鋒哥廚房 (已結業)

今日同朋友去到元朗呢度，搵到一間峰哥廚房，原來佢而家除咗小菜之外仲會做煲仔飯同埋火鍋，我同朋友見到價錢都幾吸引，五點至七點仲有特價時段，就即刻去試吓啦。出邊有醬料架、甜品架同埋飲品架，自己鍾意飲乜食乜啲咩調味料，全部由你話事。另外出邊仲可以自己加火鍋材料，包括丸類同菜類等等，夠晒食啊。我最鍾意食嗰粒咖喱丸，裏面辣辣地，啲餡湧出嚟嗰種感覺真係非常好吃。最後喺甜品櫃中發現咗有好美味嘅啫喱同埋豆腐花，啫喱仲係自家製出邊買唔到添，四個人托住肚皮好飽啊，今次真係好滿足呀！