔嘅氣息，真係食到停唔到口。 蒸瑤柱蘿蔔丸子，呢個直頭係非常用心嘅菜式，你以為一個丸子好簡單，心機非常

小時候，坊間真係好多客家菜館，家中每每遇上值得慶祝的日子，老爸大多數都會選擇上附近的客家菜的館子。「凱悅軒」跟同門「沙田18」一樣，偶爾會推出家鄉菜色，而近日就主打「客家菜」。畢竟是限聚令下，只可以4人一檯，幸好凱悅軒在餸菜的份量上作出了調整，就算4個人，都可以品嚐到不同菜色，可說是從善如流。雖然「蒸瑤柱蘿蔔丸子」（$198）的賣相比較平實，但食落卻滿是鄉土風味，蘿蔔切絲後加入瑤柱絲及肉末，再用糯米粉搓成圓球，蒸好後澆上薄薄的一層玻璃芡，吃起來滿嘴都是蘿蔔味，與平日常吃到的蘿蔔糕又是另一番滋味。若然是愛喝上一杯的，「鮑魚小炒皇」（$298）就最啱你，鮑魚切成小件，加入了土魷絲及蝦乾，爆炒得既乾身又香口，仲有些少鑊氣，正。每次遇上「花膠黃酒煮雞」（$368），就會勾起兒子出世的日子。當年太太誕下麟兒，自己隔日就會買隻新鮮雞燉雞酒給進補，說起來，食足一個月以上，家陣諗起，都是一個美好回憶。單是黃酒煮雞已經夠補，仲要加入陳年花雕，難怪未揭蓋都已經傳來酒香。雞肉煮得耐，當然不會嫩滑，但相對地非常入味，大量薑絲帶來辛香，呷一口湯，鮮甜味美，盡是雞與酒的精華。另一道客家菜是「筍乾紅燒肉」（$228

雖然平日我的行徑經常嚇瓜人，但其實對嚇瓜菜 (客家菜) 沒甚研究，原來客家菜口味偏向濃重肥膩，早年為刻苦耐勞的客家人提供鹽分之餘，亦可讓他們扒多幾碗白飯，補充體力。時至今日，香港的客家人大概有200萬人，因此客家菜也成為香港最受歡迎的中菜之一。今天在凱悅酒店吃的客家菜當然更加矜貴，加上花膠、鮑魚等，但仍保持重口味的特色，我雖無幹開粗活，但一樣覺得好啱食！筍乾紅燒肉 $228這道菜有點像平日吃的東坡肉，不同的是底下有餐廳自家醃製的鹹酸菜，五花肉炆了半小時，軟腍入味，入口即溶，十分好送飯。 鮑魚小炒皇 $298說到好送飯，又怎可少了小炒皇？一碟裡面有齊多款美食，包括鮑魚、燒肉、魷魚、韭菜花、腰果、菜甫等等，鮑魚故然好味，但我的最愛竟是那三數元的菜甫，鹹香得來脆卜卜，有畫龍點睛之效。花膠黃酒煮雞 $368這個「花膠黃酒煮雞」一上桌已不得了，酒香四溢，叫人食指大動。原來這道菜是典型的客家菜，餐廳用上新鮮三黃雞，加入黃酒、生薑、黑木耳、紅棗及杞子煲至入味，最後加入軟綿綿的花膠再煮即成。拍完照，忍不住馬上勺一口湯來試，濃郁的雞酒味，味道甜甜的，超美味！再來一件雞，嫰滑惹味，花膠不用說啦，軟腍又養顏

客家菜絕對嫲嫲給我回憶的味道！這天來到凱悅軒品嚐主廚黃皓勤師傅在即日起至5月31日呈獻一系列的傳統客家特色菜，令我可以味覺重溫嫲嫲身前的點滴！這天難得四Queen共聚當然有傾不完的話題，我們邊吃著美味的客家菜邊暢詳談近況好不快樂呢！打頭陣的是瑤柱八寶釀豬肚＄138，將八寶餡料釀入豬肚內然後弄成這個手工菜，薄薄的一片吃下卻有滿滿口感令嘴巴非常豐足。接下來這鍋花膠黃酒煮雞＄368就精彩萬分了！首先黃師傅用的是新鮮三黃雞，配上黃酒、生薑、黑木耳、紅棗及杞子來炮製，還有女仕恩物滋補養顏的花膠，光是食材已經十分引人入勝了！先呷一口雞酒味道香甜又濃郁，好味得教人想一喝再喝停不了口耶！當然還有滑溜可口的花膠和嫩滑鮮味的雞肉，吃下又暖身又滋補真的十分十分美味。接力的是惹味的鮑魚小炒皇＄298，這小炒王加入了煙韌的土魷、彈牙鮮味的鮑魚還有超巨型的金勾，加上蝦膏的點綴配合清甜蒜芯成件事實十分匹配，如果在大排檔相信我必定會點一支大啤來享用！接下來這個既邪惡又美味的筍乾紅燒肉＄228又是一客教人拜倒石榴裙下的的菜色！那工整的五花肉弄得入味又鬆化，連皮帶肉吃下真的非常吸引，但另一亮點黃師傅自家醃製的鹹酸菜更加誘

