八王子拉麵館 (已搬遷) 新店位置

這次吃了$90, 實在是貴但質素是高的, 所以本人也豪爽了這次叫了:一個$39午餐(胡椒拉麵+吉列炸蝦+飲品)一碟鹽燒牛舌粒($30)Milk Top牛奶布甸(21)先說胡椒拉麵, 味道比八王子拉麵濃得多而且感到很辣但這次日式叉燒味道和質感都比上次的好值得一讚我吃了友人一隻日式餃子可能舌頭很麻, 而且餃子很熱覺得沒甚麼特別吉列炸蝦則是極品香脆而入口即溶且蝦味十足小食來說非常好吃但單點$24就真的貴了點鹽燒牛舌粒味道不濃但也很好吃不過我認為分量少, $30不太值得而友人則說吃到少許苦味可能是他吃到焦的部份milk top牛奶布甸仍是這樣的好吃聽說出了芝士口味下次要試試!很可惜這次沒有胃口試燒鰻魚所以也要等下次服務...仍是滿分各個服務員也很健談

溏心滷蛋: 這一種滷蛋在另一個日式餐廳也品嚐過,但相比之下,這一隻滷蛋的口感比之前品嚐過的更軟化,但上菜時保持很企身,蛋黃帶有半生熟的感覺,整體上香味很濃郁!牛骨湯底:市面上的拉麵餐廳多數用豬骨湯底,味較濃,而八王子選用的是牛骨湯底,味較清淡,但不用落味精也滋味無窮,同時在品嚐完拉麵後,不會份外覺得口渴,所以這個牛骨湯底是非常適合不喜歡味太濃的我一尺長鰻魚:特別之處是確實長一尺,燒汁也調較得很惹味!!但肉質方面,可能想營造出入口溶化的感覺,卻失去了鰻魚本身肉質的嚼韌度湯碗底的圖案:餐廳的經理告訴我,日本人品嚐拉麵,通常會連湯喝清,這個時候就會看到湯碗底的字樣,但八王子的湯碗底又會隱藏什麼圖案呢?那就要你親自去發現了!紫菜豚肉拉麵:紫菜是值得一試的佳餚,即使半沉在牛骨湯中,食起也保持爽口及有淡淡腥味,好有海產風味!至於豚肉,肉厚而味濃,可能紫菜的出色令豚肉變成了配角海鹽牛舌:粒狀牛舌,烹調方法是鹽燒,但牛舌不會太乾同韌,有咬口而軟化,值得一讚的是,平時食的鹽燒牛舌都會帶有少許膻味,但這一個鹽燒牛舌正正達到不太鹹不太乾又不會膻的口味!!

去西九看電影前先去了佐敦八王子開餐用餐時間大約12:15人流不多, 所以服務也特別好感覺上是很多員工在serve我們一行人很好先說說地理位置其實看地圖後也知道如何前往但門口不太大, 第一次去的話不細心找也找不到職員推介我吃八王子拉麵(39連小食+飲品)的確麵是不錯,湯也不會太咸而且沒有味精叉燒味道很好, 但數量不多但我認為太多洋蔥碎(本人不太喜歡洋蔥)但整體是不錯小食就要了鹵蛋要做到內裡溏心實在不易很佩服師傅可以做到這種水準的美食這次三人行 , 我和朋友A分別叫了紅豆和芒果雪糕($25)朋友B則叫了牛奶布甸($20)吃得出雪糕是真材實料但我認為$25太貴而我試了一口牛奶布甸, 很香很滑很後悔沒有叫一個所以我下次再去的話一定要試牛奶布甸不叫甜品的話$39比起味千等店鋪更好吃但鋪頭實在太小,多人的話可能要排隊排很久, 應考慮擴建!

