公和荳品廠

营业中

休息中

嘩，由細到大都食公和，豆腐滑到.......好好味!!!我差唔多一個星期幫襯一次，豆漿好濃，甜度適中，而且好滑最鍾意食煎釀豆腐，落d甜漿，嘩~ very good~雖然服務態度普通，但係老闆都會同客傾計，好有親切感~仲之抵食夾又好味~一定要試!

今日過左深水埗買野同食野。 一間老字號公和荳品廠食豆腐花。 好味到每人都食左2婉，特別就係凍的豆腐花都是十分滑。 可以做咁滑我都沒食過，完全都熱的一樣滑。 仲有就係呢個上湯豆腐卜，豆腐卜仲可以有呢種口感我真係未食過。 一口咬落去完全都唔同以前食過的豆腐卜，係有實在感唔似其它各心係好鬆好吉。 加入上湯咬落去又香又多汁。

雙拼　－　上湯腐卜／煎釀豆腐：　　　　　腐卜煎得恰好，面面外層俱脆香口，外脆內軟配搭佳，腐卜內有上湯加入，小心燙嘴．　　　　　煎釀豆腐的魚肉雖然不是什麼鮮貨色，但魚肉混有陳皮，帶出不少味道，豆腐的豆香撲鼻．豆腐花＋豆漿：豆腐花可按自己的喜好加紅糖，細滑度不及李康記．豆漿，個人覺得略甜，蓋了點豆味．

今日同老媽去九龍城掃野食,而間就係睇完openrice之後決定一定要去既一站一入到去,好有舊鋪既色彩,好少可以去到而隻鋪頭,所以都好鐘意而種特別一坐低就即刻叫左1個豆腐花、煎釀雙併及豆漿豆腐花我見佢冇比o的黃糖我,照食既時侯先發覺原來入面己經有糖水,用糖水我發覺係好過用黃糖味道方面,豆腐花入口冇話滑到即落左喉嚨,亦都冇我想像中軟,但味道是不錯的,8蚊ok la豆漿很有豆味,甜度岩岩好,6蚊一杯黎講,都係ok己而煎釀雙併其實食落又唔係好特別姐,同平時果o的我搵唔到有咩分別,6蚊4舊差唔多,唔平唔貴總括黎講,唔知係咪而次定係點,我覺都係ok唔會話真係好特別好食咁

從友人口中得知公和的正店只得一間，並位於深水埗這個舊區。老舖in老區？聽起來很對頭。 落區走走，終於找到了一間十分陳舊，多年沒有修葺的小店，心想: 必定是這一間了。 點了豆腐花、煎釀雙併及豆漿。豆腐花一端來，已看到豆花在糖水中「盪漾」，十分晶瑩，用羹按下去，發覺並不是很鬆軟，吃下才發現豆花一點兒也不實，豆味充足，雖未至於一口滑下喉嚨，但亦是一碗高水準之作。煎釀雙併的豆腐及豆卜也很出色，後者尤其精彩，豆卜香脆而不油膩，魚味香濃，一吃上癮。至於豆漿，甜味適中，有豆味，但感覺上似一杯有豆味的飲料，並不如義香那種滑口的豆漿，但也十分可口。 總括來說，這間老舖的出品果然可靠。

前兩日行過深水土步, 食完個lunch之後都覺得唔係好夠，記得附近有間公和就走去食個凍豆花。比起之前來好似乾淨左d，不過始終係老舖，乾淨極有限。叫左個凍豆花同煎釀豆卜~ 兩樣都好快就來左~先講豆花，唔使落糖都夠甜~ 就咁食已經好夠味！又甜又有豆味，最緊要係滑。不過想食滑d，建議食個熱既會好d。豆卜比之前食既無咁脆，但係炸得來唔係太油，釀既魚肉味唔重唔腥，兩樣材料夾得唔錯~ 8蚊4件算抵食~~

七月廿日(星期日)同老公仔上次吃過此店,真是一試難忘呢!豆腐花出色,不用多說,其他豆腐製品也做得好!今次,當然不可不試啦!三十多度的夏天,雖然沒有冷氣,但店舖滿是食客,可想而知其吸引力有多厲害呢!因為吃完劉森記,所以要飲點東西才開心!我們當然叫了凍豆漿,豆漿有豆味,不是太甜!而且非常解渴呢!再上煎釀豆腐卜,有d油膩,但是不可錯過,因為豆是鮮炸的,加上其秘製醬汁!!!正!

六月十九日(四)每到深水埗差不多必到之地，今次都唔例外又入去幫襯～熱豆花依然都係咁滑咁好食，配合埋黃糖同糖水真係正正正！煎豆卜有部份比之前細舊左，細舊口感同味道都比唔上大舊，唔知點解會咁樣，不過都仲係正過坊間唔小，幾好食～

我同bb入到黎食左個凍豆腐花, 同埋個雙拚~bb話個豆腐花好滑好味, 加上天氣咁差, 碗豆腐花係超岩心水架!個雙拚呢~ 我個人就麻麻地鍾意釀豆腐啦, 塊魚肉薄左少少啦, 同埋冇乜味, 不過個釀豆卜都幾好味架, 下次叫單拚好啦!!果度其實冇冷氣ge, 不過勝左古色古香, 呢類既店舖係香港無乜架啦, 黎感受下以前既香港都唔錯呢!!

