元気寿司 (已搬遷) 新店位置

不知說了多少次不想再吃沒有新意的元氣, 點知又係比壽司利誘下吃了一次又一次... 食物沒有時令的魚, 沒有創新的壽司, 只可以吃吃普通不過的三文魚, 肥美的鰻魚, 即製的手卷, 以自創的元氣卷為名, 軟殼蟹卷等! 沒有說過不好吃, 不過又是千篇一律, 有點沉悶的一餐! 服務又是好一般, 沒有殷勤的笑容, 沒有誠意的聲線, 沒有工作的熱誠! 地方雖不細, 但人與人之間都好迫夾, 點解係都要放咁多張凳呢?人同人之間一定會手爭撞手爭! 凳腳撞凳腳! 唉! 可唔可以鬆動少少, 令客人坐得舒服少少呢?

記得尚在求學時期，元氣可以話係同學之間最紅嘅壽司店，因為價錢平之餘，質素亦不錯，拍拖約會亦曾嘗過排成個鐘頭隊都要幫襯嘅滋味！前幾晚同老婆行完玩具店經過，尚為晚餐嘅地點頭痛之際，就決定到此再嘗舊味！自從板前板長相繼開業兼大行其道後，元氣嘅門口已不再見到人龍了，是夜此分店亦如此！甫入內，室內嘅裝潢仍是一般木色格調，長長嘅迴轉帶上仍然不停的轉出剛製成嘅壽司刺身甚至甜品。我哋喺迴轉帶旁嘅吧枱坐下，熟練的沖咗兩杯以綠茶粉開成嘅綠茶，調好青芥茉同鼓油之後，就開始細心睇吓迴轉帶上有乜嘢想食嘅；睇咗好一陣發現轉出嚟嘅大部份都係卷物同刺身，壽司嘅種類寥寥可數，我哋最後係睇餐牌叫嘅： 甜蛋壽司 $9：呢個壽司係我老婆去完日本之後上咗甜蛋癮次次都叫嚟試吓嘅，蛋煎得唔錯，蛋身厚而軟綿，味道甜甜、質感細密，仍然有一定水準！ 但啲壽司飯就真係唔係好得嘞，我都知係機製，唔可以強求，但係佢一夾就散叫人好難接受！ 帶子壽司 $18：自從喺板前食過勁鮮美嘅帶子壽司後，我同老婆都愛叫呢款壽司，元氣嘅價錢平，當然唔可以同一客賣兩三倍價錢嘅比較！呢度嘅帶子壽司賣相都不俗，夠白夠光澤，不過食落冇乜味，佢唔係腥，但真係食唔出海鮮味

壽司甜蝦都ok既海膽就麻麻啦好食d就煙3文魚,燒蝦同埋帶子menu既款真係比較少我地仲要係最角落既台,隔離迴轉帶,前面又俾條柱遮住真係好少waiter留意到埋黎寫單最搞笑岩岩坐低第1個埋黎既waiter問我地係咪埋單囉o哂嘴......同埋個個位真係比較熱,可能因為近廚房.....食到d碟成座山6黃,3綠,2紅,16紫,3藍,2彩同唔記得幾多舊手卷用埋vip卡,$520左右攪掂

1/11 爸爸想吃壽司但又唔想出街吃，所以我就去買4個人既外賣回家喇~~order左20碟三文魚 : 好油好香好肥美，最好味既一樣。(竟然由$9加到$13，4蚊呀)魷魚 : 好軟綿綿，好好食。海膽魷魚軍艦 : 雪藏味超重，好難食。象拔蚌: 雖然好爽不過好腥呀~~牛油果軟殼蟹卷: 凍冰冰，蟹肉好實；唔好食。炸蝦卷: 又係凍既，d飯一夾就散。鰻魚手卷: ok炸三文魚皮手卷: 好硬呀~~硬樹枝咁。元氣已經無以前咁好食喇，可能佢做成點都仲會有人幫襯卦~~點解沙田無d正d既壽司店架? 大圍又無，每次想食好d就要走出沙田，差!!!!

