全記海鮮菜館

营业中

休息中

上週末去了新裝修完的全記，7點幾到，門口已經好多人等緊。好彩天氣小小熱，好多人唔中意坐室外位，所以選咗坐出邊，不用等，雖然小小熱，不過可以接受。是日與朋友total兩個人，想每樣試小小，試多幾個送。order咗白灼蝦，蝦不大，但是好新鮮好甜。象拔蚌生食，超甜，因爲個日只象拔蚌比較大只，頭拿去煲粥，都幾好味。最得我心的是椒鹽瀨尿蝦，啖啖肉，椒鹽中加咗D辣椒粉，超級好味。辣酒花螺OK,可能係食飽嘎關係，覺得唔係太特別。感覺呢味送比較適合飲酒慢慢嘆。好滿足的一餐，今個周末叫上其他朋友，再去，今次應該可以試到更加多o野。

可能係因為識得人的關係 ( 唔係我識，係另一個 party 既人識 )所以服務唔錯 ! (eg. 話要張 chair 擺野佢好快手就囉黎，又好勤力換碟，見到有老人家又會講句「好聲行」)食物方面花生雞腳湯 ( 問我地想唔想食埋 d 湯渣，我地話想，佢就會擺上台俾我地食 )我唔係太識欣賞，味道一般啦。海膽刺身 - 16 人入面，唔係太多人敢食。因為怕唔 clean ~ 雖然我都驚，因為我腸胃好差，但我太喜歡吃海膽了。冒死吃了一舊，味道一般，唔算難食但亦都唔鮮甜得去邊，所以食左一舊無食 lu。 ( 番到屋企無肚柯 ^^ )椒鹽賴尿蝦 - 我無食到，因為我唔食辣野。但聽番其他人講都好似唔錯扇貝 - 有少少失望，因為我幾鐘意食扇貝。肉質唔錯但唔夠鮮甜。粉絲亦都唔好食，屋企整仲好味過佢 !炒蜆- Free ~ 送 ge ! 不過 below average ! 無咩肉，又唔鮮菜 - OK，但屋企都整到咁既水準龍蝦 - 全晚最好味 ! D 肉夠彈牙又鮮味 ! 鮮魷 - 我只係食左一舊，但因為小辣的，所以我好快就格硬吞左，未有機會試真個質感聖子 - 都係辣的，但幾好味，幾鮮 ! 值得一試 ( 但我只係

我和三個同事 + 一個小朋友, 合共四大一小在6/28晚到了西貢食海鮮, 好多舖頭都有SELL我地, 結果我地選了全記, 因為有同事食過話OK. 四人套餐六百九十幾蚊, 包五個海鮮及生果糖水, 茶芥加一全免, 樓下sell o既阿姐落足咀頭係咁話絕無取巧~ 我地選了清蒸鮑魚仔, 總共有八隻, 細細隻都幾有咬口, 點豉油加埋薑蔥一齊食好正! 另外選了芝士龍蝦伊麵, D汁好香濃!好好味呀! 好多龍蝦呀, 隻鉗仲好大隻, 我地一路食一路話好幸福呀! 仲叫左椒鹽瀨尿蝦, 好大隻, 好多肉, 同事用較剪幫我起肉! 之後又揀左蒸魚, 係黃立倉, 不過有點o鞋, 但我地都掃晒, 哈哈! 最後係選左椒鹽鮮墨魚, 佢話唔係魷魚喎, 上檯即食好正好香, 一凍了就淋晒啦! 另外自費了燒鵝例牌$68, 都幾大碟, 好脆皮, 好有深井feel, 最後亦落門口揀海鮮, 自費了冬風螺, $96/斤, 另加煮功四個人約四十幾蚊, li味餸都幾貴, 一斤只有約二十粒, 雖然我好鍾意食, 但食落好似感覺好大泥味, 好似唔係好乾淨咁, 但好彩都冇肚痛. 見到隔離檯叫了龍蝦刺身, 偷拍左一張! 另外西瓜汁一百蚊一楂, 佢話係

環境靚左好多... grand 左... 食物.. 同以往差好不多沙薑雞腳: 有驚喜... 好入味上湯龍蝦: 新鮮. 慣常味道粉絲蒸扇貝: 慣常味道辣酒花螺: 好味.. 個汁不錯椒鹽瀨尿蝦: 好味.. 個人必選清蒸東星.. 新鮮好味海膽炒飯.. 一板海膽加上炒飯.. 不太覺有海膽味.. 不過炒飯.. 炒得好.. 乾身香口

