元気寿司 (已結業)

“有一日，生海蝦刺身與三文魚刺身在街上遇到，但點解他們冇打招呼?”。。小熊昨晚引用一本著名醫生寫的書，問埋我呢d IQ題，我鬼知咩! 不過咁啱呢間分店我有張coupon可以free件$18/$9食品，又不用等位，我又未食野咪入去試下同佢個”午後之自選三食” 打招呼，順便看看書。我要了壽司盛E: 蟹柳卷、北寄貝、燒三文魚、生海蝦、三文魚、日式炸雞、日式炖蛋。燒三文魚、生海蝦、三文魚都是my favourite，而日式炸雞比想像中好味又脆不肥膩，加埋個滑滑日式炸雞都飽了。”午後之自選三食”還可以加$9琅多客手卷或芝士蛋糕，很抵啊。結果我都加$9要軟殼蟹手卷。再用coupon free了件$9帶子。。。。。。“有一日，生海蝦刺身與三文魚刺身在街上遇到，但點解他們冇打招呼?”答: “因為佢地唔熟!”。。

嘆tea!! 環境很好呀,比了6人桌我們~但見到waiter完全係得1-2個左右..實在太少了吧... 見到廚房的員工,有時仲好hea tim呀... 我覺得廚房的員工,.整sushi speed實在太慢呀....明明客人又唔係多wor 點知送來的3文魚,仲差1件蔥3文魚sushi呀...廚房員工就係成日hea..仲出錯tim 我點的3文魚sushi tea set << 午後自選定食>> 39元有::: 蔥3文魚,3文魚卷x4, 仲有普通3文魚sushi真係好抵呀全部也是我最愛的3文魚熱愛3文魚的朋友,記住叫呢款tea set呀,哈哈!一次過享用咁多款式的3文魚sushi~幸福幸福!!! 配 關東煮~~ 大大件的白蘿蔔仲有巨形的獅子狗卷呀仲有1件黑色的糕..無咩味ge=.= 家人點的蟹子salad,,個碗又幾靚好多蟹子tim呀 另外點了 特價的吞拿魚sushi, 6元勁多吞拿魚呀~haha可惜d紫菜太軟..可能整好左好耐... 黑糖腐皮sushi,我無食~家人點的^^ 但覺得幾特別,** 見到meau的和味系列~厚燒玉子,好平呀,下次要試

<<久違了的食評>> 考完試後~享用的lunch~輕鬆晒... __小柱軍艦~整個名忘了...好大粒又有好多粒呢,,,d汁幾入味呀還叫了龍蝦salad sushi,特價9元~玉子,腐皮sushi!! 睇落都幾新鮮呀 波士頓卷~13元,共3件呀,而且個頂部有紫菜碎~good!賣相好好呀 有吞拿魚,芝士,青瓜作材料呀,真係好鮮味~又清新的味道,食落真係好幸福呀!!!!! 北寄貝sushi~ 果陣特價6元,真係正呀 第一次食...幾鮮味日式<火屯>蛋,真係好滑呀,而且有日式的和情~ 16元 超愛元氣壽司的太子卷,只係13元~ 2件都係大大件呀,材料都好新鮮,正呀 饅魚手卷,另附燒汁自己吱落去,太棒了~d 燒汁真係一流~好入味tim呀,不過落左order..仲要好耐之後先黎呀..無奈的~呢間分店的服務態度很差~ 工作時都幾hea tim呀....又無咩禮貌.....呢次用了8折cupon~ 3人埋單$ 131.8人流真係好多.........又好快要等位....幸好1pm到...黎得快~

尋晚突然好想食壽司，咁米同老公去食law，本來想去板長，一去到，多人到爆，要等起碼2個鐘，唔好玩la，等得黎都餓死左，之後諗起荃灣千色好似開左間元氣wow，咁米去睇下law，呢間冇咁多人，但係要係室外排隊，救命，我一定會熱死，本來諗住打消諗頭，但老公諗下諗下，好似荃錦都有一間wow，反正都係，米博下law，去到嘩!!!!唔駛排隊直入，爽呀!!!!餐廳環境ok la，最緊要係佢有特價壽司ma，仲要係我至愛的帆立貝，以為唔駛排隊d野都唔會太ok，但出乎意料，由於人唔太多，所以o係迴轉帶的食物唔多，所以好多野都係即叫即整，d野都新鮮，另外，其他舖頭叫花之戀好多黎到都散晒，但佢d花之戀唔散之餘，亦可以成舊夾起，而三文魚亦都好新鮮，唔似平時好多人o個d舖咁，d野放到乾晒，整體黎講，我覺得d野比出邊較為新鮮。總括︰食物新鮮，又唔駛排隊，服務就間間都差唔多，但可以比我同老公過足壽司癮，正呀!!!!!

