公和荳品廠

营业中

休息中

要左凍熱豆花各1碗，同1碟釀豆卜。熱豆花一放入口，差唔多可以滑落喉嚨，豆香味又重，難怪好多人都話食豆花一定要黎公和。釀豆卜剛出爐，好好味，唔太油，索曬d汁，正到無人有。後再追加一碗熱豆花俾阿媽。隔左大半個鐘，雖然無堂食咁滑，但已勝過大部分鋪頭。唯一要彈既只可以話隻碗勁痴立立。同埋，d人買野唔識排隊囉，部分街坊可能恃著自己係熟客，一到門口就俾錢門口個男人，完全唔理有條隊。眼見咁既情況，本來排緊隊既人尤其係師奶怕蝕底，又跟住衝上前俾錢。好彩門口個男人見我排左幾耐又俾成堆師奶塞住就問我要咩，否則我真係唔上唔落喇。

朋友介紹，去附近坤記買糕就順便食下！　都係mtr　B２出口！食滑豆花最好食熱，不過呢排太熱喇。一定要叫凍豆花先得！加上個度無冷氣！熱上加熱！！佢有既野唔多，得豆花、豆漿、釀豆腐。另有腐乳等大豆製品。食左１）凍豆花（＄６堂食；　＄１０外賣）２）釀豆腐雙拼（＝豆腐x２＋豆卜x３）（＄１０）豆花好有豆味！　本來一向鍾意加少少黃糖食，不過呢個唔使！　就咁食已經好好味同埋好滑！！　清清地啱晒消暑！！　　另外既雙拼呢，因為都幾多人外賣同堂食，所以都係新鮮熱辣辣！　豆卜炸到脆！　（當然唔係好似薯片咁喇）　雖然賣相差d，又比豆腐細件d，不過鍾意食香口野既話，應該會覺得豆卜好味d！　豆腐就大件d，同埋佢係煎，都係sell豆味重同埋滑！　環境就比較差d，「廚房」亦唔理想，不過始終係有咁上下歴史，呢個絕對可以接受。去既話亦唔好諗service，叫完食完就自己比錢走。走個時見到有好多人買外賣返屋企！尤其係豆漿，不過一枝都要＄１３。５！　比較貴。下次行過唔入去坐低食，都會想買個釀豆卜一路行一路食！！　呢間實有下次既！

五月十六日(五)食完美味腸粉後，第二站過左去公和度食番碗豆腐花同小食～熱豆腐花($6)自從試完義香之後覺得佢既豆花好似比公和滑，但今日再食又覺得公和好D！今次尼幾碗我同老婆都覺得滑過之前食，唔知係咪夜D小人D關係? 以尼碗黎計義香最多都係同佢打和，但公和有糖水同幼身黃糖比義香無糖水、砂糖溝黃糖優勝，整體黎講略高於義香。雙拼($10)只食左豆卜，好似比之前豆卜細舊左，香身左但小左豆味，比對上一次稍為遜色。同坊間比當然還優勝很多～凍豆漿($5)一貫的清甜有豆味，老婆朋友亦說非常有豆味，好飲!！吃到飽飽埋單再加兩杯細豆漿行街都只係$38，抵～搭MTR前途經坤記買多兩舊白糖糕完成左今次深水埗之旅～ 非常滿足～

食開環境靚, 地方乾淨個D可以唔洗來喇.間野隔離一邊係賣海鮮另一邊賣菜既,都係濕漉漉,店舖內地下都係好鬼濕,見到工場內工人工作情形會仲驚..仲有呀姐D抹台布...人多地方細台細...總之就亂啦!!第一必食推介熱豆花,右滑右有豆香! 第二係煎豆腐, 豆腐面有魚肉,煎香左唔腥,加少少糊椒粉係面,再加少少鼓油係我一貫食法!豆腐唔係勁滑,但有豆味!通常我都唔要雙併(煎豆腐+豆卜),因為豆卜煎個時吸左好多油,有時會煎到好乾.豆漿,只有凍無熱既! 豆味一般,我覺得甜左D,唔係必食之選!但我通常都要埋...哈..因為解渴!同埋夏天要食熱豆花(凍既真係無咁好食) ,為有要杯凍豆漿啦!

