六福菜館

营业中

休息中

米芝蓮一星西貢海鮮😍六福菜館多年獲米芝蓮一星嘅殊榮 果然名不虛傳🤩 叫咗個四人海鮮餐 試咗佢大部份出名嘅海鮮😎 首先食咗佢嘅椒鹽豆腐 外層麵粉薄脆 裏面的豆腐非常軟滑 帶有少少豆香 好出色👍🏻 之後就嚟每人一隻薑蔥炒蟶子王 蟶子嘅質感彈牙爽口 好有鑊氣 又唔會炒得過老 薑蔥嘅香氣滲入蟶子裏面 好開胃😋 再嚟椒鹽焗鮑魚 鮑魚好大隻 口感腍身好易入口 椒鹽味恰到好處😆 天婦羅桶蠔生菜包亦都係佢哋招牌菜式之一 脆而不膩 蠔味十足 生菜同沙律醬亦都可以減低佢嘅油脂感 兩者一齊食非常之配合😝 上湯開邊龍蝦伊麵都係必試 龍蝦好新鮮 亦都好多膏 啖啖龍蝦肉嘅鮮味 大滿足🥳食完海鮮已經好飽好滿足 再有個鮮菠蘿生炒骨 最後以椰青大菜糕作結 清爽香甜 完美嘅一餐米芝蓮星級菜式☺️