八幡屋涮涮鍋

营业中

休息中

今日係親愛嘅父親大人生日，佢三心兩意又想食火鍋又想食放題，今次揀呢一間俾佢就可以一次過滿足晒兩個願望啦！🎁🎂🤟🏻生日梗係要豪一豪，揀咗「M5和牛海鮮盛宴」，但原來星期一至四全日係買一送一，而星期五六日晚市優惠二人同行一人半價🤪🤪🤪不過父親大人生日大哂照食🤟🏻🤟🏻🤟🏻佢話下次自己帶母親大人再嚟！真心抵！湯底揀咗清清地嘅海帶湯，而肉就點咗M5和牛、豬豚肉同牛肩肉！M5和牛無得輸，肉嫩有牛味，食多幾碟都唔怕膩！跟住就嚟咗一大盤刺身，基本嘅三文魚、吞拿魚、油金魚外，仲有大大隻的牡丹蝦同帶子刺身🥰🥰🥰海鮮類的海蝦超鮮甜，兩父女食咗N轉！除咗主打嘅刺身同埋M5和牛之外，其實仲有好多唔同嘅小食：大蝦天婦羅、雜菜天婦羅、炸物、串燒、雞翼、多春魚……..另外自選bar檯有唔同嘅菜類麵類，仲有一大櫃的丸類任君選擇！飲品雪糕都有10幾款可以你任食！父親大人超滿意❤️

放假同阿媽去食飯，呢度環境幾舒適，可能中午關係，唔算多人。火鍋湯底有幾款可揀，我點左個豬骨湯味火鍋，原來仲擔心個湯底會好淡，一路落啲海鮮之後就變左一個高質鮮味濃嘅湯。入座後，即來了碟日本刺身和海鮮，仲有兩碟澳洲m5和牛和兩碟和牛。和牛幾靚，食落肉質都幾嫩滑，個湯底唔會搶左啲牛肉鮮味。三文魚都幾新鮮，其他刺身整體質素幾好，係厚切同埋解晒凍。出面有個凍櫃專放丸類、餃子、烏冬等食物，算整齊衛生。另外，呢度有提供多款壽司、貝殼，仲有基本火煱蔬菜俾你自己拎，食材都幾乾淨、新鮮。食左個日式墨魚，中華沙律，欣賞佢用碗或盒密封包好，食物一d都唔乾，味道不錯。凍櫃嘅飲品以汽水、酒為主，另有提供茶包。用手機登入，餐牌入面都有肉、刺身、燒物類俾你點，食物算多元化。間餐廳做緊午市優惠，兩個人賣單，都只係442蚊，認真抵食。

揀左🥢C3澳洲M5和牛刺身海鮮火鍋🥢 $ 368 食足150分鐘 正啊！晚市頭３０位第２位有半價。先食個剌身，樣樣都好肥美且唔會好冰感，係三文魚就切得細件D。鴛鴦加＄２０　左麻辣湯右沙嗲湯，聞落就好濃郁，但係叫左中辣一點都唔辣。我呢Ｄ咁重口味既人，次次打邊都要蘸勁多醬汁，食日式火鍋必食胡麻醬肥牛，蘸滿哂每一處表面，肥死但好正。個fd就食得清D，咩都唔蘸都好正，佢話湯底既味入哂D肥牛到。肉片薄身，滾2滾就食得，唔怕唔熟或者煮過火。海鮮大雪櫃放哂丸類烏冬，可惜無我最喜歡既餃子。燒物塗左果D醬料幾惹味香口，係個金菇肥牛D金菇燶左D就麻麻地。最愛係佢既焦糖菠蘿，又靚又甜又fresh，不過唔知係每次只可以點2件定每次按人，要係咁點。壽司炸物最後食埋雪糕收尾

難得放半日假期，朋友剛好搵到個好抵既任飲任食火鍋優惠，就係呢間位於旺角瓊華既「八幡屋涮涮鍋」。平日星期一至四黎食價錢係$368/位，只要經whatapps 訂便可以全日享有“買一送一”任食和牛海鮮火鍋•刺身放題，午市仲可以任飲任食3小時，而星期五六日晚市優惠都做緊二人同行一人半價，真係超級抵！我地上到去，店員便推介我地食「”C3”澳洲M5和牛刺身海鮮之盛宴」，套餐可以任食M5和牛、牛肩胛、海鮮、新鮮刺身壽司、燒物及炸物、火鍋配料及飲料等等。我地最後揀左”C3”套餐，湯底揀左「壽喜燒」，便安排入座，店員安排左卡位俾我哋，坐得幾舒服。坐底無耐，店員便好快上左個湯底，同埋幾碟M5 和牛、豚肉、海鮮（海蝦、帆立貝、魷魚🦑等）、刺身，非常有效率。澳洲M5和牛真係無得彈！好大片，一碟份量又多，完全吾慳、又吾hea呀！牛肉滾一陣就食得，勁多肉汁，肉又勁嫩，肥瘦位置又適中，真心超讚！我地每人各自都食左2-3碟呀～真係值哂門票🎫價。刺身方面：有三文魚🍣、赤蝦、珍寶帶子、吞拿魚、希靈魚等等....赤蝦夠哂大隻，食落爽甜，而三文魚🍣又夠肥美，又係厚切，非常鮮甜，必點之選！燒物炸物方面，全部都係經佢個QR c

