凡高廚房

营业中

休息中

到銅鑼灣搵野食，都不少樓上舖，今次同朋友搵到間有主題的餐廳，就是整間舖都是以凡高作主題，有凡高的畫作包圍著吃東西，感覺自己都有幾分藝術感，哈哈。▲店門裝飾都別有心思▲除了有畫，還有鋼琴，電視▲餐廳空間算廣寬▲另有桌球娛樂設施，開party一定不會無聊我們2個人叫了2人海鮮拼盤餐，有海鮮又有肉，非常豐富。▲先叫了mocha+雪糕，品嚐到咖啡又吃到冰涼的雪糕，真的是夏天的涼飲▲1X 波士頓龍蝦(全隻)      1X 全隻睡蟹(全隻)      2X 加拿大翡翠螺      6X 法國藍青口   4X 太平陽虎蝦   2X 時令活生蠔海鮮拼盤完全不馬虎，有睇頭，又新鮮。波士頓龍蝦肉質鮮甜，睡蟹大隻又多膏。▲熟三文魚再包著酸菜，好有口感，亦非常開胃。▲由8種不同菇類打製而成，湯內有大量菇粒，再加上提子麥包，口感一流，每一口都吃到新鮮的菇粒。▲田螺配薯蓉，比較淡，但都不錯的嘗試。▲肉感不錯，亦沒有太大蘇味，而且分量都好足。▲好大條魚，魚肉非常多，而且沒有太多碎骨，煎得剛剛好，肉身很滑，配薯蓉及少許椒鹽，香口又好味。▲比外面甜品店的更大，用了黑朱古力製作，不會太甜，而且整個造型都好令我滿意。

從出𨋢開始 已經被餐廳嘅裝修吸引住今晚相約設計師朋友 一齊享受呢間吸睛餐廳踏入餐廳 裝潢完全美得有點令人O咀由牆嘅顏色 燈飾同油畫 相信都經過精心挑選食飯之餘 重可以同朋友篤下波🎱餐廳非常出名嘅羊架 據說係食酒渣長大羊蘇味唔會太重 既然咁出名 當然要試下啦套餐$388 前菜 湯 主菜 甜品同飲品全包😙先食前菜三文魚配酸菜 擺設已經似一幅畫熟嘅三文魚包住酸酸的蘿白絲同酸菜粒十分醒胃 再配上爽甜蝦肉👍🏼餐廳其中一個主打 98%蘑菇忌廉湯唔會杰杰的 粒粒蘑菇嘅口感 好飲但有點膩香草餐包 熱辣辣 香草味濃 有燕麥口感終於等到餐廳主打羊架了😙😙三大舊羊架 入口果然唔蘇 肉質juicy 烤嘅時間岩岩好 唔會太老👍🏼廚師本身加左少許鹽巴 所以唔點醬都👍🏼作為配菜嘅薯角 製作一點都唔馬虎蒜蓉醬均勻地查係已炸嘅薯角上薯角食落脆口之餘 好香蒜蓉味👍🏼👍🏼相對食物 餐飲比較失色 有少許失望西柚味嘅雪糕梳打 可惜沒有西柚味⋯甜品點了心太軟 店員說大約等15-20分鐘 結果等了一倍時間⋯看來時間拿捏方面要加油幸好出來沒有令人失望 完全做到流心效果而且蛋糕做得非常好食😋😋😋總結一下 餐廳設計真的很美 好舒服店員服

朋友介紹上黎，環境相當不錯，有畫有燈，古典味道足，又有「千秋」，樓底高冇咁嘈，但冷氣太大要扣分。最喜歡露旬意粉。焦糖燉蛋蛋質濃實甜度適中。8種菇溝出來的湯很不錯，似是店內招牌。招呼不錯，值得再食多次

