元気寿司 (已搬遷) 新店位置

今日女朋友生日,就諗住同佢食下一d特別既食物...咁岩係奧海城見到有間元氣壽司,出面既裝修又幾靚,就入去試下大約6點幾既時候,都仲未需要排隊,一入到去就有位一入到去,入面d員工就叫口號,歡迎光臨既日文果d...發覺呢間元氣壽司同其他一d日本菜既唔同,口號叫得齊整,又有氣勢,一d都唔似其他日本菜鋪頭咁叫得咁hea,叫完都唔知叫乜咁...呢樣真係要值得一讚一坐底,見到女朋友最鐘意食既三文魚,當然即刻拎落黎食,d三文魚都算新鮮,而且又夠肥美跟住再點下一d佢地既招牌,炸蝦卷呀,元氣卷等等,仲有軟殼蟹手卷,想不到,一落order,師傅即做,見到佢純熟既包手卷手法同速度,真係不禁讚好!侍應既服務態度又好,落單,覆單做到足,又會介紹一d好食既壽司,如果唔係,真係可能會食漏好多美味既封司另外有一樣要讚既係,師傅既手握飯力度適中,飯唔會太散或太實,以往食壽司成日遇到呢個問題,估唔到今次冇發生到最後,壽司都到齊,食物都算新鮮好味,咁就同女朋友開開心心咁食完呢一餐啦

估唔到在op第一個評就 男朋友住奥運 所以成日都會係奧海城飯但就從來冇食過元氣今日心血來潮想食壽司 但又食悶左樓下超市個D所以就來元氣試試 諗住買返去男友家吃誰知 等左20分鐘行左對面電器店一陣 都末得已經耐啦 催左佢1次 就黑面見住佢成袋壽司拎出來時跌左落地重扮無事照扲俾我 SORRY都冇句!我再望下袋壽司 跌到好似打風咁搞錯 個下我真係呆在 唉 都癈事再要等 同再受佢地面黑拎住D打風壽司返男友家吃 = =受咁ge服務 壽司係好唔好食 都覺佢唔好食 唉食返樓下超市好過 又平D呢

不知道是不是因為「板長」在奥海城二期開業，這商場內壽司店的競爭愈趨激烈的關係，這間「元氣」早在「板長」開業前便暫停營業重新裝修，差不多停業了一個多月才再開門待客。自從它重新開張後，直到最近才前去吃過一次。裝修過後的新店與舊時最大的分別是迴轉帶短了，卡位則多了不少，應該可以同時間接待更多食客，其他的分別則不算太大。在openrice裡看過不少「元氣」分店的食評，各間分店都有，見到不少的評價都不算太低，但這間「元氣」的得分卻甚低，實在覺得有點奇怪。因為自己久不久都會來這裡幫襯一下，總覺得以連鎖式的迴轉壽司店來說，雖然它應該比「板長」或「板前」的質素差一點點，質素大致與「北海道活壽司」差不多，但總比堪稱極品的「明將」或者另一間經典「元祿」為佳。始終，花一百幾十元這樣低廉的價錢便可吃到不少款式的壽司和其他日式食物，還想要求超高水準的壽司、刺身，要吃到「見城」或「灘萬」的質素嗎？就好像這夜，兩個人叫了十多碟壽司，另外還有前菜小吃的「味付八爪魚」和甜品的「特濃朱古力蛋糕」，以它所收的價錢來說，整體的食物水準都算合格有餘了，有些個人覺得還頗為好味呢！試問還可以苛求什麼呢？特別推介：「特濃朱古力蛋糕」

同女朋友大人去澳海城.其實係一心帶佢去食烏冬, 不過佢一見到元氣就話要食返個'軟殼蟹手卷'先. 見有位, 但都要排隊, 又排一排.原來佢地係排sushi Bar檯, 咁我地一心都係食軟殼蟹手卷咁當然order檯重好啦.即order 軟殼蟹手卷x2 + 9件sushi.叫左成十幾分鐘軟殼蟹手卷先出到黎,其他重未見影. 荼都飲完...不過 軟殼蟹手卷 元氣真係最好食.又叫佢跟單2次另外個9件 sushi先黎齊.又等成半個幾鍾.其他野食好一般, 其實比200蚊個d放提差唔好囉.最火都係收錢.收錢都要排隊又排我十幾分鐘.

