八幡屋涮涮鍋

营业中

休息中

閒日放工約左朋友黎旺角打邊爐，無諗到一上到黎店內都幾乎爆滿，好在事前有訂位姐，我估應該係知道呢度做緊個M5和牛海鮮盛宴嘅買一送一，星期一至四全日都available架，如果星期五六日就有晚市優惠二人同行一人半價收費，我地當然就係叫左呢個套餐啦，咁抵玩。湯底方面，我地揀左壽喜燒，因為知道要瘋狂食牛！首先，頭盤會有M5和牛拼盤，黑豚肉片，海鮮拼盤同埋刺身拼盤，仲送埋A4和牛拼盤。A4和牛真係有入口即融嘅感覺，不得了，雖然呢個食一次，唔可以任叫，但係仲有M5和牛，刺身呢啲可以任叫架。刺身基本上都叫足幾round，因為佢啲刺身真係好靚仔，有三文魚，希靈魚，劍魚腩，吞拿魚，同埋好多其他選擇。另外佢呢度嘅熱食炸物都唔錯，例如天婦羅，雞翼等等。飲品方面基本上選擇眾多，緊有一款岩自己嘅。呢間真係性價比高，下次又要瘋狂拆餐勁嘅。

友人情侶倆，為了歡迎我們來香港，請我們夫妻吃海鮮自助，友人倆都是local，對哪裏有好吃好玩的相當熟悉，都很慶倖認識他們倆個餐廳距離地鐵站跟進，我們約在餐廳門口見面，四人一同進入，我們預約的6.30入內進食，預留10分種，兩個半小時隨意食因為預約也不需要排隊等，直接入座在入口處點好湯底，入座後可以掃二維碼手機點食物下單，服務員上菜挺及時，不會等太久還有飲料，小吃，冰激凌，小料等等可以自取總體來說物美價廉，還是蠻推薦的

雖然係盛夏，但係去打邊爐既意慾沒有因而減低。最近見到八幡屋星期一到四做緊和牛海鮮買一送一，所以選擇左呢度食下午茶。店內裝修時尚簡約，座位舒適，檯與檯之間保持一定距離。餐牌上有90分鐘、120分鐘及150分鐘各有四款既任食火鍋選擇。我地選左150分鐘既M5和牛海鮮盛宴食到飽套餐。湯底方面，則選左骨膠原豬骨湯以及壽喜燒鴛鴦鍋，湯味濃郁。我地選既套餐性價比高，大部份既海鮮、燒物、肉類、飲品已經包括在內。 海鮮類選擇豐富，有蠔、蝦、鮑魚、螺、帆立貝、鯛魚，就連蟶子都有。至於肉類方面，我很喜歡澳洲M5和牛，和牛油脂分佈均勻，非常嫰滑；五花肉則層次分明，脂香感十足。此外，餐廳亦提供多款小食和甜品，例如刺身、壽司、燒物、雪糕。飲品方面，除左一般汽水，還有多種啤酒可供選擇，意想唔到係餐牌亦有清酒提供。 當然，餐廳亦提供蔬菜、多款丸係自助bar，任由我地去各取所需。總體而言，呢個價錢有咁多食物選擇真係唔話得，性價比高，值得再來回味。