11.05.2008公和真係由細食到大, 因為自細响深水埗長大, 所以出親黃金or鴨記都會幫親福榮, 福華街一帶嘅美食, 遲啲有時間會逐一介紹, 可能大家已經好熟悉, 但係小弟食咗廿幾三十年, 食評當然會更獨到啦! 我敢保證, 食神艾廸並非浪得虛名嘅!! 下晝3點幾去到, 一貫多人到嘔, 不過都啱啱有位, 坐低即刻叫咗豆漿&煎豆腐, 豆卜雙併, 本來好想食豆花, 不過係熱先夠滑, 涷就大打折扣, 所以寧願只飲豆漿!話咁快就有得飲有得食(因為番枱要快吖嘛!!), 唔~~豆漿保持一貫豆味濃郁, 令人有天然嘅感覺, 再食煎豆腐, 都不過不失, 水準都可以保持(記得落豉油, 好食好多架!!), 再睇下豆卜......咦!! 點解細件咗嘅?? 成個正方體咁嘅?? why?? 以前好大件個噃?????不過都試下味先......唔~~定硬咗又嚡口, 同以前好大分別喎?? 我滿腦子疑問去問老闆(因為我坐响佢隔離, 平時收錢個肥叔叔就係老闆!!), 佢話冇唔同呀, 都係用個啲材料, 不過個形狀唔同咗啫......, 見佢好似有啲苦衷, 我就費事再追問了~~~ 不過真係好唔同噃, 以前用啲魚肉撈埋啲豆

有天我和女友試完"潤牛記"後,再打算去試甜品,無意間經過公和,我看過報導這裏盛產人吃了曉飛天的豆腐花,於是前去看過究竟.坐下後便叫了兩碗熱豆腐花($6和煎釀豆腐($10)先評論煎釀豆腐,件數約四五件.豆腐本身挺硬,用筷子夾起是不容易散.加上鼓油點綴下,放入口裏可以說好普通.但是這裏馳名的豆腐花則有點驚喜,當店員放到桌上後,從色澤來看,它比其他的豆腐花不是一味雪白,而是較深,近似黃豆的原色.側感挺實豪邁,令一向認為柔弱外表轉變成剛味濃厚,漸漸地被它沉實深深吸引,像是在夢中得到擁抱茁壯的大樹幹.那種安全感竟然能從一碗豆腐花中得到,實在令人嘖嘖稱奇.回過神後,便加入砂糖和糖水拌勻.當要翻動的一刻,便意味著剛強的外表被我弄散,再次回復柔弱的一面,展露它的無遺.入口後,可以說:豆腐之花...不賴不賴....

可以抖膽講呢度係香港最滑既熱豆花之處 細細個每個星期去阿婆屋企"新區" ~即依家既葵涌村, 都會掃街, 唔少得食番碗豆花 個時既街邊檔既豆花都十分香滑 但久而久之 街邊檔口被淘汰 已經很少香滑既豆花 後來爸爸介紹呢間公和比我地知 就有番香滑既豆花食嗱! 本人覺得要佷滑既感覺,一定要食熱既豆花 一食落口就滑到喉嚨 陣陣豆香雖然呢度地方又細又污濁 但人客川流不息 除咗豆花 仲有煎豆腐豆卜 但我和老公都覺得啲豆漿就麻麻地 甜得來又無豆味 比較稀 雖然有無糖豆漿, 不過聽隔離枱既小姐話完全無味, 唔多掂 !

好細個媽咪已經帶我黎依度食豆腐花.我本身唔中意食豆腐.但對豆腐花就無偏見.每次黎都淨係食豆腐花.媽咪都會叫豆漿.原來可以叫豆漿走甜.個d豆漿就係啱啱整出黎未加糖水.如果大家想試原汁原味.下次不妨咁叫!但對環境千其唔好有期望...外賣亦都會貴d同無咁好味嫁.

