再興燒臘飯店

营业中

休息中

同事V介紹呢間燒臘飯店比我, 梗係要試下啦一去到門口，已經"失" 住好多人LA食左 叉燒米、紫菜湯D 叉燒真係唔同出面個d，紫菜湯都幾入味p.s : 一邊食, 一邊見到不停有人出黎買叉燒做到無停手~~~

再興燒臘去就成日都會去食由讀書至出黎做野，時隔多年，質素都係一流。推介叉燒燒肉飯，$22一餐，好抵。先講燒肉，通常夜晚多數賣晒，想食有時要日頭食，因為皮脆。十次幫襯，七次皮脆。肉質林林地，唔會硬。再黎叉燒，講明瘦叉就更佳，不但厚切，唔乾身，瘦得黎會有少少肥，蜜汁叉燒，自己加豉油，每片叉燒都可以加到有豉油，簡直一絕。豉油係任你落，多與少就睇你自己鐘意幾咸。但豉油都係秘制，又少少甜，送飯一流。服務快同準，唔洗等好耐就有得食。做左熟客咁多年，成日都Encore。

上網睇食評見呢度講度咁正, 去開灣仔所以黎食同友人share 一碟叉燒飯($22), 一碟通菜($8), 一碗紫菜湯($8), 兩個都係女仔, 所以夠食通菜同紫菜湯一般啦, 所以唔多講喇不過叉燒飯就真係好正, d 叉燒好靚, 切得幾厚身, 而且都ok多架, 林林地, 一d都唔會燒到乾晒, 冇特別要求佢俾瘦叉, 佢就俾左d 帶少少肥既, 唔錯唔錯, 真係又好食又抵食, 友人都話正! 呢度d 豉油是自己加的, 唔駛一係唔夠汁, 一係多到漏, 抵讚!!下次再經過呢頭一定會再去食!!

Searching for restaurants in Wanchai, this one always appears first with the most reviews. For me, I eat mostly western food, so have not made an effort to try it, until recently I saw pictures of chicken feet and beancurd skin.The beancurd was already a sign saying it will taste good, because Beancurd is tasteless on his own, hence the sauce to the chicken feet must be rich, or else no point to have it in the dish.I ordered a takeout, because it’s a bit too hectic to eat there, so many people,

一個人獨自在灣仔解決晚上的一頓飯。之前已先預算到駱克道附近的強記吃一碗盛夏底下的臘味糯米飯，再加碗喳咋作甜食就差不多了怎知六時半左右去到竟還未開門花了不少腳力從地鐵站走過來，自然不欲白走一趟，忽然想起這兒的义燒，竟不自覺在吞口水...晚上的人潮沒有下午的厲害，很容易便找到位。是夜燒肉剛好售罄，又不想只吃义燒那麼"寡"，唯有叫多份燒鴨作拼。每次來只曾吃各款燒味，但就沒有嘗過這裏的另一名物鮑魚汁炆雞腳。邊啜雞腳邊大嗒大大嚿义燒，想起也過癮....义燒在燈光下看來仍是晶瑩欲滴，但吃落蜜味又不是如想像的濃。沒有專登叫肥义來吃，師傅切來的是半肥瘦，肉不算是很鬆軟，有些部份還帶點硬。今日吃到的，應是在水準以下吧....看來，還是要叫肥义比較穩陣呢....燒鴨皮不很脆，肉亦偏死實了點，不過不算很肥膩，但亦只屬平平無奇....很久沒有""雞腳了這裡的一碟雖只有四五只，但每隻都炆得爛至跡近入口即化，滿口全是天然的膠質；鮑魚汁很濃很甜，有很重的蠔油味，味道全走進至所有配料中，受益者除了主角雞腳之外，還有出色的綠葉 --- 枝竹的裡頭。論滋味，這碟東西可是比义燒還好吃....回家路上，忽地感到喉嚨很不舒服

前幾日無聊網上面搵一下香港叉飯邊度最好食，結果搵到黎「再興」，又見地址同我返工果樹只係幾個街口，咁就搵左一日落去果頭試一下係咪真係咁好食～十二點八個字左右黎到，見到店內好多人，無位，門口果位阿姐叫我同另一個朋友，幾多個，我話兩個，之後佢話而家未有位住，要等一陣，好快，落定單先～哈，未有位落定單，真係第一次響我身上發生。由見到我同佢講食叉飯，至佢整好加杯雪碧，前後五六秒鐘，快到呢～人未坐低D飯而經響度等你，食既期間都留意佢人流，真係人山人海，多人得黎又唔會亂，落又唔見落錯單，又極快速度。入正題，碟叉飯一睇就好正，頗新鮮，而且D汁係自己落，同出面其他食叉飯舖頭，唔駛驚D針唔夠，同埋D汁唔係醬油黎，唔係食煲仔飯果D，係類以大家樂食叉飯果D汁，整體唔錯，可能因為D汁自助，攪到成碟飯都好有叉燒FEEL~D叉燒唔會話燒到好多黑色，又唔會話太多肥肉，岩岩好果隻，如果行開果頭值得一試，一碟叉飯＋雪碧賣單＄26大元～抵唔抵就見人見智了。

