八幡屋涮涮鍋

营业中

休息中

任食打邊爐到處都係，除咗價錢之外，坐得舒唔舒服同質素都係好重要🤨呢間係旺角嘅八幡屋，地方闊落，尤其啱幾個朋友一齊嚟食，價錢正常，選擇同味道都不錯😋叫咗個鴛鴦鍋，一邊係泡菜辣湯底，一邊係壽喜燒，泡菜辣湯底算係少辣，但係幾啱嗰下味癮😝價錢主要以牛肉嘅質量去選擇，我哋叫咗澳洲和牛A5$368，不過而家做緊優惠🤩M5和牛海鮮盛宴星期一至四全日買一送一，而星期五六日晚市優惠二人同行一人半價，所以淨係需要$184!😍一上台就送咗一個海鮮刺身同拼盤，根據人數嘅份量而定嘅～食落都算新鮮嘅😆睇吓個牛又薄雪花分佈得好好，色澤都好靚，而且碟碟都有咁上下質素，碌一碌，就牛味十足，而且好滑嫩🐮當然食得放題就唔只淨係食牛肉啦，呢度主要用電子平板落單(肉類同埋海鮮，刺身大部份都係任叫)，另外丸類，腸仔，菜類等等就可以喺出邊拎🐣而且仲有壽司同埋甜品任食😚仲有韓國嘅雪條食添😋飲品方面，各類韓式飲品，汽水，茶類，應有盡有😆💓✨所以算係性價比好高嘅一餐火鍋放題！

近年都好少食放題 今日同友人出街食飯既然大家都係眼闊肚窄人士就食放題滿足一下想食好多款野食既慾望呢間放題據說一直都座無虛席，夜晚7半嚟到 基本上係爆滿火鍋湯底加廿蚊揀咗鴛鴦湯底麻辣同沙嗲，兩款都唔錯，幾香麻辣辣度唔會好辣，冇食開辣既人都會接受到頭一輪當然唔少得有肉有刺身A4同M5和牛都係好高質，友人就話M5和牛好正豚肉都唔錯，夠薄，食一兜都唔會好飽好膩仲有好多quota試其他野食食完肉就當然要食刺身赤蝦同珍寶帶子都大大隻，好鮮甜魚就有吞拿、三文、劍魚腩、希靈同鯛魚，口感肥美本人都貝類唔算好鍾情，追加部分都係集中係魚海鮮部分有蝦、青口、帶子同蜆之類全部都幾新鮮，要留意呢啲係要煮熟先可以食個人最欣賞係呢度既炸物，每輪都有唔同款式真係手快有手慢冇呀!!第一次本人就拎咗茄子、金菇同芋泥波茄子外脆內軟，個炸衣都夠薄，雖然係油咗少少但都唔錯！第二輪見到有炸饅頭，IT'S TIME TO狗衝好好食！想拎多件既時候已經冇晒！醬料好齊，壽司甜品都應有盡有，仲fill得好快野飲方面都好多選擇~打邊爐一定要配啤酒先爽！加錢都唔算貴都係十幾廿蚊，REASONABLE

近排我同老公都好鍾意打邊爐，冬天仲可以屋企打躉係夏天一定唔會開冷氣打出嚟我都會有浸打邊爐味道。朋友食過呢一間，印象唔錯所以我都嚟試吓。佢有幾款套餐我哋選咗澳洲M5和牛嗰一款，無限任食牛肩胛，又有海鮮又有刺身，150分鐘任食$388就食到。湯底佢哋都有好多選擇，一般嘅沙嗲湯，昆布清湯都有。我哋就選擇左蕃茄龍蝦海鮮湯（每位加$20）。蕃茄濃郁帶有海鮮鮮味，入面真係有龍蝦㗎。好多嘢食出邊都有得自助拎，熱食蔬菜，火鍋配料，飲品，壽司。而肉類同埋海鮮就喺QR code叫，起初追加牛肉嘅時候唔知係咪太忙都等咗一段時間先有牛肉上嚟，但份量都係齊嘅。之後就好返好多叫嘅嘢都好快上嚟唔會漏單，職員清潔枱面好快，所以唔會怕唔夠空間叫嘢食。