五月四日(六)食完維記，有d口渴，就是左附近公和度買杯凍豆漿黎飲，外賣$5/細 $8.5/大 選了大杯和老婆share凍豆漿入口清甜，豆味濃，感覺非常天然又有益，真係正過汽水好多，而且尼度價錢$8.5真係好抵 大尼杯應該都有成600毫升到比起旺角$7/杯，$10輕鬆飲，比番$10我都想揀番尼杯多d有機會試下義香既豆漿睇下比起公和如何~

由細到大~~都很喜歡這間豆品店~~因為真係好好味(至少在深水埗區也不能找到比他好的店)~~每次行過~~即使不入內食~~也會叫一杯少甜豆漿外賣~~少甜可以感覺到更多的豆味~~又不似走甜般味道單調~~至於豆花~~一樣好味~~而且熱比凍的要好~~好香好滑~~而煎壤豆腐豆卜~~同樣值得一試~~他的豆腐即使賣$4一件~~照樣大把人買~~希望這間店以後都可以保持水準~~

同男朋友經過..見佢咁多人..就走入去試下..1入到去,,嘩!!張CHAIR有D污漕..雖然個環境麻麻..個FEEL好舊..但係野食真係唔錯!1人叫左1個凍豆花..好滑的..不過唔知係咪我地食得甜..所以食落好似唔夠甜咁...正常凍豆花應該唔使落黃糖架..不過我地都落左...跟住再叫1個雙併..煎豆卜好味啊!!唔係話好油..真的不錯!!下次有機會行過都會再食!!哈哈哈哈哈!!XDD

和媽吃過餃子, 想吃點甜的, 知道這裡的豆花好出名, 就來了這裡, 雖然沒有什麼特別grand的renovation, 但有一點舊舊的味道, 才覺得特別只要了2個豆花, 再加一杯豆漿, 只可以講一個字: 正! 豆花好滑好滑, 豆味好重, 豆漿又香又濃, 我個人來說就好喜歡了! 媽說亦up to standard, 要番炒呢!下次再來, 再吃!

四月廿五日(五)今日本來o念住同老婆去觀塘APM，因為驚落雨，放工時發覺幾清爽，於是揀左去深水埗度行順便去鴨記買耳筒。尋日係花園街食左碗鞋既豆腐花，今日經過深水埗當然要黎公和食返碗高質素黎補償番。因為較夜關係，入到去仲有空位，揀左埋邊"西一"枱座，環境比起旺市時人山人海實在好太多。照舊每人一碗熱豆腐花，今次加了一碟雙拼試試~豆腐花食時候不自覺同尋日果碗對比，尼度既實在太滑太好味。同有黃糖可以自己任落，唔似人和得幾樽糖成間店用。真係又平又好!雙拼(釀豆府、釀豆卜)一向對豆卜無乜好感，好多時都係麵搭埋先食到，但估唔到豆卜都可以咁有豆味，配合埋魚肉又幾好食喎，原來對豆卜無好感只因為無食過靚野啫~而釀豆腐亦唔錯，雖然魚肉較薄身，但豆品廠當然是吃豆腐鮮味，魚肉只是用來吊味。但個人覺得分開吃較好吃~ ~" 可能煎豆腐本身已經夠香口~

今天去吃豆腐花和飲凍豆漿,豆花和豆漿味道一般,但以$6一碗豆花和$4一杯豆漿,真的很便宜,朋友叫了一個煎釀豆腐,面頭那塊魚肉,真的薄得很,朋友仲話食到舊豆腐有些酸味.應該唔會再去.

專登去食豆腐花,夜晚七點幾還有很多人食嘢,真係好生意.枱與枱之間較為迫,會出現背對背的情況.要了一個熱豆腐花,睇個樣唔係幾滑,不過食落口就真係唔同,滑到無牙都食得．