元気寿司 (已搬遷) 新店位置

哈, 唔知點解, 對元氣係有d 情意結, 耐唔耐就會黎一次. 今次揀左一個天陰陰又未落得出雨嘅晏晝. 兩個人唔使等位就入得. 唔知係咪晏左d, 所以壽司輸送帶上面都無乜壽司可以揀, 咁仲好, 即order即整仲新鮮啦. order左帶子壽司, 兩碟三文魚壽司, 炸蝦卷, 仲有最愛嘅海膽壽司. 嘩, 果然order有order嘅好處呀, 先講帶子壽司, 帶子好肥美呀, 厚肉之餘仲好鮮味. 三文魚壽司都唔錯, 不過唔知點解最近d三文魚好似"油潤"得濟, 成日都好似"油光滿面"咁. 炸蝦卷真係即炸架, 又熱又好味, 連d飯都暖笠笠. 海膽壽司就梗係好啦, 海膽都幾夠份量, 唔會得果少少. 嘻嘻, 忍唔住即刻order多碟添. 見右邊果兩位小姐 order嘅軟殼蟹手卷好靚喎, 所以又叫左黎試. 雖則要等, 不過真係好好味, 加左沙律醬一絕. 之後仲叫左鰻魚, 赤貝, 油甘同甜蝦. 新鮮都幾新鮮, 味道就以甜蝦嘅最好. 最後就以綠茶雪糕作結, 滿足. 最後一提, 唔知係咪因為都成三點鐘, 人手唔係好夠, 再加上d 野食成日要order, 所以有時想搵個人都幾難.