再興燒臘飯店

营业中

休息中

我開始在這裡吃燒味飯時, 才賣19元一碟, 例湯5元碗, 依家都加晒價肥叉飯是我的至愛, 例湯也是真材實料不過繁忙時間就要等位同人逼

本身起灣仔返工, 有時會叫再興外賣送上office, 都覺得22蚊個雙拼飯起灣仔黎講真係好平, 而且又唔錯, 值得推介~成日經過再興都見到好多人排隊買飯盒, 裡面又少位, 我怕等位耐, 所以都係得個望字.有次lunch心思思想去再興入面食燒味飯, 因為平時外賣上到黎D飯唔夠熱....叫左我既例牌 - 叉雞飯走翼 D飯熱左好多, 令個燒味飯, 加分!叉燒, 軟硬適中, 不過佢比左好多瘦叉我~ 雞, 都係普通既白切雞....其實唔係話唔好食, 係唔錯, 但又唔係好似人地講到咁好多@_@ 起灣仔係抵食~新出有叉燒春雞飯, 亞叔話有半隻春雞比你, 價錢$32, 好似幾多食~不過一個女仔食唔到咁多雞喎 聽同事話豬耳都好好食架!

再興喎，曾經堪稱叉燒王﹗早三個月吃過，好吃到不得了，叉燒軟熟，味道一流...三個月後才可時間再温舊夢...但...叉燒卻硬了許多，大惑不解，隔兩天再試，靭硬依然，天啊﹗再興的叉燒啊﹗是香港之宝，不能掛掉啊﹗一間老字號保不住招牌???願上天保佑大的食福。

上星期同老公專程試下,我地7點幾去到見到門口有人排隊以為好多人等緊喇,點知佢地原來係等外賣既,不過鋪頭都已經無乜位,我叫左一碟叉雞飯,老公就叫叉燒燒肉飯,+例湯!叉燒都燒得好靚,多肉汁,不過唔係全部都咁好食,有兩舊好難咬,而雞就無乜特別,燒肉皮好脆,反而我覺得個例湯好好飲,我唔識得分係咪無味精,不過飲完之後都唔會好口渴,我諗係無掛,總括黎講都ok既,同埋都唔貴,兩個飯+1個湯都係$50,不過無試咖哩汁,聽講好似好好味,下次會再去試下!

食過強記糯米飯，去世紀加州紅唱 Dinner K，順路幫襯再興買廿蚊靚叉燒，入 K 房慢慢享受雖忘記了要半肥瘦，幸即使只是普通瘦叉，再興也絕不失禮，梅頭肉咬落口感一流，叉燒燒得香而味道濃郁，保持一貫水準! 結果，唱 K 期間歌曲變了閒角，一直掛住食叉燒，不奕樂乎 話說回頭，強記糯米飯加再興叉燒，絕對比 K Buffet 來得吸引吧!

一碗完美的叉燒飯，除了叉燒要好味之外，那碗白飯也很重要！！！！最近一次來吃，叉燒還算不錯，可是那碗白飯，煮的時候加水太多了！白飯很爛！！！白飯要粒粒企身先至得架嘛！！不過，始終都係廿幾蚊一碗，將就下啦。

呢間野真係anytime 都咁多人, 而且係2點黎, 仲係人山人海, 一坐低, 我同朋友叫左叉雞飯同叉雞肝飯雞就一般, 可能而家無活雞, 冰鮮的始終都係差d, 呢個係政府的錯, 值得原諒, 叉燒就真係好正, 半肥瘦, 咬落去好香, 肉質又唔會硬, 唔會太甜, 雞肝又係一值得一試的, 本身甜甜地 (應該係用蜜糖燒), 咬下去又唔會好似粉, 保持雞肝的質地一碟飯, $22, 汁自己加, 唔使一分鐘就上碟, 而家真係唔知邊度搵,而且我見人地個碗例湯都好似唔錯, 下次要同燒鴨同燒肉一齊試PS: 話說有一次行經呢間野, 見到門口有幾個外國遊客, 揸住一盒唔知係燒鵝定燒鴨, 係街邊一邊企一邊食, 就一邊大讚好食, 可想而知呢間野真係唔錯, 不過, 最搞笑係, 佢地係唔食皮ga, 個盒邊就留地左好多件皮, 嘩!!!!真係浪費哂d 最好食的部分

本來lunch time 想試下呢間出名的燒味店,但真係超多人,鋪內坐滿密密麻麻的人,連買外賣的人龍都排左成20多人,真係好誇張,結果我唯有去第二度食到放學6時,我決定再去睇下會唔會少d人,當時我見鋪內不算太多人,便決定order叉燒燒肉飯,由order到上枱都唔駛一分鐘.."勁呀"服務真係超快,d叉燒有很濃的蜜味,肉質軟度適中,d豉油經過特別調味即時令白飯及燒味生色不少, 仲好食個過酒樓個d,至於燒肉味道也不錯,不過佢d燒肉皮係好薄那種,我個人比較喜歡脆卜卜那些,整體來說,確實水準之作,唔怪得佢咁好生意啦!

