公和荳品廠

营业中

休息中

一個兒逛街, 渴了, 本想點豆漿喝可是見那一碗碗的白滑豆腐花經過......忍不住還是要了一碗$7夠冰凍, 而且甜味剛好, 不用另加黃糖口感更是一滑啊~ 吃了它感覺皮膚也會變滑溜一樣再來又點了個雙拼﹝炸豆腐及豆腐卜﹞$10熱辣辣加少少豉油便好好吃了好的店子就是用最普通的食材也能做到最美味

凍豆漿x2清甜無渣，最重要是甜度剛剛好。由於太好味，臨走時忍不住再encore。凍豆腐花一般鋪頭叫既凍豆腐花通常都是一片片，但呢度是完整無暇的一大碗。平時食一碗豆腐花，至少下兩三大匙黃糖，但今天竟然連一小匙都嫌多，因為豆腐花本身已經夠甜了。雙併(豆腐+豆卜)先食豆卜，明明知道這裡是用大量油下煱，但食落又唔覺油膩。很香口，若是下些魚露，讓豆卜索一索，真是人間美食!豆腐在對比下，完全不得我同朋友仔既心。唯一可讚是豆腐頗滑，亦很有豆腐香。

Over the past 3 visits to ShumShuiPo I have passed through the streets without even taking a look at this old-joint. The first time I did, but because I stood there with half a mouth open (gasping in horror) how this little joint was packed, with people head down gulping on Tofu...I was edged and elbowed out of the way by other prospective customers. The next two times I wouldn't even bother walking near it. It's the weekend and it's always packed. Then came a time I finally MUST go in, so there

深水步之行當然包括此公和。我同太太和細佬都係鍾意食荳腐花之人。久聞此舖的出色，所以去試。我地三個人都第一次唻，叫左3碗熱豆腐花。我們三人的食後意見亦是一致：豆腐花很滑，但完全吃不出荳味…我和太太食了一半便停下不再吃了…

友人問起豆腐花那間做得好，我答：「公和啦，佢 d 豆腐花真係好好味。」100% True，公和的出品...真的永冇失準。豆腐花是每次必點的，只因其滑、足料、夠豆味。細細的碗裝滿滑滑豆腐花，加上黃糖粒，是脆軟的交織。即使不加糖水黃糖，齋食亦見真章，啖啖豆香，冷的凉快入心，熱的暖香可口。$6 一碗能獲得一份溫暖窩心感覺，超值。

睇到呢間食評咁好~所以特地走到深水埗來食聞名豆腐花~8點幾去到好多人,(因為不想叫外賣)所以等左10分鐘終於有位啦!叫左碗熱豆腐花 $7d豆腐花食落超滑!但豆香味就差d,,唔係好食到~不是想像中那麼好的豆腐花呢~

約下午一時抵至該店，雖然店鋪位置不大方便，但為嘗嘗那美味的豆腐花還是物超所值的。去到後，該店那古老的建築不禁令人緬懷，舊式的價目牌、斗大的「公和」二字、懷疑是公和創始人的黑白照等令我見識到該店歷史的悠久。我們一行三人，點了「熱花」、「凍花」各一客、兩客煎豆腐、一客煎豆卜，但上豆腐、豆卜的速度有待改善，催速了兩次才匆匆上菜。味道:豆腐花非常滑溜，且充滿豆味，再加上可自行加黃糖，黃糖多寡，悉隨尊便。為此，臨走時亦外賣了一客凍豆腐花作下午茶。煎豆腐的豆腐亦相當嫩滑，豆味亦夠香。不知九龍城的公和如何呢？不過，此店必會再臨。

其實遠遠已經有荳味架啦~當你企係門口,立即比佢出面煎豆腐引住,一入到去,熱豆花,煎豆腐呀,唔該.......一黎到,係喎,掂喎.....豆腐又滑又熱,又唔係好糖...而煎豆腐ｏｋ　ｌａ

