影片
更多
2008-12-26
38 浏览
記得尚在求學時期，元氣可以話係同學之間最紅嘅壽司店，因為價錢平之餘，質素亦不錯，拍拖約會亦曾嘗過排成個鐘頭隊都要幫襯嘅滋味！前幾晚同老婆行完玩具店經過，尚為晚餐嘅地點頭痛之際，就決定到此再嘗舊味！自從板前板長相繼開業兼大行其道後，元氣嘅門口已不再見到人龍了，是夜此分店亦如此！甫入內，室內嘅裝潢仍是一般木色格調，長長嘅迴轉帶上仍然不停的轉出剛製成嘅壽司刺身甚至甜品。我哋喺迴轉帶旁嘅吧枱坐下，熟練的沖咗兩杯以綠茶粉開成嘅綠茶，調好青芥茉同鼓油之後，就開始細心睇吓迴轉帶上有乜嘢想食嘅；睇咗好一陣發現轉出嚟嘅大部份都係卷物同刺身，壽司嘅種類寥寥可數，我哋最後係睇餐牌叫嘅： 甜蛋壽司 $9：呢個壽司係我老婆去完日本之後上咗甜蛋癮次次都叫嚟試吓嘅，蛋煎得唔錯，蛋身厚而軟綿，味道甜甜、質感細密，仍然有一定水準！ 但啲壽司飯就真係唔係好得嘞，我都知係機製，唔可以強求，但係佢一夾就散叫人好難接受！ 帶子壽司 $18：自從喺板前食過勁鮮美嘅帶子壽司後，我同老婆都愛叫呢款壽司，元氣嘅價錢平，當然唔可以同一客賣兩三倍價錢嘅比較！呢度嘅帶子壽司賣相都不俗，夠白夠光澤，不過食落冇乜味，佢唔係腥，但真係食唔出海鮮味
記得尚在求學時期，元氣可以話係同學之間最紅嘅壽司店，因為價錢平之餘，質素亦不錯，拍拖約會亦曾嘗過排成個鐘頭隊都要幫襯嘅滋味！前幾晚同老婆行完玩具店經過，尚為晚餐嘅地點頭痛之際，就決定到此再嘗舊味！自從板前板長相繼開業兼大行其道後，元氣嘅門口已不再見到人龍了，是夜此分店亦如此！
甫入內，室內嘅裝潢仍是一般木色格調，長長嘅迴轉帶上仍然不停的轉出剛製成嘅壽司刺身甚至甜品。我哋喺迴轉帶旁嘅吧枱坐下，熟練的沖咗兩杯以綠茶粉開成嘅綠茶，調好青芥茉同鼓油之後，就開始細心睇吓迴轉帶上有乜嘢想食嘅；睇咗好一陣發現轉出嚟嘅大部份都係卷物同刺身，壽司嘅種類寥寥可數，我哋最後係睇餐牌叫嘅：
甜蛋壽司 $9：呢個壽司係我老婆去完日本之後上咗甜蛋癮次次都叫嚟試吓嘅，蛋煎得唔錯，蛋身厚而軟綿，味道甜甜、質感細密，仍然有一定水準！ 但啲壽司飯就真係唔係好得嘞，我都知係機製，唔可以強求，但係佢一夾就散叫人好難接受！
帶子壽司 $18：自從喺板前食過勁鮮美嘅帶子壽司後，我同老婆都愛叫呢款壽司，元氣嘅價錢平，當然唔可以同一客賣兩三倍價錢嘅比較！呢度嘅帶子壽司賣相都不俗，夠白夠光澤，不過食落冇乜味，佢唔係腥，但真係食唔出海鮮味；質感尚可以，稔但唔會黏，只不過食完有陣失落感！
麵鼓湯 $9：一打開蓋就湧出一股麵鼓味道，香味取勝！ 遺憾係一飲覺得味道太淡，比自家煲嘅更淡，湯面有幾粒青蔥，不過只可以增加香味，對味淡呢個致命傷幫助不大，味道實在太單調嘞！
吞拿魚刺身 $35：吞拿魚刺身嘅色澤鮮艷，刀功賣相亦夠精美，食落稍嫌油份不足而且帶一絲絲雪味，魚味則完全欠奉，有點失望！
甜蝦刺身 $35：呢碟係是夜惟一喺迴轉帶上拿嘅食物，甜蝦色澤亦夠鮮艷，不過蝦頭發黑，唔夠新鮮，一夾起發覺蝦身頗瘦，而且有黏黏嘅感覺，味道頗腥，老婆食咗一隻就作罷了！
飛魚子軍艦 $16：呢個係全晚最好食嘅，紫菜夠脆，飛魚子粒粒鮮味彈牙，不錯！
海膽軍艦 $26：呢個軍艦嘅紫菜都好脆，不過邊緣有啲散唔係咁實淨，海膽質感軟軟，唔腥但係亦冇味！
食到呢度，我哋唔再叫嘞，雖然未食飽，但係唔想再食，惟有埋單另找地方再食！值得一提嘅係此店嘅侍應招呼殷勤，除咗會細心指示我哋放置物品的位置外，笑容亦可掬；不過始終係新手者多，倒瀉茶弄得一地皆是，尷尬不已嘅場面亦不時發生，同事間閒談更是普遍，令人感到工作團隊態度鬆散，亦影響咗食店嘅形像！記憶中嘅元氣應該唔係咁負面嘅，是夜嘅質素卻又令我不禁嘆氣，時代變了，追不上時代洪流嘅恐怕最終會被淹沒，呢樣係我唔想見到嘅！元氣真係要加把勁！
张贴