阿妹生日, 相約去左元氣慶祝, 這間元氣多年前幫襯過, 當時還未裝修, 裝修後係第一次幫襯此店依然沿用排隊做法, 要知道有d元氣已經係拎飛仔, 估唔到呢度仲係咁原始, 我在門口排左半個鐘, 中間係唔知有乜好做的, 如果可以改善埋排隊制會更好裝修後係咪多左位我唔敢講, 但肯定係舒服左, 回轉bar長左, 喜歡回轉既朋友又多一個選擇當日叫左以下壽司, 全部都係耳熟能詳的:芥辣八爪魚: 依然招牌, 暫時都係元氣最好味, 第一次吃芥辣八爪魚在元氣, 到依家都係覺得佢最好, wasabi夠攻鼻, 八爪魚夠爽口, 正, 最好係佢既汁都濃度都剛好, 食過有d芥辣八爪魚既汁好似漿糊咁, 真的怕怕...三文魚三味: 三味即煙三文魚、燒三文魚、三文魚, 我吃了煙三文魚 & 三文魚, 三文魚是不錯, 但煙三文魚更好, 可能因為很少吃到吧, 煙燻味適中, 並不是挪威那些重味的, 淡淡的煙燻才像一件壽司可是燒三文魚看來不像燒過, 雖沒吃到, 但看的出燒過而帶出來的油份不多元氣最新多了一些三味選擇, 印象中雖然不是元氣開創, 但一碟三味的確很合香港人喜歡多元化的要求軟殼蟹手卷: 元氣的軟殼蟹手卷, 一直都是很多人

5月裝修後, 舖內環境靚咗好多, 舒服咗 食物水準保持, ok la..呢日大約6點, 同位靚女朋友打算食三文魚宴... 其中叫咗兩碟我覺得連千兩都唔夠元氣整得好味嘅辣味三文魚軍艦... 我地兩個座迴轉枱, 隔咗陣有位喺迴轉位裡面嘅師父, 神情呆滯的拎住兩碟綠綠地有d白白地色料嘅軍艦, 對住我地, 話: "辣味三文魚" 我以為自己聽錯, 忍唔住好好奇咁 "吓!?" 咗一聲... 師父並無俾我嚇窒! 都係目口目面咁回答: "辣味三文魚"我同我朋友都跟埋師父一齊呆住了! 1秒後, 師父隔離有位本身自己做緊嘢嘅師父輕輕的同呆滯師父講: "呢個係芥末八爪魚"嘩咔咔咔咔咔咔咔咔咔咔!!!!! (當時我有忍住)跟住位同呆滯師父就連一句唔好意思都無講就轉身去............吓~~~ 當我豪俾佢個"辣味"係"芥末辣味", 但我估, 有d common sense都會知道三文魚肉唔會係白白地色呱~~~~? 同埋, 做師父唔係基本都需要知道自己其實整緊d咩食物架咩多謝呆滯師父為我地帶來歡樂!!!

裝修左一牌，最近開返，裝修後第一次幫襯。首先講下環境，依家响壽司帶旁加左幾組卡位，椅背夠晒高私隱度亦高。唔使同陌生人逼住坐隔離之餘又可以响壽司帶度攞嘢食。食物方面，叫左三份下午茶$39份，每份另加$9配多個手卷(任何口味除左最貴嗰兩個)。個餐要左E有五款壽司，有一件三文魚，燒三文魚，生蝦，北寄貝同埋三小件蟹柳卷。套餐跟炸雞件或炸草蝦或蟹子沙律另跟關東煮或湯烏東或日式炖蛋。我地要左兩個炸草蝦同一個炸雞件。全部跟關東煮。壽司揑得幾好，飯唔散。炸草蝦整到似炸蝦餅圓氹氹，不過都有條蝦尾。炸雞件熱辣辣肉夠滑唔會好似KFC咁乾到死。個手卷要左三文魚（原價$16) 紫菜脆，不過三文魚少左啲。總括黎講$39蚊幾抵食因為超市個啲壽司六件装都吾平得去邊又無咁大件又無咁好食。

儲印花大行動終於嚟到尾站,今次移師奧海城完成創舉.每次都必食燒帆立貝,不過今次上枱時就夠熱,可能唔係即叫即燒.甜蝦同蟹肉軍艦ok.至於三文魚三味,呢度就做得不錯,燒三文魚不會太肥膩.由於只係欠兩個印花,所以唔需要食太多,剛夠就埋單及填form申請.