同馬大哥 & 馬太睇完屋....飛的去佐敦白加士街o既 八王子拉麵屋.(馬太話tvb o岩o岩有介紹, 所以去食下)去到有7,8個人係度等. 不過都唔係等好耐.等o左10分鐘左右. 得一個師傅煮麵,,,,見佢好忙好忙,,,,,但又會出o黎招乎客人. 安排位置等. 我地3個係咁掛住傾計........一等就差不多30分鐘....仲未o黎..........馬大哥就開玩笑.....咁耐o既,,,,唔係漏單呀嘛...... ...........我就和應..........::::咪係.....薯餅都應該到啦....點知轉個頭....侍應妹妹仔行埋o黎................:::::唔好意呀3位.....你地介唔介意講多一次我聽....你地叫o左咩麵呀?????????吓....唔係呀嘛.........o靚妹...........你真係漏o左單呀????嘻嘻.......係呀.......真係唔好意思呀.噢~ my dog~ ...............................因為同朋友好耐冇見.........再落單後....又掛住傾....傾...傾(正

睇到上星期Suki的飲食節目介紹，覺得幾吸引，所以星期五放工便與老公仔去。行緊去的時候都覺得奇怪，在一條咁靜的街會有一間咁好味的拉麵包店？莫非臥虎藏龍？去到登記後等了三、四張枱到＋分鐘就有位，都算快。老公仔點了八王子拉麵、我點了胡椒拉麵，但最想吃的燒牛舌粒及一呎長鰻魚都沽清，激死！這兩樣嘢郡是節目介紹的，牛舌亦是我的至愛，竟然只是8點黄金時間己經冇，真差! menu上的食物又多，竟然招牌菜咁早就冇，真能接受。在旁位子的一對情侶落簞時聽到沒有這兩樣食物，立刻對望說「咁可以走得喇！」!!所以缺貨只顯示planning做得差，而是食物受歡迎程度，失望的顧客未必會再回頭，管理層必須留意。我們最後只點了炸廣島蠔作小食。胡椒拉麵真的很胡椒，老公仔知我吃到所以調換了。胡椒拉麵的义燒普通，反而八王子拉麵的燒豬頸肉有炭燒蜜糖香味，錯。這拉麵店是標榜用牛筒骨湯底，聽落新鮮，食落及豬骨湯底香濃。反而值得一讚的是隻魯蛋，很creamy及有蛋味，應該是用日本蛋來做的。炸廣島蠔亦做得錯。吃麵時另張枱的情侶也抱怨地說啲食評信唔過，本來想吃一頓有水準的拉麵，點知很失塘望。我又覺得咁差，只是好味拉麵店

我本人 同太太都係住係佐敦所以成日都係佐敦周圍搵野食幾日前同埋2個朋友 再次幫親呢間舖頭 食我 最喜歡食既辣麵.. ^^我太太 就喜歡食胡椒風味(中文唔係幾好,原諒)既麵..而另外2個朋友就叫辣麵 同胡椒風味..佢地食完都大讚"好味" ^^之後再食埋 除sogo外 得佢有得賣既MILK TOP雪糕正爆服務, 環境, 食物質數 又不錯.. 下次有時間會再去~ ^^

尋日睇完無記肥妹SUKI 既節目，今日同靚仔老公去呢間野食野..一去到已經唔係好想食, 門口企左個四眼仔做登記，登記完問佢等幾耐, 佢話唔知呀, 20-25 MINS 啦, 老公想走既啦,, 但諗諗下算啦, 反正黎到。 點知唔夠2 分鐘就有位, 真係9唔答8坐到左叫左2個拉面, 炸雞同炸豪, 老公叫左個紙棻拉面, 成碗面得1舊肉, D炸豪好細隻, 炸雞全部都係雞皮..不過最攪笑既係睇住果個四眼哥哥, 係咁"小"D妹妹仔, 又話呢樣又果樣, 大佬呀, 你要教人, 都唔好係D 客面前呀, 仲要個個伙記都小, 係大大聲咁, 我見D 妹妹仔做到失失方, 有個仲眼濕濕TIM, 好可憐..埋單果隻, 門口有幾個人等緊位, 想按開門制入黎, 個妹妹想開門SERVE既啦, 點知舍四眼仔係KITCHEN 好大聲嗌出黎話""唔好入黎呀.." 個幾個客傻左, 我諗四眼仔既意思係叫個妹妹幫人做登記先, 唔好俾客入黎住..不過...哎..我諗我呢世都唔會再去食, 因為野食又唔係特別好食, 見到個四眼仔又唔開胃, 佢可能自己好緊張, 攪到D 同事又好緊張, 我食果陣都好緊張, D 野都未食完就走黎收野, 我仲問佢

