八王子拉麵館 (已搬遷) 新店位置

豬骨湯拉麵食得多喇,牛骨湯.....真係好期待。七點幾,不用等位,疑似老闆的靚仔,常在門口招攬人客,佢真係好熱誠!因為拎住兩袋野,要攬全坐,覺得座位好窄。靚仔介紹我地食凍蕃茄沙律,其實呢個沙律,通街的日本料理都有,連大快活也曾有售。所以我們同意叫此點,只謂開胃小食。麻醬很香濃,蕃茄未見特別juicy,欣賞佢加上紫菜絲。吉烈蠔,炸漿略厚,所以覺得蠔size細。幸好蠔真係好漏汁、creamy!黑椒牛骨湯拉麵,牛骨湯用牛筒骨,豬骨,雞腳,昆布熬製。可惜都好淡,唔濃味。溫馨提示:黑椒會辣,所以食食吓攻喉。日本紅心蛋,仍是流汁,不過很咸。北海道蟹柳拉麵,我諗係面豉湯底,湯身又係好薄,唔creamy。碗「牛骨」已失望,呢碗湯又係咁,唯有用餘下既麻醬撈麵。拉麵最緊要個湯,其次是麵,但係佢d麵都唔得,!好粉,又唔彈牙。後生仔,要再加把勁!

環境一般, 枱較細, 枱與枱之間的距離亦較少。食物不錯, 特別是小食, 如圖所示的都相當不錯, 而家價錢亦相宜。點了招牌拉麵-八王子拉麵, 應是牛骨湯底, 味道比較特別, 帶點藥材味的, 反而吃不到牛味, 個人來說覺得一般, 還是平時到處吃到的豬骨湯底或其他湯底較好。不過一試亦無妨。麵質可以, 但不算很彈牙, 橫綱或八八八(cwb 店)的較好。有溏心蛋, 弄得不錯。义燒又夠味又淋, 很好。所以4分味道是給小食, 拉麵只值3 - 3.5分。服務非常好, 常常加水, 見到你的餐具丟了, 不用叫就馬上換上新的, 反應很快, 值滿分。總結：小食才是主角, 拉麵反而是配角。

今日行過....見到好似唔錯就入去試下!去到都十點有多....望一望人地個門口!原來收十點半,,叫左一個八王子拉麵同自組豚肉拉麵(轉烏冬),,,>>>唔知有冇記錯個名<<<仲有嗌左兩個小食,,餃子雞亦+吉列廣島蠔!野食一黎到,,發現八王子拉麵同自組豚肉烏冬掉轉了!所以變左八王子烏冬同自組豚肉拉麵,,,hahaha~唔緊要!照食.....個湯底真係唔錯!!!!好好味... 豚肉都好好食!餃子雞亦,,,雖然冇咩特別!!個味道都唔錯GE...吉列廣島蠔,,,好JUICY....可惜冇平時食吉列蠔果個醬!OVERALL IS GOOD ...會再黎食

睇咗電視介紹之後，再上嚟openrice睇睇，評語都唔錯啦，所以與同事係午飯時間山長水遠咁走嚟試吓。(我哋係尖東返工，初頭以為係佐敦好近啦，點知係佐敦近油麻地，行咗我哋差唔多20分鐘Lunch Hour 價錢比較平，$35-$40就有一個喇，仲有一款小食捒o添同事叫咗八王子拉麵，本來想試牛舌麵不過lunch set係冇呢款，我就叫咗胡椒拉麵，而小食就跟溏心旦同餃子。(因為個麵餐係冇跟溏心旦嘅)開飯喇，我同同事互相交換咗D嚟食，八王子麵係牛骨湯，我就剩係試到鹹鹹哋，不過同事就話好味好濃，可能我鍾意食辣啦，我都係覺得胡椒拉麵冶味D，湯底唔太重味精，起碼唔會好似味X拉麵咁要不停飲茶，佢哋提供嘅係凍凍哋嘅麥茶，行到好熱嘅我哋就真係啱晒而溏心旦都唔錯但係餃子就一般仲有D油o添。我哋本來想食埋牛奶布甸做甜品，但點知售罄最後就買咗幾杯milk top雪糕就拜拜喇。Milk Top雪糕:第一位:3.6牛奶雪糕，好重牛奶味又香又滑，鍾意食奶類食品嘅人就一定會愛上佢: 第二位:綠茶雪糕，幾香綠茶味，但係就無咗有d綠茶雪糕嘅澀味。 第三位:芝麻雪糕同紅豆雪糕，有微微嘅芝麻同紅豆香味，但奶味較重，可能係hom

