八王子拉麵館 (已搬遷) 新店位置

今晚去油麻地接女友放工去旺角睇戲，未夠鐘搵地方食嘢，起初打算去打邊爐不過好多人最後打消接著我女友話附近開左間拉麵館，一於試試。去到好快有位，經侍應生介紹，原來佢哋主打牛骨湯，所以試吓個招牌拉麵而女友試個野菜拉麵，另叫碟吉列蠔同炸雞。＞１柯打不用三分鐘就有麵食（快過碌杯麵），麵一來就試試個湯，熱度夠味道冇預期咁濃，但感受到淡淡牛骨味同飲落唔渴喉，麵稍硬淋Ｄ好Ｄ，叉有四片咁多，幾好肥廋均勻，不過最正係嗰半隻糖心蛋，夠味。＞２我女友個野菜麵佢好鍾意，因好多料好多菜，不過湯底係豬骨濃湯，湯底冇咩驚喜好似味Ｘ的味道，勝在味濃。＞３唔知係唔係專做拉麵，個小食等咗一段時間，好在個炸蠔幾好食，好香入面仲有汁流出來，炸雞味道唔錯。總括食物質素唔錯，牛骨湯好特別，值得再幫襯。