有一段時間冇食火鍋放題，今次經開旺角就搵咗間嚟食。估唔到平日嘅夜晚都幾多人食，不過好彩比較早去到所以唔使等位就入得。一坐低見面就首先上咗刺身同埋A5A4和牛同埋海鮮拼盤。呢個餐廳最大嘅特色係有唔同嘅海鮮選擇同靚肉👍估唔到打邊爐都有刺身可以食，仲要唔係只係得頭盤，想再食仲可以落QR code再叫，仲要款式都唔少，都算係幾新鮮，以唔係主打黎講都叫做滿足到我想食刺身嘅慾望🤤肉類切得相對較薄身，無論係牛定係豬都幾香肉味，細細地一塊肉質唔會鞋，落去烚左幾秒就已經食得，唔記得咗邊一款係A5邊一款係A4，一款係比較多脂肪一款就比較瘦身啲，兩款味道都幾唔錯。食完呢幾種肉之後如果想再食肉就可以用QR code再落單叫其他幾款牛或者豬。另外就係海鮮佢真係有好多款，頭盤嘅海鮮有鮑魚螺肉扇貝青口同生蠔。因為自己每次食鮑魚都會胃痛所以就冇食到，朋友食咗兩隻，佢話好好食好鮮甜。扇貝青口就正常發揮，生蠔其實平時自己好少食，今次就試一試，味就比較鮮鹹鹹地，生蠔迷應該好鍾意。另外仲可以落單叫鮮蝦，肉質都幾鮮甜同埋個殼都幾易剝🙆‍♀️丸同菜類就可以自己出去攞，丸嘅款式種類都算多，不過攞嘢嘅地方就稍為論盡咗少少，每次只可以一

今日8點鐘去到叫左2個A5和牛套餐 埋單$810所謂既A5和牛 =街市買既安格斯牛肉最離譜係佢地既刺身 上到櫃 成堆垃圾我呢個套餐有150分鐘 我食左45分鐘就走左食左2碟街市牛肉刺身 金菇 菜 其他都無胃口去再試呢間野真心伏 超級伏 希望大家唔好試

之前見到有人推薦呢間放題，咁岩朋友係旺角收工就一齊去試呢到既M5和牛海鮮盛宴星期一至四全日都有買一送一，而星期五六日就夜晚有優惠，二人同行一人半價。我地係星期一去，所以就叫左澳洲M5和牛放題，湯底就叫左蕃茄龍蝦湯。湯底入面有一隻龍蝦好香濃既蝦味！一開始未點餐前每人都會有個頭盤，可以食住先再點。刺身都算幾鮮甜，我地之後有再叫黎食呢到最正係仲有海鮮可以叫！扇貝好大隻！再黎就到和牛啦牛既花紋好靚，食落好有牛味，份量都岩岩好，一片唔會太薄。而呢到既豬都好好味，再吸埋個湯好正我地叫左3round!呢到既飲品種類好多，唔係淨係平時會見到既汽水，仲有台式同韓式既飲品，今次就飲左呢幾樣，其實仲有其他想試，不過飲唔晒食完肉最後就係食甜品，呢到有自家整既奶凍同芒果布甸，整得幾好食，岩晒飯後甜品。最驚喜係有雪條可以揀，不過想食就要快手啲，因為好快比人揀晒本身以為做優惠未必太好食，但估唔到好有驚喜，會再黎食！

通常一大班人出嚟食飯最方便就係打邊爐見到呢間涮涮鍋嘅M5和牛刺身海鮮火煱套餐星期一至四全日買一送一而星期五六日晚市優惠二人同行一人半價睇落幾吸引就一於試下記住事前wtsapp餐廳拎定優惠訂定位湯底選擇都多，最後揀左個鴛鴦鍋有壽喜燒同冬瓜薏米湯澳洲M5和牛同牛肩胛嘅肉味濃厚薄啱啱好，煮幾下好快熟除左牛肉仲可以叫黑豚肉同豚腩片，肉質唔錯刺身同海鮮款式選擇多，質素都高，有驚喜火鍋配料除左可以用電話scan code落單出面都有得拎蔬菜、熟食、丸類、甜品野飲都係任飲，選擇幾豐富可以食足150分鐘，唔洗急住食整體黎講性價比幾高，值得一試

