公和荳品廠

营业中

休息中

公和老舖的確係名不虛傳. 豆漿o既豆味濃, 煎釀豆好食到令我愛不釋口! 煎釀豆腐都幾正, 但始終唔夠豆咁惹味.呢度唯一唔好o既就係環境麻麻, 門前就係露天街市, 加上位處老區, 品流複雜, 想坐耐o的都唔可能. 早一排同朋友o係傍晚o黎呢度歇一歇腳, 點知食到興高采烈之濟, 有個醉酒佬扑o左入o黎重差o的要嘔添, 搞到我地要磡磡聲食完速速走人.

第一次無意「椿」入去，係行完黃金歇歇腳，真係驚喜，特別係釀豆非常美味。個日去完維記，心思思走去買外賣。豆花真係成塊豆腐咁，我鐘意呀。豆都好味，但比新鮮食始終差d，十蚊一大盒，都幾抵。但係其他分店水準普通d喎。

每次行開深水埗,必定會去公和歎返杯豆漿,雖然$8一杯其實都幾貴,但係呢度o既豆漿特別濃味,豆同水o既比例洽到好處,所以係值得o既,好過比$4,5飲d淡而無味既"豆水"另一推介係釀豆卜,扁扁長長一塊豆卜釀入魚肉,好好味,一串3塊剛剛好豆腐花就不夠甜,但豆味濃,不過不失啦(食過南丫島亞婆豆腐花之後,食咩豆腐花都覺得唔好味lu,哈哈)另外,呢度賣o既豆腐都係超正,1.5一塊,我經常係度買回天水圍家比媽咪煮,煎同蒸都咁好食,不過要買3塊以上先有盒載,如果唔係就好難拎了

其實熱豆花比凍豆花更為軟滑.至於落甜,下為本人小建議:熱豆花+黃糖:黃糖係熱豆花中溶化，可帶出蔗糖香;凍豆花+糖水:唔會太甜.一般來說.煮糖水會加少少薑片.其實可以更帶豆味,夏天消暑一流~言歸正傳,公和果真百年老鋪,無論凍熱豆花都掂.夏天行街.經過公和.我都會買杯豆漿飲下.有益又好味~

如果食過澳門榮記,肯定覺得公和的荳花唔夠豆味!<br />而食荳花就最好叫店員落多些糖水好過落黃糖,因影響滑滑的口感!

絕對係全城至正既豆腐花！去親深水埔必定會食煎釀豆腐都好味~

落開鴨記同黃金掃野，路經止舖就梗係要入來食碗豆腐花同飲杯豆漿啦，話到尾都係本地名牌老舖，實要支持下的。平日下晝呢度多數插針不下，今日竟然有位任坐，唔使問又係AP的強大影響力。已經食左豆類製品三十幾年，味道方面當然不會有任何驚喜，但都是有水準的。豆腐花加豆漿再來碟煎釀豆腐只廿多塊，食得飽一飽，再去行過。

好耐未食過咁香豆味既豆腐花! 雖然坊間都有d 好滑豆腐花,例如九龍行neway 都有好滑豆腐花供應, 但講到香就真係冇得揮!!<br />老店環境當然唔可以同新店媲美, 但我個人鍾意呢款老店格局,好有feel! 好似去番細細個時跟婆婆、阿麻去街市時,整碗豆腐花時情況! <br />第二時去開深水步,一定會再去食!!

出面咁多間叫"公和"既我覺得得呢間係可以食九龍城都ok 但無煎豆腐我每次必食豆花唔食唔舒服好好味呀

旺角分店完全唔掂>.<<br>嗌左豆漿,手打麵,煎豆腐...冇樣好味.<br>出哂名o既豆漿竟然唔好飲...好失望..寧願飲百福好過..

上次專登來食, 好可惜冇晒凍豆漿同凍豆腐花.吾知係吾係雪櫃壞了, 好可惜啊！所以在三十度的下午, 飲左一杯熱豆漿同煎豆腐.個煎豆腐好好味呀～好香豆味～而杯熱豆漿都幾好, 但我諗冬天飲會更正！

味道好好，價錢大眾化，只係話地方就差少少啦。

難得去到一定食兩碗, 唔係就滿足唔到我的慾望...<br>不過, 搵人買返屋企食就好好多, 因為無食得唔辛苦呀。

九龍城的公和荳品廠試了不下數十次，呢間第一次來，也不知道哪間才是總店。<br>店內的位置很窄，坐得令人不舒服。兩個人叫了兩碗凍荳花、一杯凍荳槳、一碟煎釀荳腐和一碟煎豆卜，只是$32 便解決了兩人份的午餐，蠻化算的！<br>荳花荳槳和九龍城的一間無甚不同，保有它的水準，然而叫我吃驚的是煎釀荳腐和豆卜的美味。<br>該店煎豆腐的水準一般，但食材本身的美味已經夠殺，所以味道很香甜。反而豆卜的學問較大，他們先將豆腐卜按扁收水，釀些少鯪魚，再加蛋煎，絕對是必試之作！<br>搭地鐵B2 出口向前行三十秒便是！

若果唔計較衛生環境，依度o既豆漿及豆花可稱雙絕，絕對好食及絕對經濟，味道一流，豆花滑不溜手，豆漿凍飲夠解渴，經過此地一定要幫襯！