元味壽司刺身專門店

营业中

休息中

老友放工call食飯, 都差不多9點幾. 兩個人一心打算到板長, 點知鬼咁多人, 唔想等, 於是走到元味食. 呢間壽司店係老友介紹嘅. 反正佢差不多生日, 等佢話事啦. 連order都係老友發板, 不過又幾arm口味wor. 三文魚好新鮮, 好甜, 都ok厚吓. (有D離奇, 老友order咗四件, 我只係食一件, 但偏偏我食中件有骨, 仲有兩吋長, 唔通生日真係大D)想食甜蝦刺身, 點知售罄; 試吓牡丹蝦啦, 都好甜, 食物質數唔錯吓.鰻魚手卷就差D, 塊紫菜唔脆lor.overall係唔錯, 俾個笑啦.

一去到..未有位..真係得好少位..d野食真係好新鮮..我第一次食到d咁新鮮既日本野^^好回味我見住佢係箱度拎條大三文魚出黎..都係第一次見..真係好幸運啊^^d三文魚剌身真係好新鮮..所有野同出面食既價錢都差唔多..但質素真係高好多^^兩個人食左$198下次一定會再黎架...

平時行過都會買翻個拼盤返屋企,如果有位就會坐底食.刺身好新鮮,刀功同上碟以呢個價錢黎講十分超值,刺身盛合都只係一百六十,抵讚!!

搬離左灣仔兩年，仍舊愛依條"仔"!「元味」是我心中典型日本漫畫壽司店的化身，星期四午餐時份見到沒人，立即跳入去，止癮先..叫左三文魚+帶子刺身(各一半)，三文魚厚切肥美，帶子size稍少但仍舊回味..稀靈魚賣曬，於是改叫曼魚+劍魚壽司;壽司飯還是賬卜卜，今次飯的醋不太均勻且劍魚不很鮮美，但整體仍然可接受...可是突然老闆煙癮起，在我嚐緊解鮮味的刺身卻給香煙的味蓋上，唯有快快食，這是一次意外.

元味上星期日去完海洋公園一累死人了, 但終究都要吃一點點回家才完滿! 呀sir不先想去峰的, 但不知何故他又突然提議來這裡, 我當然舉腳讚成啦!我對這間小店有一種情意結, 大概是人少少, 較寧靜, 又可以近距離欣賞師傅做壽司, 更可以立刻品嚐師傅的製成品, 彷彿是用小店的價錢就有高級日本料理的享受! 所以比起峰,雖然是沒那麼好吃和多款, 但還是喜歡來這裡多一點。等了半小時左右才有位呀, 很冷呢!但都值得的! 不太餓呀,2人就點了:劍魚刺身: 90元有8塊, 很新鮮, 又厚切, 我們都說很幸福呀壽司點了三文魚, 帶子, 油甘魚, 希靈魚, 都很好吃呢, 第一次吃希靈魚, 不來是那麼的好吃呀!口感很特別!其他的一如平常的水準, 魚很新鮮呀! 不過飯可以細舊D就好了!可以食多D o麻隔離2個女仔(其中有1個的原先以為佢係男仔o黎o架)叫左好多o野, 應該起碼係我地o既2倍, 差唔多所有刺身都俾佢地叫哂, 連象拔蚌都叫埋,個師傅淨係服侍佢地咁滯, 咁大食都有o既, 搞到我好飽都想再叫……吃了好味的麥當勞漢堡飽, 還有幸福劍魚, 真的是好完滿的一天。PS: 回家仲飲左媽媽的湯,,之後嘔了3個鐘…

還記得幾年前,元神在灣仔道連開數間分店的盛世嗎?那是元神門外,夜夜車水馬龍.其大件夾抵食,就是其賣點.水準如何,據身邊朋友的評語,好壞參半.路遙知馬力,近年元神執下一間又一間.到今天執剩一間,反而同系的元味,仍然低調地在德仁街.元神當紅之時一次都無去過,元味就吃得最多.這間以外賣為主的壽司刺身店,只得張小小的吧檯,數個座位供堂食.有時如果"爆棚",索性外賣到附近公園開餐.是夜路過,想起其海膽手卷,心癮又再起,礙於之後附近有飯局,只能吃些少當係止下癮.有如癮君子,夠鐘來一杯美沙酮.甜蝦,三文魚子,海膽墨魚,白玉豚,油螺片,鯨龍魚壽司,再加個海膽手卷.此店的壽司飯,比較大件.酸味適中,質感略略過實,不過來到此店,實在沒可能用正宗日本壽司店的程度看之.油螺片質感偏爽,白玉豚同鯨龍有別,前者質感豐富,後者魚味不重,略嫌"削".海膽墨魚,即係將墨魚切粒,將海膽混合在一起,一石二鳥.如果你不捨得用$50,叫一客海膽壽司的話.海膽手卷長年如是,海膽份量多,多到似吃著黃油蟹.此店的海膽用什麼品種就不得而知.但味道很甘甜.事後還齒甲留香.$50一客略嫌貴,偶一嘗之,亦無不可.反而三文魚子壽司,份量就比較