今日放半晝，約咗朋友仔打邊爐聚會，見到哩間係旺角市中心嘅火鍋放題有M5和牛同埋新鮮龍蝦湯底，仲有任食刺身，就第一時間衝左入去。🍻🍻🥩澳洲M5和牛嘅任食套餐($368@)✨買一送一✨我哋點左主打澳洲M5和牛嘅任食套餐，食落新鮮好有牛味除此之外，仲有日本和牛（A4) 同埋美國進口牛肉可以選擇，豬肉方面就有黑豚肉同埋豚腩片，食落都唔錯。🥩🥩🥩🦞湯底我哋揀咗龍蝦湯底，真係有大大隻龍蝦係個湯底入面，不過個湯就有少少淡，我哋自己加咗粟米同埋肉，個湯即刻鮮甜晒。🦞出面有雪櫃同埋自助吧有各種各樣不同嘅蔬菜、丸、雞肉、麵食同埋甜品，不過可惜蔬菜嘅選擇比較少，除此之外，仲可以掃QR code點餐，有各式各樣嘅炸物、燒物同埋最緊要嘅刺身，算係有非常之多嘅選擇。🍤🍧🦪🍲🥟🥗呢度嘅刺身選擇都幾多有希靈魚、三文魚、赤背、北寄貝、甜蝦、牡丹蝦等等，總之無論你鍾意食魚、貝類、定係蝦類嘅刺身，都會有好幾種唔同選擇。🐟🐙🦑🦐🦞🦀甜品方面唔算係特別出色，但勝在雪糕口味算多，有四種唔同口味嘅雀巢雪糕杯，除咗大路嘅朱古力味同雲呢拿味之外，連喺放題之中比較少見嘅紅豆同香芋口味嘢度都有，仲有其他雪條可以選擇，總有一款啱自己。😋😋值

又來都冇得任飲任食啦！今次呢間又有刺身又有炸物又有甜品又有打邊爐，可以話係大家都會鍾意食嘅！全場座無虛席，枱面有啲迫，上菜超快！首先佢已經會有一盤刺身俾你，係雜錦刺身咁樣。呢一種蝦就只有一次嘅啫，跟住再嗌嘅蝦就會係甜蝦細細隻嘅！我就冇咁鍾意嗰隻蝦啦！我自己覺得刺身最值得食都係三文魚，我就覺得都新鮮嘅！希靈魚特別細！我哋都係嗌左個鴛鴦鍋，辣嘅都幾辣，而且有陣時會越食越鹹。所以我會建議叫個清小小嘅湯！我哋今次叫嘅係M五和牛加刺身，當然啦和牛同牛肩胛係B必食架，新鮮好味道我自己最估唔到嘅係走都可以任飲，有清酒同梅酒。我覺得清酒就一般啦梅酒可以一試！另外出邊嘅自助區都有好多選擇，有炸物，每次都唔同，次次都會上新，我一日就見到佢有陣時想炸金菇，炸茄子，炸饅頭，炸餃子…通常佢一炸起啲人就會衝出去攞，因為岩岩炸起好食，凍咗就會有浸油味！另外仲有奶凍做甜品，我自己幾鍾意，食多杯就冇食雪糕啦？

睇返而家大部份嘅放題店都開始fusion咗，例如韓燒同埋火鍋雙料享受，成為日韓綜合，而價錢亦都係差唔多，睇嚟放題嘅享受再一次升華咗，喺日式放題裏面，刺身當然成為左主角👍🏼 不過有時候佢都可以成為最搶眼嘅配角😁嚟到瓊華中心亦係一座食放題為主嘅大廈，比較完之後八幡屋呢一間涮涮鍋店亦都有刺身供應，確係日式兩味，再加上有唔同嘅套餐選擇，平有平食貴有貴食大家都係咁享受💜💜打邊爐首先當然要揀選湯底，除咗有普通豬骨湯之外亦都有日式昆布湯，沙嗲湯呢一啲特色嘅湯底。 不過自己就選擇左韓式嘅泡菜湯，又有少少日韓嘅配搭。 為咗好好報答自己嘅辛勞，就決定食好少少要咗澳洲M5和牛套餐，裏面就包含咗除咗呢一款和牛之外對上幾款牛都可以同時享用到。喺未打邊爐之前當然要叫返幾盆刺身享受下，最印象深刻嘅莫過於珍寶帶子，粒粒都係原隻相再加上軟滑嘅質感實在令人難以抗拒🥴🥴🥴，本身有少少鮮甜味再配合埋Wasabi絕對鮮味再大幅提升。 另外珍寶赤蝦亦都係另一個主角，顏色鮮艷嘅原隻赤蝦爽脆，絕對係新鮮嘅典範。另外仲有鮑片希靈魚赤貝三文魚吞拿魚多款選擇，而每一款都以新鮮為最大宗旨。所以話即使係配角亦都成為左非常搶眼嘅配角之後輪到戲肉

