八幡屋涮涮鍋

营业中

休息中

今次食的和牛火鍋放題，不同level的牛肉就會有不同價錢，我同朋友就揀了M5和牛套餐，價錢368/位，不過星期一至四全日都做緊買一送一優惠! 所以連加一每位都只是221. 而星期五六日價錢388, 都有二人同行一人半價優惠!😍在order食物之前, 首先要揀湯底，我們選了沙爹湯底。一入座店員已經準備湯底和好快送上一盤二人份量海鮮, 刺身拼盤, 和兩碟和牛, 分別有m5同A4和牛, 就算沒有叫A4和牛, 都有機會可以試下。刺身方面都有12款可供選擇，餐前送上這盤刺身就已經有三文魚，吞拿魚，赤蝦，希鯪魚，帶子，和榮螺刺身。我自己另外都有叫了其他如鯛魚，劍魚腩，鮑片，和甜蝦。味道方面，三文魚好肥美新鮮，其次有帶子刺身好鮮甜。還有赤蝦都大大隻好爽甜，其他鮑片，劍魚腩，同埋鯛魚都不錯除了刺身之外，其實出面甜品區都擺放了一些日式壽司，刺身豉油和wasabi都可以在這裏取。而旁邊就是火鍋蔬菜區，這裏有多款蔬菜和菇類，而蔬菜區旁就是火鍋醬汁配料! (喜歡多芫茜)另外都有一個大雪櫃擺放不同丸類, 腸仔,同豆腐。拿完火鍋配料就是時候食主角和牛了! A4和牛，不太似A4! 相反M5又ok, 牛味好濃，而且由

本來約了朋友逛街落雨濕濕冇心情 shopping，於是改了去食餐飽150 分題刺身海鮮火鍋放題 ... 就啱哂我們，多點時間可以慢慢食 ~~任食 ... 刺身 + 壽司 + 海鮮 + 自選肉類 + 燒物 +揚物 + 自助吧任飲任食 + 清酒梅酒 自選肉類就揀了貴少少嘅『澳洲 M5 和牛』HK$368 ... 因為現在做緊買一送一，好抵食呀 !!!這個【澳洲 M5 和牛海鮮盛宴】放題現在星期一至四全日都是買一送一，而星期五六日晚市優惠二人同行一人半價一坐下先來刺身拼盤，有赤蝦、八爪魚、希靈魚、三文魚、榮螺 ...之後再送上海鮮拼盤和 M5 和牛拼盤和黑豚片牛肉拼盤裡面有澳洲M5 和牛、牛肩胛和美國進口牛肉儍媽最鍾意澳洲M5 和牛，脂肪分佈平均，滾一陣就食得，牛味濃郁 ~~黑豚肉和豚腩片也不錯 ~~自助吧還有壽司、小食、丸類、蔬菜瓜果、即食麵、炒飯 ...飲品都任飲，選擇蠻多 ...汽水、果汁、茶飲、啤酒、清酒、梅酒都是任飲 ~~其它食物可以 scan QR Code 任點 ...點了海鮮拼盤有的蟶子、黃金螺和廣島蠔 ...再 encore 了刺身，劍魚腩、甜蝦、帶子 ...天婦羅炸得好脆

識食一定係嘆住冷氣打邊爐!! 作為一個香港人一年四季都打邊爐是常識吧~今次朋友約左我黎到旺角打邊爐, 話任食和牛, 上到去原來唔止邊爐咁簡單!自助吧除左本身既火鍋配料, 仲有天婦羅, 炸物, 甜品, 都係任食!仲有刺身, 同埋海鮮, 真係幾多野食!一坐低會先上海鮮拚盤, 同埋一盤刺身, 比你食住先!佢既刺身都幾新鮮, 三文魚都幾靚!和牛睇落雖然唔肥, 無咩油花, 不過食落好重牛味, 而且好淋, 都有入口即化既口感!比起d肥到爆既雪花和牛, 呢種仲好食!更加估唔到既係佢既豚肉都好好食! 平時打邊爐唔鐘意食豬, 但佢既豚肉帶甜, 而且唔會鞋口, 好食!

