公和荳品廠

营业中

休息中

早幾日2條友食完油渣麵未飽，過來添食，豆漿、豆腐、豆卜一齊嚟，滿足啦!!!幫襯了廿幾三十年，始終如一; 多人, 又迫又窄, 次次坐底唔洗十分鐘走得．但耐唔耐就要嚟一嚟．

果然總店是最好的！$6豆腐花 & $4豆漿：滑、香、豆味香，甜味剛合適，無懈可擊！P.S：四周懷舊，富有古舊風味，說實話，人多、要等！雖然環境擠迫、未免有點混亂，但最重要的是食物和.....人！！哈哈…愛死...甜死...滑死...香死...正死...底死了~~HAH

昨天晚上我和男朋友來到深水埗途經公和便立即走進去了還記得第一次帶男朋友來這裡時只是我一個人自己吃豆花因為他是從來都不吃豆腐的但當我帶他來多幾次之後他竟然開始愛上了而且還試過很多次自己一個人來吃豆腐花!!今次我們要了一碗凍豆花和一碗熱豆花$6 便可以買到滿足和溫暖的確相當幸福還是熱豆花比較香滑加上黃糖的味道更加一流呢希望有機會令到男朋友可以愛上釀豆腐才可因我很想有人陪我分享這美味的東西呢

我睇開飯網見到d人讚到呢間野天上有地下無,成日諗住去食,點知一直都無機會今日同朋友行過,有人話果度d野好正,諗住去試下我正係要左個豆腐花,其他人就要豆腐花+煎豆腐但係我發覺現實同理想差好遠唯一可取之處就係滑豆味係有,不過我食落去只係覺得有少少聽朋友講,d豆腐既味道唔多好總括黎講,無服務,唔衛生,食物係有水準,不過唔係你地講到咁誇

我想講公和d豆腐花真係好好味啊d石膏粉唔會落得太多,真係好滑滑滑滑滑~~~~~~可能我未食過更加好,但公和真係數一數二不過唯一不足之處就係太多人一大班好難一齊坐啊~

去到呢間店，叫左一杯豆漿同一碟豆卜。豆卜有小小燶，但都幾爽口。豆漿就真係幾滑，水準之作。環境唔算好，不過舊店來講算咁上下。不過因為飽飽地，唔可以再叫其他野食，下次一定要試下d豆腐花。

11月22號，要到黃金買些東西，順道來公和食個甜品．又走到這家仍是古舊裝修的店舖，又是如此多人，但快入快出乃甜品店之生意之道．找了個位置，坐下及要了凍荳花 - 保持水準，一個字"滑"煎釀雙拼(荳朴+荳腐) - 煎得香，個人覺得釀荳腐比較好食非常滿足後，去繼續黃金促進經濟．

豆腐花好滑 豆味較街邊濃(都唔算話好濃)如果要彈就係凍豆花無糖漿提供讓豆腐同豆卜因為人流關係 可以做到即煎即食豆腐煎到好脆 最緊要係價錢唔貴熱凍豆花都係6蚊碗

次次經過入面都坐滿人，有時連門口都會坐滿哂。不過大家都好好，食完就即刻比＄走人。豆腐花：真係好滑，又有豆味。豆槳：我覺得就太甜喇，唔夠豆味。煎釀豆卜：好特別，脆得黎又淋淋地。唔好對服務，衛生有期望。

呢間老店成日都好多人,我最鍾意佢d煎釀豆腐,豆卜(單併$8,雙併$10)和豆腐花($6)煎釀豆腐,豆卜,豆味夠濃又好滑,再加上即製熱辣辣,好正!!豆腐花都幾滑不過店的環境就麻麻,佢後鋪就係豆腐製作場,又冇遮冇掩成日有陣豆渣的的味傳出來,真係有d影響食慾,所以外賣會好d

又係阿b叫我嚟試好舊的一間老店 , 有好多人係到, 個個都食四宝加豆花我當然都食豆花 再 叫埋豆槳 豆花係好滑~ 好有豆味... (但係不覺得有什麼特別呀)豆槳 好難飲呀~ 一陣怪怪的味... 仲要13.5 一樽呀 不過我就影到佢大大桶的豆花呀...hahhahahha

10月26日 (星期日)，我同青檸先生決定去深水搵野食同埋去李鄭屋漢古墓到探險。原來個古墓無咩野睇，搞到我之前仲鬼咁死緊張，以為好horrible，真係傻。好耐之前，其實我地都來過，只不過，八時多來到，摸門釘，關左鋪，今次總於試到我地叫左：1)熱豆腐花2)凍豆腐花3)煎釀豆腐4)凍豆漿1)熱豆腐花和2)凍豆腐花：無得頂，好好味，好滑，糖水的甜度又岩岩好3)煎釀豆腐：又係好滑，加埋d酸甜辣醬，好味，但不過覺得塊魚肉好似細塊、薄左d4)凍豆漿：最美中不足是杯凍豆漿，一點也不濃，唔掛杯，無豆味，只得個甜字環境夠哂懷舊，不好expect太高，在街市中，感覺不是太衛生，因為食完一出來就見到d豬肺、豬肝，蒼蠅飛來飛去……青檸先生，after being Mrs Leung, i would like to have my shopping in IFC/Pacific Place, but not Sham Shui Po/(West Dragon centre), okay?

上星期六放工，去深水埗黃金商場逛街。每次到黃金商場都好鍾意行到邊食到邊。公和荳品廠我去過好幾次。我最鍾意食煎釀豆卜，再加一杯涷豆漿，只不過$12。煎釀豆卜好食之處，係將煎好後的煎釀豆卜淋上豉油，令到豆卜早已滲入了醬油。當你放入口內，豉油汁從豆卜裡溢出，令到整件煎釀豆卜更加好味。更不用加上辣椒醬或酸甜醬。

喜歡吃豆腐的我，又怎會放過公和？它是現時為止吃過最新鮮，感覺最好的荳品。不過只限深水埗這間。其他很多也叫公和的地方，味道沒有那樣好。香口的釀豆腐豆卜是首選，然後就是無糖豆漿和豆腐花。它的釀豆卜味道很特別，釀了一些不知如何制的"魚肉"(是魚肉吧？我不肯定)，煎香過後，再會浸一浸一煲"神秘液體"，就上台了．．．非常好味道，香香脆脆得來又軟軟綿綿。其實，那個豆卜對我來說，是一個謎。好喜歡公和那種在街市「認真對待每粒豆」的經營風格。路過口痕必食。

要成功除了專心做好一味, 仲要一樣野就係--持之以恆!太熱了, 叫了凍豆花一樣的流進喉嚨, 一樣的透心涼一間老鋪點解可以屹立至今？不外乎係它的品質可以keep得住一代傳一代, 持之以恆, 專心去做希望將來仍然可以吃到這裡出色傳統的豆品 .