此店除了燒味ok,我最欣賞他們的服務態度.一落柯打,鋪面和燒味師傅一呼百應,一坐下食物已上來,付款時負責收錢的阿姐一定很有誠意的說多謝.他們的生意這麼好,也沒有因此自滿,在香港是很難得的.有些人可能會覺得不是在大公司工作,待遇不比人強而自暴自棄,但只要緊守崗位,熱愛工作,仍然可以活得很有尊嚴的.希望這小店的服務態度能保持水準.

29/5(五) 7:30pm欣賞"方張拉闊"前,到灣仔一帶找點吃的.重臨"再興",阿梁要了例牌的叉燒飯,自己則來了碗細蓉$15;師傅失準地把湯底及雲吞餡弄至過鹹,爽而有力的麵質水準尚可保持...

在香港總是想起大英的炸魚薯條,海鮮,生啤.掉轉在外地,總會想念著燒味檔外面,斬料!斬料!斬大舊叉燒!流著蜜汁的叉燒,令人垂延欲滴,午夜夢徊醒過來,枕頭上留下一大撻"夢遺".回到去十多年前,那個見識不多的年頭,覺得灣仔再興的叉燒,是我心目中最好吃的叉燒.多年以來,吃過不同地方的叉燒,無論是高級食府或者是街市燒味檔,也找到一些比再興做得更出色的地方.不過,並不代表再興的叉燒不再好吃.這個下午,見店內人不多,便找個位坐下,大叫"半肥瘦叉飯一碟".例牌大約三十秒就奉上叉燒飯一碟,色水自己加,想要幾多就幾多.早年來總要是愛"多色",現今自己添加,差不多加到一碟都係.因為再興的叉燒汁,又香又甜.叉燒充滿蜜汁香,燒得夠入味.肉質軟稔鬆化.其實,吃了也有十年以上的光景,論味道上的層面,始終如一.也是因為見識比前多,花心起來.對再興的情感已不及從前.人始終是感情動物,對住伴侶未必能夠專一,何妨是一舊叉燒?如果比我媽子聽到這番話,她或會感嘆地說:{唉,你個衰仔,真係生舊叉燒好過生你!}

今天到灣仔看展覽, 去之前專門到呢間餐廳醫肚兩點鐘黎到, 一黎到現見餐廳入面差不多爆滿, 好在還有兩個位, 一坐低, 侍應就問我食乜, 仲不停說三寶飯好出名, 心想一試無妨, 就點在呢樣, 不到一分鐘就有得食. 三寶飯有叉燒, 油雞, 及燒鴨, 油雞及燒鴨都是胸, 不是我所好, 最好食的是叉燒, 比一般燒味餐廳好食, 可能食得太急, 沒有試真味道有網友講得出色, 下次一定會再試其他食物. $32一個三寶飯不包餐飲, 就不是十分化算

好少見一個食市會由一開門就排晒隊客滿到關門, 再興係其中一家.我因工作關係經常到灣仔, 一個人想拿拿淋食餐燒味, 再興係我第一選擇. 但間舖又細又坐得唔舒服, 仲要成日都好多人, 再興客多我覺得原因得二個: "平" 同 "好味".我個人好多時會排隊買飯盒外賣, 外賣佢仲會比堂食平2蚊, 一盒飯加一例水都不過係$22, 堂食$24.好多人都讚再興燒味正, 其實唔止. 除佐再興招牌叉燒同我最愛的燒鵝, 以下係我個人喜歡再興食品. 咖喱牛腩, 夠入味又夠淋, 不太辣的咖喱, 廿蚊雞一盒, 超值. 咖喱魚塊, 同上, 炸魚塊, 係冰鮮魚, 價錢同質量同上, 超值. 不過唔係次次去都有. 例水 (例湯), 日日唔同, 10次去都覺佢火喉十足, 一盒燒味飯加一碗例水, 令人覺得自由舒服的午餐.工作忙到嘔時, 一條友十幾廿分鐘趙盒飯飲碗後回氣再博.ps. 近年再興叉燒加佐價, 可能出佐名掛, 質質都未必次次都咁正. 再興己經係第二代老闆, 不過都算係咁. 只係感覺冇以前咁正囉 (招牌叉燒only).

