八鍋堂．中日火鍋專門店 (已結業)

   Office 最近發生好多事，有很多好同事辭職，感到不自在及忐忑不安。唯有跟一班friends出外食餐勁勁的，化不安為食慾。 聴聞旺角有新開放題火鍋店，任飲任食，每位$178，如果只吃海鮮火鍋，每位有$128。我當然選擇火鍋+日式放題啦！嘻嘻！有刺身、壽司任點喎，又有美國肥牛，一於生又食，熟都食嘛！   挑選了4格火鍋湯底：豆乳海鮮湯；人參雞湯；皮蛋芫茜湯；重慶麻辣湯。當中一定是重慶麻辣湯最為吸引啦！可以揀選大、中、小辣，悉隨尊便。那種麻子感覺可以持續很久，其他3款湯底較溫和，適合朋友吃，4人一起食，可以有辣有不辣。火鍋料也有很多選擇，有火鍋配料自助吧，放有蔬菜類、肉丸類、响鈴、豆腐、菇類、豬血、豬頸肉、豬粉腸、麵底等。火鍋料吧有夾子，則邊放有碟子、客人可以用夾子夾取自己喜歡的火鍋料放在碟子，帶回餐枱作火鍋用呢！有些火鍋料可在點餐紙上任點，有美國肥牛、美國黑豚片、羊肉片、海蝦、蜆、鯪魚滑、帆立貝等。另外，特選美國牛肉單點要加HK$20/每碟，或任食加$30/每位。因為小弟超級喜歡食牛肉，按捺不住，還點了兩碟，果然不負所望，色澤新鮮，肥瘦均勻，放入湯中灼大概12秒，就夾起回咀裏去，

一星期三餐火鍋唔厭架咩？我對住A姐都3年幾啦，唔通又會厭咩？只要得閒搞啲新意思，有啲小情趣，咁又點會悶呢！打邊爐都式一樣道理，呢間位於旺角兆萬嘅八鍋堂，除咗日式放題仲有公仔火鍋，諗唔到食咩但又樣樣都想食就啱晒。湯底有八款選擇：皮蛋莞茜湯、沙嗲湯、冬瓜排骨湯、豬骨湯、豆乳海鮮湯、人蔘雞湯、番茄湯同重慶麻辣湯。心大心細唔知揀邊款嘅，可以50/50，揀夠4款湯底！而專一嘅我，就情愛獨鍾揀咗冬瓜排骨湯。上枱一刻，A姐雙眼發晒光，呢隻鴨仔真係好卡哇伊呀，同佢影番十張八張相，佢就要去浸溫泉喇！火鍋配料方面，海鮮類有蜆、蝦、帆立貝同鯪魚滑。想試多幾款，不妨upgrade，咁就可以試埋蠔、蟶子、東風螺、墨魚滑同象拔蚌。我哋最愛蝦同墨魚滑，蝦夠晒大隻又新鮮，而墨魚滑就好彈牙。肉類就有美國肥牛、黑豚片同羊肉。如果想食啲高質牛，都可以upgrade叫埋美國特選牛肉同美國牛小排。除咗點菜紙上嘅海鮮同肉類之外，仲有一個自助火鍋配料吧，食幾多自己拎！有丸類、水餃、牛柏葉、魷魚、蔬菜類同粉麵類等，選擇夠晒多。至於日式放題就又點少得刺身，厚切嘅三文魚質素唔錯，厚切又肥美，真係encore再encore。呢度仲有超過2

