全記海鮮菜館

营业中

休息中

Although this restaurant is recommend by Mr Choi, Eat and Travel Weekly and award the Michilin Star restaurant. She make me very disappointing. She has changed so much....She has been one of my favourite restaurant for lunch tea for years and i have been recommend it to friends repeatedly. Although she is still one of the most busy restaurant in Sai Kung in any hour the quality of service and food is degrading rapidly now. Especially during the busy hours...I am ashamed to bring my friends to th

專登來找龍蝦...點左d蟹肉翅$138盅 都ok多蟹肉碎同翅係冇跟紅醋得黑醋啫蒜蓉蒸扇貝$15只蒸出來之後見到超細只 唔抵食豉汁蒸蟶子唔記得幾$..不過幾爽d肉..有少少乾身左d肉質上湯龍蝦(伊麵底)$15兩...好厚肉質好爽伊麵就不夠(林)蒜蓉蒸花竹蝦唔知有冇記錯哩$20兩good~正吖..以上全未計師父油料費1-2位每款$20(段碟計)3-4位$50(其他不知)一心祗係諗住去兜風...所以好夜先去食...又冇帶相機....當晚撞正人地係到拍海鮮廣告

老實說,味道烹調差得令人有點意外, 茶餐廳還好多多聲其他海鮮不說, 真的從未吃過味道如此不倫不類的芝士龍蝦伊,淡而無味!!我未必記得之前食過邊間海鮮菜館, 但我肯定唔會唔記得全記

本來無寫過任何食評...但今次真係唔寫唔得...皆因實在太氣憤了...一年一度既母親節...打算食得豪d 啦...話晒住係西貢...食海鮮都係一個唔錯既選擇...上次去過通記..覺得唔錯...今次諗住試埋全記啦...話晒都算食海鮮既大餐館丫...上來search 都見到唔錯...點知...早一晚book 左位..但早左半個鐘去到...都係要同無book 過位的人一視同仁咁係度等位...都算了..仲要俾人打尖...係個counter職員自作主張的...我地覺得好唔公平..所以問返佢點解...佢先話因為人地有長者...但之前都無問過我地一聲...呢d 唔通就係叫要應有既服務態度咩...=.="等左成粒鐘 先有位...都唔知係咪因為一開始拎位時就話左俾佢地知我地係自已帶海鮮去的...個receiption 一開頭話 唔知今日做唔做....但我明明係前一晚已經打左去問...d 人話有個囉....都唔知咩態度.....如果唔想人地自己帶去..就索性唔好話有呢項服務啦...都唔知係咪因為咁..要我地等咁耐位架...=.="入到去...d職員態度都係一般..或者係因為太多人 忙得制 ..都算了..

本來選擇去珍寶海鮮舫，但因為H1N1關係，男友唔想去有咁多遊客出現既地方食野，所以最後去左西貢，雖知都會有遊客，但貪佢可以座露天一行6人，7:30準時到達，好在一早訂左枱，門口經以企左好多人等位灼基圍蝦　＄98蚊斤，　因為係海蝦，　所以比較貴，　但唔覺得特別鮮味，不過喜歡食蝦頭既可以一試，因蝦頭無黑豉椒炒蜆　夠火喉，份量十足豉椒炒聖子　夠味，超大隻，肉地非常爽脆　好味蒜蓉粉絲蒸扇貝　扇貝舊肉好大舊，蒸得啱啱好　一Ｄ都唔ＵＮ灼東風螺　無食，因不嬲都麻麻地食東風螺豆腐海鮮湯　好飲，湯裡面有炸過既魚肉，但一樣好味椒絲腐乳炒通菜　細碟左Ｄ，不過都ＯＫ然好食生炒骨　好食花鵰蛋白蒸花蟹　應該係遲左入單，食完上面果幾味餸都成個幾鐘都仲未蒸到出黎，三催四請先話６分鐘後有，終於有得食啦。。。可惜蛋白唔夠多，又唔夠酒香。。。埋單　＄17ＸＸ　因為逐碟上，所以落格落得好快。。。食完立即就去找糖水食

上星期六, 一行八人陪舅父舅母和表弟到西貢行, 十二時許到達, 泊好車在附近找食, 舅父想飲茶, 所以去了全記, 見夠大間, 又多人光顧, 估計應該不差.很快有枱, 枱與枱間很近，　很迫近牆，又放不下有椅背的椅，有二個要坐圓櫈一坐下便叫了十多樣點心, 大家都肚餓, 原來他們沒有吃早餐.海浙燻蹄($20), 只有幾條海浙, 所以叫侍應更換, 換來一碟多了少許海浙而少了好幾件燻蹄, 算了罷, 海浙味道還可以, 但燻蹄則略差, 肉實色不靚.小點($12), 中點($15), 大點($18), 特/頂?點($22) 價錢中等, 食物中等, 都算大件, 可能沒有吃到特別好味的點心, 所以沒有想再來的感覺.推介的流沙包, 不太流, 但味道不錯, 較其他點心好一點.鮮蝦腸粉無味，服務一般, 洗手間算乾淨，但沒有供BB換片地方，見有兩個人要企嚮到換，不太方便埋單時, 舅父搶住比錢, 事後問他才知約$500.共吃了差不多二十個點心, 較多小中點, 所以每人平均六十多元．唔知西貢邊間飲茶最好味哩？

