六福菜館

营业中

休息中

weekend放假我特登入去西貢chill吓，一場嚟到西貢冇理由唔食海鮮㗎，所以夜晚嚟到呢間米芝蓮推介嘅海鮮餐廳，試吓啲海鮮有幾正先。😍**椒鹽奇脆豆腐**(8件)賣相一流，豆腐炸到金黃色，仲勁脆口添，咬落去「卜卜脆」聲就知佢咩料。個椒鹽味調得岩岩好，唔會太鹹，又唔會太淡，簡直係完美配搭。😋**薑蔥炒蟶子王**(4隻) 配粉絲呢啲蟶子王真係勁大隻呀。肥美多汁，仲好鮮甜。薑蔥嘅香味同蟶子王嘅鮮味完美融合，簡直係人間美味。粉絲都吸晒啲湯汁，食落去好入味。☺️**椒鹽焗鮑魚**(4隻) 呢啲鮑魚個size都幾大吓，隻隻都肥嘟嘟，彈牙十足，絕對唔會好韌。椒鹽嘅香味滲入鮑魚裏面，鹹香惹味。😳**天婦羅桶蠔生菜包**(4隻)炸到金黃色嘅桶蠔，配上新鮮嘅生菜，再點埋個沙律醬，真係一流。桶蠔size真係超級大隻，仲大過我手掌，而且炸得啱啱好，外脆內軟，蠔嘅鮮味完全保留住。生菜包住桶蠔一齊食，口感豐富，又解膩！🦪**上湯焗開邊龍蝦**(2隻) 配伊麵龍蝦肉鮮甜彈牙，上湯嘅味道好濃郁，配埋伊麵，簡直係絕配。伊麵吸晒啲湯汁，食落去好入味。🦞**鮮菠蘿生炒骨**酸酸甜甜嘅菠蘿配上香脆嘅排骨，真係好開胃！排骨炸粉

好耐都冇嚟西貢，趁住放假，嚟行吓街，食個lunch～經過見到呢間米芝蓮一星嘅中菜館，好想嚟試下～菠蘿生炒骨一大碟生炒骨，仲有半個大菠蘿做伴碟🍍酸酸甜甜嘅菠蘿配埋炒得好香嘅排骨肉，好香嘅外皮，仲有燈籠椒🫑成個配搭好正薑蔥炒蟶子王四隻好多薑蔥夾埋新鮮嘅蟶子炒得好香好有鑊氣，幾鍾意蟶子嘅口感，幾有鮮味～我哋好快就清咗碟，連啲蔥都食埋添上湯焗西澳海邊龍蝦配伊麵四隻有四隻好大隻嘅龍蝦🦞同一大碟伊麵～龍蝦肉好新鮮好嫩滑，食落覺得啖啖肉，好入味～食得出龍蝦嘅鮮味，幾鍾意佢嘅伊麵，醬汁配搭得好好椰汁糯米糕四件椰汁糕，食落有好香嘅椰汁味，入面仲有糯米，層次分明，甜甜地，作為飯後甜品十分滿足餐廳嘅職員服務態度好好食物一流，唔怪之得呢間餐廳獲得10幾年米芝蓮一星嘅殊榮，好值得一試

趁着禮拜日放假，約咗幾個朋友嚟到西貢行街，順便食個lunch～喺西貢市場街度揀咗一間米芝蓮中菜館，我哋叫咗個四人餐包埋加一同茶芥，只需要$3288，呢個價錢都唔錯脆皮豆腐八件一磚磚炸得好香嘅豆腐，外皮好香脆，入面係熱辣辣嘅豆腐～好嫩滑嘅豆腐，幾鍾意佢嘅椒鹽外皮，外脆內軟，幾正椒鹽焗鮑魚四隻四大隻鮑魚，有一粒粒椒鹽喺面，食落覺得好香，鮑魚煙煙韌韌，好新鮮嘅感覺，幾有咬口天婦羅桶蠔四隻炸到金黃色嘅大蠔🦪外皮好香脆，食落啲蠔肉好Juicy，一咬啲肉汁就流晒出嚟，好豐富嘅口感，配埋佢嘅沙律醬，仲有生菜包住，我哋食得好滋味米湯浸時蔬一大碗上湯煮菜心，菜心食落覺得好爽口，佢嘅上湯好入味，好健康嘅菜式

