元気寿司 (已搬遷) 新店位置

裝修過後,首次幫襯,但改變不大,只覺燈光較暗,環境一樣寬敞舒服.下午茶時間,沒有人排隊等位,但我地想要卡位,所以等左一陣就有位了.因為今期做緊13周年優惠,個侍應姐姐特別推介我地有5款手卷都係$13.我地叫左兩個軟殼蟹手卷,好抵食!之後食左我地至愛既鰻魚反卷,加洲卷,炸蝦卷,牛油果軟殼蟹卷,保持水準,好好味,好新鮮!值得一讚係其中一位侍應姐姐既服務態度非常之好,十分有禮貌!

整個冬天似乎沒意欲食過壽司，老喇！個胃鍾意暖笠笠囉！店舖翻新後首次幫趁，都係食開嗰d款啦！芥辣八爪魚壽司、軟殼蟹手卷等等嗰d...重點係：1. 過往的食堂環境，如今就有點目黑環境路線，但光線都充足，足以輕易睇到魚生係咪新鮮，但我覺得射燈令我塊面有點熱咁囉！2. 芥辣八爪魚一直都食開，同埋今日有點失準鹹了少少。直至今日才發覺與hip一樣有辣椒，但這裡辣椒份量就少得多冇咁乸脷，枉我還以為自己錯怪了誰！3. 煙三文魚壽司今日第一次食，原來都唔錯，日後再幫趁時我會再諗諗它。4. 亦試了冬日推廣的赤蝦壽司。比我預計的好….因為在元氣我盡量都唔會奢望它的魚生款或海鮮款的壽司，有這個誤會係我的錯！而這個赤蝦入口味道像甜蝦但又比甜蝦多肉和爽。$15得一件咋！這款暫時令我對元氣以上的誤會改觀！5. 三文魚魚頭湯原來都唔曳的，除了鮮甜，最緊要佢撈埋味噌個湯唔鹹。當然所謂的魚頭唔會有原隻size咁大，只係一小撮而已啦！6. 軟殼蟹手卷因為晚巿多人，通常都會一氣過炸幾件等客人落單，但擺低就自然攤涼啦！結果我食時係微溫，所以想食時我諗我下次都係趁tea或客人不多時去幫趁好了。7. 三文魚手卷減咗料！早兩日我同咖

冬至天正自諗緊有咩可以食，聰明的工友想到不如試下食元氣﹗話哂人人返屋企去酒樓做節，我想無理由去元氣做節呱，果然十年難得一見的元氣唔洗排隊出現於今天﹗搵個回轉位坐，都真係差不多有成四五年無試過堂食元氣﹗食左成十幾碟，刺食尚新鮮，不過0的飯好似爛左少少，無以前的咁實﹗好味既有呢個炸三文魚皮，入口仲係熱的好脆﹗炸蝦卷一向次次都食，鍾意佢幾樣野夾埋一齊放落口的解甜感覺﹗推介芥辣八瓜魚壽司，超級有咬口，芥味小小攻鼻滿口八爪魚香﹗正呀﹗開開心心做完節喇﹗希望下次再來0的飯唔好咁爛就perfect喇﹗

同其他元氣一樣,都唔錯~但依間人好多,前兩個月去食排隊要排到兜入後巷~依家有無好少少呢?

都又有一段時間沒幫趁元氣…首係menu改變了。其次今日開這個食評係因為覺得過往手卷的稔紫菜已改善！變回脆的水平。另外$9兩件的三文魚壽司色澤唔多得~想食像樣又合格的三文魚我就轉移叫$15的三文魚手卷！起碼當中的三文魚不負我所望。至於晚巿的軟殼蟹手卷有時我覺得因為炸定所以上枱時有點瑕疵(微溫)！因為發覺冇咩人客時的時段反而師傅會即整~而這時的水準亦係最好！亦正正因為食過這種水準的軟殼蟹所以食來食去度度食都仍痴戀元氣的軟殼蟹手卷。食了咁耐我竟然遲鈍到現在才覺得有款壽司係幾啱我胃口、又唔腥同幾醒胃~就係芥辣八爪魚壽司$12！在元氣我甚少叫海謄那類型的壽司…因為turnover以致質素麻麻。一直都幫趁開沙田元氣已有幾年~咁我覺得尚算靠得住！一來我口味像老人家~只要水平keep到咁我就不再需要新鮮感已留到我…所以這種路線唔係人人適用。太高期望或用新開的連鎖標準就注定新鮮感欠奉…但價錢我覺得真係平！用求其心態解決一餐我就唔覺入錯店舖…算蠻不錯了。

食物ｏｋ，幾新鮮，但係等位勁耐ｌａｗ，ｗａｉｔｅｒ　又唔會比張非仔我地，要全部人係咪等等等，很ｗａｓｔｅ　ｔｉｍｅ．．．

有個戴眼鏡,黑黑地的男waiter服務態度勁差,嗌佢扮聽唔到,問佢野又話唔知...... 唉......雖然我唔係食好多野,但係我都有俾錢,都食得唔開心......

