公和荳品廠

营业中

休息中

這處的豆腐花真是滑到不得了, 早兩天在北角食了一碗, 真是很「鞋」, 可惜公和在別處找不到分店.

此店已屹立在深水步多年, 雖然沒有靚裝修, 伙計態度並不友善, 但每樣食物都很正, 價錢也不算貴, 店舖時常坐滿不同年紀的人, 尤其是在買"送" 時間更多人幫襯買豆腐, 牙菜, 煎豆腐和豆卜等東西,雖然我搬離深水步多年, 經過時我也會去吃豆腐花和食煎豆腐.

呢間鋪頭一定要推薦大家去試下! 事關我由細食到大，佢都未試過失手，絕不欺場，可以話係香港第一豆品!!~豆腐花冷熱皆宜，真係滑到你唔信!~煎豆腐就甘香味美，一定要趁熱食!~豆漿原汁原味，絕無溝水或防腐劑!~食完唔夠喉咩?仲可以買樽自製腐乳返屋企慢慢嘆!o係個度只會食到以上豆類製品，而且位於街市，附近衛生程度有限，但勝在有親切感，永遠都人頭湧湧，就知佢有幾掂!

唔需講咁多，老字號。認真由細食到大。豆花夠滑、豆漿夠香、煎豆腐令人回味無窮。價錢公到、比起整色整水的人x 更來得實際。

咁岩經過哩間店, 人山人海, 就心思思入左去, 哩間係老字號, 重記得十幾年前大舅母帶我黎食野, 就一路有時間都會黎哩度, 除左豆漿, 豆腐花之外, 重有煎爙豆腐食, 雖然無出面其他鋪頭整得咁靚, 但係就夠晒風味, 加上夠晒新鮮熱辣, 都幾過癮架, 得閒可以試試.. 重有一間店係九龍城架!

靚女千尋就話試唔同味o 既豆花就要去人和呀，007 就介紹另一間俾大家，就係公和啦，呢間老字號既豆品店賣o 既係傳統豆腐花豆漿，冇乜花巧，但係o 的豆花同豆漿就好好味，o 的豆花好滑溜，個人認為比人和更香更好食，呢度好近黃金，睇完電腦就最岩去食啦，不過果度o 既地板好「線」，環境比較差，要小心o 的