撞啱放榜大日子， 今晚嚟到「八幡屋」吃放題，平日晚上更是座無虛席， 非常熱鬧～加上餐廳正做優惠，150 分鐘任飲任食海鮮刺身＋ 火鍋放題盛宴， 第二位可享半價！ 難怪平日夜晚都爆場～入門口前先揀套餐，再選鍋底。［澳洲M5和牛套餐］ 價位中等，可以試到靚少少嘅牛～👍［骨膠原豬骨鍋＋冬瓜薏米鍋］相併加$20冬瓜薏米鍋好清潤， 感覺較健康。 骨膠原湯鍋呈奶白色但未見任何豬骨～先來一碟海鮮刺身， 賣相唔錯。三文魚正常，並不特別鮮甜， 反而帶子較甜！赤蝦正常新鮮，不過就太冰凍， 未完全解凍。希靈魚，鲷魚都是一般。我們也只是encore 赤蝦。 所有食物都是經 QR code 手機點選， 簡單方便。接著來一盤海鮮火鍋料，有翡翠螺，海蝦，蜆和 蟶子～ 份量size 比較細～ 還好新鮮冇問題。任點海鮮沒有太多選擇，不過也包括海蝦， 蚬和蠔。三款都新鮮，蜆没有沙。😋👍近期大熱嘅「哥喇」和「白檸」， 味道好特別， 甜度唔會留喺口腔， 唔識形容.. 有啲似tonic water+ ginger Ale 。自助吧有不少炸物， 不時換新款。炸香芋丸照著燈仲微暖，非常香囗，有芋香 ，吃了數粒才滿足。 炸紫薯片也是

好耐冇見過朋友，個八婆話疫情咁耐冇見，不如搵間好野食下，呢間火鍋我想試好耐，不如訂位試一試佢。八幡鍋係瓊華，位置都好方便，一出地鐵站唔駛5分鐘就到，對於我係一個遲收工既人十分方便，好快就到，仲唔駛遲到。上到去有一堆人等緊入座，好快就到我。安排左我地2個坐卡位，2個人坐得好舒服。有菜同丸可以出面拎，我地多野食到連丸都冇咩點拎，哈哈 !!我地選左個骨膠原豬骨湯底，好起膠，味道都唔錯，我之後連豉油都冇咩點過。我地叫既係 C3 澳洲M5和牛餐，可以任叫 M5和牛外，仲有牛肩胛、進口牛、黑豚肉同埋豚腩片，當中既M5和牛同埋牛肩胛都真係唔錯，我地 Encore 左幾次。勁食牛 !! 牛肉既質數唔錯 ~ 呢間都真係可以再 encore !!選呢道仲有樣野好，就係有刺身喇 ! 選擇唔算少架，質量都唔錯，三文魚都好夠肥，帶子亦好鮮甜，唔錯 !火鍋仲有海鮮過你叫，但我地對於佢興趣不大，可能大家都鍾意食牛啦 !呢個又係好正，除左刺身外，竟然仲有串燒，岩哂我呢D眼闊肚窄既，選擇又多，又可以叫少少 !! 哈哈 ~勁飽都不忘要食甜品，見到有黑牛，好想食，哈哈 ~~ 大滿足 ! 飽到呢 ~

同朋友都係打邊爐愛好者，系網上見到八幡屋涮涮鍋澳洲Ｍ5和牛海鮮盛宴星期一至四全日買一送一，而星期五六日晚市優惠二人同行一人半價！好多放題／任食都係得90-120分鐘，呢間可以食足150分鐘 ！又有得食刺身又有得打邊爐，實在太吸引啦！因為驚多人我地一早就book左位，入座後可以用QR code落單，點餐以件數計算，可以防止浪費食物。餐廳會先安排刺身拼盤、海鮮拼盤、牛肉同黑豚肉，唔夠可以落單再添又或者自行到自助吧揀。食物選擇好多，有燒物、8款海鮮 、13款刺身、接近20款肉丸，仲有多款飲品同火鍋配料都係任飲任食。等個爐滾既同時就拎左Ｄ小食，佢地既炸物都好香脆，當中特別中意呢個炸芝士外脆內軟，啖啖香濃芝士。我地揀既套餐有３款牛肉任食，美國進口牛肉比較有口感牛肩胛既肉質比較滑M5澳洲和牛脂肪比例好平均，各有特色。打完邊爐試埋佢地既串燒，鹽燒多春魚，一Ｄ苦味都無，啖啖彈牙魚春。燒日本番薯仔甜甜地，口感似麻薯。鹽燒虎蝦好新鮮，肉質好實又大隻，小小鹽更將鮮味带晒出黎。焦糖燒菠蘿好甜，一Ｄ都唔酸。食到食飽飽地食埋甜品就完滿。值得一讚落單好快有，而且侍應非常勤力，一見到有盤食完就即刻收。

