公和荳品廠

营业中

休息中

四月廿五日(五)今日本來o念住同老婆去觀塘APM，因為驚落雨，放工時發覺幾清爽，於是揀左去深水埗度行順便去鴨記買耳筒。尋日係花園街食左碗鞋既豆腐花，今日經過深水埗當然要黎公和食返碗高質素黎補償番。因為較夜關係，入到去仲有空位，揀左埋邊"西一"枱座，環境比起旺市時人山人海實在好太多。照舊每人一碗熱豆腐花，今次加了一碟雙拼試試~豆腐花食時候不自覺同尋日果碗對比，尼度既實在太滑太好味。同有黃糖可以自己任落，唔似人和得幾樽糖成間店用。真係又平又好!雙拼(釀豆府、釀豆卜)一向對豆卜無乜好感，好多時都係麵搭埋先食到，但估唔到豆卜都可以咁有豆味，配合埋魚肉又幾好食喎，原來對豆卜無好感只因為無食過靚野啫~而釀豆腐亦唔錯，雖然魚肉較薄身，但豆品廠當然是吃豆腐鮮味，魚肉只是用來吊味。但個人覺得分開吃較好吃~ ~" 可能煎豆腐本身已經夠香口~

今天去吃豆腐花和飲凍豆漿,豆花和豆漿味道一般,但以$6一碗豆花和$4一杯豆漿,真的很便宜,朋友叫了一個煎釀豆腐,面頭那塊魚肉,真的薄得很,朋友仲話食到舊豆腐有些酸味.應該唔會再去.

專登去食豆腐花,夜晚七點幾還有很多人食嘢,真係好生意.枱與枱之間較為迫,會出現背對背的情況.要了一個熱豆腐花,睇個樣唔係幾滑,不過食落口就真係唔同,滑到無牙都食得．

四月六日(星期日)同老公協議左要黎呢度食架!佢話食過,豆腐花好滑!所以一定要搵番呢間正中既公和!老字號應該唔同d!佢既裝潢唔特出,只係舊式店舖!首先,試左老公讚不絕口既豆腐花,我要凍,佢要熱!!老公覺得要熱既先試到真味,不過咁熱,我都係食凍啦!凍都好味!真係好滑,好香!之後,叫左個相并(釀豆腐同豆腐朴)兩樣都好味,特別係豆腐朴呀!必食!!!再飲埋佢個凍豆漿!好飲,唔似出面溝好多糖水!有水準之作!最後,臨走都要外賣個上湯豆腐朴,呢個都好正呀!!!highly recommended!食多d豆腐製品有益!

食完維記潤牛米，第二站是公和豆腐花一句：從未食過咁嫩滑的豆腐花不過，衛生方面，真係要改善。我看到煎豆腐的阿姐，把煎燶的豆腐循環再用。她把豆腐煎燶的部分切去，再釀入魚肉翻煎，煎好再俾d 客食。雖然豆花真係好好食，不過d 衛生真係.....要大大改善啦！

記得自己細細個同媽子行過深水埗,又或者同朋友仔經過,都會去一去公和食野...佢個度既野食非常好食!豆漿,豆腐花好滑...而豆腐,豆卜煎得好好~熟得黎,有少少焦係面,好味!雖然環境細左d,會逼左少少,但係勝在有人情味,每一位幫忙既嬸嬸叔叔都好好人...而且價錢大眾化,真係一個值得去既食店!^^

呢間老字號o既豆腐花認真無得頂,每次去深水埗都好想去食佢o既豆腐花, 不過近排都加o左價~ >_<天氣凍,比較鐘意食熱豆花,又香又滑...正!

上次和親愛的來是熱天吃的是凍豆花今次天氣稍涼, 路經此地當然要入來吃熱豆花環境仍然古色古香, 地板仍是有點黏黏的熱豆花係新鮮片出, 所以口感不似凍豆花係雪櫃咁重很輕的, 果然入口滑溜即溶, 真係好正!因為本身已經食飽飽, 胃無咩quota食雙拼了不過$6碗堂食熱豆花已經滿足了我~

豆腐花$6 豆漿$4 好抵~!熱豆花雖然未至於太熱但比起人和微暖甚至唔暖好好多豆腐花好滑夠大碗配合幼黃糖好味!最後加多杯涷豆漿外賣都幾有豆味不錯!下次行開都會再幫襯

雖然這間店的環境比較惡劣，不過為食的我也想試試豆花是否特別滑。點了一碗熱豆花($6)，不過卻不是很熱，只能就是暖吧。豆花是蠻滑的，有微微豆香，即使不加黃糖也夠味道。但是，下次都是外帶好了。另外，嗅到煎豆腐好香，下次一定要試試﹗

食完堅記蛋治，食d咩好呢？呀！就去公和食下個釀豆腐啦~~~14蚊4大舊...嘩...好大舊...不過...其實點解魚肉會釀豆腐o既？兩者根本係唔可以痴住咁食，一夾就分開架o番....-_- 唔...我覺得普通喇~~舊豆腐確實幾重豆味gei...但由於我查實麻麻地鍾意食豆腐...所以都不能作準，哈哈!!男朋友就食魚x粥...佢一撩...有條頭髮晌入面囉....>.< 咁梗係要換過碗啦...!!!味道就...我覺得麻麻咯，好大陣薑味...

呢間公和咩時間都咁多人, 因為真係同其他公和水準差好遠黎到一定要試招牌豆花, 尤其熱豆花, 真係好滑溜另外釀豆卜和釀豆腐都係另一必食選擇, 夾魚肉煎香, 加醬食真係好野味不過豆卜和豆腐比較, 豆卜會更勝一籌雖然衛生環境欠佳, 但風味/味道真係一流

依間公和唔難找, 係坤記轉入去就係環境古色古香, 保留著老鋪的風味地下有些黏住黏住, 不過也難免和親愛的叫了凍豆花和釀豆腐凍豆花很滑! 好好食!一絕!聽人講老鋪仲係用石磨來做豆腐的果然比出面的有豆味和滑.本來想試埋豆卜, 最後都是要釀豆腐(雙拼$11, 單拼$10)釀豆腐較豆花少些驚喜, 煎過的豆腐亦很滑聽親愛的說熱豆花是入口即溶, 一定會再返來試!

豆花豆漿煎豆腐全是我的至愛，但最愛的還是此處的煎釀豆卜，釀入的不似魚肉，友人說是豆渣，我也不知是不是，只知道外脆內軟，真的美味健康。每次我都是叫外賣雙併，因為堂食人多，而且環境頗雜亂，尤其椅下頗多雜物，不過也是老店特色吧！

一個字：滑！煎釀豆腐個豆腐認真係香滑豆味足。豆腐花都係十分之滑。黎到深水埗，應該到一到。個豆腐花外賣，要10蚊，好貴呀！！！！記住堂食！同埋洗完頭唔好去！一定吸味！