橫風橫雨, 一行13人去左西貢食海鮮白灼蝦: 無甚特別白切雞: 不錯, 夠咸, 雞肉也滑豉油王鮑魚: 甘甘地既... 又難咬開...蒜蓉粉絲蒸扇貝: 扇貝肉有咬口, 配蒜蓉粉絲很香辣酒花螺: 很夠辣, 螺肉味道尚可豉椒炒蜆: 蜆肉很細, 不過炒得幾入味游水海班: 蒸得o岩o岩好, 魚肉唔鞋口, 幾好味椒鹽鮮魷: 炒得好香口! 唔想食咁多炸野都忍唔住食多幾舊...干燒伊麵同炒飯: ok啦, 不過不失炒生菜: 唔錯喎, 個獻打得幾好服務ok, 侍應經常換碟, 地方也幾乾淨每人200蚊, 可以接受

啱啱同老婆去完全記，食到一肚氣。叫咗兩隻椒鹽瀨尿蝦，豉椒炒聖子，椒絲腐乳通菜，全記特式炒飯。椒鹽瀨尿蝦冇蒜溶，唔野味，豉椒炒聖子冇鑊氣，啲汁又唔好味，碟炒飯太乾身又冇料，得幾隻蝦同一啲碎到睇唔倒嘅义燒，認真偷工減料。椒絲腐乳通菜吹咗伙記5次先至有。埋車650蚊，好唔底，話過冇下次！

服務，比之前的差多了．上了２樓．無開冷氣似的。之後格離一枱打邊爐.佢就開冷氣.我想.......那時應該有12度。我地叫左龍蝦刺身＋上湯２食和海膽｛即開的！ｏｍｇ！！！！！！！！｝好好味．．．．．．．．．．．．．．．爸媽似乎是為了點ｗａｓａｂｉ才吃刺身啊。其他，都成了配角。５人食了２８００蚊。我們明天要煮白粥。

去過老鼠洲同東涌食海鮮今次一行6人食下西貢海鮮都唔錯WOR...見好多人係門口排隊..心想..好睇早D黎& BOOK 左位~~大家決定唔食套餐...服務都唔錯...個挑海鮮既哥哥好好人..又唔怕我地2個女仔問來問去...我地覺得凍..個經理又幫我地閂門..又吩咐D侍應記住閂..不過就唔可以換檯豉椒聖子皇--12隻好好味又大隻YUMMY椒鹽瀨尿蝦--4隻好好味都幾大隻如果辣多少少就好喇!! 按我地既要求..有D 有蝦膏..有D 無.. ^^豉油王鮑魚仔--8隻好味又軟又香YUMMY鮮瑤柱炒西蘭花--8隻好味D 鮮瑤柱都好鮮甜WOR..蒜蓉粉絲蒸象拔蚌仔--6隻好味新鮮味道配合得剛好蒜蓉粉絲蒸扇貝--8隻普通D肉散左少少芝士龍蝦伊麵--唔係好得芝士唔香要快D食..凍左一PAT PAT 會好難食!!海膽炒飯--唔係好得同白飯差唔多味> < 失望糖水-紅豆沙FREE--唔好食...可能用左壓力煲掛?! ><一共食左3千四...一定會再去食!!

上星期六10/11,同麻雀腳(四哥、四嫂同蝦子餅)盡情吃喝(使血汗錢).血汗錢的由來源於四方城,跟麻雀腳協議每次麻雀耍樂輸家要比錢,贏家無錢袋...形成<血池>!<血池>累積有成3仟蚊,今晚可以任食任飲(我流好多血...)!我點了- 海膽一版- 雖然無北海道的噤清甜,加d"哇沙bi"同豉油"押"味無噤覺。麻辣鴨舌(小食) - 好麻辣(表面),但又不太入味!聖子皇- 豉椒炒,聖子好好好新鮮(好大隻),聖子肉彈牙爽口!大元貝- 蒜茸多粉絲蒸,元貝肉滑蒜茸味香,粉絲入味。瀨尿蝦- 椒鹽瀨尿蝦,連殼都食得,香脆肥美(重有羔)1杉班- 蒸得剛剛好(d肉重有少少黐骨),豉油味鹹甜適中。響螺- 切片油泡,口感爽脆,伴以西芹是一個不錯的配搭。魷魚- 豉油王,但不是我們所想的那樣(炒),原來是白灼後淋上豉油(由經理提議,那可能是最好的做法),味道不差,只是非我們所想。芥蘭炒牛肉-炒得很好,牛肉保持肉汁又嫩滑,芥蘭脆口又唔生(多番d菜葉就更好)。這店裝修較(舊店)堂皇,感覺也較舒服!來西貢食海鮮選擇多收費也不算昂貴,可算豐儉由人。是次連2支啤酒盛惠一仟八佰二十大元..

