再興燒臘飯店

营业中

休息中

这架小馆子以广东燒味见长，好多人在那儿买饭盒，生意很好。店铺不大，环境一般。师傅打水搬东西，显得纷乱。我要个叉鸡饭，叉烧是这里的长项，比较甜，味道不错。但叉烧肉常常坚韧不拔，没法咬动。白切鸡就普普通通，毫无特色。而且叉烧和切鸡放在一盘饭上，量甚少，显得吝啬。加一碗平常的例汤，二十七元，实感不值。师傅招呼得很热情，服务值得肯定。

難得來到灣仔, 少不免要來拜訪一下叉燒大王, 斬料回家加餸。多月沒來, 照樣要了半斤叉燒, 今回見掛爐鴨幾靚仔, 也來多半斤燒鴨。到阿姐把一個巨大的發泡膠盒交給我時, 我才知原來有這麼多的! 盛惠 80 蚊呀唔該...吓咁貴嗱而家? 聽阿姐說叉燒半斤賣 30 塊 (百物騰貴呀, 加價加得咁勁), 即係燒鴨是50 元了啦...運回家後, 即拿了一件叉燒來吃, 仍然保持水準, 肥美嫩滑得來也有點點梅頭肉的爽口。今次也蘸了些上次未試過的叉燒汁來吃, 汁料其實頗鹹, 還是用來拌飯好了。至於燒鴨就比叉燒遜色了, 皮不夠脆 (是不是我非堂吃的緣故? 但鴨不都是掛了起來的嗎?), 幸好還有點肉地, 肉質還不算太鞋。今次買的都算大堆頭了, 看來下次來吃都是堂食好了, 一客燒味飯只 22 元而已。 叉燒仍然值得我俾個笑臉的。

我在灣仔區工作了四年, 都吾知有哩間好野.但因為見到咁多人話佢好, 咁, 今日就試下, 買左個外賣海節义燒飯, 本來諗住要二十幾蚊.點知比到錢先知原來只係二十元正.番到公司食落覺得都不錯, 起碼好過大家樂d燒味飯先.今後要密密幫襯

又去買再興外賣，平時食叉鴨多，今次試下燒肉鴨飯D燒肉好切到好大舊，無乜肥肉，下面一大節都係白色的豬肉肉質都可以，雖然無乜肥肉但都好鬆化，唔硬。但層皮真係唔掂，好硬囉…今日D燒鴨燒過龍，塊皮就唻變黑色咁制，但未濃既。鴨都好有鴨味，但有兩塊好肥囉！之前食都無乜肥鴨架嘛！例湯西洋菜湯，好飲，無味僧！

這間店我從來無寫過食評 , 但我其實都食過很多次 ! 當然正如大部份所講 , 確是出色的燒味飯店 ....... but ........... 我的最愛是燒鴨飯 + 蔥油 + 酸甜醬 ! 一值以來 , 我食甘多次我都覺得很好味 ... 但食再甘多次 , 我有一個總結 , 就是佢 D 白飯其實也很出色 , 軟硬同水份適中 , 所以配埋佢 D 出色的燒味 , 簡值就係無懈可擊 ..... 所以我覺得堂食是最美味的 , 外賣一來 D 燒味冷了 , 二來無左佢 D 飯配合 , 會影響味道 ! 仲有佢 D 燒鴨潤都好得架 ..... 雙併是一個不錯的選擇 !

晚上7點幾去到, 非常爆場, 但係好快就有位啦~~叫左個叉油雞飯, 唔駛1分鐘碟飯就拎到埋黎.......個賣相同其他食家post出黎d相一樣, 係唔會砌得好靚仔咁比你架囉~~不過呢樣野唔緊要啦!!我覺得佢d叉燒都唔係十分正o者, 同我日日返工都會幫襯果間食堂(元朗嘉華大廈果間, 唔知有冇人去過呢??)差唔多咁囉~反而佢d油雞都幾正架喎~~唔食雞皮都覺得d雞肉好滑!!不過依家全世界d野咁貴, o係灣仔可以用$22蚊食到一碟雙拼燒臘飯, 我諗都幾難架啦!!

本身唔係鍾意食叉燒, 前日特登去試下..27 蚊叉鴨+例湯(西洋菜湯)28 蚊叉鴨+汽水我食27蚊...碗湯我以為係屋企d 碗,點知係大一倍...@@湯不過不失..冇咩特別鴨比叉燒失色...一般la...叉燒就唔同la..之前食過樓下10蚊同快餐店0既..呢度好味好多..肥瘦岩岩好..好正!!最重要係自己落汁..個汁同出面好唔同...比出面好好味..記憶中出面係得個鹹字..但係,27蚊 一碟中型飯+5舊叉同得d 骨0既鴨..就真係貴左d la...><

住鑽石山, 係筲箕灣返工, 大部份啲activities係CWB, TST. 好少會去灣仔. 而再興的地点附近又無嘢好行l, 但佢仍然有一股吸引力另我心思思想專登乘車到灣仔食一碗叉燒飯!去再興最好係一個起两個止, 仲要15分鐘內就好食完離開了! 唔係D待應衰要趕你走wor, 而係佢的環境衛生麻麻地, 坐得迫,又多人等位, 你都唔好意思再坐得耐喇! 食完仲唔走咩! 可以令我一個"靚"女同D麻甩佬迫食一個15分鐘內完成的"快餐", 就只有再興的叉燒飯有咁啲魅力!

