鋒哥廚房 (已結業)

今日同朋友去到元朗呢度，搵到一間峰哥廚房，原來佢而家除咗小菜之外仲會做煲仔飯同埋火鍋，我同朋友見到價錢都幾吸引，五點至七點仲有特價時段，就即刻去試吓啦。出邊有醬料架、甜品架同埋飲品架，自己鍾意飲乜食乜啲咩調味料，全部由你話事。另外出邊仲可以自己加火鍋材料，包括丸類同菜類等等，夠晒食啊。我最鍾意食嗰粒咖喱丸，裏面辣辣地，啲餡湧出嚟嗰種感覺真係非常好吃。最後喺甜品櫃中發現咗有好美味嘅啫喱同埋豆腐花，啫喱仲係自家製出邊買唔到添，四個人托住肚皮好飽啊，今次真係好滿足呀！

同朋友一齊打邊爐真係最開心架！大家說東說西，鍾意食乜都可以任食嗰種感覺真係好豪邁好舒暢。裏邊大部份野都係任食，有安格斯肥牛仲有黑毛豬，另外仲有刺身拼盤同埋新鮮嘅海鮮拼盤。刺身拼盤擺盤好靚仔，有多款唔同嘅刺身，包括三文魚、甜蝦、北寄貝同帶子等等，全部都係我鍾意食嘅。我哋四個人可以升級，叫咗個花雕醉雞煲，湯底果然真材實料好濃郁，有紅棗桂圓淮山等嘅藥材，另外加埋醉雞嘅花雕酒，香味更上一層樓，啲雞件斬好晒一次過擺落湯底度淯，香氣十足。安格斯肥牛只係擺落個湯底度大概五至10秒就熟透好有肉味，可以媲美出邊貴價嘅肥牛，而且係任食真係可以食返夠本呀。

位於元朗御庭居下面的鋒哥廚房，裝修格局具工業風，門口有一座紅色的電話亭，門口外還有幾張枱，當晚還有客人帶了狗隻一齊幫襯。餐廳除了小菜和炒粉麵外，還火鍋放題，當晚我們選擇了火鍋放題，店員說like了社交平台後會送一個海鮮拼盤，我們選擇了黑豚豬骨湯底。火鍋湯底上台後，很香的豬骨味，和其他火鍋店相比這個豬骨湯底很特別，湯底有一些芹菜和炸蒜，海鮮拼盤有生蠔，蜆，蝦和鮑魚，還送了一件安格斯牛頸脊肉和刺身，牛頸脊肉牛肉味很濃，至於火鍋配料，有土魷，雞子和丸類，蔬菜等，肉類吃完還可以無限添加，除了火鍋配料外，餐廳還提供了不同的熱食，當晚我們有辣煮東風螺和鼔椒炒蜆，熱食不停更新，包括有炸子雞和蒸魚等等。甜品還有糖水和Häagen-Dazs雪糕，在同區已$200左右的價錢相當超值，值得推介！

區區有食神係岩架嘻嘻。。不枉我同豬仔山長水遠入咗元朗烚烚下鋒哥唔只可以烚烚下。嗌小炒飯麵都得架！一坐低食物就速速送到送上刺身拼盤+牛頸脊靜🐔🐔話你知。店員話like 鋒哥廚房Facebook 就有海鮮拼盤送。為食妹👧🏻一定like啦sushi+熱食+醬料+甜品+肉丸+蔬菜+雪糕全部自助形式為食妹👧🏻鍾意食幾多拎幾多。唔做大晒鬼牛肉豬肉可以不停order 。質素有番甘上下。自問大胃王又豈能錯過。食小小健康蔬菜是必要的！