之前有一次特登去搵公和食豆腐花, 點不知擺烏龍去錯左另外一間同名亦係深水埗既豆品店,味道只係普通, 之後就無意思再去encore 啦~點知有一次男朋友話帶我去佢細個食開果間, 去到門口,e? 又係叫公和既?! 後來先知道自己去錯左另外一間, 提醒大家下次唔好好似我死蠢啦我地叫左豆腐花&豆卜.. 豆腐花: 勁滑呀!!!!! 真係名不虛傳.. 豆卜: 平時我唔係咁鐘意食d 煎釀個d 野, 但係呢個又ok wo, 好好味! 之後見佢就收鋪, 做特價, 買左10蚊一大盒豆卜番屋企食當然味道無堂食咁好啦!

往維記吃飽麵麵也辦完應辦的事就在深水埗閒逛, 我竟發現到這間 " 公和 "一望; exactly 小時侯祖母常常帶我來吃豆腐花的店, 因當時年紀太小, 後來搬家後祖母也沒再帶我來吃豆腐花, 祗殘留點點記憶在腦中, 坐在店中, 嘩 ! 和我小時所見的一模一樣, 真係幾十年不變 可以好好懷舊懷舊......店小人多, 一坐下阿姐已不停問要咩, 要了一碟煎釀豆腐 $8 , 再加一碗凍豆花 $6, 豆花和豆腐都很滑, 不錯. 要說是最好嗎 ? 又不是喎, 好的豆品店還有多間.但這間公和卻充滿我兒時和祖母一起的回憶..... 加分

尋日去0左深水埗搵朋友傾0野, 跟住佢就帶0左我去食<公和荳品廠>0既豆腐花, 佢話佢係由細食到大, 咁我更係要去試下啦!!!去到0既時候, 我覺得佢0既環境同九龍城有一間食豆腐花0既舖頭好似, 唔知有冇關係0架呢??? 入到去, 都幾多人, 我地都要等0左一陣先有位. 其實入面真係坐得幾迫0架, 之後我地就叫0左兩碗豆腐花(凍), 加一碟豆腐雙拼. 1. 豆腐花(凍) ~ $6, 價錢方面都ok, 凍熱都係一樣價錢. 其實入口真係幾滑, 都有豆味0架, 唔知熱食會唔會仲滑呢??? 2. 豆腐雙拼(豆卜+煎豆腐) ~ $10, 呢碟雙拼就好似貴0左d, 不過加0左甜醬同辣醬就好惹味啦, 可以試下!!! P.s. 不過積奇梨都係覺得係大埔0既<阿婆豆腐花>(已結業)豆腐花, 好味d!!!!整體評價: 值得一試的豆腐花!!!

入到離，環境的確是非常懷舊的，沒有冷氣，地板都是水感覺不太好，特別是坐在後面積水滿地感覺很不衛生，不過算了，知道是老店而且在舊區總算特式吧！要了豆腐雙拼和大凍豆腐花，大大碗沒想到堂食都用外賣碗，而所謂大碗只是將兩碗豆花倒在一個外賣發泡膠碗，豆花食落都幾滑，但也不見得是非常特別。恐怖的是衛生環境，除了滿地積水，阿姐拎豆花時是成兩隻手指插進碗裡，然後又拎布抹枱，另一個更恐怖，開著個像水喉的東西入豆漿，但倒到滿瀉仍不關制，然後就成手豆漿咁好污糟，仲要杯杯都係咁，衛生環境惡劣．．．我地大概唔識欣賞．．．

叫左1.凍豆漿(走甜)---$42.熱豆花(走甜)---$63.煎釀雙拼(豆腐+豆卜)---$10因為唔食得太甜,所以走左甜,又會真係感受到原味 ^^豆漿豆味濃，煎釀雙拼新鮮出爐，熱騰騰的非常吸引。樓面阿姐一擺o係檯，陣陣香味即時傳到鼻頭．．．豆卜最正！反而覺得豆花就只係ok...係滑...但唔算真係頂級,,,我屋企附近有間仲正p.s.:好彩落雨涼涼地,否則冇冷氣都幾熱

叫左1.凍豆漿(走甜)---$42.熱豆花(走甜)---$63.煎釀雙拼(豆腐+豆卜)---$10因為唔食得太甜,所以走左甜,又會真係感受到原味 ^^豆漿豆味濃，煎釀雙拼新鮮出爐，熱騰騰的非常吸引。樓面阿姐一擺o係檯，陣陣香味即時傳到鼻頭．．．豆卜最正！反而覺得豆花就只係ok...係滑...但唔算真係頂級,,,我屋企附近有間仲正p.s.:好彩落雨涼涼地,否則冇冷氣都幾熱