八歌仙 (家樂坊) (已結業)

今日同朋友4個人食左日本和牛餐,平均5百一位,D肉質素係高既,所有食品水準都算唔錯,但佢有個非常大既問題,就係漏單!上菜慢又唔齊,食一個半鐘其中一個鐘都喺度等上菜,根本食唔到啲咩,每次只可以嗌十樣嘢,一片肉計一樣,非常麻煩,我哋嗌啲肉平均嗌十片先上得一片,又話任食但啲肉上得超少,計埋我哋一人先平均食得十零廿片肉,埋單cut單佢就最快,因為叫咗好多嘢佢都冇上過我哋叫咗個人嚟問佢可唔可以上返我哋cut單前點過嘅菜,佢話比我哋聽得cut咗單就冇得上,跟住我哋嘈話我哋入座叫嗰堆嘢好多都未上過食唔飽跟住佢先勉為其難出返少少,補咗兩個烏冬兩件芝士年糕同四粒芋丸比我,啲肉一片都冇再上過,而佢哋送嗰個生果拼盤都要我哋三催四請先拎出嚟,其實如果佢驚比人食到蝕本咁不如唔好做放題啦,又話任食所有嘢出得嗰一兩件根本食唔飽人,漏單又唔願補返出,四個人成二千幾去食放題真係好多選擇,我拎住二千蚊去尖咀間x安燒肉四個人食到嘔都仲得,好過喺度食唔飽好似食空氣咁,真係覺得比佢呃左,食到一肚氣

服務態度極差 由入嚟都走一杯水都冇 叫換網 求其攞啲油整一整就算 叫咗兩件壽司 一早嗌到食完都冇黎 要搵人個陣影都冇 態度非常之惡劣 啲嘢食又難食 最後嗰個生果盤 連啲提子都係爛 全程都冇人理

一開始同朋友受fb廣告吸引左見到價錢都唔係平，中上價位左右啦，捻住一分錢一分貨，應該唔會差得去邊掛上度去已經見到門口勁靚，裝潢十分高檔 服務態度好好 服務生都很nice 因而同朋友更加興奮期待 叫左個set b 澳洲和牛精選拼盤 😂奶曬嘢，食飯食到咁嬲真係第一次叫左兩轉嘢食已經叫唔落手 好難食肥牛係靚既 但入口又鞋又無牛味，好似食擦膠咁⋯成晚覺得最正常既係最後個果盤⋯燒肉黎左第一轉已經唔想再追加，食物靚係靚啊，d肉又紅又爆曬雪花咁，成間野係好高級呀，但真心得個樣囉，唔信既咪去試下伏囉😂計埋服務費 埋單五百幾一位，唉，全日心情就咁破壞曬 唔會有下次收啲咁既價錢 居然俾d咁既嘢質素⋯⋯無言，好好奇d員工老細其實心裡面知唔知d嘢食幾唔掂？

朋友見openrice介紹新餐廳，原本睇食評都冇抱太大期望，但試完又幾ok唔錯喎！今次攻頂，和牛嘅質素唔錯，不過再厚切返少少的話口感會再好d。燒雞翼好有驚喜，好似日本”鳥x”果個味道。同埋服務都好好，因為有小朋友，佢又會主動幫手推車入去，又主動問要唔要小朋友餐具，又好聲氣，會關心吓你，但又唔會太煩😆上菜速度都好正常如果可以加到150分鐘食就好喇，又燒又打邊爐又刺身咁，真係有d食唔切😆其實6xx幾可能有人貴d，但唔係成日食，慶祝日子去吓都係一過唔錯選擇。