難得前幾晚天氣凍咗，啱啱好約咗朋友打邊爐。搵咗間幾近嘅火鍋放題，喺元朗劇院斜對面、薩莉亞隔離，輕鐵豐年路站行大概8分鐘就到。叫左個八搭嘅豬骨湯底，湯底濃郁，佢仲有少少嘅黑蒜油味，非常新鮮嘅嘗試同好夾味。飲品櫃都好多款飲品選擇，罐裝啤酒都係任飲嘅選項之一，仲有最大路嘅麥精同維他奶。如果like左佢fb，會送一盤海鮮拼盤♥️♥️蠔超乎想像地鮮甜，蜆每粒都大大粒好飽和，佢仲有鮑魚可以食。另外前菜仲上咗一盤刺身拼盤，全部都幾新鮮，份量好足，咁嘅價錢有刺身拼盤食，好高性價比！普通嘅火鍋配料，基本上都齊全，除此之外仲有熟食。最令人驚喜嘅係有燒乳鴿仔，非常香脆。炒蜆和炒米粉都好入味。牛肉紋路好靚，食落唔韌。而且擺放得好靚，打卡一流。甜品方面有兩種，第一個係自製甜品櫃，第二個就係雪糕櫃。甜品嘅蜜瓜布甸好出色，蜜瓜味超濃郁。最令人驚喜嘅係，竟然有Häagen-Dazs食‼️‼️食返兩個都夠回本啊你間鋪頭除咗火鍋放題，仲有普通晚市菜餸食，選擇好多。而且店員全部都好親切，服務超乎想像地好。餐廳仲有分室內同室外，方便有需要嘅客人。

朋友講過鋒哥廚房既小炒好得，元朗人放工經過見到原來有放題，立即入去食🥳火鍋、壽司、小菜、甜品、雪糕任食係7點呢d熱門時段都只係$198一位，絕對抵！佢好快就上左每位贈送既魚生刺身，牛頸脊肉，三文魚係勁厚切，兩個人食真係勁抵事關d食材都好高質🥰每人都有海鮮，鮑魚大大隻又肥美，不枉我加28蚊加多個湯底：蟲草花芫茜皮蛋湯，配海鮮一流，夠曬鮮甜～想讚佢唔止火鍋料新鮮好食，任食既小菜都好正，有炒蟹同大大粒節瓜釀蝦，炸魚皮全部大大塊，唔係碎片😋甜品都好正選擇多，當中香芋木糠布甸好食得黎又靚又有創意，加左樂天熊仔餅，睇得又食得～香芋味又夠曬濃😋

前幾天，去完圖書館，黎左呢度食火鍋放題，加一後每人218蚊，店舖大部分都係卡位，好好坐，舖頭出門仲有幾張枱有主人帶埋寵物黎食，好有街坊人情味，氣氛和諧開心熱鬧。店舖處理食物十分乾淨整齊，丸類係收銀後面個bar枱夾，一兜兜用凍水浸住，有蓮藕片、鮮淮山片、各種丸類、食左個喇沙包心丸幾好食😋，牛柏葉、魷魚同雞子，壽司每次出幾件唔想變壞或可以問師傅攞。一開始會送一兜刺身、一兜頸脊肥牛同一兜海鮮有蝦、鮑魚、花甲同生蠔，而豬肉牛肉就要叫店員攞，或者佢收碟時會問你仲添唔添肉。另外有甜品櫃，雪糕櫃，同飲品任飲。仲有好多多蔬菜可以夾同有韓式即食面同烏冬湯底都有幾款可以揀，我地揀左沙嗲湯底，而加錢可以轉花膠湯，見都有幾枱叫，可能都好好食。