老爸在英國認識的老外朋友來訪, 作為東道主, 帶他們遊新界, 最有特色的, 當然要帶他們到西貢一看. 他們在海旁漫步魚檔, 我便先行, 去一家舒適的酒家, 不吃海鮮, 不當水魚. 叫個位, 同老外飲茶仲好.點心方面, 要外國人食得慣, 小不免要點一些炸物, 那個炸芋酥同炸雲吞, 完全符合外國人既口味. 香口香脆, 芋酥不"漏", 炸雲吞方面, 脆皮的雲吞, 中間夾著蝦膠, 扼鬼佬的東西, 點扼都要好食架, 唔係點扼呢D, 食慣大江南北既老外.帶人品嚐地道港式點心, 鵪鶉蛋燒賣也許太嚇人吧. 蒸點, 回歸簡單的蝦餃燒賣吧. 蝦餃, 大大隻, 皮靚蝦肉多. 蝦膠同鮮蝦成正常的比例, 食落, 真的有點像唐人街的出品, 是否扼得鬼佬多而要配合其口味呢. 不過, 不要老是說扼鬼佬, 因為能乎合中外人士的口味, 的確不易.來了一個鮮蝦炒飯, (Prawn Fried Rice), 在外國唐人餐館常見, 又扼鬼佬!!!! 把這名詞豁出去吧. 香口的炒飯, 需要極好的鑊氣才能炒得香,若一間中式食肆炒不出好既炒飯, Please 真真正正去D外國阜仔, 扼鬼佬好了.老外朋友說明呢次佢請, 沒有叫海鮮其實

莫史迪個案完全照dup 2008年2月7日去食個二人餐都遇到同其他 comment 好相似的情況：選定套餐四款海鮮後，伙記先講: 今日無蟹賣，所以冇薑沖焗蟹，大佬呀，海鮮店無蟹賣，都幾好笑。講明個餐包糖水，最終佢地竟然話 "糖水送晒" ，俾左半隻橙，(無錯，係半隻)，火都黎埋。侍應黑口黑面的，可能俾其他一肚火的客問候完……我覺得呢間野係有好野食的，不過一定要有經驗老到，對海鮮要識睇識叫，沒有的話，一定會被屈也。叫套餐唔好有任何過高的expectation。

男朋友一心同我黎食班馬瀨尿蝦~ 黎到呢條街得全記最旺最勁人氣，好快有人招呼我地…男朋友揀好左海鮮就上左樓上坐~ 另外仲點多個薑汁芥蘭…其實我對某幾種海鮮都敏感，所以男朋友鍾意食既都唔叫得蒜蓉粉絲蒸扇貝 - 呢個煮法就冇可能錯既…大隻好食過細隻，因為細隻overcook左d，所以un un地~ 椒鹽班馬瀨尿蝦 - 黎到個賣相好靚呢，我就即刻試左一舊，明明本來揀左好大隻架…點解食落得咁少肉既？男朋友睇多兩睇就唔高興喇，話呢碟係椒鹽瀨尿蝦，唔係班馬，都冇哂d紋既！ 同個侍應講，佢話一樣架，冇搞錯架喇…想敷衍我地…男朋友都嬲嬲地，咪問佢放咁多海鮮俾人揀黎做乜，稱完個重量又煮過第二碟俾人食！個侍應先死死氣拎返入去再煮過~ 等左十五分鐘，碟班馬瀨尿蝦先游返黎…今次都一樣靚仔，但係心諗都唔會係自己揀個兩隻黎架喇~ 不過都好好肉，同上一碟掙好多~個菜就一般啦，菜本身好甜，就係唔覺有薑汁味~ 雖然食到好好肉又好鮮甜既瀨尿蝦，但係有d唔開心囉，全記有心厄人既…男朋友話好多海鮮店都係咁，就係蝦你唔識…你又跟唔到佢入廚房睇佢煮既，轉個頭換過d輕幾兩既冇辦法~ 我見到d套餐好平，幾百蚊又有龍蝦又有魚…佢話多數

点了一个套餐,虽然有龙虾等海鲜可以选择,但都是不新鲜的,龙虾伊面,虾干干的,没有鲜味,而且上来的龙虾都是没什么肉,壳多.元贝,根本就不是,就是扇贝,而且肉已发霉,清蒸包鱼,内脏也没去除,很腥而且是死了好久的,才蒸,梭子蟹,用姜葱炒,很霉综述,都是因为食材不新鲜,所以,用比较重的调味掩盖.但肉质是骗不了人的.

