高級日本餐廳既格局
座位寬敞舒適，仲可以食足120分鐘
真係好難得
初初以為只有燒肉
坐落先知原來係一爐兩吃
想食邊爐或燒肉都照顧到
決定好要邊款牛就送上前菜幾碟 + 好新鮮既刺身拼盤，店員好細心逐一介紹
輪到牛肉出場個陣好驚喜
擺盤好靚 啲肉都好靚 完全唔似食緊放題
肉類仲有細分 火鍋肉 同 燒肉 比你揀
餐牌入面仲有好多串燒 小食 主食 豐富到揀唔曬
呢度仲有一個好處
選唔同價錢 只係牛肉唔同
其餘餐牌食物既選擇都係一樣嘅
食完燒肉仲有甜品送上
同樣一啲都唔馬虎
用幾款日本生果 砌到好靚咁拎出嚟
食飽飽 再食返水果解膩 真係爽丫丫
店員有禮貌 又有耐性
仲會教你點燒 全程服務都好滿意
一間放題店
可以有咁出色既質素
真係第二度食唔到啊