今次我同朋友去咗西貢呢間海鮮酒家，食左一個4人海鮮餐，份量好夠幾抵食。1. 椒鹽奇脆豆腐：新鮮整出黎，熱辣辣，外脆內軟，好好食！2. 薑蔥炒蟶子皇：蟶子肉質煮得剛好，薑蔥亦都好好食。3. 椒鹽焗鮑魚：椒鹽粉薄薄包住鮑魚，唔會太厚，肉質爽口，椒鹽味恰到好處唔會太鹹！4. 天婦羅桶蠔生菜包：桶蠔好大隻，入面炸得剛剛好，天婦羅粉亦唔會太厚，包入生菜中一齊食，口感層次分明，大讚！5. 上湯開邊龍蝦伴伊麵：龍蝦肉質煮得剛剛好，伊麵正常發揮。6. 鮮菠蘿生炒骨：生炒骨唔會太厚粉，正常發揮都幾好食。整體來講，呢間酒家性價比都算高，海鮮新鮮好味，下次可以再黎！

公司今年預約左間星級海鮮酒家做冬，超期待喔！大顆兒準時7點去到，阿頭已經揀好晒海鮮餸菜，我們坐低等吃就可以。黃金脆豆腐看似平凡的脆炸豆腐，一放入口卻令人驚喜萬分，裹住豆腐的一層脆皮雖薄卻脆，鬆化香口，入口不油不膩。白灼海中蝦蝦肉鮮甜，簡單白灼沾上調味豉油，味道已經非常鮮美。豉椒炒蟶子煎米粉一上枱已經聞到豉椒香氣，店員提醒先吃蟶子，蟶子爽嫩鮮甜，煎米粉香脆焦香，米香味十足，而且吸收了豉椒香氣，兩者非常之夾，令人食指大動。椒鹽焗鮑魚今次用上大連鮑魚，鮑魚椒鹽香氣滿溢，入口辛香惹味，鮑魚食落味鮮肉嫩，肉質爽彈。芝士龍蝦伊麵芝士龍蝦伊麵芝士味道剛剛好，讓每一條麵條吸收到芝士的味道而且又不會太杰身，咸香味俱全，龍蝦肉爽嫩鮮甜，口感彈牙。欖角蜜糖骨欖角的味道特別又帶甜絲絲，醬汁薄薄的掛滿整件蜜糖骨，入口香脆，完全做到外脆內軟的口感，肉汁豐富。

上星期屋企人食飯揾左呢間係西貢連續拎左15年米芝蓮一星嘅六福菜館😍之前間唔中會去西貢食海鮮，但係呢間餐廳第一次去，位置就係海鮮街牌坊行入少少😙入面有3層都幾大，而且服務都幾好😌🔻首先一定要叫嘅係西貢地道海鮮魚湯（$248）🐟，店員話啲魚係漁民每朝早新鮮捉嘅，個湯完全冇落任何味精，入面加左啲蕃茄，飲落好鮮甜💯💯💯超級推介！🔻然後就係佢嘅脆皮風沙雞，呢個記得要預先訂，份量都幾多，可以揀半隻/一隻，雞皮炸到好脆，隻雞有少少肥，但好好食😋🔻椒鹽奇脆豆腐（$60/半份），呢個都係店員推介，有例牌/半份揀，個皮又係炸到好脆，入面嘅豆腐好嫩滑！😚🔻西貢艇仔蒸飯（$288例牌），呢個飯都好特別，店員叫我地唔好撈勻，個飯其實好香啲海鮮味，上面鋪左好多材料，例如魷魚、白飯魚仔，蝦乾等，好入味👍🏼🔻另外仲叫左鮮菠蘿生炒骨、蒸扇貝、陳皮蒸飽魚等，每樣都唔錯😉😉😉