本身都唔想話佢嘅，但係以我多年打邊爐嘅經驗，呢間就係差到冇得再差。首先琴日已經過嚟啦，見佢話OpenRice有得買一送一，特登留返今日先食，好啦book咗枱$368澳洲和牛，價錢都OK嘅有埋刺身食，不過啲種類好少囉但係呢個價錢算係咁啦。重點黎啦佢個壽喜燒湯底，諗住壽喜燒應該都好難伏啦，點知佢真係伏到喊，完全冇味嘅，加咗幾包出前一丁嘅味粉落去都係冇咩🥲🥲連樓下街市90幾蚊嘅打邊爐都不如，佢啲牛其實都OK嘅，都有少少牛味，可惜個湯底累事，真係食乜都無味。無論係熱食定係要烚嘅嘢食，都麻麻地，連最簡單嘅燒菠蘿都唔ok，佢寫住係焦糖燒菠蘿，但係燒都冇燒過，凍冰冰拎俾我，然後同佢講啦，佢就咁加咗pat焦糖仔再用火槍就咁燒一宵就俾返我。☹️☹️☹️

一到每年6-9月奶油包就會忙到好depress朋友見到奶油包好depress就約奶油包去豪食一番經過一輪挑選我地一致決定去食Shabu Shabu而係旺角既「八幡屋涮涮鍋」就成為我地最後幫襯既地方去到門口都好多人等緊位等左10分鐘先有得入坐係武肺未過期間都咁多人幫襯就即係質素唔差裝修睇落都幾好而且區域分明係門口等位時已經揀定左要C3 setC3係澳洲M5和牛海鮮盛宴幾百蚊食足150分鐘超抵仲要係有個優惠星期一至四全日買一送一星期五六日晚市優惠二人同行一人半價又食好野又平左真心抵到喊奶油包同朋友一人一鍋試左2個湯底朋友要左壽喜燒湯底奶油包就要左骨膠原豬骨湯底2個湯底既味道都唔係好濃一坐底就有正野上枱一盤海鮮拼盆入面既海鮮有鮑魚、蝦、扇貝、蜆、東風螺、聖子 而刺身有甜蝦、三文魚、帶子、希靈魚仲有全晚既重點M5和牛和牛既質素真係幾高啲脂肪分佈都算平均牛肉味都濃郁放落湯入面滾幾滾就食得就算滾耐左都唔會好鞋除左M5和牛鯡仲有美國牛肩胛同進口牛肉牛肩胛都好食牛肉味都濃奶油包同朋友就Encore左好多次M5和牛同牛肩胛(2個女仔豪食狙差唔多20碟牛)當然除左牛之外仲有黑豚肉同豚腩片唔知係咪因為成日食

