元気寿司 (已結業)

上星期六中午, 到了荃錦元氣壽司吃飯。我們兩個人點了十多款壽司, 有玉子, 厚燒玉子, 腐皮, 青瓜, 元氣卷, 左口魚裙邊, 當然亦不少得辣味三文魚, 吉列蠔, 炸蝦天婦羅, 吉列豚等。一如以往, 元氣的品質及味道一流, 價錢合理。但我最想意不到的, 是它的炸蝦天婦羅壽司, 味道比很多日式料理中吃到的天婦羅還要出色! 炸蝦天婦羅外脆內軟, 熱辣辣, 併在凍的壽司飯一起食, 很有層次, 口感豐富! 下次再光臨, 一定會多加嘗試它的炸物類壽司, 相信會發現很多驚喜!

去完廸士尼之後，小孩子叫著要食元気，我們就一窩蜂去了荃錦。這間分店比較大間，我們一行七人不用等多久就有位了。日式燉蛋，小孩子至愛之一。熱騰騰的蛋，又熱又滑，內有冬菇、蟹柳、鳴門卷，全部都是小孩子愛吃的食物。不過最好要放涼少少才入口，因為一上枱實在太熱了。三文魚湯大人和小孩子至愛之一，魚湯營養豐富，再加入七味粉更令魚湯鮮甜。左口魚裙邊我的至愛之一。一口咬落左口魚裙邊，又爽又甜，魚油緩緩浸出。魚肉肥厚多脂，又有口感，層次豐富。另一推介：海膽墨魚軍艦+芥辣八爪魚軍艦日式炸雞這個是我們今次的新嘗試。雖然等了很耐，但試完後發覺是值得的。下次可能要一開始就落單，比較好。

每次吃元氣都是為了一啖湯而來。如果沒有三文魚湯，會失望萬倍。今天和往時一樣，點了北寄貝，魚籽，新鮮，唯飯比較鬆散。三文魚湯，鮮甜，加上少許洋蔥大蔥更覺甜美。怕男友不飽，多加烏冬，彈牙嫩滑

炎炎夏日在家中躲懶，第一次嘗試叫元氣外送，可能因為假日的關係，竟然等了兩個半小時才能送達。我們點了一個壽司盛A（$170/18件），有三文魚、赤海蝦、帆立貝、北寄貝、左口魚裙邊、蒲燒鰻魚、飛魚子、芥辣八爪魚和辣味三文魚壽司。當中我最喜歡赤海蝦、左口魚裙邊和芥辣八爪魚， 赤海蝦晶瑩剔透，蝦肉彈牙 。左口魚裙邊非常之肥美，吃得滿口魚油，非常滿足。芥辣八爪魚份量足，紫菜香脆，芥辣味道刺激。再點了一個壽司盛B（$150/18件），有元氣卷、炸蝦卷、炙燒黑椒三文魚、炙燒芝士焗蝦、炙燒芝士皇帝蟹柳、玉子、北寄貝和蒲燒鰻魚。當中我最喜歡炙燒芝士皇帝蟹柳，芝士醬汁特濃，配上鮮味的巨型蟹柳，一試難忘！另也點了兩份軟殼蟹手捲（$20/份），軟殼蟹手捲沒有另配的醬汁，感覺比較乾，而且軟殼蟹不香脆，可能運送時間過久，疏氣了…大滿足壽司（$10/件）當然另有追加，點了三件燒牛肋骨，可惜賣相比較差，肉質也比較乾，想不到外送的味道比堂食差多了，一點肥美的肉汁也品嚐不到。三件筋子，口感非常之黏稠，味道鮮美，我個人KO了兩件。赤海蝦和螺片各一件，赤海蝦晶瑩剔透，螺片爽口。三個人等了這麼久，總算完成了一個大滿足的晚餐