雖然地方不大，但都坐到二十人到。Lunch時間當然order set lunch啦，我就叫左"八王子拉麵"，及小食"糖心蛋"。八王子拉麵：湯底一般，清而帶少少鹹；麪煮到剛剛好，不太軟；叉燒(豬頸肉)一般、普通。胡椒拉麪：十分十分有胡椒味，差不多整碗麪表面都有胡椒，俗稱一句 "好胡椒！" 糖心蛋：正！凍蛋，蛋白外面有醬油味，凍食又得，放落湯整暖先食又得，兩種食法都好食！炸雞：多汁，有雞味！哈哈炸蠔：外crispy，內軟，可加lemon juice!

早已聞過八王子之風, 既然同事兩次推介此處新作粟米拉麵..當然拉埋家人去試下啦~7點半到達, 客人只座滿麵店既一半~依照日本拉麵店…供應凍麥茶…於落單時服務生推介左人氣既凍蕃茄沙律,但我地3人始終都係要左八王子拉麵-$45, 特濃粟米拉麵-$46, 小食要左燒牛舌粒-$30呀哥話第一次當然係試招牌貨啦~佢既走京蔥八王子拉麵好快到,賣相唔錯, 配菜有碎海草, 銀芽, 半隻溏心蛋,佢話牛骨湯怪怪地~唔太鍾意…麵質就ok~我當然幫口試下啦~湯底唔係好油, 呈透明,有d白芝麻..冇平時既豬骨湯咁濃味~..帶少少甜~亦唔似呀媽煲既牛骨湯咁濃….我既特濃粟米拉麵隨即送到~…好似好吸引呢~因為任何拉麵都可以無料追加配菜, 我就走京蔥, 追加碎海草同銀芽.…不過銀芽偏硬又凍~要比d湯浸耐d先食到~粟米濃湯好creamy, 但再熱d更好^^淨飲都好好味~杰身, 有d似中式粟米羮呢~~ 除左湯有粟米之外…仲有大量粟米粒, 兩片叉燒同半隻溏心蛋….用幼身拉麵~..其實個人喜好硬麵….但尚可接受~此拉麵主角在湯底~ 所以對其他野唔會好高要期望~蛋唔夠流心..叉燒雖然肥瘦適中~但切得薄…冇乜咬口…燒牛舌粒係店長

見呢頭既食肆太多, 就上openrice睇下有咩介紹, 唔洗食壞人先...因為餐廳無高掛燈箱, 都幾難搵喎~ 真係要好眼少少先搵到呢~6點半去到, 咁岩見到呢個未見人龍、地方乾淨舒適，就入去啦環境好似北京style呢, 698個d地方咁既...哈哈哈~可能佢地掛左d好special既畫啦~睇左一輪食d咩...當然要食d好味咖啦~ 記得有人話過招牌的拉面好食, 就食下啦!再加多2個小食, 而且價錢唔貴, 都幾arm心意... 八王子拉麵--牛骨湯底? 唔睇呢度都唔知係牛骨湯底, 只知道係好清好好味既湯底, 有半只溏心旦, 但係唔熱既...紫菜芽菜都好多, 而拉麵夠彈牙亦有咬口, 而肉類就肥左些少喇! 帶子拉麵--都幾咸下喎~而且辣辣地, 帶子都幾大粒, 不過佢d腸未清喎~ 餃子雞翼--男朋友說幾好食呀, 唔多骨落碟, 而且肉實唔咸, 實屬創意之作! 鹽燒牛舌粒--好似淋左少少, 同想象中的牛舌口感有d偏差, 面頭的紫菜配上新鮮燒好的牛舌, 味道都尚可接受!很愛凍茶, 建議用大麥茶代替不停斟水, 服務很好, 而且會送客呢, 所以小費少不了!