今天放假特意帶媽媽來吃M5牛肉火鍋放題，入面鋪面好大，坐位舒適寬敞，價錢優惠，性價比高👍🏻星期一至四$368位星期五六日及公眾假期或前夕$388位小童$168位打算食清清地，叫了冬瓜薏米湯底，出面有不同醬油配料的選擇，期間想order食物可以QR code點，十分之方便肉類：👍🏻店員推介《牛肩胛》店員細心地說放落湯後5秒可食、美國進口牛肉、M5澳洲和牛、、美國黑豚片、豬腩肉片海鮮類：蔬菜類：皇帝菜、油麥菜、西洋菜、冬菇、金菇、南瓜、蓮藕、芋頭等丸類：多到數唔晒，大概有15至20款海鮮火鍋配料：帆立貝、生蠔、蜆、海蝦、聖子、日本魷魚、黃金螺刺身：鯛魚、吞拿魚、三文魚、帶子、八爪魚、赤劍魚腩、赤蝦、甜蝦、希靈魚、榮螺、馬刀貝、鮑魚片仲有揚物和燒物最後梗係仲有雪糕雪條

本來高高興興相約好友吃火鍋，準備入坐要呆企10分鐘，選擇吃那款餐，然后選擇食那款牛，又要選多款湯底，一直問題選擇多多，終於可入坐，但等了很久才送上湯底，但餐廳已計入坐時間，我們選了 90分鐘，開始點了幾盤豬和牛肉，但非常之薄如透明般，一点口感也沒有，雖然任食，但食物選擇不多，到最后 30分鐘要結賬，由於湯底太遲到，我們只吃了一半飽已經要埋單，在限時無法進食，結果非常態度差服務員收了我們桌上未煮豬和牛肉，感覺好像被人強迫要交出所有未吃食物，然後還有一位女待應用不禮貌態度對我們說5分鐘你們要離座，我從未試過被趕人走，以後不會再光顧這間不知所謂的火鍋店，希望大家不要見多人 like就麻木去先顧，免得吃到一肚氣

好耐冇食放題，咁啱上網見到呢一間都好似唔錯，星期一至四仲做緊全日買一送一嘅優惠，我哋揀咗個M5和牛海鮮set，埋單每人都係二百幾蚊，真係幾抵食，老公同埋囡囡都食得好開心，唔係我哋平日嘅晏晝佢都唔會太多人坐得好舒服因為我哋唔係食得辣，所以揀咗個豬骨湯底，坐低冇耐，餐廳就即刻送上一碟和牛，刺身，同埋海鮮拼盤，服務唔錯場內可以有一啲蔬菜同埋菇可以自己拎，另外仲有一個凍櫃可以拎丸，嘢飲都係任飲牛肩肉好正，煮一陣已經可以食得，牛肉夠滑，又唔會鞋口，牛肉味重，前後都叫咗三四碟刺身都好新鮮，而且選擇都幾多，三文魚夠肥美海鮮我哋不停encore蝦，有鮮味，而且好大隻食到最尾，梗係食甜品啦，雪糕櫃任拎，不過實在太飽，所以呢我哋淨係各自拎咗一杯雪糕，最後埋單四百幾蚊

