公和荳品廠

营业中

休息中

尋日去開深水步咪特登試下.叫左豆腐花& 雙併.豆花滑但未有想像中好味,雙併好油,又少又貴.要成十蚊真係賺死.唔值得我再去囉!

公和荳品深水埔與九龍城, 兩間都話自己係總店, 其實間間賣D貨都不外如是, 亦只不過是人云亦云而已, 加上近期狂開D連鎖店, 最緊要係收加盟費, 志在掠水, 果D質量不斷下降, 百福荳腐好過佢, 起碼衛生過佢地啦, 我對呢間公和D手法不敢恭維了, 始終走離左傳統食品風格, 唔值得D人讚到暈。

有幾好食都唔需要多講啦~我就最仲意食佢既凍豆花.佢近呢一兩年開左唔少分店,聽講好似係特訐經營,佢地d裝修認真不敢恭維,就算佢地既出品同老鋪一樣,我都只會幫襯九龍城同埋深水步老店,間間都幾廿年歷史,裝修一直無変,品質好就唔在講,最緊要係個種時光倒流既感覺,猶如置身於五六十年代之中,好鬼有feel~

好耐之前，我男友同友人食過一次，我男友覺得好好食，但唔記得個所在地...上個月，我o地無意中發現呢間舖頭，我o地就入去試試...我o地要o左兩個豆花、一個煎釀豆卜..呢間舖頭o既豆品勁掂，簡直可以稱王稱霸!!!!!!不過，我覺得呢間舖頭o既分店完全唔可以同呢間舖頭相比，呢間正好多好多^.^^.^

本人住左sham shui po 20 年,其實呢間公和轉左手.以前仲好食. 大家試清楚D,會發覺有陣火煙味.(以前冇)<br />但一樣都好味,比其他公和好得多

係九龍城有間老公和, 仲以為係總店好正架~ 細個成日去

hello openrice editor,let me go to see the street number!!

唔該openrice主持加返啦!! thanks!!

雖然我是二十歲都知這裡老字號，因為我在十二歲前媽媽就帶我來不知多小次了。地方是舊式街市就說不上衛生了，夏天都有釣扇的，不過食物價錢同味道卻是好多新店都做唔到。食物是豆腐花，釀豆腐同豆漿而已，但是自家出品，用傳統做法做了好多年都是那麼好吃，價錢又便宜。喜歡在家中食粥or炒通菜的可以買這裡的腐乳。很怕這區重建沒有了這店。

上次兩個人去食叫一碗熱,一碗凍豆腐花,一碟兩拼再加多碟煎豆腐...熱既豆腐花係好食好多ga...仲滑d..兩拼有釀豆腐,豆腐卜.....豆腐係好食過豆腐卜.點d辣醬仲好食ga.....

一場黎到深水，幾趕都要"Chur"返碗豆花先走﹗嗯﹗真係滑到不得了，正﹗佢本身$6/碗，但而家有外賣一盒兩碗$10，好抵喎﹗

細細個陪婆婆去北河街買餸時,她都會和我去呢間豆腐舖食豆腐花... 到我現在31歲,有時都會去食吓架!話時話,佢地d豆腐花真係一流,滑到"查"咗 sk2都唔夠佢哋滑架! ... 不過我婆婆剛於去年過身... 真係好懷念和婆婆去買餸食豆腐花的光境啊...

公和老舖的確係名不虛傳. 豆漿o既豆味濃, 煎釀豆好食到令我愛不釋口! 煎釀豆腐都幾正, 但始終唔夠豆咁惹味.呢度唯一唔好o既就係環境麻麻, 門前就係露天街市, 加上位處老區, 品流複雜, 想坐耐o的都唔可能. 早一排同朋友o係傍晚o黎呢度歇一歇腳, 點知食到興高采烈之濟, 有個醉酒佬扑o左入o黎重差o的要嘔添, 搞到我地要磡磡聲食完速速走人.

第一次無意「椿」入去，係行完黃金歇歇腳，真係驚喜，特別係釀豆非常美味。個日去完維記，心思思走去買外賣。豆花真係成塊豆腐咁，我鐘意呀。豆都好味，但比新鮮食始終差d，十蚊一大盒，都幾抵。但係其他分店水準普通d喎。

每次行開深水埗,必定會去公和歎返杯豆漿,雖然$8一杯其實都幾貴,但係呢度o既豆漿特別濃味,豆同水o既比例洽到好處,所以係值得o既,好過比$4,5飲d淡而無味既"豆水"另一推介係釀豆卜,扁扁長長一塊豆卜釀入魚肉,好好味,一串3塊剛剛好豆腐花就不夠甜,但豆味濃,不過不失啦(食過南丫島亞婆豆腐花之後,食咩豆腐花都覺得唔好味lu,哈哈)另外,呢度賣o既豆腐都係超正,1.5一塊,我經常係度買回天水圍家比媽咪煮,煎同蒸都咁好食,不過要買3塊以上先有盒載,如果唔係就好難拎了