(補返某日的lunch的食評)某日朝早係自修室溫完書~一行3人黎呢間genki食壽司~個時應該係岩岩開鋪(12點左右)..3個人好似免費咁係咁叫..都冇諗過食唔食得哂total叫左差唔多20碟(19碟?)..哈哈本身都鐘意食壽司,但並唔在行不過元氣既質素不嬲都ok加上岩岩開鋪去,可能會更加好~我自己比較鐘意食"赤蝦黃金燒"(竟然搵唔到張相..)好甜好好味~我同個frd都好鐘意架~次次黎食必叫d野都上得好快~我地食咁多野都係用左半個鐘多少少~今次食得好滿意~因為上野上得夠快之餘(我地趕住返自修室溫書)d服務生態度都好好~雖然大多都係後生仔/女但係呢間元氣的服務生的笑容係無分年齡架~所以雖然今餐比起平時的lunch貴左少少~但係都值回票價~

星期二同女友去o左呢間店到食晚飯,d小二都好有禮貌,但d食物就.......,先講d壽司,我食o左差唔多10碟,但全部都係一夾就散,真係好離譜,d魚生亦唔太新鮮!!埋單一人一百蚊,咁o既質素真係唔得,呢間係我食過咁多間元氣中啦!!

突然風雲色變，轉眼間已經掛起黃雨喇~~時間緊迫，就入左黎十年都冇幫襯過既元氣!! 見到原來有下午茶set，好似幾唔錯，就決定試下啦~第一重奏: 一共有五款sushi combinations揀，當然唔會有貴價壽司揀啦，但係都好岩食，我地兩個都要左set A - 三文魚，火炙三文魚，魷魚，鰻魚~壽司好大件，比一般迴轉壽司既大件…同見城既SIZE差唔多，刺身好厚切~ 不過質素呢……就麻麻，三文魚，火炙三文魚，魷魚都好淡味，鰻魚唔錯因為鰻魚汁好味~ 要求唔太高既，都過得去既~第二重奏有炸雞，蟹子沙律，同唔知炸乜魚(缺貨)，炸雞三粒，雞肉好嫩又好肥，如果咬落唔好一口油就仲好啦~ 蟹子沙律我冇試過，不過望個賣相唔差~第三重奏可以揀茶碗蒸，烏冬或鰻魚蒸壽司飯，我要左鰻魚飯，的的式式仲有一個包鰻魚汁，有三小件鰻魚同好多甜蛋絲…雖然話好細，不過食到第個階段都已經夠飽架啦~ 味道…唔特別好…都係過得去~ 烏冬我冇試，不過睇落都係好普通既貨色…另外仲可以加$9揀一款手卷…不過我夠飽喇，所以冇要到~侍應服務唔錯，不停加茶，又會介紹下食物，好好禮貌…埋單$85.8其實真係好抵…雖然唔係特別好食，不過尚可接受…

我以前是元氣常客，但自從荃灣開了板前後，就少前往元氣了，因為板前 (以及峰、一等) 的壽司質素，特別是有魚生的，比元氣高很多。但元氣是否不值得光顧呢？也不是；相比起板前，元氣的炸物、手卷和軍艦比較出色，尤是炸物系的手卷(軟殼蟹和三文魚皮)為甚。為甚麼呢？因為元氣用的紫菜較新鮮，吃起上來較脆較香之故。今天我吃了個軟殼蟹手卷，真是非常美味：握在手上還是微暖的，軟殼蟹是剛炸出來，很酥化，配上軟熟的飯粒、香脆的紫菜和微溶的沙律醬，一口咬下去，又香又酥的感覺隨即襲來，但飯粒軟熟的質素和微溶的沙律醬卻起了中和作用，使之夠香酥之餘也不漏；而蟹籽則更能豐富口感。軍艦也不錯，辣味三文魚的醬汁、洋葱絲與三文魚很搭配，不錯。而炸墨魚咀也很酥脆，很好吃。不過，這先的壽司真的較一般；魚生鮮味不足，飯也似乎放得有點久，不如在板前等往往還吃的微暖的壽司。所以，元氣是值得再光顧的，但就不要為了吃魚生和壽司而來，而是來主打吃手卷、軍艦和炸物 - 以這個價位的同區壽司店來說，暫時還是元氣做得最好。