最近美心攪緊"儲印花"活動, 咁作為fans嘅我, 就梗係要支持下啦. 坐低就叫碟海膽先, 味道ok, 都幾鮮甜, 不過唔知點解海膽嘅份量咁少, 比平日少左三分一. 之後見到有炸蝦卷, 我又點會錯過呢. 呢度既出品係我嘅心水, 又熱又脆, 真係好好味架. 再黎軟殼蟹手卷一客, 今日d軟殼蟹唔係好得, 好似炸左好耐咁. 有d心思思, 再叫多個海膽手卷, 今次d份量好似多d, 不過都係偏少. 食左炸蝦卷又點可以唔食元氣卷呢, 哈, 兩個都一樣咁好味. 見到d油甘魚好靚, 忍唔住食左兩碟. 帶子係我嘅must have item, 都幾唔錯. 最後太飽, 飽都連蒸蛋都食唔落啦.

三文魚刺身 $35 - 很鮮味呀! 正!三文魚頭湯 $16 - 必叫, 三文魚頭配上點點胡椒香..好惹味!赤蝦黃金燒 $16 - 海膽配上甜蝦好味!海膽 $26 - 失敗之作...唉...燒三文魚$18 - 很肥美, 是我最愛的燒三文魚腩...活赤貝 $28 - 新出品, 很爽口, 很鮮味!

好似平均2個星期食1次元氣咁, 今次同男朋友食~今次8點黎, 等左45mins! 好彩唔洗再排隊, 熱屎辣辣 屈左後巷!因為佢依家有電子牌, 叫numbers!appreciate:1. order左既sushi好快就上2. 鰻魚手卷好好好好好!!! 好甜, 好好味!!!3. 燒三文魚腩十個好食! 所以, 男朋友食左4碟~4. 元氣卷上面的三文魚都幾fresh+幾長~5. 玉子sushi想食熱, 點知佢地真係可以幫我叮番佢, 等我熱食~no good:1. 款式不太多2. 見到隔離情侶order的面屎湯, 份量少了一點點~埋單每人120蚊, 都抵既~

17-9-2008晚上想也想不到去那兒吃飯,結果,選擇了這間經常排長龍,見到條隊都掉頭走的"元氣",今晚我們六點幾便到達,不用等位~炸軟殼蟹我給十分滿分~連我老公及二家姐都話正~因為,比出面的軟殼蟹大隻不得止,仲有幾多膏呢~35元/4件 抵食~刺身,新很鮮~~ 壽司都好好食,不會死實實的~最難得的是,連小朋友的甜品都照顧埋~抵讚~~這間我一定會再來的~照片參考 : http://hk.myblog.yahoo.com/kitypanghk/article?mid=9108

一點來到午餐, 不多人; 都係 1/3 滿倒, 和女友馬上坐下先.好多地方都用綠茶包, 但這裡仍係綠茶粉, 比較少有. 茶味不錯呢.想洗個手才食, 但原來廁所係要行好遠o下的, 早知洗左手才進來坐低啦...看menu 想想叫什麼, 一路也盯緊壽司帶上的食物.突然... 看到一些不可思議的東西.點解有舊 cheese cake 及 chocolate cake 在輸送帶上既??!!?!?!咁都得?!?!之後, 仲有!就是 "童心之選" 既 腸仔壽司, 及 燒雞壽司!!!冇o黎一排, 點會咁架?!腸仔呀!!! 不過講開又講, 上星期冇去石澳燒野食, 諗起班友 facebook o既相, 都有個衝動去攞腸仔, 但必定捱鬧, 咁攞唔攞好呢...與心魔角力之間, 之前叫的海膽手卷都到了, 暫放下我的童心, 食住先.都幾新鮮, 不錯. 海膽略少.另叫了蝦壽司, 帶子等, 全都幾好. 見到輸送帶上有個牌係 "炸公魚" , 姐姐話係類似多春魚, 好奇之下, 也叫了.但英文翻譯係 "fried fish", 而非 "fried male fish", 又想發問, 是否冇魚乸呢...新鮮炸起, 好脆.

