元気寿司 (已結業)

我是第一次去這間食野,感覺好污糟!安排入後冇人清潔桌面,叫人黎清潔佢地就撥落地方,之後我地想攞野食時,發現有好多已變壞左魚生。我地冇辦法入左黎只係食少少熟壽司就走,不過我下次都唔會再去。

如果唔係阿仔同佢d 同學仔鍾意食壽司, 都唔會再黎呢間, 輸送帶上d 壽司少, 壽司質數差, 曾己何時, 最鍾意同老婆, 阿仔黎呢度食壽司, 但食物同服務質數越黎越差, 叫人點再黎食?

可惜，質數就今非昔比了！服務沒有當初的友善，一向主張推廣Smile（Genki的招牌）的工作態度都不見了。食物輸送帶上的款式和數量都相繼下降，每碟食物更相隔三個空碟位．．．出名流數快的生招牌都沒了。Sashimi是暖的、炸軟貝殼是冷的。

我食過好多間日本料理, 佢整的軟殼蟹手卷係最好食, 不過自從其他日本料理/壽司店都成日出新菜式, 就覺得元氣唔掂, 太少選擇, 來來去去都係得0個幾款sushi, 好悶lor!!!就算我叫返我最愛的軟殼蟹手卷, 佢又唔肯比多點沙律醬, 元氣的人話<公司規定, 唔可以比多0的沙律醬你!!>, 個waitres 又無禮貌講就走左去, 沙律醬都唔比不如接左佢啦, Cheap 爆!!!!以前無member card 都會成日去, 叫人落單係希望佢即刻整, 0的紫菜唔會淋哂, 佢都唔會即刻整, 羅返回轉上面0個0的sushi, 0的紫菜淋哂, 現在點都唔去, 因為佢太cheap!!!!

前晚同個fd行街,諗唔到食乜,佢話想食壽司,咁就去左呢度嘞,入到去,覺得個feel麻麻,冇銅鑼灣o個d feel呀,我唔識講呀~跟住拎起張menu o黎睇,覺得好似好少choice,之後我地order啦,d 侍應好慢先o黎order law,好似唔多想做咁...之後叫左幾碟啦,一上枱,覺得d壽司好似唔係好新鮮咁,d飯好散,一夾起就散,d三文魚好明顯係雪得好緊要,仲係凍冰冰既,硬硬地咁,之後我地仲要叫番叫過既野,因為真係冇乜好choice...豬扒卷內既豬扒好淋,好似放左好耐咁...我之前去過時代o個度買外賣,返到屋企仲好好食架,o個度d service好好多,野食都新鮮好多...但係就人多lu,唔知點解荃灣呢間咁唔掂既呢~

又病左(真無奈...)，同自己講：唔好再食西餐，食中餐/日本野清淡d~ 於是，擒晚同朋友o既飯局就改o係元氣~　一去到仲有位，當然要揀卡位坐~ 我o地兩個女仔，一共食左壽司x9，小食x2 plus甜品(蛋糕)x2~ 先講壽司，款少又唔係好新鮮，我o地食得唔多都要repeat叫...其中，吞拿魚腩真係令人幾失望~ 小食份量細，味道都係麻麻~ 甜品o既蛋糕明顯雪過，係難食呀...總之呢間元氣味道好唔得...　最後，埋單$185.5~ 咦，有毫子數即係收service charge啦~ 下...佢都冇serve過我o地，唔抵！下次都係去食日式料理店好d~

開張咁耐, 第一次同家人黎食晚餐, 六點黎到唔使等位, 食物種類唔係好多, 可能因為比較早! 過左六點半就開始多款喇! 炸蝦卷, 牛油果軟殼蟹卷, 元氣卷等, 裡面有d 炸既材料, 好脆好味! 波士頓卷入面原來有忌廉芝士,我鍾意! 辣味三文魚有少少辛辣味,唔錯! 酒煮粒貝係田螺仔肉, 其實冇酒味, 但都幾特別! 其他普遍既壽司都唔錯, 食物幾新鮮, 兩個人食左21碟, $264埋單!

野食淡茂茂咁，叫set lunch都仲叫做唔太貴如果係單叫sushi 咁就一定太貴講起service都係唔太掂叫完甜品都冇來催完再催至有人理果陣仲係唔太多客都咁唉！

炸蝦卷is ok. eel is very thin. i ordered a salmon 手卷, but the rice is warm!!!! the only advange here is quite cheap. but I think i will go to 八太郎for better quality of food.

最好食既炸蝦卷o係呢間變左最難食, 應該炸完擺左好耐, 搞到d蝦又腍又凍,好難食~唯一好既係去呢間食唔使等位(梗係啦,咁難食,邊會有人再幫襯呀?)

八點都唔使排隊，水準OK ，是平靚正之選，兩人吃到好飽也是百多元．

我係在六月尾新開張個幾日下午三點幾去,入到去唔係好多人,但d侍應就好似好忙,一坐下見到d壽司上的蓋,碟碟都有d蒸氣係裡面,小熊話睇過樣好似唔係好新鮮,所以我地叫order紙,d野食一到我就食,一擺落口,就發覺唔對勁,d飯係暖暖的,同埋過酸,相信係落多了醋,味道好古怪,跟住食佐幾件都係敢,所以d飯好有問題,唔怪得知d蓋有蒸氣啦,野食都唔算好新鮮,真係麻麻地,所以都無下次la.

食物ok，我最喜愛的炸蝦卷和蟹柳卷都有水準，食物新鮮。但蒸蛋要等成15分鐘，我覺得慢左d…環境就問題大啦，bar檯太窄啦，其他店都已經不是坐得太舒服,但這裡根本和其他人貼著手肘來吃，那有些檯係貼住條迴轉帶的卡位，但就每邊入兩個或三個人，面對陌生人吃東西好怪，又唔方便拿壽司，我寧願坐order 檯啦。

昨日同朋友去試新店, 好彩朋友做到等位, 我不用等就有得去食, 點知朋友要了搭檯, 那些檯係貼住條迴轉帶的, 不過就唔係咁方便, 睇見咩想食就要出聲叫坐近迴轉帶的朋友幫手囉.食物都叫新鮮, 否則我都唔會幫襯佢, 不過壽司好似細件了一點, 時代廣場那間大件過佢. 兩個人食了27碟, 埋單$4XX, 個軟殼蟹手卷唔錯, 唯一差的係食件赤貝壽司時竟然俾我發現赤貝同飯之間有條小竹絲, 除此之外其他都唔錯.我地過了$300, 所以有得要兩張入會申請表, 好似話最後係七月三日派表.

新開張,都幾多人去食,因我係四點半左右去食..都要等,但唔係等好耐(一般來講d時段去其他壽司站.唔駛等)...食物方面,比另一間元x平d.味道算ok,但d飯味道唔平均,一d飯比較酸,一d比較淡.食物選擇比元x少好多..size都係細少少環境方面,坐卡位會比較寬敞,旋轉就...整體幾好服務方面,d waiter/waitess好似經驗唔夠.依家去食可以申請會員卡,但至少要惠顧滿一百五十元會唔會再去食,會...