八鍋堂．中日火鍋專門店 (已結業)

同一班同學reu，最啱就係食放題嚟到行人專用區，向遲啲就冇得擺街嘅黑白相告別行到兆萬，樓下已經有人派單張，揀咗呢間近近哋係三樓，價錢又幾平嘅放題一嚟到梗係食刺身！三文魚好靚，厚切，油脂豐富夠肥美甜蝦好鮮，夠甘甜八爪魚片薄切，食落爽脆唔韌！十分欣賞赤貝都好爽口，唔腥話咁快又encore下一轉，八爪魚薄片係重點，師傅刀功真利害仲叫咗少少榮螺，馬刀貝，劍魚腩等......質素十分滿意終於返返今日正題：食火鍋叫咗象拔蚌，起哂肉，淥兩淥就熟，食落爽口彈牙呢個特選美國牛肉冇得彈！啲雪花靚到呢...每塊3秒即熟，入口即溶，好正一定要嗌豬肉片切得都夠薄身，食落爽滑，啱哂唔食牛嘅朋友好多火鍋海鮮配料揀，我哋叫咗東風螺同encore咗象拔蚌係出面蔬菜櫃拎咗啲菇，菜，仲有我至愛嘅萵筍炸物同天婦羅都叫咗少少，最受我哋歡迎嘅都係香芋波波佢炸得好香脆，出面冇多餘嘅粉，香甜軟糯，啱女仔食最後甜品食咗條朱古力奶雪條，仲拎咗啲cakes同mousse，一次過食咁多，遲啲就要還債啦

每次諗食乜大家都一定有唔同意見，所以多數食放題或者自助餐，乜都有得食就唔駛煩。朋友話呢間放題除左有日式菜之外仲有得打邊爐，所以就book位試下啦。係兆萬中心3樓，唔駛排隊搭電梯，位置非常方便。一坐低就當然揀左火鍋湯底先啦，佢有得揀4格湯底，好有創意，我地揀左沙嗲，麻辣，蕃茄同豬骨，一擺低勁香麻辣味，佢仲可以揀大中小辣，夠貼心！大陪份火鍋配料都係自己出去拎，食幾多拎幾多又可以樣樣試D，仲有好多飲品揀，連新出既減肥可樂都有，即刻拎返罐試下。刺身種類都多，有三文魚，劍魚腩，赤貝，甜虾，希靈魚，鮑片， 吞拿魚， 榮螺， 八爪魚，新鮮好食，最欣賞佢唔會比少你，寫幾多落幾多。火鍋除左自助果d配料之外，竟然海鮮都有，蜆，蟶子，東風螺，帶子，墨魚滑，勁豐富，有驚喜。牛肉我地叫左個普通牛肉，雖然普通，但質素都唔差喎，肉質鮮美好吃，有牛味，佢仲有隻係貴d，下次一定要試下！其實淨係食火鍋都好飽，太多選擇，但我地都有留少少肚食壽司，燒物同天婦羅。串燒唔錯，即叫即燒，天婦羅都好食，粉唔係好厚果d，外脆內軟。最尾食埋甜品，真係非常飽了，非常滿足。

兩三點想打邊爐同食放題，咁見近近地又唔使等位就行左入鋪，當時計埋自己個枱全場有4枱客，一開頭服務態度都好好，見我地跌咗筷子就好快俾過對新嘅我哋。不過就真係得一開頭好，到想揾人加湯嗰陣就叫極都冇人理，就算到叫到職員個刻佢都顧住撳電話，等到煲乾咁濟先入廚房幫手攞啲湯嚟加。除此之外，係嗌嘢食個度我點嘅嘢食有一半係到我走個陣都未上，坐咗成兩個鐘就連半塊刺生都上唔到，就算係熟食都有唔少漏單。而食物質素亦中中庭庭，炸魚皮本身已經擺到林晒，而啲牛豬羊亦冇乜味，食物選擇亦唔多。咁嘅服務$196一位真係完全唔值!

又來到旺角呢個地方食放題，今日去朋友介紹嘅一間中式日本放題。有火鍋，有壽司，有全消，有刺身，有前菜，有甜品，仲有小食添。火鍋可以出去自助吧攞，有金菇菜有角色各類嘅魚蛋，有玉子豆腐，有木耳，好多種類俾我揀囉。之後要讚一讚嘅係有天婦羅，沙律菜，真係乜嘢嘢食都有呀！湯底仲有好多款俾你揀，有蕃茄湯底，沙嗲，豬骨，麻辣等等。仲可以揀四種唔同鍋底添！要讚一讚嘅就係佢餸菜速度非常快，呢樣野真係好好。最後都係二百幾蚊一個，咁樣嘅質素用呢個價錢簡直係超值啊

