元気寿司 (已搬遷) 新店位置

炸墨魚咀幾好,有嚼感.加上檸檬汁更加正!

20/8(日) 6:30pm悠遊大尾篤後,與男友走回大埔中心再悠閒一會才搵食.男友元氣癮發作,回想起上一次光顧此店已是3-4年前,一向不太喜愛光顧連鎖食店的我今日暫且妥協!由於不想排長龍,是晚6點半已到此店吃個早飯.此鐘數食客亦不少,環境一如其他分店般整潔光猛,唯冷氣太厲害,吹到有點頭暈!食物方面我倆共點了12碟壽司及卷物,分別有甜蛋壽司$9,三文魚壽司$9,醋黃魚$12,蟹肉海鮮卷$15,劍魚腩壽司$15,海鰤卷$15,炸蝦卷$15,炸軟殼蟹手卷$15x2,穴子壽司$15,牛肉他他$15,火炙三文魚$15及三文魚頭湯$15.食物水準依然保持穩定,除三文魚及甜蛋較失色外,其餘均是水準之作!炸軟殼蟹手卷尤其出色!炸得香脆之餘,內裏肉汁仍沒流失,我倆追加多一客!服務方面年青侍應算是態度殷勤,招呼落力,我不小心打翻了茶亦即時為我們清理臺面而沒半點難色.埋單$198,雖沒太大驚喜,但亦不會令你失望的一家壽司店!

八點半排隊等左半個鐘, 九點才有位入座(日日如是, 到十點都仲有人等位). 食左三文魚剌身, 軟殼蟹手卷, 蝦子/赤貝/辣味三文魚壽司及炸蝦卷. 軟殼蟹手卷-剛炸起, 有點油不過好好味(每次必食)三文魚剌身-十分肥美, 都好新鮮蝦子-即制, 紫菜仲係脆既辣味三文魚-比平時辣左炸蝦卷-"林"左少少overall野食好味, 不過芥辣俾人用到就黎無, 好肉酸, 熱水器流量極慢, 個制好實, 按到半杯已經手軟無曬力.

是日下午獨自到沙田辦點事便順道逛街shopping, 行得累了想坐吓歇腳, 本身又不好咖啡奶茶, 於是便想起就近的元氣, 比起其他有下午茶餐的食肆, 這裡顯得格外清靜, 一坐低先喝口綠茶, 慢慢再看有甚麼能吸引食慾, 先吃牛油果軟穀蟹卷, ok但軟穀蟹已沒有初推出時那樣好味, 另見到一款賣相ok 內裡似是蟹肉的反卷, 細看menu得知是新出的蟹肉海鮮卷, 於是便試試, 卷物中除有急凍蟹肉碎、還有牛油果、蟹子及新鮮蔬菜, 雖然卷物入口時有點鬆散, 但味道也清新可口, 再佐以可驅寒的酸甜子薑, 這也算是不錯的下午茶, 雖然這裡吃的不能跟正式日本菜相提並論, 但勝在地點就腳, 吃多吃少也適隨尊便, 亦附合少油少鹽少脂肪的健康原則。想keep fit又喜歡吃清淡下午茶的話, , 這裡是行街歇腳的好去處。

看完醫生，想食sushi，就來了這裡。自從愛上板前後，已經好久沒來了。以前覺得元氣好美味，現在......不是了。三文魚薄薄的，迴轉帶上的sushi不太新鮮，而且紫菜不脆。但還是有可取之處的，就是蒸蛋依然好味。試了新出的池魚sushi，ok呀。

是次特意為($20)白海老而來.吃下去與甘海老差不多,但口感方面就較遜色.而且這個白海老還要貴$5,實在覺得有點不值穴子仍是好味,可以連骨吃下,個人覺得如果再凍點會更好味.帶子很肥美,正!

約左朋友食飯，佢suggest去元氣，反正耐冇去，耐唔耐一次都ok既。唔知係唔係店鋪問題，連海膽都冇，極其失望~~>_<~~ 叫左個北寄貝沙律壽司，味道唔錯。之後叫左個小柱，一咬口落，好冰涼呀!!大佬，冰都未融你就拎黎，融下雪先啦!!見到壽司bar上面個d壽司，真係一d都吸引唔到人去拎佢黎食囉。壽司d飯，一夾即散，明白手握同機製係有分別，但係之前都未差到咁既standard，而家再去係waste money! 食得唔多，價錢自然唔算貴，但係咁既quality，物非所值。服務冇咩可言，漏單情況都會有，麻麻。

雖然比元綠好味, 但並不代表真正的好味! 紫菜腍到扯o吾開, 壽司o的飯俾風吹乾, 粒粒硬到頂著個胃, 你話係米好味?

芥辣八爪魚好辣呀~他他牛仍是入口即溶..好味!

$12 辣味三文魚:有點辣,幾好$15 炸軟殼蟹手卷:少料...$15 他他牛壽司:個人喜歡它的脂肪夠濃味$15 鰹魚壽司:好濃味,仲好食過吞拿魚!

轉了新餐牌...多了幾款新壽司,但也少了一些心愛的壽司(例如牡丹蝦)$15 元氣卷:保守一貫水準$15 海獅卷:不知是甚麼來的,但都幾清新$15 穴子壽司:有點似鰻魚,可能是鰻魚的同類吧?蘸上鰻魚汁感覺很清新,不錯

係呢間會返頭食,"圓LOOK"我就未必會喇！係就係要排隊, 但我發覺喺正常食飯的peak hour 去食係會多款d, 新鮮d！三文魚壽司, 雖然由初初以前一碟三件變兩件, 不過size 又唔算縮水縮到離晒譜. 今日食嗰幾碟三文魚都長到拖尾, 真令人高興！帶子壽司一如應有的鮮甜. 因原本想食帶子壽司, 不過掛住講冇留心睇清楚, 咁拎錯咗碟螺片壽司. 錯有錯著, 螺片都幾好味架喎！有咬口, 索索聲...都有食其他吞拿魚呀, 波士頓卷呀, 炸蝦呀壽司等等咁啦！都保持到我一向食開的水準.軟殼蟹、三文魚手卷係我必食. 前著好香口, 後者色澤靚, 凍冰冰, 又冇話凍到似未解凍咁, 唔錯！仲有, 紫菜好脆囉！最衰勁飽, 其實我想食埋個日式燉蛋囉！遺憾添！:-P不如唔好整啲 CAKE 轉來轉去啦！( 整下啲日式小食會唔會吸引啲呢！？)

即叫即做~~新鮮好味~~但是飯比較少,軟殼蟹手卷的軟殼蟹好焦

試左1.元氣卷<<< 家人食左好幾碟,入面加左少少炸野真係令成件生色不少!2.辣味三文魚<<<<呢碟好唔得,d魚好似好肥咁,好唔新鮮,好留好難食.......'3.波士頓卷<<<<呢個勁好食! 牛油果壽司好特別!! 4.軟殼蟹手卷<<<<<都幾好食!要左2件~埋單一人都要$8x

昨晚收工後特地去到新城市三期地下(即西田百貨留下) 的元氣買了一些外賣壽司, 一向都是捧場客的我, 居然今次令我非常失望, 其中的三文魚壽司極差, 肉質還有些"怪"味, 比起在堂食就大有不同了. 最衰自己又沒有檢查食物. 為費肚皮受罪, 只好拋棄所有三文魚了.所以提醒大家一句"凡外賣食物, 最好檢查清楚, 避免有問題時就只有自己"薜"底了.