全記海鮮菜館

营业中

休息中

其實想試全記好耐，見今日係777，就駕車入去試吓，點了二人套餐，有七樣海鮮揀四樣，我地揀咗：1. 芝士焗龍蝦伊麵底(芝士味唔夠濃，得一隻龍蝦切開兩邊，伊麵份量足夠兩個人食)2. 清蒸海上鮮(我都唔知係乜野魚，但味道尚可)3. 鮑魚仔(每人兩隻，好細隻，唔得)4. 薑蔥炒蟹(呢樣最唔好食，我食咗一舊就冇再食)仲有蒜蓉炒西蘭花同埋糖水/生果盆，我地點咗生果盆，有五件西瓜食。埋計348元，唔計加一及茶芥。

　　禽晚我同屋企人一行五人來了這間全記新店食晚飯，我們選擇坐店裏的近窗位置，可能是平日，不用等位就可入坐。　　環境方面，新裝修，算豪華，幾張枱為一個小角落，不會太嘈，總括算乾淨舒適。　　食物方面，我們叫了一個二人餐（可於指定菜式裏自選四款海鮮餸＋一款炒菜），另叫了一客炸美國蠔。本來也以為二人餐的份量不夠五人吃，諗住中段先再加餸，但最後沒加餸之餘，還有餸要打包^0^。上菜速度算快，首先來的是椒鹽鮮魷，味道可以，是油膩了點，但有醋點來食；之後來一客龍蝦伊麵底，我0地覺得呢個好好食，龍蝦及伊麵的份量都夠我0地五人食，現在諗起都想再食*0*；跟住來一碟蒜蓉炒西蘭花，不特別，但都好味；來到第四碟係薑葱炒蟹，我掛住食其他餸，無試到呢款；第五碟係炸美國蠔，Ｄ蠔好大隻呀，一隻有一個拳頭噤大呀！～又肥美、又好味！～最尾一款係薑葱蒸倉魚，都好食，肉質鮮嫩，烹調時間剛剛好。經過一番努力，我們已吃不下炒蟹了，唯有拎返屋企，留待下餐再品嚐。最後還有糖水送，但我不知那是什麼名堂，像是冰糖薏米糖水那類，普普通通啦！　　服務方面，不過不失啦，我覺得他們有些侍應不太有禮貌，例如：我0地其中一人記得之前好似食過一個$4X

5月12日,我和同事一同到西貢全記食晚餐(一行十人)book 6:30, 由於有老闆照，所以試下這間。我們叫了1.白灼蝦---大隻，2斤蝦好似上左1斤半only...??2.果皮清蒸小鮑魚---幾好味3.魷魚(兩食:椒鹽)---幾好味4.魷魚(兩食:刺身)---(我無食生野，賣相幾好)5.龍蝦---3斤好似上左2斤only...??6.蒜泥粉絲蒸聖子---幾好味7.辣酒煮花螺---唔太辣，幾好8.椒鹽賴尿蝦-味道好好送炒蜆，果盤(西瓜only)味道ok、新鮮、無味精，但服務不太好，催人埋單(幾次)，每味菜以人頭計，很貴；若無老闆照一定唔食這一間十人埋單三千八百二十元

兼併中泰舊位o既全記，豪裝後重開，試試茶市水準。外面豪裝但裏面仲係舊式管理，地方唔算乾淨，廁所濕漉漉。點心麻麻地，叫o左燒買/蝦餃/咸水角/腸粉，做唔返舊式點心o既滋味，唔知係材料定師傅啦；唯獨價錢幾公道。好懷念以中泰o既點心...

