公和荳品廠

营业中

休息中

lee間豆腐花店可以話從小睇住我大,從來都冇變過,豆腐花好滑,好香,煎釀豆腐係我嘅至愛(加豉油,辣椒醬同胡椒粉一齊食更加好味),而家有無糖豆(張),啱曬我為食又忍唔到口嘅我..

其實今次返香港之前已經寫得一個LIST - 記得一定要去試既食店,公和係其中一間~~叫左煎釀雙拼+凍豆漿+熱豆腐花煎釀雙拼- 未食過咁LIGHT既好味既釀豆腐,豆腐好軟滑,豆卜口感好正~~凍豆漿- 好味!!甜度岩岩好!!豆腐花- 滑到無倫!!!!!!!!!!!!!!!!掂食物水準好高分,但係環境真係差左少少~~不過舊區係咁上下架喇~~

今日天氣也很凍啊. 再加上股票大跌, 唉..心情低落.行過公和.唔..下午茶食一食佢先~叫左個煎豆腐同埋熱豆花. 煎豆腐ok, 最正真係個熱豆花, 一個字"滑",真係唔講得笑. 呢d先係豆腐花啊..食完個人暖晒, 返鋪頭繼續做野啦,yeah~!!

因為近屋企的關係, 由細食到大0個間公和係九龍城分店, 印象中係愈來愈差, 又愈來愈貴, 亦無乜誠意, 所以都轉汰去義香了... 今日飲完豬潤湯, 行行0下竟然見到公和總店, 又0黎食個豆花, 睇0下有無分別/分別有幾大.熱豆花($6) 賣相唔錯,「片」得唔薄不過食落好滑, 豆味重, 糖水落得份量適中, 係比九龍城分店好食得多, 值得一試.總店衛生同環境就較九龍城差, 我坐的位置仲聞到廁所/坑渠味, 唯有0拿0拿聲食完走人啦; 招呼就比九龍城好, 0個邊的阿姐會鬧人, 呢度的就幾好人.以豆花0黎講, 總店果然係有分別, 仲係好大的分別, 奇怪點解九龍城賣$7 一碗, 呢度只賣$6? 不過點都好, 我仍然會繼續幫襯公和, 不過睇0黎只限呢間總店, 九龍城分店嘛... 行埋一邊啦!

昨天到深水埗買年貨，例牌要掃街, 由劉森記蝦子拍葉撈面加淨水餃, 到坤記紅豆/缽仔/馬蹄糕, 尾站一定去公和, 不過今次外賣大豆槳加豆腐, 豆槳好濃, 甜咗少少, 豆腐回家做菜, 蝦子豆漿, 家中大小姐大讚好味, 好鬼豆腐的豆腐。收16蚊,但大豆槳己經要$13.5, $2.5 一件豆腐, 唔知有冇收小咗?

叫左個雙拼(豆腐+豆卜)+豆花~豆腐,豆卜煎得好香~好好味~但係油左d~豆花都好滑有豆味~

荳品三吃1. 煎釀豆腐$8一碟四大件. 釀鯪魚肉, 份量好少, 好薄, 幾乎食唔出味. 但豆腐就唔同啦, 好大件, 真係好好好滑, 正! 面同底都煎得踎 踎 地, 香口d, 脆脆地, 好好味.2. 熱荳花$6 (冷熱同價)都幾大碗ga, 同豆腐一樣, 超滑呀. 荳味都好濃. 正.3. 凍豆漿$4話無糖, 但飲落都幾甜, anyway, 都好飲既.舖頭附近係街市, 加上無裝修過, 環境就舊d, 但客人依然不絕, 要搵位一d都唔易, 咁好味, 環境差d都無計啦.

每次經過深水步, 我同男友都會入去呢間好舊的豆品舖食碗豆付花, 因為呢度的豆付花唔止滑仲好有豆味, 而必再叫的豆卜真係無得頂, 因為佢炸完之後會用上湯浸左d油, 所以食落你唔覺得好油, 但佢好香~必吃!!!每逢假期, 呢度一定好逼人同埋要等位, 為左食好味的東西, 等一下吧!