放工行行下旺角,見兆萬樓下派傳單就上左去試下,話事話好耐冇係呢頭食野了.見到有火鍋又有日式放題就試下囉,2百幾一個人唔算貴.點左壽司,刺身,火鍋底同入左配料紙,諗住旺角樓上任食,好多間都係咁家啦,收起電話同朋友傾下計,火鍋底一到。。。。嘩嘩嘩。。。不得了。。。有隻熊係入面既😍😍😍好得意呀~~~加上湯底再開火,熊仔就溶了,變成麻辣湯底了。其他食物質素都好好,海鮮好新鮮 ,蝦,蟶子等等都好好味,但蜆就比較細,熟左都比較難撈到返出黎,但細細粒係女鮮甜, 壽司刺身各樣都很好味,飯不會太大舊,size岩岩好,天婦羅令人驚喜的出色,炸得唔油膩好脆😋😋值得一讚係店面大多是年青店員,但服務態度很好~~~見到隔離枱叫左個湯底係隻狗仔黎呀,就8掛下問人借來拍照一張😂😂動物公仔係限訂家,訂枱時記得要問清楚呀!

兆萬的放題店林立，差不多每間都吃過，今次來試下這間日式火鍋x放題餐廳。先說火鍋，湯底有八款選擇：皮蛋莞茜湯、沙嗲湯、冬瓜排骨湯、豬骨湯、豆乳海鮮湯、人蔘雞湯、番茄湯和重慶麻辣湯。想試多幾款湯底的話，店家很貼心的提供了四格湯底供選擇。顧名思義，四格湯底即是可選四款湯底。我們點選了四格湯底，選擇了冬瓜排骨湯、沙嗲湯、豆乳海鮮湯和人蔘雞湯。火鍋配料方面，任點海鮮有蜆、蝦、帆立貝和鯪魚滑。極力推介選擇升級海鮮放題，可品嚐多五款海鮮，包括蠔、蟶子、東風螺、墨魚滑和象拔蚌。當中我最喜歡蠔和墨魚滑。蠔身漲卜卜，味道鮮美。墨魚滑沾上蟹籽，彈牙又美味。肉類方面有美國肥牛、美國黑豚片和羊肉三款肉類可任點。另可加錢選擇美國特選牛肉和美國牛小排。除了這些配料外，餐廳內還設有一個自助火鍋配料吧，提供大量丸類、蔬菜類和粉麵類等琳琅滿目的火鍋配料供客人自助拿取。餐廳除了提供日式火鍋外，還有提供日式放題。所以火鍋方面亦不能吃太飽，要留肚吃其他的放題食物。先說刺身，質素不錯。我們從中點了三文魚、榮螺、北寄貝和虎蝦。而且這四款我們亦encore了四round。壽司是我當晚最喜愛的食物項目，其中火炙三文魚壽司是我的最愛，三

臨近歲晚, 因為要買新衫新鞋過年, 俾個籍口自己可以瘋狂shopping, 行到來到旺角最熱鬧條街, 在街上接到宣傳單張, 就在我們身處的大廈樓上, 有間又可以打邊樓又可以食日式放題的食肆, 真係好吸引, 正好我們也要搵地方歇腳醫肚, 所以唔駛諗, 我們一行幾人就上咗去位於這大廈三樓的食肆, 一入門口已見到旁邊的角落已放滿唔少打邊爐的材料, 仲有幾個雪櫃, 裡面放滿各種支裝罐裝的飲品, 係任食任飲的.我們一行四人座在舒適的卡位, 見到有四鍋湯底的款式, 我們很是雀躍, 可以選四款唔同湯底, 打邊爐的食材, 除了各款牛, 羊肉及海鮮需要落order之外, 其他食材都是在門口個角落自取, 當然各式肉類及海鮮都是任叫任食的. 選好湯底, 我們又叫了些日式放題必食的剌身, 壽司及炸物等等, 等待火鍋湯底滾起之時, 又可以食下日本食物滿足口腹之欲, 我們叫了三文魚刺身,赤貝刺身, 鮑魚片等等, 仲有火焰三文魚壽司, 海柳沙律醬壽司等等, 相當之唔錯, 三文魚刺身肥美鮮甜, 壽司的壽司飯酸度啱啱好, 很是開胃, 凈係食這日式食物, 我已經覺得係超值, 仲有邊爐可以打, 呢間真是我的至愛, 我最鍾意