六點十五分電影開場，原本想吃少少嘢，睇完戲才晚飯，誰知愈點愈來，吃罷已飽足十成，不用下場。其中一款下午茶套餐，有壽司有炸物有煮物，才$39，咁抵食就點一客。另要了幾款壽司、手卷及小食，甜品稍後再點。落單後，等了十五分鐘仍未有得吃，心感奇怪，熱食可能要煮耐一些，但壽司沒理由要等咁耐。追問之下，原來是服務員沒有把單遞給壽司師傅，看那個 “靚仔”仍毫無悔意，甚至諸多藉口，可惡。跟餐有5件壽司，我只吃了三文魚、帶子和吞拿魚，都不是太理想，如三文魚唔肥美；帶子不厚身，雖沒有腥味，卻稱不上鮮甜；吞拿魚甚至有些變黑。至於飯糰，握得不是太差的。另加的壽司有飛魚子和辣三文魚兩款，前者有點鬆散，未達標，後者的辣度適中，又不會搶去三文魚的味道，還有些惹味的醬汁，好得多。除了壽司，套餐亦有炸物，揀了炸雞。一碟三件，是即炸的，很燙口。香脆的外皮，肉質又是意思不到的嫩滑，且能保持雞味，對辦。炸物以外還有煮物，是關東煮，材料有魚蛋、獅子狗、白蘿蔔和菜等，湯底偏淡口，魚蛋和獅子狗也過份稔身，白蘿蔔則相反，不夠稔亦不鮮甜，火喉控制仍差一點。套餐就是那麼多，肯定唔夠，追加了手卷及炸軟殼蟹。兩款手卷出現同樣問題，就是紫菜唔

6/7/2009 (星期一)今晚見到元氣壽司推出清新和味の選壽司，包括湯葉壽司、黑糖腐皮壽司、厚燒玉子壽司及青瓜卷等，每款$9起，於是入去試下。湯葉壽司($13)：湯葉即係鮮腐竹，鮮腐竹有好香的豆味，而且好滑，感覺好清新厚燒玉子壽司($9)：燒玉子雖然係好普通的食物，但要做得好都幾考功夫，元氣的厚燒玉子做得有水準青瓜卷($9)：清清地啱晒我口味海鰻壽司($9)：料靚三文魚皮手卷($18)：三文魚皮咬落口卜卜脆，好有口感，係元氣的人氣之選日式炖疍($15)：我的至愛，不單止料多，而且火喉控制得啱啱好，疍好滑日本甜薯批($9)：飯後甜品，甜甜地幾好食

17/6/2009 (星期三)今天晚上突然很想吃壽司，於是去了奧海城的元氣。時間尚早，未夠七點，所以唔駛排隊。有新款式的壽司推介-- $9 大滿足極上の選，最能滿足我好奇的性格。赤海蝦壽司 ($9/件): 赤海蝦幾大條，肉質鮮甜彈牙，值得 encore。海鰻壽司 ($9/件): 海鰻頗大片，再加上鰻魚汁，都幾好食。炸蝦天婦羅壽司 ($9/件): 蝦不是新鮮炸的，已放了一段時間，而且脆漿太厚。 軟殼蟹手卷 ($18): 軟殼蟹炸得十分香口惹味。元氣卷 ($18): 店內餐牌上的人氣推介，元氣卷內有香脆的炸三文魚皮，面層舖上了一塊三文魚。蟹籽沙律 ($16)： 清清地最啱我。

今日本身去奧海城睇戲..見所餘時間無幾就入左元氣食壽司本身住九龍灣ge我。德福間元氣排晒隊。呢間？？7點鐘都唔洗等位。我稔坐左3/5左右啦~~~其實都稔住叫小小野.......睇完戲左再食~~叫左2碟3文魚....................................佢d飯係暖、同凍ge 3文魚有好大對比。。無錯凍凍地係幾好味。。。但之不過...............凍到雪都未融晒....有點過份吧？個蒸鰻魚壽司ok~~~~其他只可以叫做普通