$10 雙拼煎釀豆卜、豆腐：豆卜有豆味，豆腐勁滑流，配有細塊的魚肉，口感不錯，另外煎釀不會太油膩，真的不覺好油，不沾調味料吃，味道也足夠，但沾上辣醬也挺好，好惹味哦。

最近考完試路過，中午時候去到人山人海，等候了一會就有位坐：跟男朋友各叫了一碗豆腐花，另外仲叫了豆卜，煎釀豆腐豆腐花－甜度剛好，滑溜一般．．．（感覺相比之下雲泉仙館的豆花更滑）見到其他人叫豆卜，煎釀豆腐，都忍不住想試一下煎釀豆腐－感覺有點普通，味道很淡豆卜－很脆口，難怪很多人都叫，相比之下煎釀豆腐有點失色！客人很多，落單／上菜都有點混亂，雖然上菜速度很快！有機會下次再來食過！

由細個去九龍城到大個女去深水埗既公和,,都係無令人失望的,,豆腐花,,香甜軟滑,,入口滑嘟嘟,,食多碗都仲得,,豆漿,,飲左有糖,,不過太甜了,,下次要記得叫無糖先得,,同豆花一樣,,入口好滑,,4蚊一杯,,雖然細細杯,,飲多2杯都OK,,好味,,煎豆腐+釀豆卜,,對我來說豆卜真係唔多吸引,,我覺得嘛嘛,但係豆腐,,簡直有4粒星,,好好味,,點埋個甜酸豉油簡直係一流,,>3<去親深水埗都一定會拱入去,,實在太好味了,,>3<

這天去學攝影之前，明知下課後就會吃飯，還是忍不住溜去公和吃碗豆花。公和最最最厲害的是它的熱豆花。豆花綿密而不散開，入口即化，豆味卻久久不散。感受豆花由舌尖滑到喉嚨是種樂趣，點凍豆花呢可就沒有這種享受了。本來只想吃一碗豆花，又忍不住點了個煎釀豆卜，沾辣醬一流。它們的豆卜特別有豆味，用來燜煮尤其好吃。歡迎來到我的部落格：http://blog.yam.com/chrltt5

以前間中學既 pe 堂每次都會去北河街上落堂後最鍾意就係過lai 買野食!!最喜歡凍豆腐花．真係好滑好凍!!唔似出面好多係暖家喳d小食同豆漿都不錯．難怪屹立不倒呀!

我食過唔少豆腐花，公和老店的最好。兩間老店中，又以深水埗抵過，好味過九龍城個間。去親都會叫熱豆花，唔知點解，總覺得熱豆花先最好食。公和的熱豆花，入口又滑又有豆味，唔會散。(出面好多人都以為散=滑，完全唔合格。)公和的釀豆泡都好好食，好味過豆腐，不過由於我唔食魚，一直都唔敢食，但個次同媽咪去，佢叫左黎食，俾左少少我食，又ok喎，加埋辣醬更佳。價錢俾九龍城平，又好味一點，深水埗公和係我必然豆花之選。

專程來這兒食豆腐花，另外亦叫了煎釀豆腐和凍豆漿。始終覺得公和老店的豆腐花最好，堪稱全港第一(要數第二的就是位於北角德興隆)，而且只有這間老店賣$6，其他分店都不是這個價錢。講回豆花，我習慣走糖漿--食原味嘛，或者加一點黄糖，令甜味不會蓋過豆香。吃豆花不外乎兩個條件：一是夠不夠豆味，二是夠不夠滑。這裏兩項都是滿分！通常一般的豆花滑是夠滑，但總是不夠豆味。煎釀豆腐和凍豆漿亦很不錯。錦上添花 (可能大家覺得是美中不足) 的是這兒的環境，我特別喜歡古老的店舖，那由右至左看的招牌、殘舊的枱櫈、古老的電話、掛在牆上的多張牌照、舊式的日曆、餐牌，還有那富特色的收銀籃等，身在此具多年歴史的店子，總是別有一番風味。