五時許，同友人路經灣仔，猶言記起大同推介的元味壽司，便坐下嚐嚐。地方不大，店舖只可容納三至四人，是名符其實的小店。先叫了三文魚、帶子、蟹柳壽司，三文魚十三元但塊魚係大得令人難以置信，雖然本人好少食三文魚，但都可以肯定它比以往食的都新鮮；友人就話它沒有『渣』，是高水準。食最愛的帶子，雖然比峰壽司細，不過它的鮮甜把我俘虜了。蟹柳相比下是較普通，較少驚喜。食完就叫了白玉豚、鰻魚、螺肉、雞蛋壽司和鰻魚手卷，雞蛋同別的沒有太大分別，只覺它沒有其他的那麼甜。螺肉係好爽，係試過的最爽脆。鰻魚友人說係最好食的鰻魚，不過我只食了手卷，紫菜食落『拍拍』聲，脆到唔會相信！但就蓋過鰻魚味，不覺有分別。至於白玉豚，食下去，以前睇將太的壽司，唔明什麼叫油脂，今次它教曉我。咬下時，油脂在口中融化，頓時釋出濃郁的香味，它充滿口腔，加上『林林』的，完全是令人停不了手的壽司。友人說開始時以為三文魚已是甲等作品，誰曉得白玉豚是甲等中的甲等，不可不叫的。食完時開始多人，由於店細，可能要早一點會比較好。至於服務態度，都是不俗的。

阿K食完元氣後，聲稱突然醒起灣仔有一間外賣壽司店，係即叫即整，原來呢個就係佢嘅後着。呢間店舖地方細細，得兩個位做堂食。阿K問我食唔食，最多佢請咁話。我食完元氣後，胃納亦已「元氣」大傷，已經食唔落其他嘢。所以阿K滿心歡喜咁點咗立魚、海膽、帶子、赤貝同埋甜蝦壽司。由於我冇親口試過，故以下係由阿K代筆：「呢間舖頭嘅特色係啲壽司夠大件！唔係舊飯大件，而係放喺上面嘅料夠多，而且又新鮮喎：塊立魚嘅size係元氣嗰塊嘅三倍，鮮甜又無筋；海膽填滿壽司表面，好似就嚟滿瀉咁，好鮮甜，好好味呀！帶子大過一個五蚊銀，厚度係五蚊銀嘅兩倍，一咬落去，滿口甜味。赤貝同甜蝦就一般啦，尤其係甜蝦，隻蝦太細哩！」此役共銀一百一十九蚊，以阿K嘅描述，可謂物有所值。在舖面等緊嘅時候有一段小插曲。話說有一對相信係夫婦享用堂食。佢地同壽司師傅閒聊，師傅話見住佢地兩公婆由冇細路仔到宜家個女成五歲咁大，大大話話都幫襯咗超過八年有多。可見街坊式經營富有人情味，唔係大集團式嘅食肆可以比擬。

早前因遲了來，沒有位所以改了地點，今次特別再早點來，店鋪剛剛開門，立刻便坐低叫食物了。因唔算太餓，只叫了少許食物，壽司包括有帆立貝、比目魚、赤貝、鱆紅魚、油金魚，另一客牡丹蝦。因剛有一熟客叫外賣，廚師忙著招呼她和給她做食物，我們坐了很久，才有得食。帆立貝- 雖然都幾好味，但沒有上次那樣新鮮，飯團又做得唔夠實，很容易就散，都唔知係唔係有點心不在焉，有點失望。比目魚- 食得出都幾新鮮，但沒有什麼味道，奇怪。赤貝- 都算幾新鮮，味道也算幾好。鱆紅魚- 一般，沒有什麼鮮味。油金魚- 相信如叫刺身，可能會好一點，味道只是好一般，沒有之前食的好味。是我最喜歡食的一種魚，可惜今次唔多得！牡丹蝦- 看到就知唔多新鮮，好在味道都算幾好，但比較上細隻，而價錢比較上貴，有點唔值。聽到廚師和熟客對話，他們新年後剛開門了兩天，我想可能因新年期間，沒有太多新鮮的食物到，所以唔算新鮮吧！上次食完便間中想再來食，但今次有點失望，再沒有這種想法了。今次廚師太心不在焉，可以說是全無服務可言。