肥妹仔愛食日本菜既程度 曾經係每星期食1-2次😂呢期收斂左 係今個月第一次元氣辣味三文魚係我最愛個汁係我係第二間鋪揾吾番軍艦同手卷都$16 但中意食飯既我係會揀手卷不過無可否認 元氣水準每次不一有時足料d有時又會無咩料除左辣味三文魚 小柱都係近期至愛佢個沙律汁絕對係畫龍點晴配合個帶子好鮮味另外有個小tips就係軍艦壽司即order會紫菜脆d 比係迴轉帶拎既好食d鵝肝壽司一開始推出個d的確吾錯 但近呢幾次去吾同分店食都覺得差左 有時好似炸到一pat野禁😞所以有d睇彩數今次呢間overall都可接受既等位時間吾耐 上菜夠快下次去開荃灣可以再戰

元氣係好多人心目中都係唔太好味既壽司店但其實一路我都好鍾意因為我覺得個性價比算係高既 而我最喜歡既就係佢既下午茶呢一日我就揀左蟹子沙律 燉蛋同以上三文魚壽司既配搭元氣既燉蛋真係幾好味 幾滑而配搭既三文魚壽司全部都好好味 由其是辣味三文魚壽司 一直都係我既最愛重點係佢既下午茶加埋一都係60蚊但已經係好飽好飽 有時再餓d 可以加9蚊加多個手卷添

今晚在元氣和爸爸慶祝生日，平日夜晚不算太多人，等了一會就有位了，一行五人坐到旋轉位的卡位。這間元氣的食物很新鮮，今次想推介的是以下幾樣:三文魚壽司在香港最普遍的一款，我家卻點了很多碟，三文魚切得較薄，色澤鮮艷，沒有鯹味！鹽味凡立貝壽司我最推介的！大大粒，本身味道不是太濃，但加左幼鹽和少許檸檬汁，即刻唔同左，好fresh,口感極佳！三文魚頭湯熱辣辣出場，一打開，湯料很多，蘿蔔塊（煲到很淋），幾舊魚頭，很好味！湯（精髓）佳！燉蛋蛋很滑，蛋內還有其他配料如蟹柳，冬菇……大讚！整體上各款食物都很新鮮，服務員都很不錯！

我前幾日生日，我姑姐就請我食元氣壽司。可能今日係平日啦，7點半去都可以即刻入座。其實我不嬲幾鍾意食元氣壽司架，特別係佢地嘅甜品! 元氣壽司嘅例牌甜品日式芝士蛋糕真係好好食，D cheese味好重好香。今日見佢新出左一個日式朱古力芝士蛋糕，我就叫左嚟試下喇。佢味道唔錯嘅，但始終都係冇日式芝士蛋糕咁好食。日式芝士蛋糕必食推介!

爸爸突然想食壽司，近近地就黎左呢間元氣，星期六預左要等，加上我地唔想坐吧枱，所以等耐啲先有卡位。坐喺迴轉壽司隔離，都唔錯!見到壽司轉下轉下已經想食，但習慣等下先，睇下有冇新放既壽司先拎。但轉黎轉去都係嗰啲，都feel到應該都擺左好耐，所以都係拎menu叫野食好啲~人唔算多，但侍應就唔多理我地，仲有漏單，服務認真麻麻講番食物，帶子真係好鮮美，我地叫左4碟，值得推介!! 三文魚都ok既，唔差~最愛茶碗蒸，但因為會賣哂，所以第一round就叫左先，好好食~蟹子軍艦整得都幾馬虎，紫菜甩甩下，啲蟹子又跌哂出黎個火炙三文魚凍既.... =.=個裙邊都ok，不過不失個牛就真係不得了，腥既..... 咬落去真係打哂冷震 ><同場仲有個細路嘔...食慾大減，都係早啲走人 = =

自從搬左屋之後就好耐無食元氣，因為唔就腳。今日帶兔仔去美容又未夠鐘，就舒舒服服歎下壽司先。未到午飯時間，所以唔駛等位，因為帶住兔仔所以坐ORDER枱，可以放好兔仔。有多款餐牌全部刺身都新鮮肥美，不過舊飯細左啲，要食多幾舊先飽。唔記得咩野蒜蓉蝦，總之係中式煮法但放左落舊壽司到。分開食係OK架，但一齊食就好唔夾。海膽墨魚夠多汁，但紫菜唔脆淋左。前面三粒係兒童餐。刺身細塊左，個飯實左，我覺得唔好食，可能小朋友會覺得好玩。依然係人氣高企既軟殼蟹手卷，差不多枱枱都有叫。個沙律醬加左蟹子好好味，軟殼蟹亦有兩大件，唔會得個面有餸。炸得夠脆唔會厚粉，必食推介。