假期前夕的星期六要上班, 真令人 好彩都係番半日, 放工就好好對待自己啦! 約埋Honey食完lunch拍下拖 行下shopping下 之前望過openrice有人介紹過呢間起我心目中幾特別既西餐廳, 今日終於來到啦 它是一間樓上餐廳, 位置近消防局, 行前少少就係銅鑼灣的購物區, 都幾方便未入到餐廳, 門外已很有藝術feel, 放左幾幅油畫我個人唔係太有藝術細胞, 間中來扮下偽文青, 呢個地方可算不錯!打開餐廳大門, 咦....點解會有張桌球檯既?! 好似同藝術無關喎anyway, 牆上都掛住其他油畫, 其他角落都有藝術feel暗紅色的環境, 有點昏暗的燈光, 相信夜晚到來必是很浪漫及帶神秘感不過我們中午到來, 有大玻璃窗折射天然光, 神秘感減退當然同男友拍拖了一段日子, 大家都不再神秘了如果仍在約會初期, 不妨考慮下來這裡用餐喔 每張都是梳化椅, 坐得耐都唔會Pat Pat痛 侍應遞上Menu, Lunch Set 有行政套餐及精選午餐隨後也作簡單的介紹, 他介紹餐廳裡的signature : 羊架可惜我同Honey都不吃羊, 沒福氣試它的signature!最後Ho

✿╮❤╭✿✿雜感女生 好味日記✿˚*•✰。凡高廚房．高雅西餐大飽「眼腹」。✰•*˚✿✿舌尖上的銅鑼灣✿✿❤餓底飯聚❤❤要同時滿足味蕾與藝術毛孔，原來也可以在軒尼詩道獲得凡高廚房是一家樓上的西餐廳，特色裝修，四周都充滿凡高元素餐廳有心設計，以畫入室凡高畫作、精品、甚至是桌球台，都令人大開眼界！由得獎廚師主理高質素的西菜，大飽「眼腹」之福！ 點了2人海鮮拼盤餐可以要紅酒、白酒或特飲，由於明天要上班特意點了特飲：玫瑰花茶+ 「情到濃時」：熱情果+乳酸+啫喱仔海鮮拼盤豐盛引人，海鮮迷必點之作！包括：全隻波士頓龍蝦、全隻睡蟹、加拿大翡翠螺法國藍青口、太平洋虎蝦、時令生蠔波士頓龍蝦和睡蟹都肉厚多膏，生蠔充滿鮮香海洋味藍青口、虎蝦、翡翠螺都非常鮮甜！份量多多，2人划算之選！appetizer cold：挪威三文魚酸菜卷用上自家製酸菜，配以黑醋為點綴，味道確是開胃鮮美！ appetizer hot：普羅旺斯式白菌焗田螺田螺帶有本身的甜味，薯蓉是自家打製的，牛油味極香！soap：98%野菌忌廉湯賣相極好，以菌為主的效果，非creamy之作上台能看到非常清楚的野菌，合共8款野菌炮製入口極濃香的野菌味，非

店主必然是個凡高迷是夜銅鑼灣下班後跟好友晚膳店員推薦招牌和羊捥拒後點了馬賽海鮮飯(何來意式?)飯粒綿綿的有龍蝦汁的味道青口有很濃郁的海水味是一個很優等的海鮮飯頭盤是烤芝士外脆內嫩英國野生龍利魚與坊間的不同是竟然有骨的肉比較結實有濃濃的香草味這道菜給了我們絕對的驚喜優閒地慢食到十一時不捨得這一天就如此簡單地過去

