影片
更多
2018-02-14
66 浏览
講開放題，好多人都會諗起旺角依個相信係放題最密集嘅地方，自問自己都算係食遍依區嘅「胃」食人，今日就決定會一會依間係兆萬開嘅八鍋堂。唔駛等亦都唔駛同人迫電梯，依間只要扶手電梯直上三樓就到。由於今日平日，而我同同事都係早收關係，所以我哋早D到的入場價比起繁忙時段抵。 入到去，見到地方都闊落，侍應好快咁帶左我哋坐低，清楚講解左一輪之後，我哋就正式開動啦! 同事負責攞嘢飲，而我就好熟練咁起勢剔啲order紙。選擇方面，主要分兩類(兩疊order紙)，一類係傳統嘅日式放題，另一類係火鍋，而火鍋有大部份嘅配料都可以自己係出面近門口嘅食物櫃直接攞到。可能因為早到未算有太多客，啲嘢食落左一陣都好快到。回本首選當然係先食刺身先啦，選擇都好多，我哋分別點左三文魚、甜蝦、虎蝦、北寄貝、赤貝、螺片。。。(不能盡錄)，質素方面都ok，特別係甜蝦，我哋encore左三四round。至於壽司方面，一定要試火灸三文魚腩壽司同芥辣八爪魚軍艦，除左因為依兩樣都係本人放題嘅指定食物之外，我覺得依度整出嚟嘅水準都好好，一定要推介一下。前菜食完，轉一轉channel打邊爐。同事想試試新嘢，所以叫左依個四格鍋，分別有四個湯底：沙
唔駛等亦都唔駛同人迫電梯，依間只要扶手電梯直上三樓就到。由於今日平日，而我同同事都係早收關係，所以我哋早D到的入場價比起繁忙時段抵。
入到去，見到地方都闊落，侍應好快咁帶左我哋坐低，清楚講解左一輪之後，我哋就正式開動啦!
同事負責攞嘢飲，而我就好熟練咁起勢剔啲order紙。選擇方面，主要分兩類(兩疊order紙)，一類係傳統嘅日式放題，另一類係火鍋，而火鍋有大部份嘅配料都可以自己係出面近門口嘅食物櫃直接攞到。
可能因為早到未算有太多客，啲嘢食落左一陣都好快到。回本首選當然係先食刺身先啦，選擇都好多，我哋分別點左三文魚、甜蝦、虎蝦、北寄貝、赤貝、螺片。。。(不能盡錄)，質素方面都ok，特別係甜蝦，我哋encore左三四round。
至於壽司方面，一定要試火灸三文魚腩壽司同芥辣八爪魚軍艦，除左因為依兩樣都係本人放題嘅指定食物之外，我覺得依度整出嚟嘅水準都好好，一定要推介一下。
前菜食完，轉一轉channel打邊爐。
同事想試試新嘢，所以叫左依個四格鍋，分別有四個湯底：沙嗲、蕃茄、豬骨同海鮮，真正係各有特色，啱哂花心人士或者傾唔掂數嘅人士。
食物櫃放左好多火鍋配料，不過因為放題太多選擇，我哋剩係攞左啲蔬菜就算，火鍋主力集中係牛同海鮮身上，無限供應嘅肥牛對有限嘅胃，我同同事本來都諗住就住就住，好彩佢每碟份量唔多，食起上嚟反而變得輕鬆，好快就俾我哋KO左幾碟，海鮮方面，我哋專攻蟶子、蜆、生蠔同象拔蚌，再配上海鮮湯底，真係冇得輸。
火鍋以外其他嘢食都試左唔少，燒物由其係encore左兩次嘅燒秋葵、翠玉瓜同虎蝦都係放題必食之列。炸物反而就因為個胃嘅quota緣故，只食左蝦天婦羅就收工，始終放題嘅項目選擇太多，只能夠策略性地食自己較鐘意食嘅嘢就算。
完左主菜，都有試吓依度嘅甜品，味道唔錯，雪糕就真係食唔落啦！飽得滯。不過值得一讚嘅係佢地依間餐廳都有啲唔錯嘅飲品選擇，好似果汁先生出嘅支裝馬蹄甘荀，仲有酸梅湯，都係放題消滯之選。今次仲有好多嘢未試，下次有機會會再黎試試。
张贴