選址旺角家樂坊📌門口經過一條竹林🎋隧道之後就會見到寬敞園林內景好似去左世外桃源座位空間感覺舒服亦唔覺油煙走舒適、恬靜、休閒嘅路線．午市除咗有$98 - $148既日式定食之外最不能錯過嘅就係燒肉火鍋放題 🍲價錢由$228 - $478不等睇你自己嘅預算 分別在於燒肉類型有美國安格斯牛、M5澳洲和牛同埋A5日本和牛一場嚟到梗係要食最好㗎啦A5日本和牛仲要任食！！！！！可以試勻左所有款式之餘食到回本容乜易咪當慳左日本來回機票錢嚕 🤣每款燒肉火鍋放題都包括前菜小食、刺身、蔬菜拼盤而且全部款式都非常高質有驚喜加加埋埋有成60+款咁多呢個價錢性價比勁高就算你係正常食量都絕對回本有餘當然如果你係大胃王我更加正斗。。。。。。。。。。。。。。。以下係我推介攻略：🤍 小食：麻醬菠菜好入味🤍 刺身：原個刺身拼盤都非常新鮮出色🤍 蔬菜：杏鮑菇燒完勁juicy🤍 A4日本和牛（上脾、肩胛）牛脂香濃🤍 A5日本和牛（背峰、三角）入口溶化🤍 M5澳洲和牛（西冷、肉眼）牛味較濃郁🤍 露荀：幼幼的燒完之後好脆口好正🤍 牛舌：六角型好得意亦好煙靭🤍 M5澳洲和牛小排：肉味香濃火鍋必點🤍 A5日本和牛三角：鍾意牛脂油香嘅

囡囡生日, 想搵一間新既日式放題食吓, 又想有得燒烤又可以食刺身又可以打邊爐, 誤打誤撞就搵到呢間。當日一上到去, 店內裝修好有日式風味, 而且帶位侍應很有禮貌帶我地上坐, 而且極細心解時價錢收費, 枱上醬料細緻分明, 我們3個人選擇了最貴的和牛餐。食物上枱後刺身非常新鮮, 而和牛更加是頂級, 入口即溶, 幾款和牛都十分新鮮及美味, 除了和牛外還有多款食物任君選擇, 飲品只要加少少錢就可以無限添飲, 食到最後仲有甜品送, 下次一定會再來。

如果唔係太難食，都唔會專登出post，但嗌咗兩樣嘢，兩樣都難食到嚇死人1. 魚生飯 $148魚生飯suppose係日本餐廳最易整嘅嘢咁都可以出事。魚生質素so so la，但個飯真係太難食！！！啲飯好暖，又落咗勁多醋，搞到食落口好噁心。係噁心到飲晒兩杯嘢嗰陣難頂嘅醋味仲喺個口到，最後係求其食晒啲魚生就算...2. Lunch和牛炒飯 $50個和牛飯係嚟先過個魚生飯，一食都知又出事。食落去係完全咩味都冇，要自己勁加鹽同七味粉先叫有啲味...唯一可取之處就係環境ok, that’s it! 唔會再有下次！認真，呢到嘅廚房好需要再深造。

新開張 網上流傳不錯 所以膽粗粗去試第一次去試 總括來講都幾滿意 環境靚 有點日式feel 坐位都寬躺疫情期間冇得去旅行 當自己去咗日本🤣因為時間問題唔容許我食放題所以我今日帶咗個set lunch A5燒肉$248有和牛 有烏冬 有頭盤 飲品放題張list 都好多食物選擇 還有壽喜燒一個爐2食 又燒烤又打邊爐 滿足晒兩個願望整體上食落去唔錯 所謂嘅A5和牛 係真的肉和油脂分布靚初頭還會有服務員教你燒第一塊 服務好👍下次還會再試☺️

點了每位原價$328美國牛肉放題午市套餐，減價每位$228，但牛肉上檯時未完全解凍，肉質很硬，也沒味道，食物質素令人非常失望，記憶中好像沒遇過燒肉店牛肉質素有這麼差。海鮮同樣沒甚麼味道，品質也是令人失望。服務方面，放題限時90分鐘，但等追加食物等了超過一小時，服務員才通知原來廚房系統出問題，不能出單，要重新人手落單，非常混亂，而當時店裏只有不到半數座位有客人，加上限聚令每座只有兩個客人，絕對不算繁忙。應該是最後一次光顧。

見呢間餐廳新開，環境唔錯。一入到去覺得幾高級。午市套餐都有唔少選擇，價錢唔算貴，但係食完之後覺得性價比非常低、真係失望。叫咗壽司配烏冬及刺身飯～有沙律、湯。賣相以為ok, 壽司刺身似爭鮮😑可能佢做燒肉放題，所以用埋放題質素嘅刺身壽司...壽司袖珍版咁，飯細細...上面嘅刺身都係...帶子得半粒，又唔係大粒新鮮，感覺好唔慷慨。壽司上左，先問個餐要烏冬定拉麵🍜食哂壽司先上烏冬。冰茶好「特別」，綠綠地色，無哂味，唔知咩味咁...