久唔久都會來呢度幫襯，唔係話佢d嘢特別好食，係因為在奧海城二期除左佢就只得別府有日本嘢食。去開奧海城二期如果剩係想食平平地，唔算太貴嘅壽司，呢度都不失為一個選擇（起碼好過元祿同金太郎啦）。講番今次食嘅壽司，都係一般嘢：不同款嘅三文魚、熟蝦、醬油漬吞拿魚......冇乜特別，味道正常而普通。見呢期期間限定嘅推介係「蒸鰻魚壽司」，於是咪試吓囉。因為係即蒸喎，要等8至10分鐘。上桌了，份量唔算多，只得小小兩塊鰻魚，加上一些切得幼幼的蛋絲（當然仲有由自己淋上鰻魚醬汁的飯啦），勝在飯是熱騰騰的，名上甜甜的鰻魚汁，與其它冷冰冰的壽司相比，感覺又唔錯喎！最後整多件杏仁甜薯蛋糕埋尾，雖然唔係好食得出d杏仁同甜薯味（話時話，甜薯係咪即係番薯？），但係都叫做幾好味，係有少少甜左d唧。埋單兩位$160有找，話晒係食日本嘢，唔算貴囉。

說真句，要食到正宗的壽司，不離日本或是同是魚產豐富的台灣，如果要食到又平又好食的，台灣的「爭鮮」真是無人能比之了！可是，在這稱為世界飲食天堂的香港，為了商業效益，大家也排著真師父，可是周身刀無把利，好食、正宗的，真是難以發現了，要食到真正好食、稱由專人由當地取材的，就要收到貴一貴，而且也未必好食！在香港，連大家樂也有甚麼正宗拉麵的時代發展，相信正宗而又合理的價錢，已經難以一起！說回元氣，我也食過其他比她更貴更好食的，也試過比她更差的，在此不說別人了！要食到所謂正宗、真材實枓，要你付出很高的價錢而且還要你等待四十分鍾以上，還要入到店內，承受店員為好生意而出現的緊張氣氛，服務員不停在身後出入，外面的叫咪聲比股市上落更精彩，又看看前面左右，很像大家也是監犯一樣時，真是再好食的，也吃不下了！而這間元氣，地利環境好，食物也合格，不會帶來驚喜，也不會令你失望，也可以ORDER，食材也是保持應有的肉質，價錢合理，大食的，也不過二百元(比起其他，這價錢只是食胞不到一半的！)小食的，也可以一百元上落，雖然款式不多，只有壽司，但是...說實句，我去食壽司而已，用不著要食齊日本所有菜呀！這裡的營運，只需要為

五月二十二日晚, 終於忍唔住同老公去咗元氣食嘢,因為佢係會員, 呢個月生日, 有八折, 但去到先發現原來呢期因為端午節, 個個入去食都有八折架!以下相片部份因為老公好肚餓, 未等我映相已經食咗一件。先嚟反卷 (又唔記得叫乜名), 普通。芥辣魷魚軍艦, 唔夠芥辣味, 啲魷魚唔太夠新鮮。炙燒芝士甘蝦, 味道幾得意, 但凍咗少少, 同埋都係鍾意食鮮甘蝦果份鮮味!海膽魷魚軍艦, 都好味, 啲料幾足。跟住食「期間限定」壽司, 除咗個「豚肉醬油煮」冇食到外 (個賣相好肥膩好 cheap), 其他四款都試晒!有「萵燒鰹魚」, 賣相幾靚, 但食落好普通。「太刀魚」, 同張相個賣相差遠咗少少喎~ 味道嘛嘛哋。「文蛤」, 即係蜆肉, 都係好普通, 中式煮法好食啲!三文魚炸軟殼蟹卷, 算合格啦!帶子壽司, 今日又幾新鮮喎~~~鱆紅魚壽司, 唔多新鮮, 冇乜味, 好失望, 因為我同老公都好鍾意食架!炙燒三文魚, 幾好味, 唔錯!!金槍魚壽司, 又係唔多夠新鮮喎~~辣味吞拿魚軍艦, OK, 幾好食, 不過咁樣食會唔會浪費咗啲吞拿魚呢?熟蝦, 呢個我冇食到, 因為唔鍾意食, 同埋已經飽啦!八爪魚壽司, 普普通通