朋友們一直想食連續15年嘅米芝蓮六福菜館，上星期終於約齊人，好感動。黎到當要試必飲嘅西貢地道魚湯，看似簡單，裡面有大量嘅蕃茄，湯頭煲到勁濃郁，入口勁鮮甜，忍唔住要忍多碗。椒鹽奇脆豆腐勁出色的一道菜，件件炸得金黃酥脆，表面薄脆入唔會油膩的感覺，重點唔係一夾就散，內裡豆腐勁細嫰。椒鹽鮮魷(例牌)點左一份例牌，份量都幾多，炸得剛剛好，入口酥脆，鮮魷一D都無炸過龍，肉質嫰滑。椒鹽焗大連鮮鮑魚一上枱已相當吸睛，件件手掌咁大隻，入口帶少少椒鹽鹹香，而且外脆內嫰，鮑魚厚肉，且勁鮮甜彈牙，真係不得了。客家鹹菜木耳炆腩仔估唔到佢地炆腩仔都有一手，調味剛剛好，腩仔肉質好稔滑，一啲油膩感都無，配埋木耳鹹菜一齊食，真係好惹味，配飯一流。天婦羅桶蠔生菜包佢地d炸物真係相當有水準，表層皮薄酥脆，內裡蠔肉肥美，包埋新鮮生菜，層次感十足。脆皮風沙雞上枱時會另外配上南乳醬，沾上醬汁，味道更豐富、更有層次。薑蔥鮑魚焗飯 我地另加左大連鮑魚去製作，我最欣賞焗飯係用炒飯底，配埋香口嘅薑惹真係令你忍唔住食完一碗又一碗。

每次來到西貢都會想食下海鮮，今日跟住一班識飲識食嘅朋友，佢哋二話不說，話食海鮮一定要食六福菜館。首先一定要點呢度招牌前菜：椒鹽奇脆豆腐。這道菜一上來就散發出陣陣椒鹽香味。豆腐的炸漿極為酥脆，入口「喀滋」一聲，內裡的豆腐依然保持嫩滑細膩，口感對比明顯，令人一試難忘。這道菜的油炸技術掌握得很好，完全不覺油膩，真的是一道不可錯過的招牌小食。接著是西貢地道魚湯，這是我第一次喝到以蕃茄和薯仔煲成的魚湯，湯頭呈奶白色，鮮甜濃郁，完全沒有魚腥味。加入蕃茄和薯仔的湯底，喝起來特別有家的味道，濃而不膩，讓人感到溫暖。問過店員，原來他們在煲湯時使用了湯袋，將魚和其他材料分開處理，這樣既保留了魚湯的濃郁，也避免了雜質影響口感，這份用心實在值得讚賞。然後是椒鹽鮮魷，這道菜可以說是當日最亮眼的菜式之一！鮮魷炸得金黃香脆，外層酥香，內裡鮮嫩多汁，完全不油膩，也不會過分乾硬。椒鹽調味恰到好處，鹹香中帶有微微的辣香，每一口都充滿驚喜，真的是我吃過最出色的椒鹽鮮魷之一！接下來是米湯低溫慢煮元貝，元貝以低溫慢煮的方式處理，保留了海鮮的鮮甜原味，搭配米湯的柔和口感，將兩者完美結合。元貝肉質細膩鮮美，入口即化，米湯則提供了清

放假日入西貢食午餐一行多人專誠去朝聖來到連續15年獲得米芝蓮一星的六福菜館嘆星級中菜，點了多款招牌，吃得勁滿足先來就係西貢地道魚湯用上番茄薯仔以十幾款魚的濃魚湯真材實料，奶白色湯底，豪不腥膩，鮮甜無比椒鹽奇趣豆腐外皮炸得十分酥脆但入口一點也不會覺得油膩內裡嫩滑的豆腐，同行人對此讚口不絕這裡最出名的椒鹽焗大連鮑魚原隻鮑魚如掌心般大用椒鹽手法炮製，再加入蒜蓉爆香鮑魚肉質軟嫩腍滑，口感彈牙的確十分惹味天婦羅桶蠔生菜包來自美國的桶蠔，非常大隻炸粉怡到好處，肥美蠔肉仍然夠嫩再準備好生菜同沙律醬一同食用，生菜清爽可口，完美中和天婦羅油膩感米湯低溫慢煮元貝第一次試呢種煮法，以粥水米湯低溫慢煮保留其濕潤，元貝更是鮮甜肉嫩脆皮風沙雞用上新鮮雞，脆皮雞外皮極度香脆，值得一讚重口味人士可以加南乳汁作點綴！蒜蓉粉絲蒸茄子看似簡單又平凡，但又做到不油膩舖滿滿滿粉絲同蒜蓉絕對絕配欖角蜜糖骨外層焦脆欖角味突出，再加了蜜糖一齊好回味薑蔥鮑魚焗飯 鮑魚以薑蔥炒到香濃再配上炒飯底吸收醬汁精華並以煲仔形式上菜，極惹味