內裡和風既裝潢 氣氛好好高級日本餐廳既格局座位寬敞舒適，仲可以食足120分鐘 真係好難得初初以為只有燒肉 坐落先知原來係一爐兩吃想食邊爐或燒肉都照顧到決定好要邊款牛就送上前菜幾碟 + 好新鮮既刺身拼盤，店員好細心逐一介紹輪到牛肉出場個陣好驚喜 擺盤好靚 啲肉都好靚 完全唔似食緊放題肉類仲有細分 火鍋肉 同 燒肉 比你揀餐牌入面仲有好多串燒 小食 主食 豐富到揀唔曬呢度仲有一個好處 選唔同價錢 只係牛肉唔同 其餘餐牌食物既選擇都係一樣嘅食完燒肉仲有甜品送上同樣一啲都唔馬虎 用幾款日本生果 砌到好靚咁拎出嚟食飽飽 再食返水果解膩 真係爽丫丫店員有禮貌 又有耐性 仲會教你點燒 全程服務都好滿意一間放題店 可以有咁出色既質素 真係第二度食唔到啊

今日朋友生日就一齊去食放題慶祝🥳一上到去成個感覺好好 💕餐廳環境好有日本特色 🇯🇵令人覺得好舒適 店員每個都好有禮貌👍🏻 每一次都好細心同仔細去介紹同解釋食材 感覺到佢哋嘅專業之外重feel到佢地既親切 服務態度非常好❤️ 可以任食兩小時 即使過咗兩個鐘之後佢地都冇講我哋走繼續俾我哋傾陣計 🥰全部都係喺手機下單 不過我個人認為佢手機下單嗰個程式可以再調節一下 😉食物好多都好新鮮😍如果刺身都係任食咁就完美喇😙 火鍋湯底有四款 今次我哋叫左 🍲壽喜湯同香辣豬骨 🍲好有味 唔使啲豉油都好好食 🌟提提大家如果大家要胡麻醬記得要係手機落單🌟炸物要值得一讚 每一次都即叫即做 好有誠意呀🍤🍤 但係佢哋嘅壽司 我覺得就麻麻哋 舊飯唔好食 有進步空間哦 🍚🥺 佢地既飲品好多都好特別 🍏我今次試咗青蘋果乳酪氣泡水 好合我口味呀 我飲左三杯 haha 🧃佢最後嗰個時日甜品 🍴個蜜瓜同提子好甜好好食 但係奇異果就一般般同平時惠康冇乜分別 哈哈可能係我唔識食掛😂😂 最後雖然佢哋唔記得咗我朋友生日但係都補番個生日牌同蠟燭 🎂🎂 下次會同男朋友再去食一次 ❤️ 今次經驗好好啊 我朋友都好開心

同先生約好收工嚟個Happy Friday之前佢一早Book 落位打算一齊食下日本餐廳再一次食左當去左日本旅行啦餐廳位於油麻地家樂坊8樓門口仲未有正式招牌因為訂左位, 所以我地一去到就可以入席入座起計兩小時內還枱玄關位有月亮內佈置，幾有氣氛枱與枱之間都好闊落，感覺唔錯我地嗌左２個Set B - M5澳洲和牛燒肉放題，每人大概488元另外加左２個無酒精無限暢飲，每位38元侍應就話當日有優惠，可以免費升級左做M9 澳洲和牛我地當然開心啦眨下眼，食物就送到了侍應先為我地燒左４塊肉，有話畀我地知要點燒不過個人覺得佢燒得熟左Ｄ，牛肉食落有Ｄ老之後交返畀先生燒，即刻好味好多（佢平時煮開野食）不過味道都係偏淡口，要加鹽先香Ｄ我最欣賞佢個刺身拼盤，好新鮮，份量亦足夠最後呢個甜品，同樣令人眼前一亮係日本直送蜜瓜、提子，仲有２件小蛋糕配綠茶直係飽到上心口心得分享：1. 套餐包送幾件壽司，個人覺得唔係特別好食，如果可以忍下口唔食住，應該可以留肚食多少少其他野2. 本來以為２個鐘好趕，不過實情係我地食左１個鐘多少少已經飽晒，所以又無太大關係3. 唯一缺點，係仲淨返超過30分鐘時，侍應就已經叫我地last or