八幡屋日本料理 (已結業)

✿╮❤╭✿ ✿雜感女生 好味日記✿ ˚*•✰。八幡屋日本料理．激抵放題食龍蝦！。✰•*˚ ✿✿舌尖上的旺角✿✿ ❤餓底飯聚．食勻全世界❤ ❤ 一家好的放題店，一定可以令人去完又去 一食到抵！吃的是款式、味道、心思 吃放題我一向會升級，因為可以無限量點食最貴的選擇 今次和朋友去食八幡屋，又有驚喜！ 八幡屋的放題菜式會不時更新，有新意有特色 今次只要是升級的話，就會送龍蝦！ 抵到呢！ 升級真的超抵食，加$60就可以任食生蠔、珍寶赤蝦刺身 金目鯛、澳洲和牛壽司、黑松露鵝軍帶子壽司！ 更有放題少見的小食：味醂魚乾、海鮮燉湯 當然要每款來一件試試！ 放題：送．龍．蝦！ 上台的一刻，本小姐震驚了！ 平時芝士焗龍蝦都要上百元一隻 雖然送的這碟不算超大隻，卻是足料厚肉又新鮮 芝士與蝦汁難分難解！好滋味呢！ 原來，陽光，真的很好飲！ 這裡除有韓式果汁，更有最近又HIT起來的陽光蜜瓜奶 太有童年回憶了！正！ 除了自助式飲品，更有超多選擇的放題紙，令人一見傾心啦！ 老實說，這裡的日式的燉湯與日式蒸蛋都頗有水準 而炸物、燒物都極有特色 胃口如脫繮野馬，奔馳在不同的美食之間 忙於點菜的朋友，繼

D嘢食嚟得超慢，點左好多次單都只係得個一兩樣野食嚟到，啲嘢食一係就好遲有，一係就留單，仲要叫我地重新點多次，擺明不停拖，完全唔抵食，叫侍應追追啲野都只係話幫我地睇吓之後都有冇左下文

位於旺角的，是一間曰本放題餐廳。時曰經過旺角，心血來潮想吃下放題放肆一下吧。雖然獨自一個人來，但餐廳有不少人也是獨獨吃，即刻感覺良好呢，哈哈。餐牌紙有A-J張，由刺身至甜品，仼勻選擇哦。刺身方面，我選擇三文魚，北海道帶子，赤目鯛，虎蝦等等。帶子切成粒狀，囗感軟腍。赤目鯛囗感爽囗結實。三文魚魚肉嫩滑，沒有雪味。由於我是壽司和米飯控，一共選擇二十多件壽司填填肚子哦。第一排: (左起)花之戀，黑松露吞拿魚，黑松露 油甘魚黑松露帶子。第二排: 玉子，鰻魚，火炙胡麻三文魚，火炙松葉蟹棒。花之戀是每次去放題必點的壽司，沙律醬，蟹子，三文魚是絶妙配搭。黑松露和刺身是新頴的組合，但個人較愛其他壽司。玉子壽司，玉子雖較結實，但甜度濕潤度充足，很美味吧。鰻魚壽司，鰻魚醬汁濃香，甜蜜惹味。火炙系列的壽司是我至愛，燒後帶有微微焦香，配以胡麻醬的三文魚更加惹味。最後追加軟殼蟹手卷一客。雖然今天自已獨自吃，但獨自享受壽司放題，其實也不錯呢。

原本去到兆萬樓下，已經好多人係到SELL放題，跟住咪試下上黎OPENRICE睇下食評邊間多人食邊間正啲啦，咁就中左伏。有讚有彈，首先讚下先啦。服務態度唔錯，舉手啲侍應都會好快過黎同埋好有禮貌，仲有如果有啲野食係賣哂都會通知返聲，呢一點係唔錯。食物質素有好有壞，但百五蚊呢個價錢食放題仲想要幾高質素，如果唔太離譜我都接受得到。除左個海鮮鍋！大伏！得兩隻蟶子，同隻乜都冇既花蟹做裝飾，其他全部係菜！！另外特別要講既係上菜方面，食得放題就遇左會有漏單，但我想講，呢間既問題唔係漏單，而係上菜極之慢。我入座個陣就叫左個海鮮鍋，坐左四十分鐘都未黎，咁就問下啲侍應啦。佢又話張單仲係到整緊喎，咁咪等囉，廢時一陣再叫又黎左兩個就食唔哂啦。好啦等等等左成個鐘，終於黎喇，仲以為整左成粒鐘有幾巴閉，點知全部都係菜。食物選擇其實亦都唔多，比起兆萬其他既放題黎講。而且我入座既時候大概九點三十分到，想嗌甜品都已經冇左兩款。我見食評有咁多，又有咁多人話OK咁咪黎試囉，點知咁令我失望，真係要特登開個AC黎留返個食評。＊＊＊但服務態度真係唔差，呢一方面真係要讚下