一講到打邊爐，就會聯想到去旺角，今日就黎到旺角睇下有咩啱食，比我地發現到，八幡屋做緊特價，M5和牛海鮮盛宴竟然買一送一(星期一至四)咁抵，當然唔會錯過啦！(星期五六日晚二人同行一人半價)😎😎一開始店員就已經安排好一盤刺身，有蝦，八爪魚，螺，三文魚，帶子等等，全部都好新鮮，厚切。夏天最怕食刺身，因為擔心會易變壞。但係八幡屋嘅刺身完全無腥味之餘，仲好彈牙，食得出唔係放左好耐。👏🏻👏🏻食一盤刺身點會夠，之後又叫左大量，有希靈魚，帶子，甜蝦等等，可以任食，食到夠。🤗🤗然後再黎一盤打邊爐生海鮮，有鮑魚，扇貝，花甲，青口，蝦等等。估唔到咁低嘅價錢，可以食到咁多海鮮，仲有鮑魚。自己控制淥嘅時間，就可以食到最新鮮最彈牙嘅海鮮。😙😙跟住就到戲肉，M5和牛！平時出面食打邊爐放題，唔會有和牛，八幡屋竟然咁重本比人任食和牛，一口氣叫左四碟，淥兩淥就食得，可以話係入口即溶。😆😆除此之外，餐牌仲有好多各式各樣嘅配料，熟食，可以任叫，而且仲有自助生熟食物區，幾十款食物任你叫，就連梅酒都可以任飲，唔止回本，我諗會食到八幡屋蝕大本添呀！😎😎😆😆

話說有日同同事傾計，話想打邊爐又想食刺身，就介紹呢間位於旺角瓊華既「八幡屋涮涮鍋」，果然無介紹錯，仲有我至愛既海鮮🤤🤤嚟到已經見到座無虛席，侍應們都忙到無得停，訂咗位都要等一小陣，才安排到座位🙈我哋太肚餓關係一於就揀咗個澳洲M5和牛，有刺身、海鮮拼盤；湯底就揀咗麻辣湯底同壽喜燒鴛鴦湯底🤩一咸一甜兩款口味，又有麻辣，夠曬過癮🤗有個小驚喜既係呢度嘅罐裝飲品竟然有Sparkling Water，抵讚💯呢度除咗用QR code落火鍋配料同刺身之外，可以喺出面既自助bar 度拎鐘意既壽司、蔬菜、炸物、甜品、雪糕，飲品都係，應有盡有🤩想講淨係食和牛同刺身都值回票價，和牛油脂分泌均勻，牛味濃郁，仲要大大片🤤難怪會座無虛席😳

有段時間沒吃火鍋放題，今天在難得同媽食飯決定優待自己，選了M5 和牛SET，一來還送了1份A4黑毛我們試，另外還加點了豬肉。A4的油脂的確較多和嫩，不過M5 的肉質也不差，我個人偏愛A4，下次再來可以選黑毛和牛SET。食物的種類也多，特別是海鮮，因為在網上訂位，還送了兩隻鮑魚，加上扇貝，蜆，蝦等等，都頗新鮮。刺身有赤海蝦，帶子，希靈魚，三文魚等，一輪吃下來，我們兩個女生都差不多飽了。不得不提這裡的熟食選擇也多，天婦羅等炸物有一定水準，還有蔬菜及丸類的自助BAR，清酒任添呢!店員工作有效率，上菜快，收碟也快，我們叫東西也不用太顧慮，總括而言CP 值還是OK的。