今日同老婆去咗元朗，凍冰冰走咗去食火鍋，上網搵下邊度有任食火鍋，點知又比我搵到，去咗一間叫鋒哥廚房既店，第一個感覺係唔似有得打邊爐，似一間餐廳，仲要有卡位，非常有趣。坐低睇下個Menu，真係有得打邊爐，即時揀咗個沙嗲湯底，一落單，轉個頭就到，效率真係好快，店員仲話而家搞緊活動，上fb讚好，同留個言就有海鮮拼盤送，呢個真係意外收穫。而火鍋任食仲送刺身拼盤！？（我有冇睇錯），說時遲那時快，個刺身拼盤就到咗，d刺身勁厚身，成吋厚，真係唔係hea，食落新鮮冇腥味👍🏻食咗一陣，海鮮拼盤都到，有蠔、有蝦、有鮑魚，仲有蜆，好豐富，最正係唔洗錢，爽呀～～其他配料就有唔同既丸，多款既菜，仲有麵、烏冬同生根，肉類雖然得牛同豬，不過豬係黑毛豬黎，好好食😋食到一半，出去睇埋有咩熟食、壽司同野飲，都幾多款，其實任食火鍋係食唔到咁多野架，差d以為自己去咗食酒店自助餐，嚇死寶寶，甜品都有分糕點同雪糕，連豆腐花都有，唔係講笑，真犀利！我五點鐘左右去食，7點前離座有早鳥優惠，用餐時間有兩個鐘，真係夠曬，最後捧住個肚走，七點前埋單，兩個人加埋一，350蚊有找，呢個價錢，食咗咁多野，真係自己煮都唔得，大家如果係胃食貪心鬼，

今日約左朋友入元朗，搵左好耐唔知食咩好， 見到附近開左鋒哥廚房，就試試新店。 因為我地3點先入餐廳， 原來已經係午市收爐時間，好彩待應姐姐嗱嗱聲幫我入單。 呢度環境好有韓式的感覺, 場地都幾大。 主打火鍋 甜品。 但我地今次係食午市充飢，都唔錯。 前門仲有個電話廳裝飾，幾適合打卡. 一坐低，職員就送兩碗西洋菜湯俾我哋。高質例湯。 （料足，無味精）我哋叫咗一個柱候牛腩飯同埋叉燒粒菠蘿炒飯。牛腩煮得非常入味而且軟腍， 真的不錯。 蘿蔔雖然又大塊又腍，但明顯係後加， 所以無咩味。菠蘿叉燒粒炒飯非常之好味，有鑊氣。 推推推。佢嘅凍奶茶茶味比較重, 奶味比較弱， 所以味道比較薄。 總結鋒哥廚房嘅味道比較溫和而且較健康。今次嘅午餐都唔錯. 元朗附近居民之選.

朋友介紹下黎到元朗嘅鋒哥廚房食生日飯。生日月份黎到風哥廚房有八折優惠! 而家喺facebook仲做緊promotion，可以免費升級😍 我梗係唔會放過佢。。我哋叫咗花雕醉雞鍋，兩個人半隻雞都好夠食。個鍋一嚟到超級香，忍唔住飲咗兩啖湯😋😋 真材實料好好味!😍 而隻雞一啲都唔肥，花雕味重，最令人意外嘅係肉質好嫩滑!贈送的海鮮當中蝦同生蠔都好新鮮!蝦肉好彈牙，另外啲蜆都冇沙。。正!雖然喺出面嘅熟食同壽司種類唔算多，但係主要嘅火鍋配料都幾多選擇! 仲可以拎糖水雪糕甜品蔬菜。。。。 😍😍下次要約多啲朋友，再黎過勁食一餐!

和媽媽去食冬至飯，昨晚去可能太早，人客不多，加上表面看覺得平凡餐廳，但估不到食飯味道好有水準，平民價錢，我們叫了三個餸菜，沒有味精，有一個忘記拍照「苦瓜倉魚」倉魚炸得脆脆，苦瓜爽脆「什菜粉絲煲」大大粒蝦乾，菜又多「豬肝煲」豬肝很新鮮，炒得好香

年近歲晚公司好多嘢做 收工唔想煮飯就出去食 由於閒日夜晚ot完黎 餐廳冇乜人 幾乎包場咁濟坐得好舒服 侍應姐姐仲好好招呼㖭 一坐低已經每人奉上一碗例湯 成個人暖笠笠 例湯有青紅蘿蔔 夠曬味之餘仲冇乜味精椒鹽魷魚 份量唔惹少 炸皮夠脆卜卜 裏裏外外地包住魷魚圈 魷魚夠新鮮爽口鮮味 而且放耐咗 都唔會淋曬 香口惹味送啤酒一流支竹羊腩煲 天寒地凍點少得羊腩煲 餐廳做緊試食價有細份可以選擇 兩個人食就啱啱好 雖然係細份但份量都唔少先講汁料 完全擁有羊腩嘅精華 用嚟撈飯一流羊腩炆得夠淋 而且微騷 食完成個人都暖曬 馬蹄夠爽脆 而且食咗唔熱氣 枝竹索曬羊汁精華正