再來一個海鮮評, 鏡頭由南區轉入西貢.其實小弟一向對海鮮的喜好度係麻麻, 原因係懶. 又剝殼又拆骨, 好煩. 而家好點, 麻煩的海鮮有文迪代勞, 興趣也大了. 是晚見早, 就搭車入西貢食海鮮.上一次係度食海鮮已經係瑪利奧的年代. 又係那句: 印象模糊. 也記不起之前係去乜記了. 其實也無乜所為, 反正都當係新嘗試了. 到達時八點有多, 人客仲相當多. 室外就大把位, 但係天氣熱, 都係留係室內好一點, 就等了半個鐘等室內位. 一路等一路揀海鮮. 見不少人要了瀨尿蝦, 加上文迪想食, 當然揀了兩隻來吃. 另外要了聖子, 蜆同龍蝦. 兩個人要四樣食物, 好夠了.揀完海鮮就有得入坐, 係樓上的位置, 有冷氣, 都幾舒服.蒜蓉粉絲蒸聖子: 9分, 先來的係聖子, 揀了用蒜蓉粉絲去蒸. 要了四隻, 一人兩隻. 並不算係好大隻, 但份量其實都幾足夠. 係海鮮檔揀時都見到聖子係幾新鮮, 曉郁的, 果然食落口係好新鮮, 肉質夠爽, 加上入味的蒜蓉粉絲, 又不會太鹹, 係相當吸引的.豉椒炒蜆: 8分, 蜆殼跟蜆肉的比例仲算可接受, 蜆肉係無沙, 幾新鮮, 不過豉椒汁係偏鹹.芝士焗龍蝦伊麵底: 8分, 感

尋晚去左食二人套餐, 揀左蝦, 炒蜆, 鮮魷, 龍蝦.想加錢轉蟶子, 點知7點已經賣晒.可能我太天真, 以為個餐一定好正.點知都係失望而回, 除左白焯蝦同碟菜, 其他野明顯唔係即時整的, 全部都祗係暖.龍蝦祗係一隻bb龍蝦, 我寧願佢上d大龍蝦肉碎俾我好過, 碟炒蜆得小小肉, 殼就大把, 白焯蝦夠熱都算ok, 炸鮮魷就不過不失, 以$348免加一有咁多野食, 呢個價錢真係超值, 如果好似我呢d有小小要求o既人, 下次真係要散叫. 但值得一讚就係d伙計換碟都好勤下, 又有禮貌.

好耐無去西貢啦, 走入"貢"下. 到醫肚時候, 就去海旁海鮮檔巡下, 見到呢度裝修金碧輝煌, 好金好豪咁樣, 的確搶眼吸引, 就入去食二人餐.二人餐係八海鮮選四$348:1.海上鮮, 以為海上鮮有幾款魚俾我揀, 點知係規定係蒸倉魚無得改, 其實真係有少少失望, 不過條魚都算新鮮好味.2. 薑炒蟹, 細碟少少, 得幾隻蟹腳蟹鉗, 味道方面, 都炒得幾夠味入味.3. 白灼基圍蝦, 唔錯, 鮮甜.4. 蒜蓉粉絲蒸瑤柱, 扇貝就食得多, 咁樣整瑤柱就真係未食過啦, 瑤柱細細粒, 肉厚地, 味都幾香幾濃,都ok.跟餐唔包白飯, 但有菜同糖水. 要薑汁芥蘭, 唔錯wo, 睇呢度小菜都可以wo. 糖水就係海帶薏米眉豆, 個人講就麻麻啦.呢個價錢仲免加一, 服務都可以, 密密換碟, 都算抵, 味道都有保證幾穩陣lor, 但被我預期差少少. 可能都係自己唔好偷懶, 落手落腳自己揀海鮮會好味d!