天氣冷了，個心就經常要吃熱呼呼的東西火鍋是我最愛...我愛火鍋多於雞煲朋友介紹我到八鍋堂，在兆萬3樓，坐電梯就可以到先選湯底，可選1或4款本打算2款，這樣嘛...跟男友各人選2個吧！皮蛋芫茜豆乳海鮮人蔘雞豬骨湯豬骨湯一大塊豬骨，慢慢淆 人蔘雞男友算挺多人蔘我沒用這個，我怕人蔘味圈內的是升級中日放題才有基本上都很鮮甜肉類，特選美國牛跟美國牛小排都要加錢如果你很能吃，我建議絕對可以選任食我跟男友不能吃太多就各選了一點試試除了點菜紙，在外面還有一些火鍋配料自取任料款不少，飲品櫃還有些甜點還有雪糕拿了些菜、金菇、午餐肉...我覺得午餐肉瘦瘦的..合胃口第一轉男友叫的刺身比較少，因為他一直害怕我們吃不完赤貝跟劍魚腩好正，鮮爽...再叫呀拜託第二轉我要求叫多點，拍照好看嘛當然都吃得完的啦劍魚腩、赤貝、馬刀貝我覺得比較特出海鮮方面，蠔是幾款中我最愛我沒想到蠔在煮熟後，沒有變蠔士一樣肥嘟嘟甜甜的！墨魚滑自己挖...男友弄得太小一粒...大點點會比較有口感第一轉沒有蟶子，但看到隔壁桌有再叫！多叫一次蠔這是不用加錢的肥牛...一半肥一半瘦左邊是牛小排，右邊是美國牛肉2隻分別是口感左邊的比較鬆化，右邊會比較

講開放題，好多人都會諗起旺角依個相信係放題最密集嘅地方，自問自己都算係食遍依區嘅「胃」食人，今日就決定會一會依間係兆萬開嘅八鍋堂。唔駛等亦都唔駛同人迫電梯，依間只要扶手電梯直上三樓就到。由於今日平日，而我同同事都係早收關係，所以我哋早D到的入場價比起繁忙時段抵。 入到去，見到地方都闊落，侍應好快咁帶左我哋坐低，清楚講解左一輪之後，我哋就正式開動啦! 同事負責攞嘢飲，而我就好熟練咁起勢剔啲order紙。選擇方面，主要分兩類(兩疊order紙)，一類係傳統嘅日式放題，另一類係火鍋，而火鍋有大部份嘅配料都可以自己係出面近門口嘅食物櫃直接攞到。可能因為早到未算有太多客，啲嘢食落左一陣都好快到。回本首選當然係先食刺身先啦，選擇都好多，我哋分別點左三文魚、甜蝦、虎蝦、北寄貝、赤貝、螺片。。。(不能盡錄)，質素方面都ok，特別係甜蝦，我哋encore左三四round。至於壽司方面，一定要試火灸三文魚腩壽司同芥辣八爪魚軍艦，除左因為依兩樣都係本人放題嘅指定食物之外，我覺得依度整出嚟嘅水準都好好，一定要推介一下。前菜食完，轉一轉channel打邊爐。同事想試試新嘢，所以叫左依個四格鍋，分別有四個湯底：沙