今日同朋友行街經過尼間八幡屋涮涮鍋🍲就入黎試下食尼度火鍋放題😋😋入到黎先知原來平日（星期1-4）可以買一個餐送一個餐😱🤩勁正😋仲要和牛、豬肉、刺身、丸丸任叫😳🤭 搞到我地食到勁飽、勁滿足。我地都夾咗好多菜同菇伴住食。如果大食啲嘅，仲有拉麵🍜、出前一丁麵、同飯任添。😁我同朋友都覺得「壽喜燒湯底」最好食😋！一絲絲甜意掛住喺啲牛肉、海鮮上面禁食，特別好味😋 （我地今次食左兩個湯底，仲試咗豚肉豬骨湯底）刺身甜蝦、三文魚都不錯😌👍🏻仲有甜品：啫喱、雪糕飲品🧃任攞真係好抵食🤣 （$278/1位，依家買一個餐送一個餐，所以加一後都係$306 食同我地兩個滿足到傻傻😮🙈🤭😁😊）因為尼度M5和牛海鮮餐星期一至四全日買一送一，所以我地兩個人任食，都係收一個人錢🤩🤩 下次試吓weekend夜晚黎都有二個人入面有一個人可以半價，都好抵啊😱😱😱推薦推薦👍🏻👍🏻

朋友慳家帶路！經WhatsApp訂位買一送一！澳洲M5和牛餐！首先佢送咗個刺身拼盤，有三文魚、希靈魚、螺肉、鮑魚片、帶子和蝦。最鍾意就係蝦，佢超肥美，好新鮮。之後就梗係輪到主角澳洲M5和牛，佢脂肪平均，淥1分鐘到就已經可以食，建議真係唔好煮太耐，因為會好老。牛肉方面，仲有牛肩胛呢啲，全部都好新鮮，紅卜卜，唔會話已經冰鮮咗好耐。豬肉方面有黑豚肉同埋豚腩片。豬肉就建議大家要煮耐啲，我就建議食黑豚肉，因為比較嫩口啲。菜類佢都有好多種類，有生菜，西洋菜等等。全部都係新鮮，唔會話爛蓉蓉。除咗以上咁多樣之外，佢呢度都有啲丸類俾大家選擇。都係有芝士丸，龍蝦丸嗰啲。而海鮮有青口、東風螺、魷魚等等。我本人就鍾意食魷魚，建議大家都可以試吓，因為好彈牙，脆卜卜。好少何見到有蟶子，即刻叫嚟食！無沙！啲小食好衛生，每一個都有用保鮮紙包住！另外其他小食有既生根同魚皮，魚皮就可以當小食，生根就記住淥一陣就要食啦，大概10秒內。呢度仲有好多其他炸物，有粟米芯天婦羅，呢個都幾特別，甜甜地，會長埋個汁。本身都好想試吓天婦羅，但冇晒。特別嘅係呢度仲有好多熟食，麻吉燒、多春魚、金菇肥牛、甜薯。我本人就最鍾意食麻吉燒，因為有啲

放假時間和老公到旺角行街食飯，看見八幡屋唰唰鍋放題十分吸引。店內帶點日本風，地方闊落，卡位座很舒適。食物擺放位置有條理，飲品櫃、甜品櫃、火鍋丸櫃、熟食……人多時候也不會聚集在一起。店務員介紹我們吃C3澳洲M5和牛套餐，可以任叫任食和牛肩胛、美國進口牛肉、黑豚肉、豚肉片，還可以無限追加刺身丶海鮮丶炸物丶壽司丶火鍋配料丶甜品飲品（日本清酒也可以🤤），多款免費湯底更是任君選擇。上菜時間快，坐低不到10分鐘已經一抬食物，可以慢慢嘆！海鮮拼盤帶子鮮甜，蝦肉彈牙，海螺青口有海鮮甜味，刺身拼盤也不輸蝕，珍寶大蝦有一隻手指公咁大，質感爽口彈牙。我最鍾意食就係個帶子👍🏻鮮味濃郁厚切。澳洲M5和牛，牛肉味重不用點醬汁更好，可以食到牛肉本身原味。全晚我們共點了15碟M5和牛，淨食牛已經回曬本了。炸物質素都好好，全部熱辣辣新鮮出爐，火鍋配料齊全。丸類多選擇，蔬菜區有不同菇、菜、公仔麵～最後我哋食韓國雪條做甜品。今晚同老公都非常滿意呢間餐廳，食物種類多環境舒服，店員態度又友善，比10個讚讚讚👏🏼👏🏼👏🏼