最緊行過旺角，發現3樓開開左新餐廳！有4格火鍋，加放題！價錢仲好抵！！！！本著試食心態，同fd試下！四格鍋嘅湯底企可以自己揀，我地揀左芫荽皮蛋，麻辣，人蔘雞，同埋豆乳海鮮！蔬菜同丸類都係出去自己攞，種類十分多，而肉類，放題串燒炸物刺身等就是下單點的。至於飲品種類不算太多，但啤酒汽水涼茶一應俱全！甜品生果放在凍櫃自己攞，味道不錯，但如果款色更多就更好了！抒邊爐又點小得醬油吧，但這的醬油吧放得有點太高了，小朋友好難攞。湯底驚喜地足料及有味，每一款湯底都好濃味！

收工同朋友係旺角行下街，經過兆萬中心，發現一間中日火鍋放題，而我地都未試過，所以決定去一探究竟。間鋪啲座位好闊好舒服，絕對唔洗坐到逼一逼，又方便我地嗌到成枱食物。先講火煱湯底，有蕃茄濃湯，沙嗲湯，皮蛋芫茜湯，人蔘雞湯，豆乳海鮮湯，冬瓜排骨湯，豬骨湯，同重慶麻辣湯，心思思想試哂唔同湯底既話，仲可以揀四格湯底，一次試足4個湯底，絕對唔係鴛鴦鍋咁簡單！淨係個四格湯底都已經有驚喜了。我地點左個番茄湯，濃郁嘅湯底叫人無悔！必點！一入門口就見到個火鍋自助區，一般打邊爐必備既丸，菜，腸仔，麵都有。但不得不提八鍋堂既丸絕對唔係普通既魚蛋墨丸咁簡單！佢仲有蟹籽丸，海膽丸，大大舊既魚腐，粉紅肉色既墨丸，仲有其他十分少見既丸，我地拿了好多丸，粒粒都爽口彈牙。打邊爐好多人都中意食海鮮，呢度都有得任君選擇。海鮮有原隻大蝦，生蠔，蜆，仲有東風螺！螺真係好少火鍋店有，當然要試下，整體海鮮都十分鮮甜，特別係螺，真係要食完再食！肉類方面有肥牛，豚肉，連羊肉都有，食完個人即係暖笠笠。放題就提供刺身，壽司，軍艦，炸物，串燒等，唔想打邊爐太熱氣食刺身都滿足到你。飲品櫃又有一驚喜因爲呢度連康師傅既竹遮馬蹄都有，打完邊爐完全唔怕

好耐冇食放題，中所抽脂食放題旺角就最多㗎啦，今次為咗解吓癮，就去咗兆萬中心試吓新嘅放題。呢間放題主打係又有日式放題食，又可以打邊爐，一次過做晒兩樣，七點鐘上到去嗰陣唔算好多人，火鍋嘅材料都好多揀，以方睇就係好似平時咁寫紙仔。竟然俾我發現有新出嘅減肥可樂任飲，不得了，簡直係食放題嘅最佳配搭，等我有啲心理安慰可以減少糖分嘅吸收。魚生好新鮮，有好多款式揀，但係為免我連打邊爐嘅嘢都食唔落，就揀咗我最鍾意食嘅三文魚，油甘魚同埋甜蝦，三款都好新鮮，而且好厚切，雖然嗌嘅份量唔多，但係餐廳都用冰上，保持溫度，識落就更加好味，甜蝦都幾長身幾大隻幾甜。冇幾耐叫咗嘅皮蛋芫茜湯就上嚟啦，本身諗住普普通通叫個湯底清下熱，但係一上就發現有好特別嘅嘢，佢個湯雪凍左變成一舊冰，而且有狗狗嘅造型，好得意好精緻，淨係買相都已經贏晒，絕對係呃like嘅位，影完相就可以將另外一兜熱湯林上去隻狗狗冰度，你狗狗冰就好快會溶為一體。上咗個湯，唔少得嘅一定係牛肉，叫咗普通肥牛但係個雪花絕對唔係平時出面食放題嘅質素，個雪花分布好靚，唔會話肥一邊肉一邊，好高質，食落都好友牛肉味。另外壽司嘅種類都有好多，而且有啲係好少係日式放題食到嘅，例

同朋友好耐冇食過放題我想放題癮係心入面好耐但遲遲都決定咗食邊間今晚行過兆萬樓下接到張傳單見到價錢合理又有得打邊爐又有得食串燒又有得食刺身就入咗去試吓我哋一嚟就揀咗四色湯底個豬骨湯仲有隻熊仔喺度 十分別緻我哋仲加左錢叫咗海鮮任食刺身嚟到 見到十分新鮮 尤其係個三文魚 絕對食得出唔係cheap野而串燒都幾出色火鍋嘅配料係自己出去夾嘅都有相當多選擇連花膠都有 十分抵玩除咗主食方面 佢仲有甜品㗎有雪條雪糕俾你揀呢個價錢真係好高質仲要加少少錢就可以有靚牛肉任食