其實我係第一次寫，係我個人觀感!首先入到去寫劃飛仔，照舊都係先點刺生，入咗紙一陣就到，都幾快、刺生都OK，跟住就劃燒物，唔劃由自可，一劃就中招，等咗大約20分鐘都冇嚟，跟住再劃又冇嚟，唯有劃刺生食住先，刺生好快到，然後再劃燒物同其他熟食，一樣有去無回，等四次劃燒物去，之後就嚟再少少熟食，係熟食並唔係燒物，大約個半鐘奇蹟出現，有燒物到，2個鐘時段個半鐘至嚟，真係冇得頂，仲係唔多掂果隻，只有求其劃啲熟食填肚，味道....算吧喇，唯一可取就係服務態度，點都會答你:同你跟或寫過張我同你遞，聽落去幾舒服!

旺角區有好多放題食肆，間間好似差唔多樣，點先至可以揀到一間款式又多，味道又唔差既放題。今日去咗八幡屋涮涮鍋，佢符合晒以上要求，大家可以去試下 👍依間主打食涮涮鍋你巴既餐廳，勁多火鍋材料俾你揀。佢仲有串燒，壽司，刺身，tempura 俾你任食。每人都只係由hkd188至468不等，視乎你order咩種類黎既牛肉黎涮涮。圖上是特選美國牛肉，人頭收費hkd 208😊價廉物美，經濟不景氣下，依間真係首選👍

話說上星期約左朋友出去行街食飯，但就遇著風球，為左唔想掃興行唔到街，就去食日本放題，今次再次黎到這間，價錢合理食物味道平均都唔錯，所以繼續去幫襯！這裡位於旺角兆萬中心9樓，佔全層，坐位都不算太迫，但如果一次過點叫太多食物，枱面應該冇咩多餘位可以放～而價錢收費就係按日子及時段計算！ 這裡是以放題形式為主，跟大部份的放題一樣，枱上備有厚厚的點單紙，款式十分多樣化，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！另加HK$60可以升級體驗其他升級食物，點菜單比之前有所不同，轉換了一些新食物，甜品有心太軟添呀！先來一客開胃冷盤沙律～和風凍蕃茄沙律：清新爽口的沙律菜配搭了新鮮的蕃茄片，混有微酸的和風沙律汁，特別開胃爽口！胡麻冷豆腐：質感滑滑的凍豆腐加上微酸香口的芝麻汁，好醒胃～刺身：分別點了有三文魚、劍魚腩、北海道帶子、吞拿魚、油甘魚（升級體驗）等，擺設都十分用心吸晴～而刺身下面有放著不少冰塊，將刺身冰鎮，令刺身保持新鮮，而刺身擺碟都十分用心～三文魚刺身很新鮮厚身，啖啖肉，亦都無雪味，三文魚味濃郁～而其他的都好新鮮，而且是厚切，十分滋味～壽司系列：升級體驗－

前排同朋友嘅聚會去咗八幡屋食放題~ 餐廳唔算大，地方一眼睇晒~ 我地5:30pm入座，冇乜人 haha坐低之後即刻叫咗刺身拼盤~ 可能期望太高，所以同現實有d落差~ 除咗三文魚之外，其他刺身都比較迷你，但味道新鮮度係ok嘅 (三文魚同蝦好味)，所以叫咗兩轉~ 當然都有叫壽司，都好味嘅~刺身壽司之外，其他熟食就一般般冇乜驚喜~ 除咗個蟹粥，個粥幾鮮味 我地4個人share一鍋仔，每人食到一小碗，所以要叫多鍋先夠喉 haha值得一提嘅係，有訂座優惠可以免費揀一樣指定嘅食物，我地全部都揀咗生蠔，好~好~味! 可惜佢係升級食物，放題要加錢先有得叫~ 如果大家都係訂座真係推薦揀生蠔~~