好朋友生日想食放題，一定要慶祝啦🎉🎉🎊，上網搵咗間喺旺角瓊華嘅八幡屋食M5和牛放題。早1日前訂座，仲有額外贈送以下特別優惠：兩位訂座每位送鮑魚一隻、四位訂座送海膽/生蠔刺身一客，每位送鮑魚一隻😍😍、六位或以上訂座免費升級蕃茄龍蝦湯底。唔單止有升級飯惠，仲要第2位有半價優惠呀，抵到你唔信。 🤑🤑🤑好彩book咗位咋，去到全場爆滿。 先落咗個湯底，主要有8款，其中6款都免費，如果要蕃茄龍蝦湯🦞、鴛鴦湯、麻辣湯🌶🌶就要另外加錢，最後我哋揀咗唔使加錢嘅壽喜燒，醬油味都幾香濃。 之後店員就送上海鮮同刺身啦。海鮮方面有鮑魚、海蝦、青口、帆立貝、蜆、螺、廣島蠔等。而刺身就有甜蝦、希靈魚、三文魚🍣、吞拿魚、帆立貝、螺片，全部都好新鮮鮮甜呀。 終於食主菜啦，澳洲M5和牛🐮，啲牛味好濃呀，肉質嫩滑，油花分佈平均。除咗M5和牛，亦都有牛肩胛、美國進口牛肉🐮、黑豚肉🐷同埋豚腩片🐖。仲有即叫即製嘅燒大蝦🦐，燒金菇牛肉卷等多款日式燒物、天婦羅炸物。 當然唔少得啤酒汽水，清酒無限供應🍻🍺🍶 自助吧出面有各式丸類🍡、蔬菜🥦🥬、醬料、公仔麵、啫喱、沙律🥗，而啲沙律全部都用樽裝起，保證安全衛生。 最後食埋雪糕🍦雪條做甜品

唔知想食火鍋定放題，有選擇困難症的我經朋友介紹去了「八幡屋涮涮鍋」，可以吃盡火鍋放題和刺身放題。我地早1日前訂座，再額外每位送鮑魚一隻！！我選了任食澳洲M5和牛火鍋放題，都只係368一位，可以任食和牛呢個價錢絕對抵。「八幡屋涮涮鍋」位於瓊華中心12樓，熟旺角的話完全不需要用google map。餐廳環境乾淨，座位寬闊企理，好多卡位和大梳化，坐得很舒服，適合一大班人聚會。店內用QR code 手機落單。刺身、海鮮、肉類都需要用手機落單。而炸物、燒物可以到自助吧取。可以任食海蝦，帆立貝，廣島蠔、新鮮帶子，赤蝦，劍魚腩等等海鮮和刺身。個人較喜歡劍魚腩刺身和三文魚刺身，較肥美油潤，油脂分佈平均，整體的刺身都新鮮嫩口，種類也不少，其他都好滿意。火鍋的澳洲M5和牛都要手機下單。 其他配菜則可以自助吧取。澳洲M5和牛，賣相吸引，色澤鮮紅，均為薄切，入口鮮嫩。但牛肩胛也不差，牛味也重，有許多雪花紋路的油花，吃起來軟嫩適中。自助吧有多款蔬菜，有響鈴、蓮藕、蘿蔔、金菇、油麥菜、唐生菜等等。另一邊有凍櫃，有很多肉丸類。熟食方面，有不同炸物，如天婦羅、芝士年糕等等。而沙律甜品，啤酒汽水，清酒都是無限量供應。手