今日諗住喺屋企附近求其食餐飯 畀我發現咗呢間新開嘅鋒哥廚房 就咁睇個招牌已經好有氣勢 有成兩層樓高第一次嚟見冇乜人 不過場入面好多卡位 裝修十分時尚有風格 一啲都唔似普通茶餐廳兩個人呢都畀咗卡位我哋坐 坐得十分舒服馬拉盞炒通菜 雖然茶餐廳都唔算健康 不過都要食啲菜 通菜夠新鮮煮得爽脆 重點係唔油膩 配埋馬拉盞 好惹味香口 一啲都唔寡蜜桃生炒骨 菠蘿生炒骨就食得多 蜜桃配生炒骨你又食過未呢？ 蜜桃雖然係罐頭貨 不過食落都多汁 而且幾夾生炒骨酸酸甜甜 炸粉唔算厚 冇乜鬆肉粉味 一啖一粒夠過癮奶茶亦係水準之作 香濃醇滑

自從上次入元朗搵朋友遇到有好野食之後，我發覺其實元朗都有好多岩食嘅小菜食，所以今次就去搵下有無呢啲餐廳食。不過由於入元朗時間係中午，所以我就叫咗碟頭飯來食，而用膳嘅餐廳就叫鋒哥廚房。 我係門口見到佢晚上都有小菜食，咁我都覺得佢嘅午餐應該都夠鑊氣嘅，於是就叫咗一客蘿蔔牛腩飯來食。 首先佢來咗碗例湯，係粟米紅蘿蔔湯，夠味好飲。 之後我仲叫咗碟蠔油菜心，啲菜都煮得岩岩好，唔算太過淋。 最後主菜來啦，就係蘿蔔牛腩飯。味道唔錯，個汁拌飯一流，加上蘿蔔都甜甜地，又唔太硬，牛腩亦易入口，真係有一定水準。 呢餐十分滿意

正所謂「冬大過年」，做節都係要同番最親o既屋企人一齊食。剛過去o既冬至，我就同o左兩老幫襯呢間小廚，因為兩老比較傳統想食中式o野，我就鍾情西日多d，而呢間餐廳有小菜之餘仲有鐵板餐、日式咖哩/烏冬，同埋有羊腩/雞煲再搭火鍋，都好多選擇，o岩晒一家大細！板燒豬扒配司華力腸($98，無加一) o既鐵板係傳統有隻牛o個款，感覺份外地道。好大o既一碟，好多意粉，塊扒唔算好厚但揭開就發現俾足一塊零一半，跟住就係司華力腸同埋伴碟o既蔬菜好似粟米、蕃茄仔咁。豬扒算幾腍身，腸仔皮脆好吃，意粉蕃茄味濃，酸酸地令人開胃。阿媽鍾意食豬手，所以點o左一個南乳豬手煲($65)。隨煲附送湯同白飯，同埋下面都有d 蘿蔔墊底。豬手肉質嫩滑，個汁無一般出面食咁濃味，就算畢少少撈飯都唔會覺得特別鹹。我地見到餐廳做緊新張優惠，花膠雞煲同埋沙嗲粉絲海鮮煲原價$98，而家$38 就食到，好似好抵咁，所以都嗌o左一個，一檯限嗌一個o架咋！我地揀o左花膠雞煲，一上檯已經傳出陣陣香氣，雞肉蘸上中式粉漿快抄，好重鑊氣！當然唔少得仲有滑duet duet o既花膠，食落去帶點膏狀o既口感。佢無因為特價就吝嗇俾得o個少少咁，真心誠意可加！我