荃灣區的元氣都有很多,差不多一個商場有一間.今次來呢間元気因為太熱想找地方坐.又不是太肚餓,食壽司是好選擇..怎料黑衫店員不准我坐卡位只可吧枱.幸好當時客人不多.但坐吧枱始終不舒服.食完很快都走...服務效率不高.三文魚刺身38元.無雪味.今次好彩.我試過在元氣吃,三文魚硬過冰.入口有淡淡魚味.賣相也色凙均勻.已經相當不俗.三文魚頭湯18元.除了三文魚頭.還有蘿白二者相當夾.煲出來的湯.清而甜.而且材料不少.壽司類.三文魚腩一件9元:不肥.同普通三文魚一様.無肥的甘香,三文魚13元二件同刺身相同,入口有魚油味.色凙均勻.其餘最恐怖是呑拿魚壽司.刺身白色的.入口腥,元氣卷似創作壽司.用三文魚包飯青瓜,.炸物.幸好味道都合格.其餘剌身無特別.而壽司飯身都鬆散易一分為二.若有錢.要質素一定選擇同集團的千兩

好久無去食壽司,壽星女話要食,就約班friend去慶祝佢牛一去到時大約8點左右,無位等咗半個鐘左右先有位,真喺太肚餓先叫了炸墨魚嘴、炸軟殼蟹先,味道好好再點左件新出炙燒蔥牛肉,嘩~好正!!不過煙三文魚就吾好食(我最鍾意的),完全無煙香的味道同之前吃個D完全吾同,其他壽司都是一般,無吃甜品,D friend話去松記吃喎4個人埋單$438(有恒生enjoy card有9折,抵)

我係壽司點常客...尤其鍾意去千両同元氣...琴晚食完呢間元氣真係有點失望...1. 先講食物...唔新鮮, 太慳皮...叫左辣味三文魚軍艦, 同芥辣八爪魚軍艦...d 三文魚同八爪魚少到仲低過則面塊紫菜, 見到個"窿"象拔蚌唔新鮮, 有好少量的異味2. 講服務... 差! 後生果班服務員呆呆濟濟, 目無表情, 反應又慢! 但係, 點內黑衫果位員工服務非常好, 至少佢非常有禮貌, 好有熱誠, 令我們感覺係被重視的客人, 他絕對值得加許

元氣岩岩舉行「元気會員大爆賞」今日就同太太去荃灣呢間開飯,順便入去抽奬!炸蝦卷>>今次食味道好新鮮,好味!食番之前既味道!筋子>>味道鮮甜,keep 到水準炸蝦天掃羅壽司>>熱辣辣,好好味,隻蝦都算大隻赤海蝦刺身>>新鮮,無腥味!長鰭吞拿魚刺身>>呢個唔掂!!完全無魚生味道,得個凍字!

白咖哩下午茶後,直到晚上7點鐘大家竟然還未有餓意~但怕餐廳越晏會越多人等食,決定求其去元氣食幾碟壽司當晚餐其實目的都係:食酸薑剛好遇上最新「春夏の味」.不過我只得一款食得起初以為是軟殼蟹呀,點知見到有蝦頭才知道是蝦來.炸蝦並非剛炸好,炸皮開始糊淋了,我不知有沒有食到蝦殼,皆因全部都淋滋滋的卷飯內配以少少出緊水的千島醬和一塊菜,感覺尚算清新.但此味並非我杯茶,正正常常的炸蝦卷好食得多.隨後的炸蝦卷和炸豬扒手卷的餸都是凍凍的,玉子壽司塊蛋竟然剛從雪櫃取出,解下凍都好丫,家陣凍到冰塊咁雖然分店的材料和質量理應一樣,但相信屯門店是較有水準的一間呢.所以如非必要,好少幫襯屯門分店以外的元氣之後是老友吃的壽司.他說他的選擇皆不錯,特別是湯霜春鰹壽司,最好味.這個場比較靜,差不多八點才全滿,和屯門店分別好大呢酸薑食夠一盒後就埋單去了.嘻嘻