既然臨別秋波, 咁當然冇咩可能唔黎呢間食店回味一番啦! 於是早幾日放飯時間就急急腳黎呢度食碟飯啦!入到去依然係人山人海, 未坐定要柯打野食係呢度嘅一個特色, 於是師傅就柯打左至愛嘅叉燒飯喇; 一坐定就已經有得食, 服未?講下個叉燒, 叉燒就燒得好香, 味道唔會過甜, 加上半肥瘦適中, 肉身夠鬆夠腍, 再配埋呢度嘅秘制豉油, 送飯真係一流, 好好味呀!總括黎講叉燒依然維持一貫高水準, 廿二蚊一碟, 又平又抵食, 冇得頂! 師傅將會離開呢個環頭, 所以都幾肯定唔會再有機會黎, 但呢度嘅叉燒真叫師傅一試難忘, 回味無窮; 希望往後真有機會專誠再黎啦; 笑臉一定要比啦!

成日系灣仔裏邊出入,終於穩到時間去試下哩道出曬名既燒味,ORDER左個叉燒飯,巨配送左個例湯,我諗住應該系D燒味好鹹,先到畀碗甘大碗既例湯我,原來諗多左,巨個汁系自己落0既,鹹度自己可以控制到,我本身唔系好鐘意吃D好肥既叉燒,吃開哩間覺得肥瘦適中,周邊仲有D焦焦地,吃落口感好好.抵吃!

最近經濟唔好,生意又唔好~ 個個打工仔都好驚呀~約咗9:00pm先同屋企人打邊爐呀 但咁早放工去邊好呢???哈哈~ 結果阿b 出咗嚟陪我呀我同咗佢去"再興" 食燒味飯 (其實我吔想試好耐架!!!) 但係唔"就"腳所以遲遲未去呀~既然今天去灣仔"稻香"打邊爐~ 順便陪你嚟呢d吃飯呀~瘦义鵝飯$22 , 原來豉油係自己落架~佢d豉油好持別, 有d酸味味的感覺 ^^义燒好瘦好好味呀~ 但係燒鵝就麻麻地 lu好多人排隊買外賣呀~ (証明佢係得既)

又要阿爸買叉燒同乳鴿我食。叉燒食過好多次，無一次會令我失望。叉燒係阿蘇欣講3截叉，分上中下3截。有肉又有肥，夠濃味，又唔韌又唔鞋！正！乳鴿$28，都唔係BB鴿，因為都幾大隻。又多肉，肉質好嫩，皮帶肥膏。唯一遜色的就是不太夠味，個皮夠味，但肉唔夠入味。

10-10-2008好耐無去灣仔搵食, 呢日同埋朋友0黎到聞名已久的再興一人一碟燒味飯, 簡單叫了叉燒油雞飯 ($22) 試試.Turnover 極快, 碟飯亦 1 分鐘之內有得食... 無 special request 的「普通版」叉燒賣相不錯, 但食味係幾唔掂的 -- 蜜味尚可, 但可能實在太瘦, 食落極硬又極乾, 咬到牙骹軟! 油雞就好少少, 雞皮索滿玫瑰露 (?) 甜豉油, 甜甜的好惹味, 可惜皮下脂肪極多, 黃色肥油一撻撻的, 感覺麻麻; 雞肉算嫩, 雞味一般, 整體還可以吧. 白飯幾削, 乾乾更更, 而且實在太少汁, 好在有得自行落蜜味豉油 and/or 普通鮮「露」; 薑茸反而最好食, 又香又惹味. 原來再興「普通版」叉燒係咁 X 的, 睇0黎有下次的話, 一定要叫肥叉!朋友亦叫了「普通版」叉燒飯 ($22), 賣相比我0個碟的更靚, 但食落一樣又0鞋又硬, 唔好食.環境迫夾得很, 加上 lunch hour 勁好生意, 食完快閃好了; 招呼不錯, 阿姐阿叔們幾友善, 有點意想不到.雖然呢日經歷麻麻, 不過我相信會再幫襯的 -- 為試試佢的肥叉及燒雞肝!

第1次係同老公黎呢度食...連佢咁高要求都話正...次次黎都好多人排隊,無論係外賣定等位係9月30果日放左學返工去再興買左個叉鴨飯+通菜返公司食...俾左半肥叉我仲要燶邊...正~不過叫左加蔥油唔記得加俾我呀><只係記得俾多汁我...係琴日(10月3)放LUNCH果陣又去再興食(我老公好羨慕我成日可以走去食)...今次係堂食...又係叉鴨飯+蔥油+通菜...雖然唔係半肥叉但係有少少爉邊...都OK...但係個燒鴨今日真係好正好快手咁食完返學PRINT野LU~值得一讚既係佢既油菜...最初試過生菜...係好似用加落飯果D汁架...幾正...通菜都唔差...真係好食過茶記麵檔果D多多聲而且唔洗30係灣仔食到咁滿足真係難搵

真高興, 碰巧家人到附近工作, 買了外賣回家吃.乳豬+叉燒, 乳豬真係唔平, 好似一斤$120, 半斤也不是太多.叉燒是仍舊很好.同埋佢d汁.再興. 燒味界legend.繼續十卜