公和荳品廠

营业中

休息中

荳卜超正先煎跟住放落上湯浸一浸,非常入味荳腐花好滑,好有荳腐味,價錢又合理.

平時阿媽煮飯都會係呢到買豆腐~~煮出黎真係唔同d嫁,特別滑~~~成日都黎食豆腐花~~好好味~ 因為佢"不"定d豆腐花係雪櫃,所以凍豆腐花連個碗都凍埋~好冰涼~~豆漿有哂豆味.唔同一般d得d甜味~真係好好味~~~~~始終都係豆腐~價錢都ok 嫁!

All their products have an above average level of 豆味, good.凍豆花 ($6): a bit too 實, next time I should try hot one.凍豆漿 ($4) per glass: very impressive煎豆腐+豆卜 ($10)煎豆腐: 2 pieces - pretty good.煎豆卜: 3 pieces - very impressive, I personally prefer this more than 煎豆腐They both hav 鯪魚肉.Next time I will order 煎豆卜 solo.

細細個開始已經好中意食豆腐但係大家有冇留意....一般係街市買到的豆腐係冇乜豆味近呢幾年超市都會有豆腐(百x), 得個滑字, 一d 豆味都冇...oh my god, 我老公仲要成日買.今日路過sham shui po, 走去公和食左幾样野, 依好味次序如下:1. 煎豆卜 - veryvery good, 一d 都唔乾, 內裡係豆腐+鯪魚肉(我估jar), 未食過咁好味的 煎豆卜3. 豆花 - 唔駛講啦....4. 豆漿 - 夠豆味已經好好, 好過一般上海食店果d n 咁多倍5. 煎豆腐 - 幾好唔錯, 起碼唔係平時食到果d

昨晚我batman係割鹹城打敗左班壞蛋後一支公獨闖深水埗目標直指豆腐界中的泰山北斗: 公和荳品廠甫進店內, 已感到一股無形氣勢直覺告訴我,有高手!心知惡戰難免小弟不動聲色一個戰步, 進佔靠牆有利位置先施一個下馬威暗運內力於丹田緩緩吐出三個字: 熱豆花!!不消半刻, 飲譽江湖數十年的公和熱豆花已放在面前先小嘗一口, 只覺淡淡豆腐清香及滑不溜口之質感果然名不虛傳!!遂不敢怠慢, 運起蝙蝠神功十成功力迎戰以極速將熱豆花全數收進肚皮之中滿足感不其然充斥於體內心知已輸半招, 不宜纏鬥遂放下蝙蝠大洋六大個, 揚長而去他日定必聯同batwoman再上門討教

晨早落深水埗辦點公事,攪掂就揾野食.目的地本來係近日好評如潮嘅海記美食.點知未開門,咁就嚟呢度攝吓場.叫咗凍豆腐花及煎釀豆腐2件,豆腐花好滑不過唔夠凍而煎釀豆腐就熱辣辣,煎得好香又好食.除咗賣豆品外而家仲賣粥,湯麵,蒸腸粉同炒粉麵,實行多元化,下次要嚟試吓.

昨天下午3時許, 經過時, 見到一間公和, 裝潢簡陋但有70年代之特色, 有很多客人, 看得出有些是街坊客, 有些是專誠來的. 便走進去試下. 因見到很多人叫, 所以也叫了一碟煎讓豆腐及豆漿. 沒有叫豆腐花, 因怕吃不下. 煎讓豆腐, 不同一般的街吃到的炸物. 豆腐很滑且香. 外熱, 但豆腐心涼涼的, 魚肉不太減, 太小剛好一口一個. 整體都很好, 清清地. 8元一碟, 每碟有4件, 價錢ok. 豆漿有無糖, 但我叫了一般的有糖凍的, 小甜冰冷的, 夏日裡, 很是好渴. 4元一杯. 價錢也ok. 附近也有其他食店買豆漿, 但要5元一杯. 最重要的服務員態度平實, 和善. 下次去深水埗會再去吃多幾款.

星期二食完九龍城公和, 豆腐花冇錯係好好食, 但整間鋪頭賣既食物吸引力略嫌不足心思思就去左深水埗既公和試食尼度煎釀豆腐豆卜都係熱既, 係門口度整, 望見都想食!豆腐花都係同一個瓦缸, 而且重有豆腐賣, 鋪頭既吸引力自然大啦!先食豆卜, 佢先煎好再放入湯度, 一咬魚肉既香甜即刻滲出黎! 雖然唔鍾意食煎炸, 不過都好欣賞佢既味道豆腐花今次走糖, 更顯出豆花既豆香; 岩岩食完既豆卜味道雖然較濃, 仍無法掩蓋豆花清新既味道 (我中文唔太好, 非常抱歉!)軟滑既口感令人不期然放慢進食速度, 仔細回味同樣既size只係$6, 九龍城公和豆腐花冇錯係多d花款, 但只有熱同原味先睇得出豆花本身既水準!豆漿就比較細杯, 感覺唔太抵食, 個人建議外賣一樽第日行過一定要試多次豆腐花, 仲要買多兩磚豆腐返屋企清蒸, 睇下豆腐質素得唔得

尋日夜晚經過咁就入咗去，點咗個熱既豆腐花、雙併，仲有杯走甜凍豆漿啊~~~~個豆腐花真係好滑，好鬼正，雙併都唔錯，不過最好有兩個人分，得一個人真係食到有d飽，當咗係晚飯咁食，杯豆漿走咗甜之後反而飲到佢真正既味道，有豆味，唔似得出面果d only 得個甜字，都唔知係度飲乜，唔錯.....

煎釀豆腐拼上湯豆腐卜--魚肉煎到香,豆腐又滑又有豆味,上湯豆腐卜就冇咩突別人凍豆漿--夠甜又夠豆味

來親深水點會少得食公和的豆花啦地板依然黏黏的, 飛快地坐下叫了六碗豆花同豆腐豆卜各一我自已個碗豆花好像無上次咁滑, 不過望隔離的都是滑滑的 豆腐仍然好滑. 豆卜第一次食, 幾特別的口感 吃完都唔夠膽坐咁耐, 繼續搏殺去!

去完維記粉麵留肚仔去吃豆腐花($6)其實有很多食物都想吃但是肚仔會挺不住不次會試埋無糖豆漿+豆腐雙併的豆腐花好有豆味,但就不算滑不過我見枱面有糖以為自己落..點知佢會幫你落埋(但小妹不吃甜的)所以膽粗粗同亞姐講,好驚會比人罵好在只是叫我下次要講聲同幫我換過都算好好人了..哈哈..下次自己要醒D喇!!

今日同男友特登黎食豆腐花我男友好少食and 唔係咁鐘意食甜點....但佢話唯一係豆腐又可以甜食同咸食都咁好味！我地叫jo 2個凍豆腐花($6 @)，1個凍豆漿($ 4)同一碟煎豆腐($8)公和D豆腐花好滑.....好好味丫下次要試下雙拼先得！環境非常懷舊~

去開深水埗知道有間店舖食豆類好好味所以去試下XDDDDD嘩!!!!豆腐花、豆漿、煎釀豆腐樣樣都咁好味,最好食係煎釀豆腐,我重叫多碟下次經過深水埗一定再去食啊!!!!!!

兩人行完黄金商場，就去北河街公和食豆腐花($6),煎釀豆腐($8)及飲豆漿($4)。熱豆腐花真是好香好滑啊！正！煎釀豆腐即煎即食，熱辣辣香噴噴。豆漿好有豆味，好飲。