2 December 2005 - 晚飯又黎呢度食嘢，真係阿康同家姐既飯堂，當然我都鍾意，只係成日咁食，真係好貴．．．今次原本係因為有新鮮海膽至黎，點知老細東哥話黎唔到，都係冇得食，好失望但係又照食．．．　=P今次一行八人食咗刺身有：池魚成條（例牌），油甘魚腩，赤貝，鮑魚；壽司有：鰻魚，海膽，帆立貝，鮟鱇魚肝，油甘魚，牡丹蝦，象拔蚌；仲有就係一人一碟蟹籽沙律，同一人一件加州手卷，樣樣都好好味，尤其是鰻魚，鮟鱇魚肝同油甘魚腩，至於活魚刺身，我覺得其實個酸汁係一樣非常重要既環節，東哥呢度算係非常好，我真係食過有啲地方既酸汁怪怪地．．．不過學阿康話齋，呢度一定要打黎book想食咩，至會食到更好既嘢同特別嘢．．．可能係比出面冇咁乾淨，不過我覺得ok!

很同意bon vivant的看法，我們一入去，就看到師正在房內吸煙，當時還有兩個食客在，他看到我們進入，才"係錦二"洗手，之後便切魚生給我們了，看到又真係有點怕怕，好在都沒有肚痛。我們叫了帆立貝刺身、三文魚壽司、鱆紅魚壽司、油金魚壽司、魚安魚康魚肝壽司、比目魚壽司、針魚壽司、鯨龍壽司、牛肉壽司、牡丹蝦刺身和鰻魚飯。帆立貝刺身- 好新鮮好爽，但好像沒有什麼味道，真奇怪。三文魚壽司- 三文魚好大片，新鮮又好味，如何再肥一點相信會更加好味。鱆紅魚壽司- 味道鮮甜，實在無話可說。油金魚壽司- 我的至愛，可惜唔多地方又平又好，這裏相信係例行。(魚安)(魚康)魚肝壽司- 很肥美，又鮮味，但唔知膽固純高唔高呢？比目魚壽司- 比較上淡口，但都好有口感，可以一試。針魚壽司- 幾好味，很有咬口，幾特別。鯨龍壽司- 比較上口，唔多好食。牛肉壽司- denny 話麻麻。牡丹蝦刺身- 蝦肉很鮮甜，但可惜唔夠大隻。鰻魚飯- 鰻魚燒得剛剛好，好好味；飯好唸口，好有口感，唔錯。這裏的食物真係唔錯，價錢又唔貴，如果衛生能夠再好d就更好了。

店主今日推介，由日本來賃原隻連殼的物體(唔知是活赤貝或活象拔蚌)$70隻，相當鮮甜，而且很爽口，正!此店食物味道雖不錯，但衛生方面就唔係好得。老闆收完錢後只是"係錦二"洗手幾下(唔覺佢有用肥皂)，然後在一條放在砧板上的毛巾抹抹後，便切魚生。然而條毛巾是他在每次切完魚生亦會用到的!其實，處理食物的人最好就不要同時擔任收錢。如果真的是逼不得已要同一人做，唔該認真些洗洗手!

好耐無黎啦，因為對於住九龍的我，這裡不近地鐵站，不算就腳，所以好少會特登同朋友黎。我唔知這裡的刺身算不算很好很好，但以這裡的價錢，實在係夠有突囉！如果鍾意食刺身，不妨一試。

這間只有五個堂食坐位的刺身專門店是「比豬」的最愛，他可以為了吃這裡的壽司獨個兒從馬鞍山乘一個小時巴士，特地到這兒吃壽司。元味的價錢很大眾化，但質素很好，真正的大件夾低食呀！帶子裙邊帆立貝刺身(這是我的至至愛呀！真係好鮮甜架！)蟹籽手卷三文魚壽司立魚壽司八爪魚壽司甜蝦壽司劍魚壽司鰻魚壽司三文魚籽壽司(這是「比豬」的最愛)

食左幾年，水準依然無變，都係咁好食。好多時要等多過15分鐘，但係值得，因為佢好有居酒屋feel，好享受佢地係你面前即做壽司，佢d壽司可以握到扇形嫁。每次去到都係食三文魚刺身、半打三文魚壽司同玉子壽司，因為好食夾大件，女友就一定要蟹子壽司，同埋墨魚壽司，再加其他小食都係$150左右。佢d玄米好好飲，壽司又好食，比附近明將、元神、元氣、銀菱都好食，所以先可以做咁耐。以前住得遠，一係外賣去朋友或者網吧食，一係等打風落雨先入去食。宜家住灣仔，拍拖見無人等，就會即刻入去，真係$150 食到我地飽。灣仔拍拖第一推介！