今日同男朋友去旺角食飯，原本想去搵間放題店，因為好耐無同男朋友任飲任食。天氣涼左，男朋友話想打邊爐，結果去左「八鍋堂」。我超鐘意餐廳醬料夠多，我好鐘意咩都加啲醬油+麻醬+蔥+辣椒粒+芫茜+炸蒜+生蒜四式湯底我最鐘意豆乳海鮮湯，男朋友鐘意豬骨湯。嘩好多唔同配料呀最後我咩都夾啲打邊爐我超鐘意食丸，我夾左幾轉。丸類彈牙爽口，蟹籽丸最岩我心水，爆汁夠豐富。紅腸岩我，記得細細個好鐘意食炸紅腸海鮮種類好多！有螺有蝦⋯⋯⋯我好鐘意食墨魚滑海鮮爽甜，大大隻蝦超彈牙！打邊爐唔少得食牛肉！牛小排最正油脂重入口牛味濃郁！男朋友好鐘意！日式壽司我地瘋狂食！鰻魚壽司比我食哂火灸三文魚燒香後魚味極香極濃最後每人食左兩杯雪糕！

近日遇上天氣突然轉涼，朋友們紛紛相約火鍋聚會也是正常的事。最近收到朋友傳來的短訊, 推介一間放題形式的中日火鍋店, 同時提供日式放題和中式火鍋, 而且價錢也是吸引的。那就相約好友一齊來試試。這家八鍋堂位於兆萬中心, 地方企理,周一晚上來到，這裡人客也不少，好彩早到一步, 我們二人進佔了一個四人卡座，比較舒適寬敞。食火鍋，醬料也是重要一環，店方擺放了多款調味料, 包括有紅辣椒、蒽花、蒜茸等等, 而本人也在多款醬料中，簡簡單單的選了小量蒽花。對著熱辣辣的火鍋, 點一些飲品來降溫是常識吧, 店內有三個大雪櫃, 裡面擺滿了多款飲品，足以應付不同食客的口味。飲品方面選了罐裝綠茶, 夠健康而且解喝。隨即而來的就是刺身併盤, 有三文魚、吞拿魚、甜蝦、虎蝦、八爪魚等, 各款刺身都相當新鮮，我就較喜愛當中的三文魚及吞拿魚, 鮮味十足，甜蝦也爽口而鮮甜，以日式放題來說水準已算唔錯。鍋底方面點了豆乳海鮮鍋, 鍋內的海鮮有海蝦、青口、帆立貝和蟶子等, 較特別的是豆乳湯底已預先做成一個熊仔的形狀, 當店員加了湯, 在鍋中加熱後,熊仔便漸漸溶化在湯中。先吃各款海鮮, 海蝦和青口也是鮮甜; 帆立貝肉厚而鮮味足, 蟶

間中都想食好野慰勞下自己，所以今日係揀左間係兆萬既仼食火鍋放題。🤤我地嗌咗好多美國肥牛、特選美國牛肉，當然升級要加錢！其他唔使升級嘅豬青肉、美國黑豚片，每碟有6片份量幾好，鐘意嘅話可以嗌多幾碟！無論牛肉定豚肉都切到薄一薄，放入鍋度輕輕滾一滾就可以食，肉味濃郁，而肉質尚算嫩。另外，除咗牛肉同豚肉，仲可以係自助區域，選擇自己想食既火鍋材料。🍣講啲刺身先，三文魚個啲普通刺身都好新鮮，比同價位既放題好好多，全部刺身都係用冰托住，感覺好衛生乾淨。呢個組合感覺上好抵食，食多幾輪應該可以完成回本嘅目的！刺身有很多選擇, 質素都很好。火灸蟹柳壽司超好吃呢，沙律醬味道配合火灸，燒得好香口。即點即炸的天婦羅粉漿透薄，能保持外脆內軟的口感，讚！串燒上桌時仍然熱騰騰，大多簡單以鹽、燒汁調味，鹽燒雞翼還有肉汁淌出，又香又滑。各款丸類丸類的款式好多，盡情地夾也可以，味道亦不錯。每人只需200多元，吃到放題及火鍋，滿載而歸，而且味道不錯，真的好抵食。