今晚相約了舊同事來個日式料理夜，數個月前自從她離開工作單位後，都未能與她聊聊近況；趁今天大家的時間可以遷就到，便她吃她愛吃的日式料理!這裡既可以從點菜紙任叫食物，可以享受放題的感覺，也可點上火鍋，到自助區域拿火鍋食物，一次過滿足兩個心願!放題的食物種類相對上少一點，但基本大路的選擇仍是有的。火鍋方面我們一致點四式鍋，可以一次過試四種口味，我們點了麻辣，皮蛋莞茜，豆腐海鮮和蕃茄濃湯作火鍋湯底。火鍋賣相確實頗為吸睛，未開始滾起已經傳來麻辣的香氣，我不好辣，朋友愛小辣，對她來說正合宜。除了紙上可點的少許海鮮和肉類火鍋配料外，自助區中亦有不少配料可自取，都是大路的食品，丸類，腸，菜等。點了一些海鮮試試，其中蝦和帆立貝不錯，鯪魚滑稍嫌不夠彈牙。肉類方面點來了牛肉和牛小排，牛肉看起來不錯，但牛小排相較之下好像不夠新鮮，而友人表示味道不差，但亦未於令人留下深刻印象。放題當然少不了刺身食品! 三文魚真的相當肥美! 友人吃得津津有味呢! 壽司點了很少，味道普通，炸物方面炸香芋丸不錯，是偏油了一點。燒物來說甜蕃薯仔和帆立貝不錯，蕃薯仔夠清甜，帆立貝燒得香口有咬口。除了於紙上下單外，外面亦有前菜，甜品，雪糕

近排日日ot，今晚有得準時收工就有同事提意一齊去洽下洽下，最終我地就去左呢間八鍋堂，既可以打邊爐，同時都有日式放題既野食可以任點我地配合各人既喜好，加左$68要左個4格窩！！！我地揀左人蔘雞、豆乳海鮮、蕃茄同麻辣揀好湯底就出左去自助吧到夾下自己想食既火鍋料、混醬同拎野飲有得叫四款湯底係爽既，仲有冰熊熊（湯）都好可愛，真係幾有gimmick 我地加左$20要左碟特選美國牛肉，雪花分佈平均，食落有牛香當中最中意個蕃茄湯，酸甜開胃夠茄味海鮮都唔差，海蝦唔梅仲幾爽彈日式方面先點左刺身同壽司打頭陣刺身質素正常，都幾新鮮，唔會食到雪味/腥壽司唔會好大件，細細地一件，個火炙左口魚邊超肥美，我地encore左兩次添我地都點左啲串燒食啲牛舌都燒得幾香又唔韌，唔差wooo!炸物方面有我放題必點既香芋丸呀最後仲食左雪糕同甜品櫃既迷你cheese cake 人均百幾二百蚊又唔貴，都食得幾滿足架------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤(10❤滿分)是次評

見食評好似ok d 相幾靚 又比樓下d 傳單promoter 姨姨狂sell 諗住上去試下比次機會點知上到食火煱放題 得幾樣野點 牛，羊，豬，蝦，蜆 其他原來要加錢 完全唔係張傳單寫咁樣張傳單嘅圖好唔寫實食評牛肉嘅圖係fake你嘅 果d 係加錢嘅普通牛肉好差 又肥又無牛味其他野食如午餐肉，丸都好一般 完全唔值呢個價環境都好一般 裝修好暗 d 燈壞左都無搞過 簡單d 性價比好低 完全唔值$168 呢個價雖然放題來講幾平 但係都有好多選擇節日 $168