差唔多成年都無寫過食評, 可能因為無遇到d好好食既野又或者好難食既野啦...直至遇到佢星期六晚睇完F1排位賽, 就同隔離果個入左西貢, 因為佢想食海鮮, 入到去都成9點鍾, 所以有位唔洗等....不過好多海鮮都開始無得選擇啦, 好似賴尿蝦咁, 得返3隻, 不過仲要係死下死下咁, 2個人最後叫左一隻2斤重(d 水草有半斤咁重) 既花蟹一隻, 最後煮成蛋白花鵰蒸蟹, 勁勁勁好食, d蛋白唔老仲好滑, d花鵰酒又o岩o岩好, 唔會太多搶左d蟹既味, 食到花鵰香之如仲食到蟹既鮮, 好!!!!半斤東風螺, 白灼, 一d都唔un, 好味半斤基圍蝦, 又係白灼, lee 個就一般啦,d 蝦頭好多都係黑色, 即係唔新鮮同自養既再黎多2隻貴花蚌….蒜蓉粉絲蒸, lee 個又係好好食…可惜叫得2隻…食完o岩o岩好, 仲可以去埋食糖水tim =D

爸媽的結婚周年紀念，去了西貢半天遊，順道食海鮮慶祝。套餐價錢雖平，但款式麻麻，而且唔會太新鮮貨式，索性自選海鮮散叫。白灼蝦-一斤的份量好對眼。蝦頭多膏、蝦肉爽甜。豉汁蟶子-大大隻蟶子，肉地夠爽不會韌，可惜豆豉過重，蓋過本身的鮮味。煮法始終不及鯉魚門。白灼跳螺-味道好鮮。清蒸瀨尿蝦-兩大隻十吋長的瀨尿蝦，當然是清蒸好過椒鹽。啖啖蝦肉，又多膏。但沒有清蒸出來的原汁瀨尿蝦精華，老豆懷疑是白烚的。蒜蓉粉絲蒸元貝-我鍾意食粉絲多過元貝，因為吸了蒜蓉及元見的精華，特別又香又鮮。再加兩碟小菜，生炒骨及蒜蓉白菜仔。好耐無食生炒骨，幸好沒有失望，炸得夠脆，甜酸味又恰到好處。而白菜可能不合時候，比較老。勁飽、勁溜又勁蛋白質的一餐。希望往後十年、廿年的今天，仍然勁食一餐為他們慶祝。

原本訂左七點，六點幾去到諗住睇下有冇得入，點知個知客話未得住，叫我揀海鮮先，等等下就有個員工黎叫我地不如去一個街口外既總店，話即刻有位，點知去到要從新登記，仲鬼死咁多人，我見唔對路咪叫細佬返訂左果間店睇下情況，點知個知客話我地走左，過左號碼唔會再俾位我地，我地咪同佢理論囉，宜家係佢Ｄ人叫我地去第二間舖架麻，結果要勞動家姐鬧佢一餐先肯俾位我地！講返食物，我地叫左一個餐牌冇既六人餐，包六款海鮮，有以下食物：1)芝士焗龍蝦伊麵底(因為係套餐，所以唔好奢望好肥美既龍蝦，都只係龍蝦仔開邊，汁亦唔夠香濃，一般啦)2)薑葱焗蟹(一向唔係好識食蟹，感覺都係中規中矩咁)3)豉汁蒸鮑魚仔(每人有兩隻，味道靠豉油帶出，普普通通)4)粉絲蒸扇貝(都係每人有兩隻，粉絲好多，可惜粒貝太細粒)5)蒸倉魚(無乜特別)6)椒鹽瀨尿蝦(呢個好好味，椒鹽同瀨尿蝦好夾，味道鮮美)7)炒通菜(一般炒菜，都幾好食)8)沙薑雞腳(全個餐最好食既竟然唔係海鮮係呢個，雞腳炆得好焾，沙薑味香濃，必食之選)另外我地叫左個沙津海鮮卷同全記炒飯，都唔錯。餐送既甜品係綠荳爽，清清地都幾好。呢度餸菜既份量唔少，點菜時侍應會提醒你唔好叫太多，我地今