一開始選擇二百一位，點餐果陣一睇三種肉類選擇，再望一望自助台幾個選，再望一下肉圓唉⋯‘最後決定升級三百文一位有串燒及壽司，即刻開始後悔，串燒選擇唔多最後選咗燒雞翼多春魚雞翼燒竉咗，多春魚手指手甘大，之如壽司⋯⋯飲品太少選擇，帶子手指尾甘大，生蠔臭的，叫左聖子幾次都冇黎壽司唔新鮮，選擇少可以講無野食，就甘三舊水一位服務態度真係好差成張單飛过嚟絕對無下次 重點是個鍋實在太細了三百文真心唔多，但是可以選擇更好

嚟到旺角心血來潮想食火鍋， 睇吓睇吓又想起瓊華中心嘅八幡屋涮涮鍋，之前已經食過佢地嘅任飲任食海鮮刺身火鍋套餐， 食物款式多又新鮮，即該有要食嘅決心，心動不如行動。今次選咗個〔M5和牛海鮮盛宴],  湯底就要個沙嗲湯底。自助吧有蔬菜區， 火鍋區同甜品區， 其他可以用QR code 落單， 食幾多叫幾多， 唔浪費。入座後先嚟嘅有刺身拼盤同火鍋嘅海鮮拼盤。刺身帶子同赤蝦都鮮甜， 睇返QR code order list 有成12款刺身選擇， 都算幾多款式。 跟住就係套餐嘅M5M5和牛拼盤喇， 仲有A4和牛拼盤同美國黑豚肉， 大大盤份量都好多。M5和牛牛脂幾平均， 而且肉質嫩滑， 但個人比輕鐘意A4和牛， 牛味重爽口有口感， 各有各味道。 黑豚肉方面就普普通通啦，  個人比較喜歡五花脯。熟食方面款式都好多， 特別鐘意炸芝士同天婦羅海蝦。 火鍋丸子餃子差唔多有20款式之多， 放係凍肉櫃整齊衛生。 海鮮方面除咗生蠔無咁新鮮， 蟶子比輕細之外， 其他都算ok 。最後甜品， 雪糕啫喱我係必食嘅。 整體食物款式多又新鮮衛生，  佢地話宜家星期一至四全日買一送一，而星期五六日晚市仲要二人同行一人半價，唔怪

八幡屋食左150分鐘成人包左：美國黑豚片、M5和牛肉拼盤、海鮮拼盤加左錢要鴛鴦鍋、骨膠原豬骨湯、辛辣泡菜湯原來星期一至四全日買一送一和牛😍😋我覺得整體黎講算唔錯乾淨！新鮮！環境舒服！仲飲左罐哥喇（原來係cola)似糖味 值得一試🤣另外仲叫左以下任食牛肩胛美國黑豚片蟶子隻天婦羅汁炸蝦天婦羅蕃薯天婦羅茄子天婦羅金菇天婦羅鹽燒虎蝦蒜香雞中翼日本蕃薯仔炸饅頭呢個唔記得咗叫咩名，好食！星期五六日晚市優惠二人同行一人半價咁佢哋一至星期日都有優惠值得一試

最近看到食評這裏有和牛放題，今晚便來到了。套餐有四款牛肉可供選擇，見到150分鐘澳洲M5和牛$368，現在有優惠，第二位半價🥰💕，便選擇了。湯底是豬骨湯和麻辣湯，另加$30。豬骨湯底味道鮮甜，麻辣湯底辣度頗高。飲品除了啤酒之外，還有很多不同類型的種類，其中以楊協成的冬瓜茶最吸引。店員很快便將第一輪的和牛拼盤送上，和牛的脂肪果然豐富，牛肉味道十足。清酒是任飲的，有冷暖可供選擇。丸類是自助的，不過因為和牛太好吃，所以沒有記得這些丸類，下次必定再光顧。蔬菜自取的，其中以萵筍的味道最為鮮甜。海鮮以海蝦最為爽口彈牙。刺身拼盤，當然以三文魚最為鮮甜可口。甜品：雪糕和雪條，自家製甜品。想不到這裏的自家製甜品，味道有點意想不到的好。