上星期study week, 我溫書溫到悶悶地, 於是出街行下和tea 下 之後,我發現元氣壽司有抵食平日才供應的下午茶: 餐 $39 有四款壽司, 一客蟹柳沙拉和 一碗烏冬, 我喜歡烏冬的幼滑, 像手打烏冬的有彈性.; 而蟹柳沙拉 亦很爽口, 味道清新. 四款壽司 當中 亦是 我的至愛三文魚 最好味~ ichiba!我另外又叫多一客軟殼蟹手卷, 十分香脆 又不油膩, 正!

好耐冇黎呢間, 點知, 好似上左賊車咁………兩個人企左响門一陴冇人理, 唯有自己入去搵位, 見服務員啱啱收拾緊bar檯所以企係後面等, 終於等到拾完, 服務員望一望我們仍然對你視而不見咁, 沒有開口招呼你坐, 我見最入面仲有好多位於是問可唔可以坐入去, 佢不太耐煩的說”入面close左囉喎”。如此招待不周已打了一個大折扣!! (其實只是那位女服務員態度較差, 另外一個男的反而禮貌些)迴轉帶上碟頭很多、卻選擇不多! 猶記得以前這裡的帶子很正的(可能這季節不是時候吧), 當時最似樣的只有三文魚(其實只是算剛合格罷了), 其餘不值一提; 飯亦硬了些, 唯一較可取的反而是wasabi夠味夠辣。可能之前食慣金水、板前、峄、一壽司、壽司正..….等等等等, 在比較之下元氣就相形見拙了。如果服務及食物水準再沒有改善的話, 外面選擇之多又點會令人再光臨?! (起碼我不會吧)

元氣就當然不過不失啦..一概的新鮮(當然不及板前等人氣地方)，好味當天肚子痛，所以吃了很少，自己吃了三文，吞拿，油甘，瀨尿蝦，帶子，甘蝦咖啡凍不是很得，很難吃。

星期日只有做，冇得食o既感覺實在太差，從上午十點一直做到五點，飯都冇得食，慘﹗﹗﹗見到元氣一於食好d﹗真係太肚餓，所以求其叫幾款，三文魚呀，卷物呀，芥辣八爪魚呀，外賣大約十分鐘有得拎，返上去慢慢歎﹗幾款都唔錯呀，都算新鮮﹗多謝$81﹗

我都好耐冇去食sushi喇.....我之前都有去tuen mun個間元氣,都一般啦....係尋日,有個係荃灣住o既朋友叫我同佢去食荃灣廣場個間元氣....去到,個場真係幾得woo我d格調,d waiters都ok,我食左活赤貝---因為d waiter話即叫即開..好新鮮...咁我咪試下law..........都真係好正.....有正(其實我本身唔太like食生野)but我都覺得好正....其他d野都好新鮮,整得好令.....不過,真係好少可會有回轉壽司會令我寫咁多野..(個次我同個朋友都係食左一百蚊唔使)抵...下次再去食活赤貝先!!!

偶爾吃一次迴轉壽司，還是有新鮮感的。二人行點了三文魚壽司、三文魚加州卷、元氣太卷、炸蝦卷和至愛的軟殼蟹手卷。軟殼蟹手卷依然甘香味美，令人回味無窮。PS 多款壽司和卷物都加進牛油果，但因屬超高膽固醇食物，通通捨棄了...

約左朋友出黎荃灣拎返ｄ野，攪掂完大家就食埋晚餐先返屋企。行左陣最後依朋友要求去食壽司，想去ｄ任食壽司店又唔知邊度有，最後去返大家都鐘意既元氣。我一直幫襯開屯門元氣，聽聞出面ｄ元氣分店麻麻，不過今次冇其他選擇，好唔好都要一試＾＾；７點半去到都唔使等位，簡直驚訝（屯門分店永世一過７點都要等位架嘛，哈哈）迴轉帶上可以說空空如也，２﹑３碟，２﹑３碟的分開在轉．．．很吉＞＜食左例牌０個幾款壽司，味道都唔錯啵，軟殼蟹手卷同炸蝦卷的飯還有點點暖哩＾＿＾不過眼見玉子同某幾碟的壽司很‘梅’很ｄｉｒｔｙ，唔多新鮮．．．其中一件壽司有隻小昆蟲訓左響樹添．．．（轉了幾回碟壽司仲響度＝＿＝）