西貢全記，有蔡瀾及米芝連的推介。著名的流沙奶黃飽，奶黃真係流出來， 甜度適中，入到西貢要試試。YouTube video - http://hk.youtube.com/watch?v=o7a6VKDuDNo

08-08-10一年食一次的西貢海鮮around 8 點去食，等左好耐><我地兩個人散叫，食左1)芝士澳洲龍蝦伊面底: 好味，係本身就係好味，隻蝦好多肉，食完都飽飽地2)椒鹽瀨尿蝦(有樽入住ge先至係軟殼嫁): 超鬆脆，好香口，一d都唔油膩因為係軟殼，可以由頭食到落尾，成隻吞左去!!!!!3)清蒸鮑魚: 好彈牙，好咬口，好好味~haharmb: 一定要清蒸，唔好落garlic，如果唔係無晒d鮮味4)炒菜一般貨，無特別p.s.食得哩d，唔好預有好service ，環境都只係麻麻埋單九百幾

假期前席無無聊聊，一行五人決定入西貢碼頭食海鮮。眼見間間差唔多，但全記個四人餐好似好多選擇，任選四款海鮮，有龍蝦又賴尿蝦等等...一入門口，伙記態度已經好串，不過諗住食物ok就算啦。一入到去選定五款海鮮後，伙記先講: 今日冇賴尿蝦... 佢解釋話今日入貨唔多，餐無得選，唔係ma...係門口又唔出聲!! ....我地叫左"粉絲扇貝" 餐單寫明每人兩件，結果黎得四件!! (仲有四件人間蒸發左 =.=) 其他食物質素都好麻麻....埋單前我地叫糖水，餐單寫明送(門口拉客既伙記之前都一直強調送糖水) 最終佢地竟然話 "糖水送晒" ， 但全場眼見坐唔夠三分一枱...而且果時都只係8點幾....係送晒定根本冇煮先!! p.s. 埋單時仲聽到隔離枱3個人食左成hk$1200!! 只係一條魚同兩三碟小菜，隔離枱"興"到鬧晒鬼...呢間餐廳存心欺騙....以後一定唔會再幫襯!!

好友享利小登科在即, 一班好友決定為佢攪個告別單身飯局, 目的咪又係搵個藉口聚一聚, 順便食番餐, 而今次主打係食海鮮, 從而將地點由九龍轉到新界西貢, 而食店就揀左呢間!好友食家"今餐食乜好"一早就訂定位, 為眾人準備好一切, 在此送上萬二分謝意! 師傅遲左少少先到, 但去到門口見到好友們依然喺門口等緊位, 再對一對錶, 當時只不過係七點四十分, 嘩! 咁早就已經要等位, 咁厲害, 所以都幾期待!入到去坐底後, 跟住就即刻落單, 原來一早已經準備左要呢個超值海鮮餐! 超值海鮮餐有白灼海生蝦, 清蒸海石班, 芝士焗龍蝦伊麵底, 蒜蓉粉絲蒸扇貝, 清蒸鮮鮑魚, 馳名貴妃雞壹隻, 酥炸生蠔, 海龍皇湯, 郊外油菜同埋福建炒飯! 而每席奉送汽水八枝, 啤酒兩枝! 等左一陣第一道菜白灼海生蝦即刻登場, 舉杯暢飲後, 當然即刻開餐啦! 白灼蝦都幾鮮味, 蝦身爽口, 都幾好味; 清蒸海石班嘅肉質都幾鞋, 不過就未算好鞋, 滑就一定唔叫滑, 當然唔可以同東星相提並論, 以石班黎講肉質算係咁, 可以收貨, 但師傅就食到有少少類似火水味, 唔多吸引; 芝士焗龍蝦伊麵底嘅芝士都幾香, 而龍蝦都幾鮮幾爽

周六又去左全記。今次Experience無上次Gum好。之前Book左位，門口姐姐仔話搵唔到，問我地係咪Book錯左去舊個邊，叫我地揀海鮮先，話好快有位。揀完海鮮，我又去望下本Book台嘎簿，竟然見到我嘎名係度，都無講句對唔住。感覺好差。白灼蝦(門口磅海鮮嘎介紹話衣只蝦白灼好味)，夠爽，但係唔夠甜，唔會再試。賴尿蝦，不錯，Keep到水準。椒鹽鮮魷，好味。貴妃蚌，好一般。馳名鹽鋦雞，太淡，好一般。辣酒煮花螺，好味。買單$1155，暫時都唔會再返來食。