六叔燒鵝 (已結業)

喺附近早左做完野，就喺炮仗街嘅街市買埋菜返屋企，見倒六叔啲燒味都幾靚咁，望入去都乾淨企理，價錢同一般燒臘鋪都差唔多，就試下喺度斬料返去加餸。除左外賣燒味，佢地都有堂食，店面乾淨企理，地下亦冇立痴痴咁。蜜汁叉燒($128/斤) - 買左$100半肥瘦叉燒，閃令令睇倒都流口水。叉燒蜜味夠，肉質鬆軟唔會太肥，切得亦厚薄適中，甜甜地好好食。總結，叉燒唔差得過名氣燒臘店，最重要環境乾淨感覺安心啲，下次再經過都會想試埋佢個燒腩仔。