一直都好想試涮涮鍋，近排做緊M5和牛海鮮盛宴優惠，逢星期一至四全日買一送一，星期五六日晚市優惠二人同行一人半價，真係好抵，所以即刻約朋友去食。今次揀左150分鐘澳洲M5和牛火鍋放題，湯底係骨膠原豬骨湯，首先會按人數先上各種肉類、特定既刺身拼盤同海鮮火鍋拼盤，享用之後可繼續點想追加的食物。任食既肉類有3款牛同2款豬，包括澳洲M5和牛、牛肩胛、美國進口牛肉、黑豚肉同豚腩片，全部肉類都係薄切，所以只要略為灼一灼就食得，肉質又軟又滑。火鍋海鮮拼盤有蝦、魷魚、帆立貝、青口同蜆，另外追加左生蠔、蟶子、黃金螺，全部海鮮都好新鮮同非常鮮甜。值得一讚既係刺身，真係好新鮮、好高質，質素比一般放題供應既刺生好，所以忍唔住追加再好幾次，赤蝦同劍魚腩尤其好食。另外，仲有得任叫既有天婦羅、燒物、揚物，仲有自助吧枱上面一系列既蔬菜類、壽司、丸類，同埋雪糕，飲品就有各式汔水、啤酒同清酒，真係應有盡有，物超所值!

自疫情以嚟好乖，好耐冇出街食飯，今晚已約定朋友一齊出去食，揀咗旺角瓊華中心(八幡屋涮涮鍋)這間餐廳主要是任食海鮮火鍋加壽司刺身放題，啱曬我哋兩個大胃王，無拘無束地大吃一頓。Q版小燈籠，增添了一些日本氣氛。座位十分寬敞，空間十足。社交平台做緊活動宣傳，每晚訂座頭30位，二人同行一人半價的優惠食180分鐘都係二百幾蚊，如食埋澳洲M5和牛就係三百幾蚊，非常抵食。湯底有多款，我哋揀選了昆布湯底及麻辣湯底。仲有最靚嘅豬腩肉，層次分明，仲有視覺享受。任食澳洲M5和牛，色澤鮮紅，肉質嫩滑。至於刺身方便，有無限量添加嘅油甘魚，質素不俗，厚切肉質肥美，其他刺身質素也超正，有甜蝦、赤蝦、希靈魚、三文魚、帶子、吞拿魚、赤貝等。一次性海鮮拼盤分別有黃金螺、帆立貝、青口、蟹腳、魷魚等。擺設十分美觀的甜品及壽司區。熱食當然少不了新鮮即炸的天婦羅等，炸蝦天婦羅好食，皮薄餡靚蝦肉鮮嫩。多種類的蔬菜區，仲有出前一丁麵呀。

黎旺角次次都食日本放題，今次就有少少新意任食打邊爐加刺身放題，仲可以食足150分鐘，岩晒一大班朋友傾計。而家仲做緊二人同行一人半價優惠，呢150分鐘我地簡左澳洲M5和牛套餐$368，湯底就簡左我最鐘意嘅甜豉油(壽喜燒)。刺身拼盤有三文魚、希靈魚、吞拿魚、帶子、赤蝦同埋鮑魚片，色澤睇落都幾新鮮。食物自取區包括有丸類、魚皮、豬紅等常見嘅打邊爐食材，亦都有唔同炸物，例如天婦羅炸蝦同炸饅頭等，蔬菜方面有西洋菜、生菜、娃娃菜、金菇、粟米、蘿蔔、冬菇等。其餘飲品甜品都係出面自助區拎，我呢度就唔打晒出黎啦。而其他刺身、海鮮類(黃金螺、魷魚、青口、海蝦、帆立貝、生蠔)、肉類都可以用 QR code落單。牛肉脂肪分布平均，牛肉味濃郁。

香港人打邊爐一年四季都好受歡迎，日式涮涮鍋是好選擇，來到旺角會諗起八幡屋的和牛海鮮火鍋連刺身放題。澳洲M5和牛(150分鐘)~蕃茄龍蝦海鮮湯底，龍蝦新鮮，肉質爽甜，蕃茄湯濃郁，推介。刺身點了赤蝦、帶子、希靈魚、三文魚、及榮螺，入口鮮甜。首輪海鮮點了帆立貝、海蝦、翡翠螺、青口及蜆，款款新鮮，之後再點生蠔，脹卜卜，蠔味鮮。澳洲M5和牛真真肥美，雪花狀態顯示脂肪含量勁高，入口即溶，牛肩胛肉味香濃。美國黑豚片也值得一讚，有口感得嚟唔韌。送一個A4和牛拼盤，正呀！手打墨魚丸，其實即是墨魚滑(丸型)，爽口彈牙。出面凍櫃取了一些丸子、粟米餃、豆腐及芝士腸，不錯呢。再來一盤澳洲M5和牛，繼續肥肥美美。蔬菜區有幾盆菜，另外有粟米、鮮冬菇、秀珍菇、南瓜、芋頭等，仲有拉麵及炸魚皮。燒物試咗鹽燒虎蝦、多春魚、麻吉燒、日本蕃薯仔及燒菠蘿。飲品櫃選擇豐富，別忘記雪櫃的雪糕同雪條。另外值得要提，店員服務良好，適時加湯，收碟夠快，友善招待，讚。