公和荳品廠

营业中

休息中

呢間公和ge 豆腐花比其他分店ge 滑得多, 雖然環境麻麻, 但好食補番數!!!除咗豆腐花好食，銀芽炒面都好好味!!!

豆腐花差少少豆味, 熱好過凍, 兩者都好滑, 豆漿既豆味就very good. 好似飲啤酒飲D 泡就更加好味, 煎豆泡就最正!!!

有人話只有九龍城同呢間仲係好味食完合益當然要黎試啦但係食完就有d失望喇無錯豆花係滑既但比起天壇大佛o個d又差少少喎而且無乜豆味我食o個次仲有少少煮膿左既味10蚊一碗唔算平好似屋企樓下街巿既仲好味喎!

我記憶中，呢一間係第二次我食最滑既豆花，第一次係天壇大x 個度食，第二次係呢間野。真係好滑，但豆味不太足，碗豆花滑到識得各光嫁!!!

以前只食過豆腐同豆花,覺得豆花幾好,但係豆腐一般。幾日前試埋煎釀豆朴,真係好正好好味,極力推介!環境方面,由於我在sham shui po 長大, 見慣這種食肆環境, 所以覺得可以接受。

公和我去開佐敦, 價錢兩間一定有分別, 但係質素唔覺有咩分別。入到去一定係豆漿同豆腐花0家啦, 仲有咩好介紹?同人和比, 豆漿起碼無咁甜先。

新年果日出院，去深水買d野d friend 打黎話meet我，咁我就去打左下機。meet到喇，佢地話不如去食豆花。我一路都唔知SSP有正豆花既，梗係話好。一去到，就已經覺得係正野，因為係老舖關係。嗌左3個凍豆花，同釀豆腐，炸豆腐。豆花真係正，就算係果日得6度，食落真係滑，係罐黃糖有d濕。d炸/釀豆腐自己無咩研究，不過起碼覺得唔太膩/油，幾好。d 抬凳我無咩要求，十蚊八蚊貨仔有d濕無辦法。情侶/追緊既唔好去喇，實死。想relax下傾下都唔咁o岩，好迫。係三五知己/麻甩行完黃金去清下口就一絕。

天寒地涷，當然趁機約左一班食友去食羊腩煲。雖說是即興，但留言一出，轉眼又超過一圍之數。今天工作比較清閒，六時許已可在深水步區閒遊，在往小菜王打點了檯之後，也有時間，就來食碗豆腐花先。有理由相信呢度由開舖至收舖都係咁多人的，不斷有人走亦不斷有人入。叫左熱豆腐花，是仍舊的滑及豆味濃郁，六蚊一碗，來得此區是不能錯過。聞到煎釀豆腐都香氣四溢，非常吸引，但因有羊肉之局在後，所以唯有忍一忍口。

同大家講我住係深水步都成十幾年.係十年前的公和真係好好食.但到左依加d師傅都唔同左人d鋪面員工都轉左好多.可能係轉左人依加d豆腐花真係好差同十年前比真係好唔得. 所以唔駛一定要去深水步試.

千祈唔好外賣豆腐花ar.一來唔新鮮,食落好似有d隔左夜既豆味,d豆腐花又好散;二來貴,你咪睇佢好似好大盒,其實1/3都係豆腐花d水,唔知係佢特登倒入去定係d豆腐花唔新鮮出水,重要成$10;個伙記重話外賣$10大大盒抵wor.(if 你鐘意飲豆腐花d水就好抵ga)豆腐花都係堂食最新鮮最滑最好味~

公和豆腐店現在有很多間, 不過深水步這舊店才是正店, 和其它的完全不同, 我覺得是香港最好食的豆腐花。不過地點和環境就不是人人都可以接受.

細個既時候每次隨母親去到這裡買餸都去這老店食豆腐花, 亦因為呢一碗豆腐花我才願意去那污糟既街市, 店舖位於街市內, 的確唔係人人都願意去, 不過如果你真係想食到好味既豆腐花就唔好嫌棄其他野啦！無錯這裡無論座位及環境都唔舒適, 但就充滿人情味, 一碗平凡既豆腐花包含這老店既歷史及故事。雖然外面有好多間"公和", 但論滑及好食始終不及這老店, 而且外面既"公和"一碗豆腐花要成$10, 似乎貴了點！

try again last time,just want to say,the taste of DauFuFa is OK,can't compare with the past .......

去食過幾次發覺不外如是,豆腐花系滑,但太稀,沒有口感.其他的食物味道一般. 環境不是很好.感覺濕立立.比較同類食店差得遠!

吾知係吾係sifu失手,撞得吾好.2次都失望.....hope next time resume normal la