自元氣改了餐牌後第二次來吃其實彩虹卷並不太特別,不過因為惠顧一碟($18),元氣會捐$5去kelly的兒童基金,所以才會要一碟來吃.第一次在元氣吃溫泉蛋,好正!原來那些日本醬汁加上半生熟蛋會是那麼好味,但嫌貴了點.其他的壽司仍是保持水準.

同板前, 一壽司相比, 元氣壽司的質素同出品差D , 而且品質比以前愈來愈差。三文魚壽司: 三文魚很薄，三文魚唔新鮮。仲食佐軟殼蟹手卷, 其他壽司, 刺身。軟殼蟹手卷剛炸起, 好味, 不過多咗 D 油。其他壽司OK 啦。

元氣壽司的質素是愈來愈差，還是我要求愈來愈高?last friday，看見magazine有元氣的廣告，出了12款$12的手卷，剛巧晚上要出街食飯，就去試試。因為食之前都食了些東西，因此不用叫太多。三文魚壽司:真的很差!三文魚十分薄，而且沒有甚麼味道!辣味三文魚手卷+炸軟殼蟹手卷:這兩樣比較好，起碼有足夠的材料。燉蛋:本來是沒有問題的，但是個spoon很dirty!衛生很不濟!另外再試了些其他的sushi，味道當然是一般啦。只是不明白為何10時後仍有人排隊等位……曾是我喜歡的壽司店，已今非昔比了……

Their sushi have been my driving force during late night working shifts, when my boyfriend had the time to deliver them.... Despite being a fast-chain-store, and being reasonably priced, their sashimi and sushi is always fresh. Apart from the basic choices, they also have innovative sushi's to meet seasonal needs. The in-restaurant service is fine, and the seating is just the usual.Bravo Genki!!! Please- could you start a delivery service? Luv, from your member

一個人無聊,好悶,就黎呢度試下...12點,又係要排隊...成幾年冇食迴轉壽司,望住條壽司帶望到暈...食左6碟壽司,食量好似大左d,可能因為冇食早餐的關係吧...三文魚壽司:三文魚唔新鮮,冇乜味辣味三文魚壽司k辣,紫菜淋,三文魚又唔新鮮吞拿魚壽司:吞拿魚ok新鮮飛魚子壽司:飛魚子麻麻新鮮,但紫菜又係淋醋黃魚壽司:食落幾特別,上面塊白色野酸酸地(估計係蘿蔔),魚ok新鮮蟹柳沙律壽司:呢個都ok,但紫菜都係淋食完ok飽...埋單連加一$75.9,肉都赤埋...但服務就唔錯,侍應好禮貌...

自從有咗板前後，呢間”舊愛”都少咗嚟探訪…差又唔係太差，好又唔算太好。可能我黐隔離飯香啦！貪新鮮叫咗個”三色軍艦”。唉…預咗！個海膽實在太強差人意了。帶子如果大隻d 就好lu！今日食咗好多”軟腳蟹手卷”！hehe ~ 都係唯獨呢樣留到我嘅！

11月3日去吃lunch, 食咗好多壽司, 刺身, 手卷。當日手卷類很新鮮, 紫菜也不"un", 現脆身。另外比較意想不到的是朱古力蛋糕(好像是$12/碟), 看到職員拆盒, 應是日本貨。質感很軟"熟", 不過就沒有很濃的朱古力味, 但仍十分ok

今日平日放假,所以諗住去食元氣,平時假期都要排到九彩呀...去到連排都唔使排,直情係想邊度就邊度呀去到,我地即刻落左兩個軟殼蟹手卷,好熱,正炸墨魚咀-- 熱的,好味八爪魚sushi -- 唔係好厚肉三文魚sushi -- 都食左好幾碟,厚身芥辣八爪魚sushi -- 有d恭鼻熟蝦sushi -- 鮮甜侍應態度都唔錯