今日出左銅鑼灣做野, 做到三點先食飯~~老細帶左我去再興食燒味, 佢話好好食.....心諗點解老細咁有錢仲成日都咁慳呢, 去食燒味!!下晝三點鐘都仲係全場爆滿, 好彩o岩o岩有兩個人走左, 有位坐!!一坐低就有個阿嬋走過黎話三寶飯好食, 有燒鵝叉燒油雞......咁唔洗諗啦, 一於食三寶飯~~個阿嬋轉頭就拎左碟三寶飯俾我, 快到估佢唔到.......望落去賣相認真冇乜期望, 叉燒話左要肥就變左瘦, 燒鵝就背脊冇肉食, 油雞有兩舊係冇皮既, 薑蓉又得少少....落左d豉油, 食第一啖飯就覺得豉油正, 薑蓉少少都好夠味.....食第一啖已經覺得有驚喜....之後真係勁讚好食, 叉燒勁香蜜汁味, 雖然瘦但一d都唔韌.....油雞食得出唔係新鮮雞, 但都好滑.......燒鵝冇乜肉食, 但d皮竟然仲係脆脆地既, 仲有陣陣既炭燒味, 好似o岩o岩BBQ左隻鵝出黎咁樣.........結果, 極速食曬碟飯..........再興一定會再食.....翻啅指數有100%由於今日場面混亂, 下次翻啅時影幾張相先得~~

斬料斬料斬嚿大叉燒，但當然的是沒有玉冰燒，只是媽來了這邊買麵包，也當然要買這兒的叉燒回家加料呢，而其實也吃了這檔叉燒很多年，全都是買回家加料的，未試過堂食。還記得第一次吃這兒的叉燒的感覺，買了半肥瘦的梅頭，爽身而不嚡口的瘦肉，而肥肉也是恰到好處的，咬下時，其肥的部份會肥油爆出油香，好吃無比，仿是有一種找到了的感覺。今天的，真的是人會變，月會圓，肉身也當然的不嚡，也夠蜜味，依然不賴，但好像是退步了，是那半肥瘦的威力像下降了，明明是見到肥的部份，那脂肪層是頗厚的，但咬下是那脂肪層是硬的，未能咬出油香，不爽快了。另順帶一提，此檔買叉燒伴送的「豉油」，也是很好味的一環，甜甜的，但是內藏有一點燒味的味道，但說實話，其實真的不知是錯覺還是如何。但我會給它一次堂食的機會，希望下次不會令我失望吧。

是日晚餐, order 如下:油雞飯 - 一貫水準, 正! d 豉油真係百吃不厭!! 好大碟!! 光速上菜!!!叉瀨 - 叉燒仲有邊度正得過再興?? 食左咁多年, 水準 keep 得好好! 果層蜜汁真係冇得頂!!overall,食物冇得彈!價錢都好抵!講真, 都咁多年, 去得再興就唔會 look for any service, 快食快走係應該, 俾佢地呼喝都預左, 不過今次真係有 d 過份! 我地兩個人入到去, 佢地好熱烈咁話"有位, 埋來埋來", 眼見全間野得番一張櫈係個角位, 窄到真係點都坐唔入兩個人!! 佢地繼續大大聲 "坐啦, 望咩者, 坐低啦! 咪坐住先 lor! 冇 ga 啦!!" 應後全店 gei 員工出行力來啤住我地!!!!!!! 唯有照坐 (因為真係好想食 )... d 野來到之後, 真係拿起筷子手撞牆!!!!! 死未?! 點食?!!!發洩完, 都係會再來食.......不過今次一定唔俾"笑"

我除了嗜牛外，亦嗜叉燒，可能每日食叉燒飯也不會厭。以前也曾吃過再興叉燒，祇是當時還未開始寫食評，沒有太留意細節。自從去年九月開始寫食評後，便決心要和叉燒有個約會。這天下午三時要到灣仔看展覽，中午刻意不吃午餐，祇是想留肚來吃碟叉燒飯，雖是已過了午市，再興仍是擠滿了人，一張細小圓檯坐四、五人，我見一有人離座便立即趨步上前，未坐下已叫了碟叉燒飯。服務員效率奇高，不消一分鐘，叉燒飯已送到面前，一列叉燒整齊排列著，但樣子太瘦，祇怪自己太匆忙，忘記叫半肥瘦，下面的白飯沒有下半滴汁，看落很乾，吃了兩口，才留意同檯另一位客人傍邊放有一個水壼，載有豉油燒汁，起初還以為是他帶來的茶水，再看其他檯也有一個，便敢取來淋上叉燒，叉燒雖不是半肥瘦般充滿油香，但燒烤的肉味，外層的蜜味，平衡造得很好，若太甜反而會影響肉味，肉質腍軟，配合特製的豉油汁，味道像是瑞士汁，更添味美，相信這種汁配其他燒味亦同樣適合，轉瞬間，一碟叉燒飯便已清碟。最值得欣賞的是這店的服務精神，當然很可能他們是店主，份外做得落力，效率高之外，亦見十分進取，向每位進來的人客都介紹三寶飯，「試唔試下三寶飯？有叉燒、雞、鴨，好正！」，又會問你要唔要例湯，