當日行完永安出黎見到呢間八王子，門面好日本FEEL，MENU D 野又靚，諗住好難得終於有多件正宗D 的日本拉麵食，即刻入去試試。叫左個八王子拉麵(本來想叫胡椒拉麵)，同鰻魚。八王子拉麵賣相好OK，同相片一樣咁靚，配菜份量好足，不過味道就相對失望。湯底淡，比DOMON淡好多，飲唔出咩味。麵質偏軟，唔彈牙，都係典型一般係香港食日本拉麵的問題。叉燒、配菜都冇咩特別，都係咁啦。饅魚賣相都係相當好，不過本人對腥味特別敏感，所以覺得仲有腥味，估計係因為烤同蒸的次數不足，失望。

於佐敦永安後面街, 發現這間叫八王子的拉麵店中午時間, 人都幾多, 好像有好多的雜誌為他報導過, 又搞過大食比賽, 花了很多心思去做宣傳, 得到了不錯的效果最緊要食物的水準要高, 便客似雲來, 想試他們的麵, 便落單一碗牛油拉麵, 湯味比較淡, 豬骨味唔係好濃, 但麵條好有彈性, 食的時候口裡有 "得得" 聲, 有咬頭加一粒溫泉蛋, 送來時是凍的, 我立即浸佢落湯, 因為凍的雞蛋我接受唔到, 浸完之後, 幾好食, 因為個蛋黃幾甜加一碟成呎長的鰻魚燒, 鰻魚的汁好食, 汁好食, 鰻魚就無可能唔好食了, 美中不足係又係唔夠熱店員 (相信係老板) 好緊張每一個入嚟幫襯的客人, 不過可能太緊張, 見佢個女手下騰哂雞, 好似好怕佢咁 不過這種精神是值得尊敬的

兩個月前師傅約左好友毛毛食飯, 由於呢位朋友相當難約, 所以連食飯時間都特別短, 有見及此, 師傅決定同佢去搵下八王子, 等佢試下呢度嘅食物水準! 差不多到左晚上九點幾先至等到好友, 即刻二話不說入八王子度, 好彩冇咩人大把位!一坐底咩都唔好講住, 即刻睇下食咩好先, 醫肚要緊! 而家師傅都係唔記得叫左個咩野拉麵, 再加多一客炸生蠔! 而好友毛毛叫左咩, 師傅更加唔記得, 所以呢個故事教訓師傅唔好"懶"呀!等左一陣, 就有得食! 其實師傅呢篙食評係最主要講下個炸生蠔! 炸生蠔一客有三隻, 蠔身並唔算好大隻, 但佢賣相幾吸引, 咬一口, 發覺炸粉唔厚亦唔算油, 而蠔本身幾靚, 夠肥美, 就算唔點醬都已經好好食, 如果要同丼吉比當然冇得比, 但作為拉麵店, 呢個炸蠔絕對係水準之上, 掂呀! 拉麵係呢間食店嘅主打, 所以繼續發揮一貫嘅高水準, 半隻糖心蛋依然出色, 蛋身軟熟, 而蛋黃半溶半漏, 呢隻蛋嘅水準依然高質, 正呀!總括黎講冇食物質素依然出色, 服務態度有禮, 加上環境清潔乾淨, 價錢又相宜! 再次黎呢度食又可以儲多幾個印仔, 但唔知仲要儲幾耐先有得送呢? 呢一餐同好友毛毛嘅飯局

剛剛買咗新電話即刻試吓即影即上網11-9-200919:45第一次來這拉麵館地方算骨子點了個帶子拉麵辣麵豉湯好濃好好味(不太辣)帶子好鮮味點了個粟米濃湯拉麵粟米湯好濃好正好似係日本櫒機D粟米湯咁不過配叉燒怪怪地糖心蛋幾好味芝士年糕好食好似有MilkTop雪糕一陣試(總括係一間不俗的拉麵館,不過地方略細地點較偏僻)