先旨聲明，小弟是第一次在西貢食海鮮，由於是次是宴請四位女孩子，故一早到開飯網取料，希望可以不會賠了夫人又折兵，見這間店十個評論竟無人投訴，所以大膽一試。另外，小弟日常只會去茶餐廳，是以絕不知道海鮮的價值。今次共有五個人（一男四女）到該店吃海鮮，由於女士們要選海鮮，故沒有吃套餐。菜式如下：蒜泥粉絲蒸扇貝（五隻），味道一般，不太夠味。白灼蝦（一斤），非常新鮮，剛剛熟，火候掌握得好。果皮清蒸小鮑魚（十隻），和一般酒家差不多。薑蔥蟹（一斤多一點、一隻），不夠鑊氣，不夠和味。豉椒炒蟶子（一斤），還好，但沒驚喜。辣酒煮跳螺（一斤），跳螺本身有一種滑澀澀的味道，不是人人可以接受，一般。蒜泥炒西蘭花（例），和一般酒家差不多。麻辣鴨舌（例），女孩子很愛吃，要了兩碟，我就覺得一般。另送：紅豆沙，頗佳，十分有果皮味，也不太過濃稠，算是恰到好處。西瓜，夠甜，夠凍，十分好。裝潢只能說是金碧輝煌，聽夥計說剛剛裝裝了。服務也很好，最少沒見到白鴿眼，服務亦殷勤。連兩支大藍妺，四支細樽裝汽水，一罐檸檬綠茶，沒叫飯。共銀一千二百七十二元正，不知算是貴還是平，女孩們稱飽極，我則三分之一飽吧！她們說這店不錯，很滿意！我則覺得

一家4口黎食飯，順道補祝老公生日。一共點了5樣海鮮，另加湯、炒菜和炒飯。湯係海星螺頭煲藥材，夠火喉，好飲。海星無特別味道，當然係桌頭，但交足功\課，有隻海星腳在湯渣中。主打海鮮如下1) 海膽刺身- 新鮮甜美，食得過;(2) 蒜蓉粉絲蒸聖子- 蒸的時間剛好，聖子好彈牙，可惜蚝油汁太淡;(3) 清蒸鮑魚- 鮑魚好大隻，口感好好，如果再鮮甜d就perfect;(4) 辣酒煮花螺- 螺算好大隻，唔太辣，幾好;(5) 椒鹽賴尿蝦- 味道好，不過細隻d;個楊州炒飯就差d，淡了點，鑊氣唔夠，好似無炒過。極體來講幾抵食，海鮮貨夠新鮮，選擇多，好過近巴士站間。

came to this restuarant mainly because of the Malaysian and US colleague who visited Hong Kong the first time and asked for seafood.They are impressed by the aquarium in front of the restaurant, and it was really a good experience for them to pick and choose what they want for dinner!we had:1. 辣酒煮東風螺2. 椒鹽瀨尿蝦3. 鼓椒大聖子4. 避風塘炒蟹5. 白灼基圍蝦6. 清蒸東星斑7. 蒜蓉炒白菜仔8. 炒飯all are so fresh and good except 東風螺.Total: HK$1500, not cheap la!

套餐包括:-(九選七)(1) 蒜蓉粉絲蒸扇貝(OK)(2) 蒸鮑魚仔(under average)(3) 芝士龍蝦伊麵(OK)(4) 炸墨魚(average)(5) 清蒸海上鮮(very good)(6) 白焯蝦(very good)(7) 椒鹽賴尿蝦(very good)另送鹽水雞腳(very good) 及西瓜一碟再加叫兩個紅燒豆腐(excellent), 半隻雞(ok), 一碟腐乳生菜(okay), 五個白飯我地十人share, 食到好飽, 仲有半碟炸墨魚take-away!有三個朋友特別開心, 因為在中國工作無o尼d食!我地仲自己用私伙開瓶器開左兩支紅白酒!

係西貢食seafood雖然出名,但未必間間整得好食,有d重好差,有次食套餐,d白灼蝦"梅"嘅,有次食蟹,d肉"林gi gi",但全記水準算好穩定,椒盬尿蝦必食,羗葱蟹都掂,炒蜆、蒸魚都好好味,炒時菜都好有wok氣,蒜茸蒸扇貝好惹味,唔錯,不過最好唔好叫套餐,自己去揀海鮮,d料正d嘛!