收左工同個FD出黎食飯, 因為好耐冇食拉麵, 就搵左呢間黎食一入到去覺得個環境都幾好, 其實我幾鐘意個門口因為唔係果D好鋪張好大既招牌, 細細地幾隻字咁令人睇落覺得好舒服我叫左個蟹腳拉麵, 我FD叫左個八王子拉麵, 跟住我地仲叫左碟牛舌個拉麵湯底話係牛骨, 幾特別, 全香港第一間用牛骨做湯底, 幾唔錯~~~d蟹肉幾甜, d麵都ok, 整體黎講都過得去, 而且都幾大碗, 最正係個蛋!!!!!!牛舌係愛物, 唔會好似咬橡根咁~~ 有口感得黎又夠鬆軟~對我黎講最正都係個MILK TOP, HAHAHA~~~比SOGO貴一蚊都抵, 車費都起番度而且坐得都幾舒服, D STAFF都幾好人, 唔錯, 一定會再黎食~P.S. 走前仲送左張蛋蛋coupon~HAPPY^^

突然想吃拉麵,但時間已經不早不想排餐懵,決定放棄橫綱,來試試這裡店家主打的牛骨湯底牛舌拉麵說是期間限定,身為牛舌擁躉的自己也不用多想先來一口牛骨湯,沒有平常的豬骨湯底肥膩但味道略嫌鹹了一點拉麵和配菜的味道一般,均是以份量取醒糖心雞蛋雖不上很出色,但也算合格以上吧牛舌亦只是普通貨色,沒有予想外的驚喜有點納悶期間限定的理由到底是什麼算是試過吧~這樣的價錢,其實也不能要求太多謝謝招待~~*

八王子, 聽左呢個名都幾耐下. 係火鍋店, 中式食肆林立的白加士街, 突然多了一間拉麵店, 都咪話唔特別. 今日, 齋妹因打風而取消臨時約既約會了, 另外爐兄來電說有野交俾我. 咁就係佐敦交收, 下午2點幾3點, 總要食少少野落肚. 係佐敦, 即時諗起, 就是八貝勒.入到黎, 原來這裡與別不同的, 就是牛骨湯底. 豬骨湯底食得多, 但牛骨湯底始終少見少食. 平常食豚肉拉麵. 既然這裡是牛肉湯, 就去試試個牛脷拉麵吧. 牛配牛, 豬配豬嘛.湯底, 都是骨湯, 但味道就覺得豚骨湯比較正D, 拉麵就一般啦. 牛脷方面, 我曾經說過我不太喜歡黑椒, 充滿黑椒味的牛脷或許是令到我要扣分的原因. (我呢個食評比較主觀)不太差勁呢, 不過呢間係試過就算.

今晚同d friend出佐敦，本來諗住食太平館，點知要排隊，忽然諗起八王子，就改去食拉麵。我地order左蟹柳拉麵、牛舌拉麵同黑胡椒拉麵。而我最鍾意黑胡椒拉麵，因為個湯底辣辣地，好刺激，好濃胡椒味~而牛舌拉麵d牛舌都好味，好似燒過來的，份量多，正ar~仲有我最愛gei流心蛋，真係好流心ar~我覺得lee度gei蛋比橫綱仲要流心and滑。order完拉麵之後，四眼哥哥就推介佢地最近才開始發售gei甜品，就係milk top gei 雪糕同牛奶布甸~雪糕有green tea櫻花同柚子等味! wah~~~~~真係估唔到一間小小gei拉麵店竟然有我最愛gei milk top賣，仲可以外賣，買4個仲送冰袋~等我地可以安安全全帶佢地返屋企慢慢品嘗。雖然佢地賣得貴過sogo一蚊，但係唔洗特登出cwb都ok gei~仲有，食完埋單後人人都有一張流心蛋coupon，下次去就可以免費送一隻。好彩太平館無位，如果唔係就食唔到milk top la~ha^^