原本打算食峰，不過見時間都幾夜就落左去元氣第一次食沙田元氣，平時見多人排隊所以未有機會食，今晚人少少就入去試下啦三文魚刺身切到勁薄勁細塊，真係三文魚壽司果塊魚都大塊過刺身囉，勁失望係唔要係縮水成咁過分呢？三文魚籽壽司同芥辣八爪魚壽司都好咸囉海膽唔新鮮囉個象拔蚌好難食囉，一陣怪味d飯呀，件件都鬆鬆爛爛咁，搞到成碟都係飯碎其實環境唔差，不過待應唔夠主動我泥食野唔係食環境丫嘛=_=如非無得揀我都唔會再泥食呢間。

尋晚，去左食！叫左壽司：三文魚、北寄貝、象x蚌、蟹子沙律、柱子、帶子、炸蝦卷又叫左軟殼蟹手卷！嘩，三文魚、北寄貝、象x蚌、帶子全部都唔新鮮！又唔鮮甜！壽司 d 飯唔好話好差！係差囉！好易散！.....咁多樣野，最好食得軟殼蟹手卷！唔會再食！

哈, 唔知點解, 對元氣係有d 情意結, 耐唔耐就會黎一次. 今次揀左一個天陰陰又未落得出雨嘅晏晝. 兩個人唔使等位就入得. 唔知係咪晏左d, 所以壽司輸送帶上面都無乜壽司可以揀, 咁仲好, 即order即整仲新鮮啦. order左帶子壽司, 兩碟三文魚壽司, 炸蝦卷, 仲有最愛嘅海膽壽司. 嘩, 果然order有order嘅好處呀, 先講帶子壽司, 帶子好肥美呀, 厚肉之餘仲好鮮味. 三文魚壽司都唔錯, 不過唔知點解最近d三文魚好似"油潤"得濟, 成日都好似"油光滿面"咁. 炸蝦卷真係即炸架, 又熱又好味, 連d飯都暖笠笠. 海膽壽司就梗係好啦, 海膽都幾夠份量, 唔會得果少少. 嘻嘻, 忍唔住即刻order多碟添. 見右邊果兩位小姐 order嘅軟殼蟹手卷好靚喎, 所以又叫左黎試. 雖則要等, 不過真係好好味, 加左沙律醬一絕. 之後仲叫左鰻魚, 赤貝, 油甘同甜蝦. 新鮮都幾新鮮, 味道就以甜蝦嘅最好. 最後就以綠茶雪糕作結, 滿足. 最後一提, 唔知係咪因為都成三點鐘, 人手唔係好夠, 再加上d 野食成日要order, 所以有時想搵個人都幾難.

吃過壽司,回轉帶上又有點品,當然要試一試啦!!!texture不是實淨的,是軟軟的,不過芝士味很重,不過很light!餅底是蛋糕底.是一件不一樣的芝士蛋糕!!

30/5,都係一田.....都係個句.....勁多人元氣,一個月總會來一兩次,貪佢可以保持一貫水準!!其它食物都唔想多講...日式炖蛋,芥辣八爪魚壽司,本人必食之選,軍艦類ORDER會比較新鮮(紫菜),不過緊記遲過7點就預等45-60分鐘一行四人,埋單八折,多謝$273元.

今個星期一晚由我來做陪客幫趁元氣，因為母親大人係唔太食得魚生的，所以元氣對於唔食魚生的佢來講係欽點的首選。在我的n個舊食評前，我都曾講過在我眼中，若然一心想食魚生時，元氣係唔會落入我的心水名單中。<--但係我這個偏見將會由今日改寫！因為今日春日限定那個promote menu有兩款我都覺得唔錯，比我預期中好。(XX鰹魚$16+太刀魚$16)過往在元氣seldom叫冷門的魚生款式，因為總係偏見”形”住會霉霉爛爛唔新鮮咁，原來又係我偏見的錯！個鰹魚幾有鮮味，因為魚面有少許薑帶出個鮮味，令我覺得仲好食過吞拿魚。而個太刀魚就有點似池魚食落口那種魚的特性—少許腥！但肉質結實，證明係新鮮，我覺得都ok，但又不止於要後悔點這個壽司。至於春日限定我亦點了一個蛤仔，其實算係軍艦。蛤仔就應該灼熟了，當中附送了照燒汁包，而蛤仔就用了味醂烹調，酒味配上燒汁就原來係不賴的！這款新意思我都頗受落。其實食了都勁多，當中的舊咭紙menu都改成掀頁式menu，而過往我一直都鍾意的芥辣八爪魚都加價了。($12->$15)同埋無啦啦我身痕拎左個北寄貝沙律壽司，原本以為通常叫得沙律就食沙律醬食飽，但又出奇地食