一進內，侍應很有禮貌地和我們打招呼。這間火鍋放題店的環境優美，能讓你有個美滿旅程；裝修豪華，能讓你記着有多高興，我們點了一個4格湯，共有4種湯底，有豬骨湯底、四川麻辣湯底、沙嗲湯底等，材料豐富非常鮮味。大部分東西都可以任吃的，三文魚腩和鮑魚片點了刺身醬油後，猶如畫龍點睛般美味非常，令人垂涎欲滴。還有一些壽司，三文魚壽司加上醬汁，好似入左日本菜店咁正。那個炸蝦天婦羅，炸的程度剛剛好，不遲亦不早，能品嚐它實在太感恩，加上附上的汁，那味道簡直能令人衝開一切障礙，令人對食物有新的看法，保持鬆脆的同時，還帶有戀愛的味道。飲品也是無限任添。還有一些火鍋的海鮮，例如聖子，貝殼類的海鮮，而且有鯪魚，這些東西經過火鍋之後，那些鮮的，辣的味道融合在一起，即使上班有多悶有多忙，在此享用美食會令你再次感受到人生樂趣，令你覺得平時上學上班時遭受的壓力也完全無重要。還有，花螺、牛小排、花之戀等，值得再三品嚐。還有到那裡必吃的甜品，選擇很多，有芒果布丁、意大利芝士杯等，美味程度非常高，有別於一般在街上買的甜品。任現時時代再低氣溫，多麽的慶幸，這店有令人感到温暖的服務態度，全程都保持微笑，效率非常迅速，照顧顧客感受，

今日陪朋友去兆萬中心買野，黎到三樓見呢間中日火鍋放題，睇見入面都幾多人，於是就決定去試一試。呢間店空間都幾寬闊，環境都幾乾淨，走廊有足夠嘅空間，所以唔會覺得擠逼。呢度醬料同火鍋配料都是自助式嘅，份量可以自己控制，而總類都多。除自助火鍋配料外，仲可以用紙劃野食。當中有刺身，燒烤，海鮮等等。一次過可以滿足我地打邊爐之餘又可以食日本放題嘅慾望。我地點了個番茄濃湯湯地，湯味濃郁，湯料充足，仲有大大舊嘅番茄肉熬湯。我地兩個人，但張枱就是4人枱，擺左個爐之後，仲有大把位置擺配料，桌上空間大，非常舒服。刺身方面，我地點了三文魚，赤貝，甜蝦，吞拿魚及甜蝦等等。刺身非常新鮮，三文魚刺身多肉肥美，而佢嘅刺身上碟時都個樣好精緻，有枝花伴碟，成個樣好靚，絕對加分！天婦羅方面，我地只是點了日本番薯仔。另外我們因『升級』，點左好多海鮮，例如生蠔，東風螺，象拔蚌等等，佢地的海鮮鮮甜，個樣都靚仔。肉類方面，美國肥牛及美國黑豚肉等等，牛肉有牛肉味，豚肉有豚肉味，而且份量十足。而自助食物方面，我們野拿了不同的丸類。芝士丸龍蝦丸蟹籽丸等，彈牙可口，成鍋都裝住我鍾意嘅丸，滿滿的，感覺好幸福喔！值得一讚的是，我地寫幾多海鮮，佢

今日同朋友行經旺角，見天氣涼涼地就想嚟個打邊爈！見之前有同事介紹過兆萬中心有間叫八鍋堂，好食又抵！所以今晚決定去試下佢！入到去發覺地方好寛敝，坐得好舒服！地方仲好乾淨企理！唔似其他火爐店摸上去枱凳黏笠笠，好似抺唔乾淨！之後我地開始睇Menu，發覺佢地除咗火鍋，仲有刺身，壽司，炸物等等，真係又可以打邊爐，又可以放題！不過我地決定今晩都係食返火鍋啦！睇緊Menu期間，我地發現有個火鍋湯底勁特別，叫四格湯底，故名思義一個鍋可以有四種唔同湯底，辣唔辣，清湯濃湯，任君選擇，真係好有創意！佢地主打係海鮮火鍋，所以我地叫咗好多海鮮配料，有海蝦，蜆，帆立貝，鯪魚滑等等！食完之後，發覺佢地用料真係勁新鮮，尤其係海蝦有大有多肉，而且鮮味十足，好似啱啱捉上嚟咁！最重要係佢地上菜速度好快，可以食多d，而且佢地既肥牛片都非常正，塊塊肥瘦均勻，肉甜美味，份量又足！至於佢地所有蔬菜，丸類都係自助形式放係門口冰櫃，所以鐘意食菜既女士就好方便，唔駛下下落單！有需要就自己出去拎！又環保又方便！所以大家有機會一定要試下佢！