八幡屋涮涮鍋依家做緊優惠，經WhatsApp訂座於星期一至四可享二人行一人免費！每位再贈送日本牛匠岩手和牛一客！除返開每人都係二百頭，幾抵食！任食M5和牛海鮮火鍋．刺身放題 $368/位用QR Code落單，食物選擇極多，M5和牛、黑豚肉、海鮮、刺身都係無限追加，任食150分鐘保證捧腹而歸！日本牛匠岩手和牛 （送一客）雪花極漂亮，入口油香滿溢，正！澳洲M5和牛不下於日本和牛，肉味香濃，入口軟嫩！刺身帶子、甜蝦甜美可口！三文魚、吞拿魚、劍魚腩魚味濃郁！赤蝦超大隻而且軟綿甘甜！海鮮海蝦結實爽彈！帆立貝大大隻！海蜆、蟶子新鮮甜美！汽水啤酒清酒任飲，任夾嘅壽司都唔錯，仲有甜品櫃！

八幡屋朋友好耐之前一直都想試呢間放題 今日夾啱時間大家都係旺角所以可以試到喇150分鐘放題 刺身海鮮火鍋盛宴呢段時段裏面會供應壽司 刺身 海鮮自選肉類 燒物 揚物 自助吧任食 清酒梅酒任飲佢哋分四個套餐 分別在牛嘅種類同級數佢會先嚟一碟牛肉 刺身拼盤同海鮮拼盤 海鮮分別有海蝦 廣島蠔 帆立貝墨魚滑 海蜆 東風螺 蟶子 刺身嘅選擇都好多 有珍寶帶子赤蝦 吞拿魚 希靈魚 馬刀貝 赤貝 劍魚腩三文魚甜蝦 八爪魚 等等好欣賞佢嘅選擇比一般放題多 而且質素好新鮮一落單就好快送到嚟自助吧 有唔同嘅日本前菜例如中華沙律 亦都有唔同款式嘅壽司 有個雪櫃係專放 魚蛋類 午餐肉 豆卜之類熱食方便鹽燒多春魚 雞翼都好有質素 最欣賞係佢嘅炸饅頭 真係即叫即炸 而且處理得啱啱好一啲都唔油 外脆内軟另外鍾意飲啤酒嘅朋友就有福喇因為佢又唔同款式嘅啤酒 連嘉士伯醇滑/Somersby Apple Cider都有值回票價！

旺角瓊華中心的八幡屋來過幾次，因為疫情好一陣子沒來，最近餐廳做緊優惠，第二人同行半價，約了朋友一齊來食今天選擇的是澳洲M5和牛右側是M5和牛，左側是牛肩胛，一看就知道油花差超級多！八幡屋的刀工超級好，肉都超級薄M5和牛比起其他選擇，還算稍稍厚一些入座後會先端上一盤刺身一盤海鮮包括了鮭魚、扇貝、海蝦；海鮮先送上了蜆、青口、鮑魚等等，種類很多都可用QR Code做加點接著看看自助區的選擇，蔬菜、火鍋料，應有盡有，仲有壽司🍣食材方面種類選擇多，食材雖不算上等高級貨但也有一定水平。侍應收碟很快，也會主動提供協助，環境大多為卡位，不會太壅擠，座的舒適當日是平日，餐廳幾乎滿座，如果要來食，記得先提前book位並先查看看有沒優惠

本人平時好少會食放題，但係朋友叫到，又可以暢所欲言又可以任食，都真係得放題。所以朋友就book咗呢間日式放題，見個餐廳環境闊落，主要卡位位置。大部份食物都能夠自選，例如：肉丸、炸物、蔬菜、壽司、甜品、雪糕我哋點左「150分鐘刺身海鮮放題及火鍋」-C3澳洲M5和牛🍗 $368湯底：麻辣和壽喜燒1.坐低即刻有海鮮🦞拼盤2.澳洲m5和牛、牛肩胛、美國進口牛肉、黑豚肉（個人覺得最好味嘅係M5和牛，咬落去口感啱啱好，肉質都軟滑，但都有少少咬口)3.客人自取炸物拼盤，包括炸薯仔、饅頭、春卷等等（職員會時不時，就會添加一些其他種類嘅炸物）4.不同種類的熟食5.火鍋配料6.雪糕