日本同事想吃海鮮，去過鯉魚門，今次去西貢。西貢我都算熟。揀了全記總店。7人點了：- 椒鹽瀨尿蝦- 豆豉蒸鮑魚仔- 芝士龍蝦伊麵底- 清蒸老虎斑- 蒜蓉粉絲蒸扇貝- 全記炒飯- 海鮮豆腐湯- 蒜蓉白菜海鮮非常新鮮，火候判斷拿捏準確，捧上桌時熱辣辣。龍蝦肉、瀨尿蝦肉彈牙。老虎斑肉嫩味鮮，魚汁撈飯一流。扇貝煮得剛熟，粉絲吸盡精華。所有海鮮吃得一乾二淨。日本同事吃慣佳肴，對海鮮大讚。埋單二千多元，免加一茶芥，非常抵食，服務周到。還有值得一讚是揀海鮮的哥哥，幫我們荷包想，我們本來要星斑，但他說星斑這期貴，推介老虎斑。又替我們估計食物份量，免得點太少不夠食失禮，太多浪費。充份享受了一餐。

以前拍拖都無乜野好做，為食的我都係提議到不同地方吃飯。沒有試過兩個人吃海鮮餐，於是去年5月的其中一天便特地到了西頁吃溫馨二人世界套餐啦！套餐的食物如下：薑蔥炒蟹上湯龍蝦伊麵底白卓蝦鮮鮑魚對海鮮沒有特別研究，但很喜歡吃呢！我想全記也是一個一不錯的選擇呢！

游完水已經好肚餓,有人提意去食海鮮.其實我都冇0係呢頭食過,多數都係買返屋企自己整.因為直覺得貴,唔抵食.一行六人左格右格,發覺呢度係比較抵食,就揀左呢樹.六個人要左一個四人餐,可以有五款海鮮揀,一碟油菜同甜品送.另外再加多兩樣海鮮.芝士焗龍蝦伊麵底,個汁都幾好味.龍蝦肉都爽口.不過d麵似乎少左d.唔係好夠食.薑蔥炒蟹,普通,冇咩特別.椒鹽墨魚,好大碟.d墨魚好爽,好彈牙.不過椒鹽唔多夠.而且少少熱氣呢.椒鹽瀨尿蝦,好大隻,好多肉.另外叫0既豉椒少蟶子,又係好大隻.個豉椒汁好味,撈飯一流.辣酒煮花螺.唔係好夠辣,但好有酒味.不過d螺肉都幾大粒.油菜,好普通.送0既甜品,唔知係咩呢.好甜,有點難食.基本上呢個係4人份量,但都好足,6個人食都好夠.而且我地extra叫果兩味海鮮,都係count4人錢.咁又幾好喎.仲有呢度係免茶芥加一,埋單一千多d.幾抵.

o黎西貢食海鮮好似係指定動作，游完水個個都好肚餓，所以大家諗都唔諗叫套餐，不過個8人套餐係11選7款海鮮，加一碟油菜、一碟雞沙薑腳同糖水。先o黎個雞腳，可能大家都肚餓，覺好入味又唔咸：跟住係白灼蝦，又係好大碟而且唔係蝦毛仔，szie唔細；川辣泡墨魚味道以泰式多d，夠辣我鍾意。芝士焗龍蝦唔夠芝士味，唔係好得；蒸鮑魚仔每人兩食，每隻都幾大隻o下；豉椒炒蜆味道有別於一般炒蜆；清蒸紅魚有兩大條，肉質尚算滑；另外白灼跳螺，大家都好難用竹籤”篤”佢出o黎，驚唔熟本來叫佢煮過，後來話可以俾我o地換碟小菜，最後揀o左椒鹽瀨尿蝦，我好飽冇食到，佢o地話味道不錯，不過唔夠脆。連埋啤酒汽水再另加一碟油菜，埋單$1570，唔係貴，而且份量好足，個個都抱住個肚走。

講到Seafood,本人都係prefer 入南丫島..可以一邊食海鮮之餘欣賞感受離島風情。<br>因為男友家人的邀請..而第一次到西貢食海鮮..全記都唔錯。<br>推介:<br>1.油鹽水蜆<br>2.椒鹽賴尿蝦<br>3.Spicy東風螺<br>雖然貴D..但係絕對交足貨..唔會好似"漢X 龍蝦大王" 咁抽水( 偷工減料)<br>Well,可惜我地叫左隻墨魚刺身...到我地想埋單先黎~!!!

我認為最好是墨魚剌身<br>仲有椒鹽瀨罪尿蝦一定要試<br>仲有想見明星必去