男朋友生日嘅一餐，因為知佢鍾意食羊 (平時食小肥羊佢食咗成隻羊咁濟...) ，今次同佢食好啲，食羊架~因為佢係銅鑼灣區返工，一早知道呢間餐廳，見到呢度評語好似唔錯，所以就打去book 台啦，好似仲有台~我哋8 點幾上到去，無乜人，店主話平日無乜人，因為主要做包場同週末，仲叫我哋介紹畀朋友開PARTY tim~ 睇吓好唔好味啦~好味就幫吓手~ hahahaaa見佢個餐牌都用凡高嚟做焦點，店主應該好藝術我哋2個人各自叫咗個餐，我食牛佢食羊，可以交換食一吓~~~個前菜三文魚蝦卷好好味，但唔多，啲海鮮好新鮮！酸酸哋好開胃~上網睇個個都話要試呢個湯，原來真係好好味，因為好有咬口，好濃味，男朋友都話好正，佢話先頭以為係鑵頭湯，但一飲先知佢哋係手搞嘅湯，好有心機嘅前菜呀！哋加錢叫咗個鵝肝！超級Creamy同好食，佢哋整得啱啱好，唔會太過過火，鍾意食嘅人必食！我叫咗個5成熟嘅肉眼扒，一嚟到見到個size 真係好開心，好大塊，可以同男朋友分享，但有啲過熟，我諗有6-7成喇，但都仲好正，唔會係好冧 (用鬆肉粉果啲)，好有牛味，佢個汁都好正，應該係自家整出嚟！男朋友個羊架終於到，7成熟今成就真係啱啱好，入口

最唔鍾意情人節與人迫親飽，又要食貴嘢，又要跟人迫，好討厭所以我決定同女友提早食情人節大餐係面書見到一個post 有關羊架，我與女友又好喜愛食羊，所以決定嚟呢度並渡我們嘅第3個情人節了~入到去其特別，因為有張波台係度，好似係美式卓球，仲有好多畫掛咗係牆上面，唔知店長係咪喜愛篤波嘅畫家呢？先睇睇餐牌，都好豐富，好多野食！選咗個2人餐,先來咗個廚師沙律頭盤，個沙律有三文魚，蝦同巴馬火腿蜜瓜。蜜瓜好新鮮！但如果多少少就好！呢一個湯真係好味道到爆炸，黑松露味入味到極致，仲好有口感，好多菇可以一路飲一路食，佢啲菇唔係"胡仔"咁爛，仲可以畀你咬吓咬吓咁，正喎跟住就係一個未到正餐嘅頭盤，pizza~佢個pizza 要讚嘅係做到燶邊，好脆口，好香口，但味道都偏酸，唔喜愛食酸味pizza 人士注意喇。跟住落嚟終於到正餐喇，先講一講佢嘅個原條魚，熟嘅程度啱啱好，入口好滑口。原條上先頭仲諗住會驚佢鯹，好彩一啲都唔鯹，真係幾好食。但好似有啲dry，或者應該加啲茄汁伴一伴。後係最正嘅羊架，要咗7成熟，一切開啲肉，肉汁仲好豐富，係咁濟出嚟。表面就好香口，一睇知佢哋個爐高火整過，屋企真係做唔到呢個效果。入口羊味好重，

今日Lunch 時間，約咗朋友上嚟呢度食午餐，上到嚟見呢度唔多人，啱晒同朋友下晏時間係度慢慢傾吓計，或者傾吓生意都一流。坐低後，朋友極力推薦我食羊架，佢話呢度啲羊真係好正，又冧又成咁... 但好可惜本人小食羊，所以最後都係點咗另一樣午餐 其實佢嘅set lunch 都ok，食佢個室內環境都有啲值回票價。但下晏嚟今日呢個時間真係有啲靜，我坐咗一陣都冇乜人，得番我同朋友，佢啲檯都分得好開，建議兩三人平日可以上嚟傾吓計，望吓條街都別有一番風味。 店主好friendly，冇啦啦走過嚟搵計傾，話下晏呢度真係小人啲，因為要上一層嘅關係等等。(其實好想問佢玩唔玩得個美式卓球...無乜聽佢講嘢... haha..) 先嚟個salad，薯仔沙律。本人係大胃王，見到咁細碟有啲唔開心..... 雖則知呢度食西餐都唔會好大碟，但遇其食個賣相，不如畀多啲我啦  好鍾意食parma ham，又想食意大利飯，梗係食呢個啦！佢個飯煮得啱啱好！有時啲餐廳啲意大利飯會整得大硬，就算好餓都食得唔多，因為好頂胃，呢度嘅飯就軟硬都好適中，加上parma ham 重口味嘢，真係好正！加上芝士味好香同好creamy，