2009 年9月3日今晩放工後同女友一齊到佐敦八王子開餐，係佐敦A 出口往旺角方向行左一陣就到。不過要細心少少先見到個門口七點三左右到，無咩人，唔洗等位！very good~~不過坐左一陣d 人係不停咁黎，好快就full 左。叫左胡椒拉麵，八王子拉麵同埋個炸雞，3個唔詳細講，做3個字可以形容哂....好味道！好surprise 係個炸雞，個樣似麥樂雞，但食落就知唔簡單，裡面真係啖啖雞肉，好滑！仲叫左牛奶雪糕及牛奶布疋，好好味！各位朋友一定要試下。個男waiter 好落力做野，好有禮貌，不過有客人入黎時唔好突然講"歡迎" 咁大聲會好d，唔係真係會比佢嚇死 XD重點係埋單每人$ 7x，真係抵到無朋友，一定會再去。

兩月內第三次往八王子開餐這次八王子的的lunch set加價了以前$39有拉麵+小食+飲品現在$35只有拉麵和小食, 飲品要加最少$5但不要緊, 因為食物質素很好拉麵很讚, 但相比起小食就失色了我叫了: 牛油粟米拉麵+炸雞件友人 : 味噌拉麵+吉列炸蝦另外叫了一客蒲燒鰻魚($43)先說小食, 全部小食也很好吃吉列炸蝦上回試過了依舊的入口即溶, 且蝦味十足炸雞件是因為只有一客炸蝦而轉吃本以為會很「鞋」但吃後感到出奇的好吃很滑而且不是很肥膩所以我說八王子的炸物是一流的蒲燒鰻魚足一呎長醬汁是一般的鰻魚汁而口感不似一般吃過的鰻魚一點也不韌而且非常軟滑下次再去時一定要吃!拉麵方面,牛油粟米拉麵比較清淡叉燒方面似乎一次比一次進步這次的較為入味, 也不會像第一次的腍而且沒有味精, 吃光配料而且飲了大部份的湯也沒有特別口渴讚的都讚過了, 要開始「彈」一下1)這次茶的味道有點像涼茶, 很怪2)去的時候較為多人, 聽見職員叫鄰座的人吃完就走, 似趕客, 不過他趕客時也蠻有禮貌的3)職員似乎很忙, 不像以前可跟顧客談天4)店鋪已經算細, 多人時顯得更擠迫我已儲了7個印花, 儲夠12個便送一碗拉麵

H&K 向來都鐘意吃牛舌, 見這間拉麵店有牛舌食,當然要試啦 !點吃了:鹽燒牛舌粒 ==> 好味道, 燒得好香, 熱騰騰的, 不乾有肉汁, 正呀 ! 兩碗拉麵 ==> 湯不夠熱, 湯味亦不突出, 只是一般吧!Milk Top 杯裝雪糕==> 綠茶味正, 榴槤味的就一般H&K 會再來這間小店, 全因為做得出色的鹽燒牛舌粒 !另這間小店抵讚的是沒有收加一服務小費 !

招牌八王子拉麵仙台牛舌拉麵溏心蛋一客平時橫綱食得多，今次就來八王子試試，第一次來到對幾張掛畫很感興趣！因為我和朋友來的是閒日的下午時間，人客不多，只有兩三台客人，看了看餐牌就點了兩個拉麵！兩個拉麵各配上半隻溏心蛋，招牌八王子麵放上大量的洋蔥，蔥花等再加上幾片叉燒，湯不鹹，對喜歡洋蔥的我來說很有好感！但是拉麵本身就很一般了！仙台牛舌拉麵，配菜跟之前那個很相似，再加上幾片牛舌！但說到底仍是獨愛流心的溏心蛋，缺了它就是感覺不一樣！對於今次的評價，朋友表示拉麵一般！食得太飽沒有點milk top做甜品有點小遺憾！