星期日中午同朋友去旺角食放題，無訂位，12點WALK IN有位，正！開放式廚房，感覺上應該乾淨D。食物方面，第一盤魚生整整齊齊大大舊亦好新鮮，唔錯！朋友鍾意食飯，點左好多壽司，我只係試左鰻魚同火灸胡麻三文魚壽司，兩件都唔錯！黃金焗蠔雖然唔算大隻，芝士味唔重，但焗得幾香，估唔到放題都有得食，而且店家唔”姑寒”，唔會炸炸帝漏單或者好慢先上菜，我食左三隻，滿足！但芝士大蝦金龍船就普普通通，D蝦焗得太韌而且唔入味，浪費左。第二盤壽司，有砌得好求其。甜品選擇都幾多，除左雪糕、大福、焦糖菠蘿同泡芙，仲有富士蘋果一口大福同荔技糯米磁，值得留肚食多幾件！至於櫻花水信玄餅，賣相唔錯，味道清淡，唔食甜品既人都可以一試！ 

同朋友都未試過去兆萬食野，今次第一次，結果中伏呢次經驗係比較耐之前，但之後見人在講起呢間野，就想將之前嘅經歷比大家知道，希望大家可以做個參考。首先我地本來係打電話佢book枱，問好價錢先去食，點知到頭來比錢嘅時候就唔同咗價，個時已經再三確認個價錢，但坐咗落去之後又唔同咗，跟住d staff同我拗話佢地入座時候已經有講過個價錢，但如果係咁我地三個人6隻耳聽唔到？而且當時無疑問？跟住最後唯有就比個貴嘅價啦。D staff嘅溝通好有問題，其實我前後打過2次電話比佢地，一次bk，一次check翻個booking，我都有問價錢，但最後佢地比張單嘅竟然比先前嘅貴咗...咁樣真係同呃錢無分別。講到食物，其實有d野食係ok唔錯，但係d魚生就好似無味咁，d炸蠔就未熟好腥..食物都其次，但佢地傳菜嘅速度真係好慢，大概都催咗2-3次先可以黎到一張單嘅食物，講緊嘅一張單唔係第一次落單嘅所有食物，而係一個食物類別嘅單，即係催咗幾次先黎d壽司，之後又等好耐...連攞汽水都要等一陣...真係唔知d staff係度做咩明明放題得大概2個鐘食，但第一次落單都等好耐，漏單嘅問題又嚴重，無一次黎得齊5成...真係要講一句癡

之間係fb見有blogger介紹有得自製章魚小丸子，又有得食鵝肝多士，見有得食又有得玩，襯朋友生日就嚟試下啦。刺身麻麻地，唔太新鮮，特別係劍魚腩，腥到我食唔到。壽司都好一般，好多blogger介紹嘅都無。其他熟食都好普通，無乜邊樣係一試難忘嘅！唯一ok嘅係個蟹粥，但唔記得影相。因太飽無食到甜品。仲要係咁漏單，好幾樣食物都無嚟到，飲品選擇都唔算多。另外，地方好逼，要左閃右避先去到拎嘢飲。總結$251食呢啲我覺得唔太物超所值如想試玩章魚小丸子都可一試嘅，但要訂位先有，walk in係無㗎！

經朋友介紹，去了御 八幡屋食放題，食物款式選擇多，環境闊大寬鬆，室內空氣都算流通，呢間放題設有bbq設施在每一張枱上給我們使用可能會有啲油煙，但係佢嘅抽風系統不錯，不會有太大影響。服務態度方面，員工服務態度值得一讚，員工會主動幫忙燒$50精讚推介的食物，而且上菜的速度亦非常快。😎👍🏻👏🏻👏🏻👏🏻👏🏻食物方面，食物款式眾多，有前菜、刺身、燒物、炸物、+$50精選推介的食物等等......首先我地點左前菜，有墨魚嘴，中華沙律等等，味道酸酸甜甜，十分開胃，打算食完沙律之後，等陣有胃口繼續食其他既食物。😍😍😍😍黎到食放題，刺身一定係其中一款必點既食物，例如：吞拿魚、三文魚、象拔蚌、希靈魚、甜蝦、虎蝦、鮑片、帶子等等都十分鮮甜新鮮，另外我自己本身都好怕食到有腥味既刺身，但係御八幡屋既刺身沒有任何魚腥的味道，容易入口。🍣🍣👍🏻😋另外，今次我地仲加左$50精選推介食物，當中有鹽燒特大虎蝦、鹽燒特大仙貝，再加上少少椒鹽的配答，非常美味可口，仲有燒原隻蟹蓋配上千島沙律醬，係其他放題暫時未見到依款食物，所以建議大家黎御 八幡屋試試。🤡🤡🤡🙋🏻我自己本身好怕食生蠔😩，因為好多餐廳處理生蠔既時候吾夠乾淨，所以