今日和太太往旺角八鍋堂. 中日火鍋專門店食火鍋, 我們點了四格湯底(沙爹湯, 蕃茄濃湯、豆乳海鮮湯和朱骨湯), 沙爹湯底辣度香濃, 蕃茄濃湯食落開胃、豆乳海鮮湯豆乳好香滑, 海鮮配料有蝦和青口食落新鮮, 朱骨湯朱骨味香濃, 而且有朱紅口感十足；這裡除食火鍋外, 還有揚物, 刺身、壽司、卷物和燒物等美食；揚物我們點了炸蝦天婦羅和炸雞軟骨, 炸蝦天婦羅食落彈牙, 粉漿薄薄好惹味；炸雞軟骨炸得香脆, 佐酒一流；鮑片刺身食落爽口美；壽司我們點了火炙蟹膏蟹棒壽司和火炙蒲燒鰻魚壽司, 火炙蟹膏蟹棒壽司蟹膏好濃, 蟹棒燒得爽口惹味, 火炙蒲燒鰻魚壽司鰻魚香甜肉質美味；卷物我們點了芝士蝦卷和鰻魚青瓜卷, 芝士蝦卷芝士味濃蝦好爽口；鰻魚青瓜卷鰻魚鮮甜青瓜爽口；燒物我們點了鹽燒大虎蝦, 汁燒帶子貝和汁燒秋葵, 鹽燒大虎蝦蝦好新鮮, 燒得惹味；汁燒帶子貝醬汁醒胃, 帶子貝新鮮鮮甜；主角火鍋有很多配料選擇,我們點了美國特級牛肉和美國牛小排, 美國特級牛肉層次分明,入口即熔；美國牛小排食落有油花, 肉味香濃, 除了牛肉外, 我們點了娃娃菜, 生菜、菜心、午餐肉, 獅子狗、魚蛋、龍蝦丸、九肚魚和墨魚丸等, 娃娃菜

老公想打邊爐 我想食放題 所以就上網搵一搵有無兩樣可以同時做既餐廳啦 近近地旺角就有 所以老公接左我收工就一齊去啦上到去因爲仲早所以唔洗等位 兩個人坐卡位好闊落 我地叫左四格湯底 有沙嗲 人參雞 豬骨 冬瓜排骨 我覺得豬骨同冬瓜排骨差唔多 人參雞有驚喜 湯底本身都好足料蔬菜同大部分邊爐食材都係自助既 肉類同海鮮就係好似放題咁點 我地叫左豚肉同美國牛小排 兩樣都好薄身 肥瘦均勻 唔點豉油都好味放題呢就同一般只食放題既餐廳一樣有刺身 壽司 炸物 燒烤 等等 刺身都幾多款 因為我鐘意食甜蝦同貝類多啲 佢既甜蝦 馬刀貝 赤貝都好新鮮爽口 壽司大細岩岩好 唔會太大舊好易食到飽晒 火炙系列好香 入口即溶 正炸野有我鐘意既日式餃子 其他天婦羅都發揮正常牛舌 雞翼 雞串 全部都燒得好香 唔會太乾身 好食 今晚又可以打邊爐又可以食放題 真係好！

朋友無介紹錯，只係HKD198就食到中式火鍋加日式放題！自助配料好多選擇飲品仲有可樂plus!加HKD68仲可以有個四格湯底，好適合我心多多既人我選左蕃茄濃湯，蕃茄味真的好濃好夠味仲有將個湯雪到呢隻小汪汪樣子，可愛到唔捨得將佢溶化仲有人蔘雞湯，我至愛味道，人蔘甘香加上雞的鮮甜，無得頂冬瓜排骨湯清清甜甜唔錯而呢個重慶麻辣湯更是好味到不得了辣得夠勁又濃郁好正本身諗住無咩期望驚喜，但想不到牛味濃而嫩，好味道至於日式放題又點可以錯過呢，壽司選擇好多，而且好新鮮之後仲點左好多其他野都唔錯最後要提下呢幾款仼食唔嬲既和果子，好精緻好靚，絕對唔馬虎，外面煙韌，入面紅豆餡唔會太甜想不同一個價錢可以食到咁多野，而且唔差，值得再來既！

今晚同朋友仔行開旺角途經兆萬中心時，個肚突然好餓好想打邊爐，但朋友仔又偏偏想食刺生同天婦羅之類既日式食物。結果我哋就上咗三樓’八鍋堂’中日火鍋專門店，一次過滿足哂我吔兩個既欲望。女仔就梗係三心兩意，一般鴛鴦鍋又點可以滿足到我哋呢！’八鍋堂’竟然有個’四格鍋，可以任選四種不同湯底，無理由唔試喇！冬至排骨/蕃茄濃湯/ 皮蛋芫茜/中辣重慶麻辣湯, 真係味覺大刺激。食物種類適中，特選牛肉,牛小排同黑豚肉都係嚟自美國，有咬口同肉味。另外，還有多款海鮮火鍋配料可供選擇，生蠔/蟶子/象拔蚌就最鮮甜。近門口位置還有自助專區，蔬菜丸類豆製品等都可以隨意自取。而朋友仔就即時瘋狂亂叫了多款刺生、壽司、燒物同天婦羅，刺生/燒物/天婦羅都中規中矩，即叫即煮。壽司細細件，叫哂全部款式都唔驚太飽，最啱女仔同樣樣都想試嘅食客，咁就唔駛驚浪費。最後要提一提今晚個年青男侍應服務很好，不斷很快地幫我哋收走碗碟，值得一讚！