八幡屋日本料理 (已結業)

之間係fb見有blogger介紹有得自製章魚小丸子，又有得食鵝肝多士，見有得食又有得玩，襯朋友生日就嚟試下啦。刺身麻麻地，唔太新鮮，特別係劍魚腩，腥到我食唔到。壽司都好一般，好多blogger介紹嘅都無。其他熟食都好普通，無乜邊樣係一試難忘嘅！唯一ok嘅係個蟹粥，但唔記得影相。因太飽無食到甜品。仲要係咁漏單，好幾樣食物都無嚟到，飲品選擇都唔算多。另外，地方好逼，要左閃右避先去到拎嘢飲。總結$251食呢啲我覺得唔太物超所值如想試玩章魚小丸子都可一試嘅，但要訂位先有，walk in係無㗎！