踢波前一個鐘梗係要醫肚先啦.咁o岩有事過188果頭,咁就梗係再興啦,平,靚,正.三個字搞掂.叫左肥燶叉鴨飯行街.等左兩分鐘就比到我,高效率.去到球場坐低食.打開.....冇菜嘅.不過唔緊要.食菜使鬼黎再興咩.叉燒真係微燶,有我鍾意果隻焦味,肉係半肥瘦.正鴨皮仲係脆嘅.咬落d鴨度仲有少少油同汁.正呀貴又一餐,平又一餐.好食咪得囉如果可以.我日日食都冇問題.ps.今次死都睇左有冇比羹先走.唔係好似之前咁就大鑊.

One of the best BBQ Pork in town!! Meats and fats are in layer for each piece. Meat is very tender and very tasty, while the fat provides enough aroma and oil to balance with the meat. The sweet taste is there but not over.The soy sauce sure is a bonus. It tastes not too salty, and have the sweetness after taste.

七月廿九日(星期二)腸胃炎真係我既”絕症”,害我幾乎無得食已經無既黑芝麻新地,上星期計劃食既KFC同呢度都要廷期…好…最後都來到la,仲帶埋Karman來…已經提早左出門口,但來到時依然都係好多人,要等一會.我先坐低,二話不說就叫了一碟瘦义燒飯,不需一分鐘已經來到,老公仔同卡文都仲未坐低…有d似澳牛既感覺…最後大家都有位la,老公仔見到d燒鴨好靚,叫左個义燒燒鴨飯,而卡文就叫左义燒切雞飯…义燒係呢度最出名既燒味,除左係佢本身有嚼勁,呢度獨有既甜豉油更係絕配,連我唔鐘意撈汁食飯既人都要撈一撈…老公仔好眼利,燒鴨果然好好味,皮簿肉厚,而且皮與肉中間無乜肥膏,又有鴨味我地仲叫左碟油菜,係我地最鐘意既腐乳通菜…係細碟左少少,不過腐乳既味道都唔錯,可以一試!

12點半標出去再興買外賣，好彩得幾個人排隊 叫肥叉佢真係比D好肥既叉燒～唔似第二D鋪要撞手神先食到 叉燒肉質鬆化，加埋肥肉真係好好味，係油左D但無計啦，間唔中先食一次燒鴨都好好味，好有鴨味，又唔肥喎，皮下面都無乜油今日例湯西洋菜湯，D料都唔少架，食唔到有味僧味$22蚊有飯有湯，好味又食得飽，底到爛啦！

晚上七時半，在門外等的只是外賣客，店內還有不少坐位。一坐下阿姐已經想落單，我和小卡卻在左顧右盼。最後決定要珍肝鴨飯，不料珍肝售罄，便改點叉燒鴨飯。原來小卡亦點了同樣的東西，不過她當然是要碗裝的。飯一上桌便暗叫不妙 - 忙亂中忘了指明要「肥叉」，切給我的叉燒非常瘦，咬下來甚韌，不過肉味濃厚，蜜香焦香俱備，難怪那麼有名。鴨肉嫩唯外皮不脆，味香但肉汁稍欠，和清真惠記尚有一段距離，但已比一般燒味店強。店家把醬汁放在檯上，讓客人自行「加色」，可算少見。如 P 所述，飯煮得很濕，不合愛吃乾爽飯粒者如我。另點了一客鮑汁鳳爪，用的是鮮雞腳，骨膠十足，煮得香濃入味，果然是名物。一邊吃一邊看別人外賣買什麼，發現除了叉燒外，烤雞翅和油雞均很受歡迎。下次希望可以吃到珍肝和肥叉。

今日陪ling去灣仔拎野....尋晚阿ling已經搵定今日要去邊食la...ling係openrice搵到e間野好出名..所以黎試試..去到飯店之後..阿ling叉雞米 + 例湯 (青紅蘿白)我叉雞懶 + 紫菜湯我覺得d叉燒真係幾入味啊..但我個人比較鐘意食瘦叉..而佢係俾肥叉我...太多肥肉lu!!!d雞肉就比想像中差少少...因為幾um下...唔太有口感啦!!!至於個"紫菜湯"..真係好少地方可以飲到...所以叫左個!!!!但飲落...好咸lo....

尋晚落灣仔剪完頭髮有些肚餓，經過以义燒聞名既再興咪整個晚餐醫左肚先算o羅，入到去發覺晚市比午市少客，坐下來鬆動Ｄ又無咁迫夾，以前食過义油雞飯，覺得Ｄ瘦义燒比較乾身些。見隔黎位哥仔叫個半肥瘦义勳啼飯，所以心血來潮我又叫個試下啦。不到兩分鐘晚餐便送到我面前，急不及待吃先一口义燒，果然無令我失望，半肥瘦义肉質夠腍，肥肉夾著瘦肉帶出軟硬適中的口感！唯一遺憾是邊皮有少少燒燶左。而佢Ｄ飯都吾知用米煮的，帶有飯香之餘黏得黎又鬆軟，加上秘製豉油配合蔥油林在飯上一起進食簡直係一絕。但勳啼就嫌佢太肥及Ｄ皮太腍吾夠咬口，差少少喇。家下通賬驚人，物價騰貴旳時代，以廿二蚊的價錢食到一餐既美味而又有誠意的飯，簡直是超值之選。