前天下午4時許我一個人去了北河街的公和，點了熱豆腐花和煎釀豆卜。豆腐花滑是滑，但不像平常的香。煎釀豆卜就真是非常難吃，豆卜又乾又硬，用筷子'篤'一下也不會反彈!魚肉很薄很乾，可說是魚肉乾。以後都不會再吃!!評分方面豆腐花: 都可以給3.5分煎釀豆卜: 負5分!

自幼媽咪就會帶我來這裡食豆腐花, 細細個鍾意飲豆漿, 而家每次經過都會入去食碗豆腐花.看上去好似好滑咁, 但說實話還不及台灣小南門食的滑到"o雪"一聲落o左喉嚨, 可能如同枱所講係度應該食熱的吧. 糖漿份量恰到好處, 但好像甜了一點, 完全唔需要下黃糖. 怎樣都好, 只想以後每次都能夠同媽咪同細佬一齊剪完頭髮, 再係度食碗豆花加豆卜. 人情同回憶是不能夠被替代的.p.s.這幅相我好喜歡ar, 好有老字號的懷舊感覺, 也能勾起許多的回憶.

一直都食開尖東o既公和今日黎深水埗呢間到食唔知係咪心理作用覺得呢間o既味道好過尖咀分店!!豆腐都滑d..豆漿豆味多d...由於係下午茶o既時間~所以食得少少..~不過已經好滿足!!~~

來一碗熱的公和豆花, 少糖水, 一定再自加小小黃糖, 口感才得意~豆味香又夠滑, 好~店子的地下還與豆花亙相呼應：都係咁滑....差d 「線」死.....仲有廚房好污糟, 不看由自可,一看...唉.....

兩個人去食叫左一熱豆花一凍豆花同埋一碟煎釀雙拼(豆腐+豆pot)熱豆花好滑~~好味不過凍就差d....好鞋....煎釀雙拼都ok.....豆腐好滑....豆pot的感覺都唔差...好有口感...不過佢d魚肉就幾"聲"下.....夾埋就覺得....普通,,,可能食唔慣....

某日中午經過這裡，見也有很久沒有來食過了，便決定入來食點東西。叫了煎釀豆腐和凍豆漿。煎釀豆腐- 外皮煎得很脆，大大件非常抵食，魚肉爽口，實在超值。凍豆漿- 豆味很濃，美味非常，可惜忘記了要少甜。價錢平，食物質數高，如環境可以好一點就更好了，還有什麼要求。

昨天清早起來，致電友人，相約7:30回到學校1on1，戰況相當激烈，打了好半小時，二人直奔班課，解開衣扣，每人面對一台冷氣風口位，爽快！活該！二人同時病了。是日下課後，整個人溫溫吞吞，留有半點力氣，不想再花在籃球場上，早點回家罷了。午飯沒有胃口，在圖書館長眠渡過，靠著那半點兒力氣走到深水埗，買點清淡的吃。老一輩說過，豆腐花益處其多，尤佳於對抗咳嗽，何來的道理啊，奈何小弟醫學知識不足，帶著半信半疑的心態買碗吃過。在深水埗吃豆腐花，二話不說地走到公和去。"唔該一碗豆腐花拎走"小弟道"豆腐花一豌拎走"啊姐道30秒交收，效率高。豆腐花＄６:豆腐花早已加上糖水，堂吃的更可自由添加黃糖。揭開膠蓋，拿走膠匙，向發泡膠中的豆腐花片一小口，放進嘴裡去。第一口的感覺，甜，無疑面層糖水的確很甜，小弟已覺得糖水份量過多，更沒有額外黃糖加添的道理。移取部份糖水，再吃一口，豆味淡出鳥來，吃得出真材實料，微甜加上豐厚的豆香，吃到黃豆的存在，感覺到黃石的實在，味覺可其滿足，豆腐花屬滑，卻不至讚，離小弟吃過更滑的珍寶豆腐花差一段微距，前者豆味足，後者滑不溜口，前者沒有後者的好處，後者缺乏前者的優點。PS:品嚐兩者皆備的