今日同朋友去食飯，今日就嚟試吓八鍋堂。因為係平日而且新開唔係太多人知，所以比較清靜，經理俾咗我哋兩個人坐一個大卡位，超幸運！坐低見到有四格火鍋揀，只係加幾十蚊，好啱選擇困難症嘅人咁就可以試晒四隻味。 唔好睇佢個格咁細，以為一定得啲湯冇配料！我食到一半發現咁細格豬骨湯，竟然會有一大舊豬骨！海鮮湯入邊又有蝦、青口、帆立貝，非常之足料！呢度嘅醬料區有好多選擇，仲有重點係有分壽司豉油同埋火鍋豉油。我之前食過間淨係得火鍋豉油，所以見到真係覺得好感動！！火鍋配料方面好多款都係不過不失，其中最推介嘅係彈牙既墨魚滑，同埋紅色既豬肉丸，食落好有鮮肉味，推薦👍🏻👍🏻👍🏻 另外，呢到有個好得意既福袋，入面係麻糬同埋肉丸，個樣好得意，好吸睛熟食方面都好吸引，必叫鯖魚！ 送上台個陣層皮仲係脆架！ 食落仲有陣魚油香，我地最後食左好多條😂😂😂 而壽司方面，細細件，可以放膽叫，都唔驚頂肚。甜品方面，我推薦食咖啡布丁，細細份，我可以一個人啪十個！ 仲有人參果，好甜，好清新！ 平時食放題好少見到有生果食，好難得！

今日同朋友係旺角行街，行到攰攰地諗住揾下有咩邊爐放題好食，朋友諗起之前食過旺角呢間八鍋堂話幾好味，於是朋友就帶我去試下，雖然呢排熱返少少，都無阻我去打邊爐既心呀！好好彩一行入去就咁岩有位，係門口已經聞到聞到勁香邊爐味！店員好快手招呼我地，接待我地入坐。行近門口已經見到一大個雪櫃放滿唔同火鍋配料，勁豐富。呢度坐得都幾舒服，座位好闊落。個餐牌有好多選擇，我地湯底嗌左四格鍋，諗住咩味都試下，揀左人參雞湯、麻辣湯、番茄湯同海鮮湯。一上個爐覺得十分驚喜，個人參雞湯真係足料，真係有大大舊雞同人參！除左有出面既火鍋配料，放題點單紙仲有唔同嘅肉類同海鮮嗌，刺身、壽司、軍物、炸野、串燒樣樣有。我地嗌左啲肥牛同豚肉片，都幾新鮮，肥瘦分眀，好味！啲海鮮十分鮮甜，唔會雪到硬晒。之後拎左啲火鍋配料味道都唔錯，尤其係啲牛栢葉同魷魚十分爽口，一啲都唔韌！刺身味道鮮甜，無雪藏味，大大件三文魚，而我最鐘意食螺片，夠晒凍又鮮味濃郁。火炙壽司加埋啲芝士燒得岩岩好，正呀！串燒同炸物都整得岩岩好，夠晒熱，翠肉瓜食落仲爆汁添架。出面仲有好多款飲品選擇，另外仲有小食、甜品、雪糕、雪條食。呢個價錢黎講，真係幾抵食，落單後上菜速度都好