差到冇嘢好影，當場淨係想求其食飽就走。唔明點解仲有咁多人喺門口排隊😑首先係所謂豬骨湯底淡到清水一樣食物選擇少全部下價嘢刺身唔新鮮，冇味安格斯牛同牛肩胛簡直垃圾完全欠缺人手，叫天不應叫地不聞。我自己出去攞湯底加水兩個人埋單食七百蚊，不知所謂🤬🤬🤬🤬香港人假期要喺旺角食嘢係咪就要食垃圾呀？？？blacklist，以後唔使旨意再去，免費都唔去！！！一個字，差！！諗多兩個鐘都諗唔到推介食物係乜嘢！！！

座位以卡座形式, 比較有私人空間, 店內都有好多唔同擺設,最特別係照片中嘅日本不倒翁公仔,非常有日本文化氣氛！當日,我揀咗A3澳洲M5和牛套餐。要注意係依家做緊優惠,M5和牛海鮮盛宴星期一至四全日買一送一，而星期五六日晚市優惠二人同行一人半價,非常優惠又抵食。M5和牛肉質鮮嫩, 口感多汁而且味道細膩醇厚，最重要係肥瘦相間的肉質。湯底方面揀咗昆布湯,比較清淡,落和牛或者海鮮都唔會蓋過食物本身鮮味。熟食方面有提供咖哩魚蛋﹑香草青口,可以係等湯底滾既時候,當小食食住先, 仲有D燒物值得一提,我最中意炸蕃薯,冇太多炸粉同脆漿包住, 烤到金黃,好正！其他炸物有多春魚同雞翼都一樣唔會有油溢味。除咗火鍋,仲有壽司,刺物,燒物。刺身有好多選擇,有大眾熟悉三文魚,希靈魚,都係好新鮮,冇雪味。總結都係一個值得推薦既餐廳,環境同食物質素都唔錯！

今日揀左去旺角“八幡屋”食自助晚餐 任食澳洲M5和牛火鍋放題$368因為第二位有半價，仲可以食足150分鐘添👍 未落單就先嚟個海鮮拼盤：有帆立貝，黃金螺，海蜆同青口。 剌身拼盤就有赤海蝦，三文魚，劍魚腩，希靈魚，帶子同鮑片。 赤海蝦好大隻，好新鮮👍 頭盤仲有M5和牛油花豐富、口感軟滑，肉味濃😋 任食嘅A4和牛都好味，肉質較瘦，牛味亦很濃烈。 其他就任叫任食👍品種不少呢🥰 任食海蝦，帆立貝，廣島蠔等9款海鮮🦪🦐🦑新鮮帶子，赤蝦，劍魚腩，希靈魚等12款刺身😘😘即叫即燒大蝦，燒金菇牛肉卷等多款日式燒物🍢🍤🍡 天婦羅炸物不斷供應🍘 手握壽司都係無限追加🍣🍱🍣🍱 Bar檯出面有好多熟食同火鍋配料，可以慢慢揀慢慢食～ 沙律甜品，啤酒汽水，清酒無限供應🍻🍺🍶 真係應有盡有，還可以一人一鍋，既衛生又可以各適其式👍

最近好鐘意打邊爐，又去番之前覺得多野食既放題邊爐餐廳一如以往甜品自助餐吧，好多野食蔬菜沙律自助吧幾暖心，有用保鮮紙包好一杯杯既前菜一坐底點左最愛既蕃茄龍蝦海鮮湯🦞每位要加多$20 之後就有刺身盛宴 有一盤海鮮一盤刺身同埋我地點既餐澳洲M5和牛餐🐮好抵食和牛有幾個部位，雪花❄️均勻，好正啊，肉質好柔滑，我N call 了幾轉😋之後要再嗌野食就掃一掃佢地提供既QR code都幾方便又吾洗同店員有太多接觸，紫薯同串燒都好好味，最後食埋炸慢頭做甜品，好滿足😋