客家菜  hò siit (好食)！鹽焗雞、釀豆腐、燜豬肉、薑酒雞、梅菜扣肉 ......  客家菜之所以吸引我，貴乎其鹹香潤的特質，往往流連舌尖、百吃不膩。既然喜歡客家菜，又怎能錯過「凱悅軒」黃皓勤主廚的新煮意！甫坐下，熱底的我如常向侍應答道 — 菊花茶，一眼關七、天賦順風耳的經理馬上過來，隨即推介新茗系列中的貽菊茶 HK$40/位！根據資料介紹，貽菊茶有助腸胃蠕動，改善胃脹氣及清理腸胃的功效！  自己對茗茶一曉不通，但貽菊茶的香氣明顯比菊花茶更為特出、茶味更持久！除了中國茗茶 HK$25/位，新添的茗茶選擇多樣花，各式花茶 HK$40-60/位、白茶 HK$70-80/位、綠茶 HK$60-90/位、烏龍茶 HK$40-80/位及遠年和珍藏舊普洱茶 HK$60/位，將喝茶環節變得更有趣味，下次有興趣一試白茶！嗒著貽菊茶、等侍心儀的客家菜！頭盤的瑤柱八寶釀豬肚 HK$138 混合客家人愛做的釀菜和喜愛的豬肚食材，賣相精美。瑤柱八寶釀豬肚的雲石花斑是由乾瑤柱、豬手、冬菇、糯米飯、雞蛋、松子仁和醃菜合成，除了滿滿膠質，還釋出不同的層次感，蘸上醋汁食用，更擁有如同豬腳凍的風味！黃皓勤主廚將

因為買咗折扣券，到期日在即，於是乎一個月去了兩次凱悅軒食晚飯，由於兩次食嘅嘢都有唔同，就決定集合以一個食評去介紹一下。食物味道: 個人覺得食物味道和賣相都相當有水準，比起大家追捧嘅「明閣」有過之而無不及。食物份量: 主菜都係份量十足，四個人都夠食有突，絕對唔會細到兩個人得一兩啖價錢: 以酒店而言，又以價錢比對份量，確實物有所值環境: 環境清幽，現場播放中式或西式輕音樂，感覺休閑。服務: 服務殷勤有禮。回頭指數(10分滿分): 10分

酒店任點點心，早市或下午茶有七折，連加一約$280，看來化算，就來試試。平日的下午三時，約七，八檯客人，坐得疏落舒服，待應十分專業殷勤，詳細解釋點餐安排，和各項收費，印象加分餐牌上約二十多款點心飯面甜品，都差不多試了，全部都水準不俗，都是好吃的。但老實說，香港很多酒樓都能做出好點心， 要能做得再好吃很多實在不容易， 但這兒除了點心好吃之外，舒適的環境，出色的服務，令到用餐感受十分良好。各款點心中，我最喜歡的是蜜汁叉燒，蝦肉時蔬餃，味醬金錢肚，芒醬沙律蝦角，櫻花蝦鹹水角和鮑貝北菇雞粥，酒樓的XO醬也令人吃不停口

凱悅軒的早鳥點心放題有discount (30%), 很受歡迎, 通常要book位,我早大約一個月book先有weekend。餐牌是有機會改的, 今日餐牌有蝦角, 正!叉燒好味, 淋, 香, 夠熱.咸水角好味, 但皮好些厚. 可encore.服務好, 是酒店水平. 有2小時,非常夠時間. 

K哥早於個幾月前成功申請放年假，身為網上飲食平台達人嘅佢即相約XO仔於尖沙咀「凱悅軒」以半價享用酒店中菜，非常慶幸晚聚剛剛趕得及禁堂食措施生效前夕進行，可以預早慶祝埋聖誕節。「凱悅酒店」與K11購物藝術館相連，過海搭地鐵最方便，行經商場三樓嘅通道更可直達餐廳。酒店餐廳門面光亮時尚。牆身嘅屏風及接待處嘅茶具均流露著中國風。用餐大堂樓底高高，散座分隔得好開，環境甚為闊綽。不過有點好奇怪，雖然大堂舖上地毯，食客人數亦不多，但就非常應聲。相信場內最好坐就係啲獨立式半廂房卡位，空間感同私隱度都明顯較高。二人有幸被安排入座其中之一張，厚墊梳化十分舒適。餐桌上有齊備嘅自用及公用餐具。當中有個摺得埋嘅紙造口罩套，俾個機會貴客玩吓勞作。另附三款的骰調味醬。調味拼盤原先擺放於餐桌中間，誰不知移開時枱布即黏上留喺拼盤底嘅汁液，似乎衛生意識欠奉！據悉，手機程式嘅半價優惠只適用於單點菜式，套餐及酒水唔會有折。眼見啤酒最平$80，意大利汽酒更要成$190/杯，實在唔抵，結果小肥就好乖咁淨飲熱水，不過都要俾$25/位茶錢。年輕嘅服務生態度有禮，兩口子脂脂油油地點菜都冇人催促過或俾黑面，有耐性得黎只係欠缺少少熱誠。紅