是日來到凡高廚房，一間滿藝術氣息的上樓餐廳。盡是凡高的畫作，尤如步入了凡高畫展。很濃厚的藝術氣息。食物方面提供不小晚餐選擇。我們各點了一個dinner set, 每個dinner set都有頭盤餐湯主菜甜品餐飲，98% 野菌湯。相當令我難忘的餐湯，毫不吝嗇野菌的份量，令湯的口感非常豐富，而且味道相當不錯，連附送的餐飽都是新鮮出爐的，很有誠意帶子虎蝦墨汁意大利粉。很飽肚的份量，帶子大大粒，虎蝦都好大隻。味道不俗，但個人喜歡吃多汁的，汁可以多一點就perfect了！雖然會弄到滿咀黑色。澳洲M7和牛，一個字：讚！和牛非常juicy, 肉質嫩，就算不配上醬汁單純用鹽調味都很好，還配有我很喜歡的黑松露醬，又有另一番風味！和牛份量都不少，好像吃了很多都吃不完。這樣過一個週末夜晚，味蕾心情都非常滿足。非常值得再來！ 

拍拖紀念日 想去一間特別的餐廳慶祝一番 最後選擇了在銅鑼灣的樓上餐廳環境唔錯我地叫左羊架 5成熟,黎到既時候太熟了, 起碼7 成熟,我便叫侍應換過,換過新後,OK 既 但SO 味較重...佢係剌身級帶子墨魚汁意粉,食落帶子絕對唔係剌身級,雪味重,唔夠FRESH98%蘑茹湯.....OK 既 起碼濃味啤梨CHESSE CAKE 正正常常~

所謂民以食為天，最鐘意趁happy friday搵啲好嘢品嚐吓！朋友介紹凡高廚房比我，話幾有氣氛同食物質素高，所以訂定位試吓。餐廳掛滿好多凡高嘅畫作，相信老細好鐘意凡高仲有凡高嘅精品賣！兩口子點咗二人餐做緊SPECIAL~ 加$38有紅酒送先嚟一個開胃嘅頭盤，廚師沙律！有大蝦，Smoked Salman，Pama Ham 蜜瓜，蟹肉沙律。好大份但又非常好食！暑天食呢啲涼浸浸嘅食物最啱！煎鵝肝，賣相相當精緻！點呢個set唔多唔小都係被呢件鵝肝吸引,入口即溶，令人難忘，仲配埋細細塊多士仔令個鵝肝感覺上無咁肥，ok幾好。之後餐湯有賣飛彿出名嘅野菌湯待應細心地問我地需唔需要pepper, 飲第一口已經覺得難忘！野菌切成一粒粒喺個湯入面富有口感，好喜歡淡淡野菌味喺口中嘅感覺Parma ham 磨菇pizza，舖滿芝士同茄醬，多汁好味！個人比較喜歡厚d嘅批，但呢一餐咁多嘢食，薄薄地反而無咁濟可以有多d戰鬥力對付main course!Main course 可以牛，羊，魚，3揀2,喺侍應力sell羊架嘅情況下，我地揀咗龍脷柳同羊架龍脷柳配檸檬，滑溜嘅龍脷柳帶有牛油味，非常香口，伴碟嘅薯溶好好食，如