朋友好耐無見，咁多年無見返約餐飯都唔可能馬虎去西貢食下，順手摘下星去到西貢一定要食海鮮啦未諗好叫咩都要叫左個魚湯先一窩上，日日新鮮制做，夠晒鮮魚肉煮到溶晒個種白再黎叫左個椒鹽豆腐椒鹽唔會咸到好似大排檔咁輕輕吊下味，因為呢個豆腐係要食到個種滑食完豆腐就開始食海鮮首先要左個花雕蛋白蒸斑馬瀨尿蝦呢到其中一個賣點就係唔洗自己手拆有專人幫你拆埋(唔洗自己落手拆真心爽皮)除左食瀨尿蝦，個重點係蛋白花雕蒸完仲有甜味係個蛋入味仲要吸埋個瀨尿蝦味清清地，又鮮鮮地食完要返少少菜; P要左個天婦羅桶蠔生菜包桶蠔本身濃味就唔洗講重點係包生菜呢下特色不過食到隻手污糟，影唔到相，哈哈最後緊係要返個飽肚既麵叫左個鼓油王炒麵講真要炒得乾身，夠獲氣，又要唔油唔多地方做到，西貢都係食過兩間好食呢間係兩間比較好食個間以環境、質素黎講性格比算高成間環境算幾靜好岩朋友仔過黎中午吹下水、交下心、食個飯

早前到西貢發現六福推出性價比高午市套餐，個人消費$200已可摘星，由於當時已用膳完畢，因此只好擇日再賽。二人用餐，一湯、兩小食、一海鮮、一蔬菜加一主食，份量十足。魚肚羮的調味比較重手，心情頓時一沉，幸好接下來的菜式大多是美味的。虎皮椒肉厚不辣，炒得充滿蒜香及醋酸味，是很開胃的前菜。蜜糖雞翼燙手又燙口，包裹雞翼的炸漿非常厚重令雞翼變得硬脆而不是鬆脆。大連鮑魚外酥內嫩，咬上一口，首先感受到的是帶椒鹽味的香酥鮑魚外皮，接著是鮑魚內裡的嫩滑與鮮美，美味雙重奏。菜芯選用的都是菜遠，因此十分軟嫩，但稍嫌菜味淡薄一點。炒牛河鑊氣十足兼油光閃閃，牛肉也帶焦香，墊底還有一些菜芯，絕不馬虎。

朋友身子不適，長久沒露面。剛再聯繫上就立即約食飯，當然我也爽快答應。時間寶貴但好朋友是要見面的，想起當年吃吃喝喝談笑風生，好不寫意。今次跟好友相約在西貢，他說要帶我去一家連續15年榮獲一星米芝蓮的海鮮菜館食飯。這陣子正想吃吃海鮮，就跟他去一趟。我也很久沒有西貢，很多地方也變了，世界每天都變，唯可吃美食的興奮心情長期不變。今次來到這邊，放下日常的鎖事，好好跟好友吃一頓飯。西貢地道魚湯 每窩$248我對魚湯基本上是毫無抗拒之力的說，每次在海鮮的菜館，見到有魚湯都是必點的。蕃茄薯仔湯底，配合每天不同的新鮮魚仔去煲，店員說魚仔都是入袋煲，不怕魚仔的小骨會留在湯中。湯品不只是香甜，而且鮮味十足。蕃茄薯仔的份量恰到好處，令湯品有更豐富的層次。再者，薯仔剛好煲到起沙，卻不會影響湯的湯品的口感，讚。椒鹽奇脆豆腐 $60豆腐本來點來開胃的，$10/件豆腐，性價比還是試過才知道。外層雖薄，奇脆也說不上，但入口甘香，豆腐入面很滑，配以點點醋一同食用，讓椒鹽的味道稍稍提升，而且不會很漏。很久沒有吃過如此高水準的椒鹽豆腐，$10/件比起平日細細粒但炸粉滿滿的椒鹽豆腐來得有誠意得多。  椒鹽焗大連鮮鮑魚(例牌3隻