一直都覺得瓊華中心隻餐廳都好正，好多間都試過，今次一於試吓12/F嘅呢間打邊爐🤩我哋揀咗C3澳洲M5和牛餐（150分鐘好重要😂，之前食另外一間120分鐘食唔切雪糕甜品）湯底揀咗鴛鴦鍋，一邊係壽喜燒、另一邊係蕃茄海鮮湯底。全程都係手機落單，欣賞可以任食海蝦、蜆、蟶子等9款海鮮🤩仲有刺身可以食，三文魚刺身好肥厚，仲有帶子、榮螺等刺身，淨係食刺身同海鮮都值啊😎燒物：推薦金菇肥牛卷+雞翼👍飲品選擇都好多，除咗常見嘅罐裝汽水同紙包飲品，仲有樽裝飲品、啤酒選擇！甜品同雪糕選擇都多，好耐冇食過啫喱🤣整體來講，係一間性價比高嘅打邊爐，適合同朋友一齊輕鬆食，或者約個大胃王朋友（me）一齊食窮間餐廳🤪🤪🤪溫馨提示：M5和牛海鮮盛宴星期一至四全日買一送一，如果星期五六日晚市就有二人同行一人半價優惠！

係旺角同朋友仔聽完Busking，就行過隔離瓊華中心覓食入座前先選好湯底及套餐，然後店員會安排入座甜品、蔬菜、丸類及粉麵都可以係自助吧自取個人認為甜品之中奶凍相當出色，唔會太甜又有奶香其次仲有日式炸物及雪糕都係自助炸物的一口炸芝士會流心，芝士夠香夠脆而香芋炸彈亦溫熱夠香口，味道唔錯有港人口味的港式奶茶雪糕，都算幾特別肉類、刺身、海鮮等相對比較貴的材料就需要用QR Code落單刺身以冰震上，都幾新鮮螺肉及刺身蝦都夠彈牙主角M5澳洲和牛套餐 $368/1肉質係屬中上，薄薄一片無任何筋部，油花都好靚，肉味夠香美國安格斯牛肩胛相對肉質冇M5和牛咁嫩，但肉味比較重牛肉質素不錯，而其他配料都非常多選擇總括而言，呢間任食打邊爐的選擇夠多，主菜肉類亦都有返咁上下水準，唔錯！

八幡屋任食和牛海鮮火鍋•刺身放題3個鐘🤩任食澳洲M5和牛、美國牛肩胛每位再送日本和牛一份😍海鮮都有好多選擇 海蝦、帆立貝、廣島蠔等9款海鮮🦪🦐🦑但就唔算好肥美😳任食牛肉爽d另外刺身都有12款 新鮮帶子，赤蝦，劍魚腩等😜放題必備嘅日式燒物都有齊 即叫即燒大蝦，燒金菇牛肉卷等出面仲有得拎天婦羅🍘壽司🍣同火鍋配料都係無限追加沙律甜品 啤酒汽水 清酒無限供應🍻ps.泡芙 布朗尼 都好好食😋xd去咗佢fb留言有半價coupon優惠😆我哋早1日前訂座 額外送咗兩隻鮑魚

跟朋友去旺角午餐，約的居然是火鍋，囂張！ 「八幡屋」中午或晚飯時間，都是主打火鍋＋剌身放題。朋友點了【澳洲M5和牛＋刺身海鮮火鍋】，牛肉有三款，1)澳洲M5和牛、2)牛肩胛、及3)美國進口牛肉。豚肉有4)黑豚豬及5)豚腩片，同時附上火鍋海鮮拼盤和日式剌身。從分量而言，ROUND-1已經需要一點時間才能KO。 火鍋嘛，牛肉是重點。三種牛肉的肉味都很夠，牛肩胛的咬感會重一些，澳洲M5和牛則肉香和軟滑程度最高。每種牛肉2片下鍋，倒數5秒，帶一點紅，馬上入口，三者的分明會很明顯。千萬不要過熟，肉質變硬變乾，浪費！在澳洲M5和牛面前，豚肉縱使好吃，亦只成了配角。 剌身種類多，珍寶帶子、三文魚、劍魚腩、甜蝦赤貝等，每一款都鮮味。最吸引是赤蝦剌身，新鮮大隻、原隻奉上，鮮美爽口。在其他餐廳單點一隻也要$20-30，老闆豪氣，任食追加，爽快。 其他食物看照片，選擇頗多，適合聚會狂吃。