男朋友生日，佢鐘意食西餐食海鮮，openrice search到呢間凡高廚房，一早book定位凡高廚房喺銅鑼灣消防局附近，要上樓嘅。order 咗一個海鮮2人set~先有海洋拼盤！有蝦，蠔，龍蝦，面包蟹，青口！樣樣都好新鮮好鮮甜！龍蝦住啖啖肉！Ko完，我已經半飽.. 點知好戲在後頭呢個3文魚酸菜卷，賣相好別緻！煙三文魚入面仲有酸菜，好開胃嘅appertizerMushroom soup! 好好味！好多mushroom切碎咗，一粒粒好好咬，唔溜，飲完好想encore！和羊架，不得了架一個dish!羊唔會好蘇！而且幾大件！肉質幾嫩！又無煎都over哂硬哂、配菜都好好味, 薯角點d汁好正！龍脷柳。條魚係滑溜溜嘅口感，飽咗都想食多兩啖！其他dish 都咁勁點咗呢個叫清d嘅剛好！雖然都好大條同伴住忌廉薯蓉 xD 食到呢個地步真係不得不放棄個薯蓉！仲有dessert cheese cake, 不過不失男朋友表示非常滿意食得好開心！我都係！一個set又有咁多嘢食又紅白酒，收呢個價錢都覺得幾抵食！下年再來！

面對辛苦工作，偶爾都要食得豐富啲減壓，今日嚟到凡高廚房，openrice見到評價同氣氛都唔錯，決定會一會。一入門口，就見到桌球枱配合凡高D畫客人都可以篤，後面仲有一個韆秋，唔錯嘅photo spot.晚餐有唔少嘅套餐選擇，由百幾蚊到三百幾蚊一set都有。侍應向我地推介和羊，但小女一向小食，就揀咗牛。每個套餐都有埋餐湯，頭盤，甜品同餐茶。先嚟三文魚沙律卷，又fresh又開胃嘅頭盤，而且比一般餐廳嘅頭盤都要多分量，扺讚之後南瓜湯個人覺得好甜, 不過不失, 但反而要一讚個包，帶點甜味而且新鮮出爐，一人一個，又有得refill主菜，肉眼扒。從來覺得食牛扒係一分錢一分貨，我覺得3/400蚊嚟講都算物有所值。先係生熟嘅控制，叫5成唔會有血水流出，然後都算大件(睇相就知)，食落有陣碳燒嘅氣息，而且肉質不錯，配上mustard一絕！伴碟有一薯仔做配菜，就算無飯，食量大嘅朋友都夠飽啦友人main course揀咗海鮮墨汁麵。毫不吝嗇咁落咗好多帶子，食咗一啖我個咀好黑，但朋友仔就覺得好食！然後仲有cheese cake做dessert同餐飲，可惜太飽了已經食唔落。叫得凡高廚房就你有好多凡高嘅畫作，喺喥食飯

聽朋友講過吓呢喥個羊架幾好食，所以就嚟試。又有一張$100 COUPON, 當然要試下啦!佢有dinner set, 一個羊架set 三百幾蚊頭盤：挪威三文魚酸雜菜卷以頭盤來說幾大份，賣相非常精緻！煙三魚如果獨立食會太咸... 但撈埋雜菜食都剛好~ 幾開胃嘅頭盤餐湯：98%野菌湯Serve到嚟仲出緊煙，欣賞佢係熱而唔係和暖。一粒粒野菌非常有口感，唔太creamy唔太水質感剛好，仲有餐包都係熱的，餐包帶點甜味，幾好主菜：和羊重頭戲，和羊到！一份有3枝羊架，加薯菜伴碟。由於表示咗唔鐘意用汁，侍應仲比咗鹽我，更可以帶出到羊嘅味道，羊架肉質嫩，而且唔太蘇！仲伴埋mint jelly同mustard, 一時清爽一時刺激，加分。分量之足夠令平日一定要有米氣先飽嘅人食個薯菜都夠了甜品：焦糖布丁有d驚喜~面嘅焦糖比一般食嘅厚，所以每一淡布丁都食到卜卜脆！好正！總括來說，都係好滿意嘅一餐。加上環境氣氛同侍應嘅服務態度令餐飯更加分！會再光臨