二次光顧西貢呢間老字號海鮮酒家，價錢同海邊套餐比較一定唔係平，但品質一定係最好，海鮮絕對係新鮮到不得了，日日都有新鮮漁獲入貨。無論白灼或者清蒸，味道都保留住海鮮原汁原味。黃金脆豆腐開胃菜。外層炸得金黃酥脆，內裡保留住豆腐嫩滑，每一啖都充滿口感層次。輕輕咬落去，外脆內嫩，而且唔會太過油膩，充滿淡淡豆腐香。白灼海中蝦真身為經典嘅海鮮菜式，食材嘅新鮮最重要，蝦肉鮮甜勁彈牙，簡單嘅調味已經好出色豉椒炒蟶子煎米粉真係非常有特色菜式。蟶子肉質鮮嫩多汁米粉煎得香脆再加入咗蟶子同豉椒嘅味道，口感多變，係真正值得品嚐嘅菜式鮑魚本身肉質鮮嫩，多汁彈牙，外層酥脆內部保持住鮑魚嘅肉質，用椒鹽焗製之後，椒鹽嘅鹹香味道完美地提升咗鮑魚嘅自然鮮甜，一隻真係唔夠😝桶蠔炸到金黃酥脆，外層香脆，內裡嫩滑多汁，包住炸桶蠔生菜清爽可口，帶有淡淡嘅蔬菜香味，完美中和天婦羅油膩感。呢個組合perfect match 既有天婦羅嘅香脆口感，又有生菜嘅清新脆爽，濃郁嘅芝士醬包裹住伊面同龍蝦，味道豐富又唔會太膩。伊面吸收哂芝士嘅香濃，再配上鮮甜嘅龍蝦肉質鮮嫩非常新鮮，彈牙多汁，每一啖都係味蕾享受。欖角蜜糖骨，中菜果然係難到最高嘅菜餚，

今年入西貢都是去另一邊的白沙灣, 反而很少到市中心, 早前週末出遊, 才發現多了很多食肆及店鋪, 有少少 '開心大發現' 的感覺~  西貢出名吃海鮮, 最好就是約三五知己一齊前往, 那就可吃多幾款菜式. 六福菜館連續多年摘了米芝蓮, 必定要去吃一吃~  說到底也必然是吃海鮮, 自選海鮮及加工費, 一般都是這個計算法, 而六福菜館的加工費大概是HK$130至HK$200. 嘩! 這麼大份, 幾個人怎吃得光….哈哈! 這句說話太早說出啦~ 當你把一條椒鹽奇脆豆腐 $120/12件放入口後, 接著很快想吃第二件. 皮薄脆、豆腐嫩滑, 必食!  (例牌$60有6件) 西貢地道魚湯, 超級鮮甜!  湯底是薯仔番茄, 加薑令魚更鮮甜.  因此今餐的元貝、鮑魚、蟶子皇都需要把加工費計在內.  先來米湯低溫慢煮元貝 (5隻) $400, 從未吃過這煮法, 米湯配低溫, 讓元貝口感香滑, 也多了一份米的香甜.  看到鄰座夫婦吃鮑魚兼狂讚好抵吃, 於是我們也點了一份椒鹽焗大連鮮鮑魚 (5隻) $475, 以油泡過, 再加椒鹽, 非常惹味, 而且好厚肉又彈牙~ 另一道菜式又是好邪惡! 天婦羅桶蠔生菜包 (例

同親戚都好耐無見，終於可以約到出來食飯，約左係西貢地方食海鮮，近西貢碼頭，環境又幾舒服，去到間飯店，門口雖然不算好大，但上樓都有幾張大枱，同親朋好友可以一聚。【黃金脆豆腐】色澤金黃，味道比普通炸豆腐更上一個層次，鹹蛋黃鹹香令豆腐增添風味，加上酥脆嘅口感，外脆內嫩。【椒鹽焗鮑魚】椒鹽鮑魚不是好多地方食到。表面有炸過，口感彈牙又不油膩，配上椒鹽，非常香口，又大隻。【天婦羅桶蠔生菜包】炸得非常外酥內嫩，再包住生菜一起吃，減少油膩感，內裡鮮味十足。【欖角蜜糖骨】欖角味突出，再加了蜜糖一起炒，令金少骨入哂味，表面又少許脆脆地，又啖啖肉。【豉椒炒蟶子煎米粉】第一次食的滿滿的豉椒炒蟶子煎米粉，獲氣十足，炒香豉椒和鮮甜爽滑蟶子，再配上煎米粉，味道匹配得剛剛好。【米湯浸菜心】米湯味道濃，菜心爽脆鮮甜。【豉油王炒麵】推介，麵質又有彈性，炒得又夠乾身，最重要是沒有油膩感。