適逢平日放假，約咗朋友一齊去食火鍋放題，見到八幡屋涮涮鍋 (旺角)🍲 有推廣優惠，食足150分鐘刺身海鮮火鍋🍲、澳洲M5和牛盛宴星期一至四全日買一送一，星期五六日晚市優惠二人同行一人半價，咁抵食，一定要試試佢！🤩餐廳本身會送刺身拼盤、海鮮拼盤同埋M5和牛肉拼盤，之後再order食物，可以scan QR code落單的，好方便👍🏻。有幾個雪櫃可以拎野飲🧃，仲有一個自助區，可以拎前菜、壽司、菇類菜類等。刺身拼盤有三文魚、榮螺、希靈魚、甜蝦同埋珍寶帶子，全部都好新鮮，榮螺爽口又彈牙特別清甜。呢度刺身都係任食ga🤩。有多達六款湯底供選擇，而我哋揀咗壽喜燒湯底，味道清甜。海鮮拼盤有帆立貝、海蝦、東風螺同埋海蜆等，放落湯底，增加鮮味。M5澳洲和牛最出色，脂肪分佈平均，肉味十分濃郁，口感亦好豐富。安格斯牛肩胛呈大理石花紋，肉質鮮嫩而不油膩，牛味好濃，呢兩款牛肉片可以落多幾次單，係回本之選🥳。熱食同炸物方面，我哋都嗌左唔少，炸蝦天婦羅🍤 、茄子🍆天婦羅、炸薯角，全部黎到都係熱同脆ga😍，可見係即叫即炸。燒日本番薯仔細細粒，好甜啊。必點炸香芋丸，口感好清新，令到人想食多幾粒。仲有蒜香雞中翼、汁燒菇牛卷亦

因為寶寶這星期都要加班，我早兩天已約了好友來這家▶️我一直很想吃而且非常人氣、但我倆都沒有來過的八幡屋吃火鍋💕我們今晚選了150分鐘的晚市火鍋放題C3，任食肉類有3款牛肉及2款豬肉，$368 /位❗️當中包括澳洲M5和牛及美國牛肩胛兩款上等肉類☺️此套餐還包括任食刺身及海鮮🤩任食刺身的選擇有▶️三文魚、帶子、赤蝦、赤貝、甜蝦、八爪魚、劍魚腩、鮑片、吞拿魚、希靈魚、榮螺、鯛魚、馬刀貝❣️任食海鮮的選擇有▶️海蝦、帆立貝、廣島蠔、蜆、蟶子、日本魷魚、黃金螺❗️🥢🥢🥢🥢🥢進到來餐廳，我完全感受到什麼叫做「座無虛席」🙈逢星期一至四，每晚首30名訂座的顧客可享二人同行一人半價優惠❗️而我們早了兩天訂座，店家也送了一份日本黑毛和牛給我們😁🥢🥢🥢🥢🥢除了火鍋食材及刺身外，餐廳的公用空間還放有日式前菜、沙律、小食、炸物、壽司、火鍋醬料、火鍋丸類、麵食、甜品、雪糕、飲品等給大家自助❣️燒物、追加肉類、追加刺身及海鮮等，可掃描枱號二維碼下單🤓🥢🥢🥢🥢🥢飲品方面除了冷飲、熱飲等，竟然還有清酒及梅酒可任點任飲👍🏻對於愛喝酒的食客來說，真的是福音🥳🍶🍶🍶所有食品飲品都一應俱全💗而且整體來說，比一般放題店衛生，火鍋配料大都保存在凍

大熱天時火鍋控朋友約我食晏，仲要係平日weekday，話有抵食美味買一送一嘅任食火鍋，weekday 中午食火鍋呢啲咁過分嘅行為，梗係要奉陪啦😆叫咗$368 一位嘅「150分鐘成人（澳洲M5和牛）（平日）」，買一送一，原來午餐同晚餐係同樣價錢😆除咗澳洲M5和牛，仲有超多嘢食，例如：美國進口牛肉、安格斯牛肩胛、美國黑豚片 等；海鮮有：廣島蠔、蜆、海蝦、蟶子、帆立貝、日本魷魚、東風螺 等；仲有好多魚生：三文魚、吞拿魚、帶子、甜蝦、八爪魚、珍寶帶子、赤蝦 等；仲有其他蔬菜、壽司、小食、雪糕、汽水 等；真係多到食唔晒😆呢度嘅食物基本上都幾新鮮幾好味，主角「澳洲M5和牛」肉質偏瘦，有幾濃郁嘅牛味，食落感覺健康😋。平日買一送一真係好抵食，所以呢日食晏時間都見到有頗多客人😋