與留英後返港的友人聚一聚，選址佐敦。聞此處有拉麵吃，故扯他同來一試。一時半，小店是意想不到的"吉"，十分適合我們詳談。友人叫了仙台牛舌拉麵，我叫了紫菜拉麵。我試了友人的一塊牛舌，很不錯，口感不太淋，不知怎樣才算好但很合我胃口，而且很香，把我的豚肉比下去了。此處拉麵標榜彈牙蛋麵、豐富洋荵、豚肉、糖心蛋、牛骨湯底，個人覺得拉緬很彈牙但重鹼水味，洋荵的確豐富，豚肉可以；蛋相信是很糖心的。。。因為吃到最後，我只看見半隻鹵蛋白，"糖心蛋"不知流了去那兒LOL。。。牛骨湯底一入口覺得味很濃而且和一般很不同，但吃著喝著又不覺得怎麼樣。紫菜大大塊，絕對滿足我要求。我們坐了個零鐘，其間只兩位白領與一對母女來吃午飯，店內冷清清的，環境倒是坐得舒服。年輕侍應服務可以。埋單時我得到了一像印仔卡，一碗麵一個印，但我們會否再來？唔。。。

呢日同男友仔收工之後就出左佐敦永安行下...行完就開始餓餓地, 一於搵野食 記起呢頭附近好似有間 "八王子" 一直都未試, 就咁決定啦!!落單...落單... 男友仔 - 蟹腳拉麵 我自己 - 紫菜拉麵食完...食完...拉麵有咬口...唔錯 蟹腳拉麵蟹腳大概中指咁長, 唔係蟹柳, 唔錯!! 不過唔太 like 佢個麵豉湯底, 太麵豉, 搶晒完本應有既味道 紫菜拉麵 - 紫菜好新鮮, 脆架 豬骨湯底好正, 濃淡適中 值得讚既係, 員工既工作好好, 有禮貌之餘仲會問你o岩唔o岩食, 可以直接比意見...窩心耶 初初黎到, 見到 2 碗睇起黎都好似係碗大麵少, 不過應該係因為個碗太大既錯覺!因為, 食極都食唔完, 仲愈食愈飽, 最後我同男友仔都...飽死左 總括黎講, 我除左唔 like 佢個麵豉湯, 男友仔同我都覺得好味道, 會再去 可惜既係佢舖位唔好, 因為果條街應該唔會有人行, 真係要靠宣傳同口碑吸引人去...

補回復活節假時的食評: 放假突然興起... 搵個朋友仔食飯。而個朋友仔又約埋另一位友人出黎，變左三個人去食八王子拉麵館。 八王子拉麵: 見佢出名牛骨湯底，點都要試下。不過，我真係食唔慣呢種味道了。牛骨湯係濃，但濃得黎有種油溢味，同 D 拉麵唔係好夾。佢落左唔少芝蔴，令到碗拉麵變得香濃一點。而佢既配料充足，最欣賞佢既流心蛋，真係做得好好。除左上海老飯店外，呢度既流心蛋係我唯一令我滿意的食肆。 紫菜拉麵: 朋友揀左豬骨湯底.. 覺得佢既豬骨湯底比牛骨湯底好。(或者可以話係岩我口味) 豬骨味濃，同埋試得出佢係用唔少豬骨餚製而成，並非只靠落味精粉。而佢 D 紫菜好正，一半浸左落湯度，另一半仲係新鮮香脆。紫菜固然令湯麵的賣相更吸引，而當紫菜混合了豬骨湯後，兩者的味道同時得以提升。值得一讚。 激辣拉麵: 另一位朋友點的拉麵，試了一口湯底。食唔到辣既就建議唔好叫，因為都有相當程度既辣。佢做得好既係，唔會淨係得個辣字... 佢係偏向麻辣，但仍然會飲得出原先湯底的鮮味，唔錯的。不過，總括來說，上菜時拉麵唔夠熱。可能係本人既口味問題，覺得拉麵要熱辣辣先好食，唔夠熱的話，始終係爭少少。 鹽燒牛舌: 見有唔少

平時去佐敦搵食，多數都係去佐敦道的另一邊，上週末永安大減價，逛完便在此醫肚。要了仙台牛舌拉麵，有四片牛舌，薄切燒得夠香但略乾，麵質彈牙但鹼味稍重，而此店標榜的牛骨湯底，望見似是很濃厚但食落味道卻意外地清淡，好在有芝麻和蔥添上香氣補番少少分數，最好味的要算是那半隻溏心蛋， 蛋味香濃又軟滑。清淡的湯底好處就是食完唔口渴，但如果要吸引到我下次再來的話，希望他們會在湯底方面改良一下，再下點功夫啦