影片
更多
2021-03-21
1262 浏览
上次到訪Hyatt 酒店已經是去年年中嘅事，那天下午在Hugo‘s 嘅午餐都唔錯，還記得那天是因為颱風關係才有嘅枱，Hyatt餐廳一直都係勁人氣，中菜嘅凱悅軒亦也不例外。 每隔一排都會有新菜式，今次以客家菜為主。難得朋友見到有新菜式之下，就立刻約咗張枱食飯，我當然奉陪。 一直都很喜歡可以呢間餐廳，坐得舒服又夠正，完全唔會好似出邊有啲酒店嘅酒樓都好似街市咁嘈，空間感十足。 先來係呢個花膠黃酒煮雞，相信大部份嘅女士都會鍾意。以新鮮雞加埋花雕，黃酒等等，花膠完全吸晒所有酒嘅精華，雞肉都幾嫩，又夠甜，不過當然最搶鏡係佢嘅湯，飲一口，基本上成個人又補又暖。 之後呢個筍乾紅燒肉，你睇紅燒肉以為好肥膩，但剛相反，你完全唔會覺得內疚，小巧工整一件咬起來特別有口感，最重要係個鹹酸菜，送飯真係一流，我想起了粉嶺嘅媚姐，當然媚姐重味少少，呢度技術當然勝一籌。 有食過小炒皇又鍾意食嘅，我推介你試吓呢個鮑魚小炒皇，完全冇諗過可以用名貴嘅食材攞嚟做呢樣嘢，鮑魚炒得好爽口，有大排檔嘅氣息，真係食到停唔到口。 蒸瑤柱蘿蔔丸子，呢個直頭係非常用心嘅菜式，你以為一個丸子好簡單，心機非常
每隔一排都會有新菜式，今次以客家菜為主。難得朋友見到有新菜式之下，就立刻約咗張枱食飯，我當然奉陪。
一直都很喜歡可以呢間餐廳，坐得舒服又夠正，完全唔會好似出邊有啲酒店嘅酒樓都好似街市咁嘈，空間感十足。
先來係呢個花膠黃酒煮雞，相信大部份嘅女士都會鍾意。以新鮮雞加埋花雕，黃酒等等，花膠完全吸晒所有酒嘅精華，雞肉都幾嫩，又夠甜，不過當然最搶鏡係佢嘅湯，飲一口，基本上成個人又補又暖。
之後呢個筍乾紅燒肉，你睇紅燒肉以為好肥膩，但剛相反，你完全唔會覺得內疚，小巧工整一件咬起來特別有口感，最重要係個鹹酸菜，送飯真係一流，我想起了粉嶺嘅媚姐，當然媚姐重味少少，呢度技術當然勝一籌。
有食過小炒皇又鍾意食嘅，我推介你試吓呢個鮑魚小炒皇，完全冇諗過可以用名貴嘅食材攞嚟做呢樣嘢，鮑魚炒得好爽口，有大排檔嘅氣息，真係食到停唔到口。
蒸瑤柱蘿蔔丸子，呢個直頭係非常用心嘅菜式，你以為一個丸子好簡單，心機非常，師傅用上蘿蔔切絲然後每粒加入瑤柱絲同豬肉，然後加上糯米粉搓成一個丸子， 一整粒吃下去就好似吃緊蘿蔔糕嘅感覺，但質感又完全唔同蘿蔔糕，非常特別。
主食係客家鹹茶飯，奉上嘅時候已經十分精美，將紫砂茶壺倒出了鐵觀音茶落個飯到，加點脆米，鹹肉同蔥香和茶嘅化學作用非常之夾，一口一口好似吃湯飯一樣，那刻多麼想呢刻可以回到中國當地吃真正嘅客家菜。
婆婆從前很喜歡吃茶粿，我自己就唔特別喜歡，但係因為由細食到大，而家都唔特別抗拒，呢度嘅茶果做到非常之彈牙，口感非常精彩，甜度不高，豆沙味夠，我相信如果婆婆唔係老人院，我一定會帶佢嚟食呢個甜品。
當然要點個酥皮流沙盞，P先生一講起呢度就一定會讚，今次呢個流沙盞做得更加好，夠熱夠香夠鬆化，賣相靚仔，絕對值得經過河內道都要試。
最後叫咗個楊枝甘露，完美了這個客家下午。
朋友N小姐說這類水準非常不穩定，幸好我兩次來到都不太差，可以嘅話搵次機會同N小姐試吓，會唔會佢又有另一番嘅想法？
凱悅軒
尖沙咀河內道18號香港尖沙咀凱悅酒店3樓
张贴