星期六放假，天氣同心情都唔錯，就book咗呢間野食放題，見到喺open rice 話網上訂座有優惠（送一樣小食，有蠔、海膽、蝦、雪糕等），咁就book咗7點。上到去講咗有book枱，職員帶入去安排坐喺廚房門口對面，咁我見到係唔full嘅，仲有幾張枱“吉”嘅，我就問職員可唔可以換枱，但個職員話冇枱啦，好!可能其他人book咗。點知過咗一陣，有張足夠坐4-6人嘅枱居然得2個人坐!好!坐位呢啲就由佢啦，可能食物幾好呢。剔咗幾張紙俾職員，寫住推介嘅都剔咗，等左5分鐘先黎幾樣熟食，味道一般，食完等左15分鐘都未嚟生嘅，我諗佢可能漏咗，咁我再剔紙，今次又係熟食先嚟，唯一值得講嘅係鹽燒牛舌，係難食到唔識用言語形容！放唔入口㗎！食物難食已經無法饒恕，衞生都未如理想！有小動物喺地下爬過！見到咁嘅情況終於忍唔到埋單走人，由入去坐低到走只係用咗半個鐘！可能係我唔好彩啦，絕對冇下次啦！因為實在係太差啦，冇心情影相啊！

放題癮起就決定同朋友搵一晚去食 之前食過八幡屋返尋味 今次帶朋友去食啦！因為book定枱所以一去到就可以入座 入座前餐廳服務員問我地升唔升級 加錢有生蠔 油甘魚刺身 珍寶赤蝦等等任食⋯⋯咁抵就緊係升級啦😍入到去位置都幾闊落 唔會同隔離枱既人手碰手👍🏻坐低就即刻睇下有咩食 刺身都幾多選擇 三文魚刺身必點😌 切得都幾厚身劍魚腩刺身有驚喜 有微微油脂 肥美象拔蚌刺身比較少見 而且好鮮甜爽口赤蝦大隻厚實除左刺身我地仲叫左壽司、手卷 海膽手卷雖然細細件但海膽份量完全唔少 而且好鮮甜creamy😋😋蟹棒壽司 火灸芝士熟蝦壽司 火灸左口魚壽司 壽司飯細細舊唔會好飽肚熟食我地就order左芝麻雞翼 雞全翼炸得好香脆 但入面好多肉汁好嫰滑 我同朋友都encore左兩次😝天婦羅款式好多 食落好脆 仲叫左羊架 牛柳粒 肉質厚實！唔夠喉我地仲叫左蕎麥麵 凍食麵質彈牙食到飽晒但都要填滿第二個胃 甜品除左雪條糯米糍基本既 竟然有櫻花水玄信餅😍好Q好滑 飲品自取 款式好多而且仲可以任飲韓國啤酒 下次要帶其他朋友再食

早排去兆萬食放題，睇到下面有好多人派傳單，見呢間好似幾多野食就揀左呢間八幡屋。一入到去環境都幾乾淨，望落都幾寬敞，唔洗同人搭枱，可以一次過嗌多啲野食都無所謂。一打開個menu真係好多野揀，先講下啲前菜，淨係湯都有好多款，中西日式既湯都有，沙律都有三，四款，味道唔錯，好易入口。魚生有好款，有成十種，食落幾新鮮，我地寫既數量都有俾啱。三文魚同希靈魚都好鮮甜，一啲都唔腥。之後我地試左熟食，羊架既size啱啱好，足料得黎又唔會太大件，唔洗食完之後又撐左半個胃，食唔到其他野味道方面都啱啱好，唔太咸又唔太羶。啲燒物全部都細細件，牛舌，雞軟骨啲份量唔太多，雖然有少少咸但雞軟骨都好脆好爽口，所以之後我地又再嗌多左幾份。之後我地試試下就見到有張升級既menu，只係加幾十蚊就食到，仲要試到生蠔同油甘魚刺身！所以就升級左！我地試哂所有升級menu既食物，有和牛，金目鯛壽司，個和牛壽司好生，啱哂我地兩個啲口味，因為生既牛先覺得佢地好fresh好新鮮！之後食左油甘魚刺身，同其他放題食既完全唔同，呢個鮮味好多同幾有油香味！忍唔住追加左幾次！仲有啲生蠔都好高質好大隻仲好新鮮同好甜，唔係嗰種好重海水味既生蠔！值得推介